DROPS Super Sale - 30% AFSLÁTTUR á 6 garntegundum í allan júní!

Hvernig á að hekla jarðaber

Video thumbnail for Hvernig á að hekla jarðaber
Í þessu DROPS myndbandi sýnum við hvernig hekla á jarðaber. Við heklum stuðla fram að lykkju þar sem hekla á jarðaberið. Skiptið um lit (rauður) og heklið 7 stuðlar í næstu lykkju, teygið út heklunálina og stingið henni inn í 1. stuðul og lykkju frá síðasta stuðli, skiptið um lit (grænn) og dragið þráðinn í gegnum lykkjuna á 1. stuðli. Stingið heklunálinni í gegnum 1. og 2. stuðul og sækið þráðinn, endurtakið þetta á milli allra stuðlana 6 sinnum alls = 7 lykkjur á heklunálinni, bregðið þræðinum um heklunálina og dragið þráðinn í gegnum allar 7 lykkjurnar. Skiptið um lit (ljós grár) og heklið 1 loftlykkju. Heklið 1 stuðul í hverja af næstu lykkjum að næsta jarðaberi sem á að hekla. Í þessu myndbandi heklum við 3 stuðla í gegnum hvert jarðaber og við heklum í kringum böndin/þræðina sem ekki eru notaðir. Þegar skipta á um lit, er litnum skipt út þegar draga á þráðinn í gegn í lokin.
Við notum garnið DROPS Snow í þessu myndbandi og litli prufu búturinn er heklaður úr DROPS Muskat.

Mynstur þar sem þessi aðferð er notuð

DROPS 152-38

DROPS 152-38
Annað tungumál:

Myndband #1319, skráð í: Hekl myndbönd, Mynstur kennslumyndbönd, Hekluð áferð, Önnur hekl áferð

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Tania skrifaði:

Hello.. I was wondering what to to when you come to the end of the row.. do you go back with grey? And then the colored wires are on the wrong side .? Thanks

23.09.2021 - 19:58

DROPS Design :

Dear Tania, the row from WS is here worked with double crochets (UK-English)/single crochets (US-English), you can work over the yarns both colours or cut them at the end of the row to join them again at the beg of the row. Happy crocheting!

24.09.2021 - 07:54

Country flag Beverly Turner skrifaði:

How many stitches do you chain, to begin?

05.02.2020 - 01:11

DROPS Design :

Dear Mrs Turner, this depends on how you would like the strawberries to be next to each other, in this video there are 3 stitches between each strawberry (= 4 sts). Add some more stitches on each side if necessary. A good idea would be to make a sample and decide how many stitches you need; Happy crocheting!

05.02.2020 - 08:50

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóan sokk með ferköntuðum hæl / Square heel
2:44
Hvernig á að prjóan sokk með ferköntuðum hæl / Square heel

Í þessu DROPS myndbandi sýnum við stuttlega hvernig á að prjóna sokk með ferningahæli. Lykkjurnar efst á fæti eru settar á þráð, lykkjurnar aftan á fæti eru eftir á prjónum og eru prjónaðar í hæl sem fer alveg niður undir fótinn þannig: 1. Prjónaðu fyrst fram og til baka yfir hællykkjur upp að hælhæð, - á þessum hæl fer hæðin alveg niður að miðju undir hæl. 2. Prjónaðu síðan hælinn saman í miðju undir fæti. 3. Prjónið nú aftur hringinn á öllum sokknum með því að prjóna upp lykkjur báðum megin við hælhæðina og prjónið að tá. 4. Þessi hæl myndar örlítið ferkantaðan hæl - þess vegna er þessi tegund af hæl kölluð Ferkantaður hæll / Square heel.
Video thumbnail for Hvernig á að prjóna bókamerki með hjarta og i-cord snúru
19:52
Hvernig á að prjóna bókamerki með hjarta og i-cord snúru

Í þessu DROPS myndbandi sýnum við hvernig við prjónum bókamerki með hjarta, sem meðal annars er notað í bókamerki Storybook Heart í DROPS Extra 0-1651. Við sýnum aðeins af STYKKI 1, hvernig STYKKI 1 og STYKKI 2 er prjónað saman, lykkjur felldar af og við prjónum byrjun á i-cord snúru. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir.
Video thumbnail for Hvernig á að hekla röð með hjörtum
10:03
Hvernig á að hekla röð með hjörtum

Í þessu DROPS myndbandi sýnum við hvernig við heklum röð með hjörtum, sem meðal annars er notað í bókamerki Cupid´s Bookmark (DROPS Extra 0-1650). Við heklum eftir mynsturteikningu A.1. mundu að lesa útskýringu á táknum í texta í útskýringu í uppskrift. Við notum garnið DROPS Snow í myndbandinu.
Video thumbnail for Hvernig á að prjóna hettuhálsklút í DROPS 253-61
20:09
Hvernig á að prjóna hettuhálsklút í DROPS 253-61

Í þessu DROPS myndbandinu höfum við nú þegar prjónað hettuna (stærð L/XL) og höfum sett lykkjurnar á 2 lykkjuhaldara / þráð. Við sýnum fyrst hvernig við prjónum upp lykkjur í kringum hettuna og prjónum i-cord affellingu þar til 2 lykkjur eru eftir á prjóni. Þessar 2 lykkjur eru settar á annan lykkjuhaldara / þráð, en það eru prjónaðar upp 2 lykkjur í hinni hliðinni sem eru settar á hinn lykkjuhaldarann / þráð. Lesið I-CORD AFFELLING í uppskriftinni. Það eru eftir 2 lykkjur á prjóni þegar kanturinn hefur verið prjónaður til loka, klippið þráðinn og setjið 2 lykkjur á lykkjuhaldara / þráð. Takið upp 2 nýjar lykkjur í hinni hliðinni á hettunni og setjið þær á lykkjuhaldara / þráð. Setjið lykkjurnar frá hinum lykkjuhaldaranum / þræðinum yfir á prjóninn. Síðan sýnum við hvernig við fitjum upp lykkjur fyrir hægri hluta á hálsklútnum, prjónum 1 umferð áður en hálsklúturinn er prjónaður saman með hettunni með byrjun fyrir miðju að aftan. Jafnframt eru prjónaðar i-cord kantlykkjur og stroffprjón í perluprjóni. Lesið nánari útskýringu í uppskrift í útskýringu á I-CORD AFFELLING, 2 I-CORD KANTLYKKJUR, stroffprjón í perluprjóni og hvernig prjóna á hálsklútinn saman við hettuna. Þegar allar lykkjur hafa verið prjónaðar upp frá hettunni (50 prjónaðar umferðir), þá eru eftir 2 lykkjur á lykkjuhaldara / þræði (í myndbandinu eru þær settar á prjóninn), prjónið þessar 2 lykkjur slétt (í stærð S/M eru 3 lykkjur settar aftur á þráðinn, prjónið 1 lykkju slétt og 2 síðustu lykkjurnar slétt saman). Eftir þetta er prjónuð 1 umferð frá röngu þar sem prjónaðar eru 2 i-cord kantlykkjur, 2 lykkjur brugðið saman, eftir það stroffprjón í perluprjóni þar til 3 lykkjur eru eftir, þá er prjónuð 1 lykkja brugðið og endað með 2 i-cord kantlykkjur. Fylgið útskýringu í uppskrift hvernig fella á af þeim lykkjum sem eftir eru í hægri hluta á hálsklút. Við sýnum 1. umferð (frá réttu) af 8 fyrstu umferðum, þá sýnum við 1. umferð með úrtöku (frá réttu). Prjónið síðan vinstri hluta á hálsklút. Eftir það er uppfitjunarkanturinn á hægri hluta og vinstri hluta á hálsklútnum saumaður saman fyrir miðju að aftan með lykkjuspori. Við notum garnið DROPS Daisy og DROPS Kid-Silk í myndbandinu, sama liti og prjónastærð eins og stendur í uppskrift.
Video thumbnail for Hvernig á að prjóna peysu í DROPS 248-5 - Hluti 4
8:39
Hvernig á að prjóna peysu í DROPS 248-5 - Hluti 4

Í þessu DROPS myndbandi sýnum við aðeins hvernig ermi í Sand Diamond Cardigan er prjónuð. Við notum lykkjufjöldann fyrir stærð M. Lesið í uppskriftinni hversu margar lykkjur þarf að prjóna upp undir ermi í handvegi, hvort og hversu oft á að fækka lykkjum, skipting um grófleika á prjóni og lengd á stroffi. Saumið tölur í. Kantur að framan af hvoru framstykkinu er saumaður saman = mitt að aftan, saumið síðan kantinn við lykkjurnar í kringum hálsmál, herðið aðeins á kantinum þegar saumað er niður. Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.
Video thumbnail for Hvernig á að prjóna peysu í DROPS 248-5 - Hluti 3
12:49
Hvernig á að prjóna peysu í DROPS 248-5 - Hluti 3

Í þessu DROPS myndbandi sýnum við aðeins hvernig Sand Diamond Cardigan er prjónuð. Við notum lykkjufjöldann fyrir stærð M. Við höfum nú þegar prjónað kanta að framan með i-cord kanti, prjónað smá af mynsturteikningu A.1, A.2, A.3 og A.4 (sjá myndband Hluti 1) og prjónað berustykkið fram að skiptingu fyrir fram- og bakstykki og ermar (sjá myndband Hluti 2). Við byrjum myndbandið á að prjóna umferðina þar sem við skiptum stykkinu fyrir fram- og bakstykki og ermar (frá réttu). Lesið SKIPTING FYRIR FRAM- OG BAKSTYKKI OG ERMAR – ALLAR STÆRÐIR í uppskriftinni. Í stærð M á að vera 235 lykkjur fyrir fram- og bakstykki og 56 lykkjur fyrir hvora ermi. Eftir það er prjónað frá röngu og prjónað er eftir 2. umferð í mynsturteikningu þannig: * Prjónið 7 kantlykkjur að framan eins og áður, A.6, A.3 þar til 12 lykkjur eru eftir, prjónið A.5 og 7 kantlykkjur að framan eins og áður. Prjónið mynsturteikningu 1 sinni á hæðina. Eftir það eru 7 kantlykkjur að framan prjónaðar eins og áður, prjónið A.7, A.3 þar til 18 lykkjur eru eftir, prjónið A.8 og 7 kantlykkjur að framan eins og áður. Prjónið mynsturteikningu 1 sinni á hæðina *. Prjónið frá *-* að uppgefnu máli í uppskrift, stillið af eftir heila mynstureiningu af A.3 á hæðina. Munið eftir HNAPPAGAT. Skiptið um grófleika á prjóni, prjónið stroff og aukið út lykkjur, áfram eru 7 kantlykkjur prjónaðar í hvorri hlið eins og áður, lesið uppskrift. Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.