DROPS Super Sale - 6 vinsælar garntegundir á afslætti allan mánuðinn!

Hvernig á að hekla saman ferninga í DROPS 117-35

Video thumbnail for Hvernig á að hekla saman ferninga í DROPS 117-35
Í þessu DROPS myndbandi sýnum við hvernig við heklum saman ferninga í sjalinu Sea of Stars í DROPS 117-35. Við höfum nú þegar heklað eina röð með 4 ferningum og byrjum myndbandið á að gera nýjan ferning sem á að hekla saman við hina 4 ferningana (= ein röð með 5 ferningum). Í ca miðju myndbandi sýnum við hvernig við heklum saman 2 ferninga með röð með 5 ferningum (við höfum nú þegar heklað UMFERÐ 1 á ferningnum). Þetta sjal er heklað úr DROPS Classic Alpaca og DROPS Merino Extra Fine, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú finnur mynstrið með því að smella á myndina að neðan.
Annað tungumál:

Myndband #728, skráð í: Frágangur myndbönd, Mynstur kennslumyndbönd, Heklað saman, Heklmynstur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að hekla ferning í DROPS 117-35
5:33
Hvernig á að hekla ferning í DROPS 117-35

Í þessu DROPS myndbandi sýnum við hvernig við heklum ferning sem er í sjalinu Sea of Stars í DROPS 117-35 (1 RÖÐ MEÐ FERNINGUM = 10 ferningar). Heklið 8 loftlykkjur og tengið saman í hring með 1 keðjulykkju í 1. loftlykkju. UMFERÐ 1 (grænn): 3 loftlykkjur, 1 stuðull í hringinn, 1 loftlykkja, 2 stuðlar um hringinn, * 3 loftlykkjur, 2 stuðlar um hringinn, 1 loftlykkja, 2 stuðlar um hringinn *, endurtakið frá *-* alls 3 sinnum og endið á 3 loftlykkjum og 1 keðjulykkju í 3 loftlykkju frá byrjun umferðar, snúið við. UMFERÐ 2 (vínrauður): 3 loftlykkjur, 1 stuðull um fyrsta loftlykkjuboga, 12 loftlykkjur, 2 stuðlar um sama loftlykkjuboga, * 1 loftlykkja, 1 stuðull um næstu loftlykkju, 8 loftlykkjur, 1 stuðull um sömu loftlykkju, 1 loftlykkja, 2 stuðlar um næsta loftlykkjuboga, 12 loftlykkjur, 2 stuðlar um sama loftlykkjuboga *, endurtakið frá *-* alls 3 sinnum, 1 loftlykkja, 1 stuðull um næstu loftlykkju, 8 loftlykkjur, 1 stuðull um sömu loftlykkju, 1 loftlykkja, endið á 1 keðjulykkju í 3. loftlykkju frá byrjun umferðar. Þetta sjal er heklað úr DROPS Classic Alpaca og DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla ferninga saman með loftlykkjum og fastalykkjum
8:14
Hvernig á að hekla ferninga saman með loftlykkjum og fastalykkjum

Í þessu DROPS myndbandi sýnum við hvernig við heklum saman ferninga með loftlykkjum og fastalykkjum. Leggið 2 ferninga saman með röngu að röngu og heklið í gegnum bæði lögin þannig: 1 fastalykkja utan um loftlykkjur í horni, * 4 loftlykkjur, hoppið yfir 3 stuðla (= stuðlahópur) og heklið 1 fastalykkju á milli 2 stuðlahópa, * heklið frá *-* fram til og með horninu, heklið 1 loftlykkju (skipting í næstu 2 ferninga), heklið 1 fastalykkju utan um hornið á næstu 2 ferningum. Heklið frá *-* þar til allir ferningarnir í umferðinni hafa verið heklaðir saman. Klippið þráðinn og heklið síðan ferningana saman þvert yfir á sama hátt. Við notum garnið DROPS Paris í myndbandinu. Þessi aðferð er notuð í mörgum af mynstrunum okkar – þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla ferninga saman með keðjulykkjum
6:46
Hvernig á að hekla ferninga saman með keðjulykkjum

Í þessu DROPS myndbandi sýnum við hvernig hægt er að hekla ferninga saman með keðjulykkjum. Heklið ferningana saman með því að hekla í ystu lykkjubogana í hverjum ferningi. Passið uppá að keðjulykkjurnar verði ekki stífar. Við notum garnið DROPS Paris í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla blúndukant við stykki með gatamynstri
4:46
Hvernig á að hekla blúndukant við stykki með gatamynstri

Í þessu DROPS myndbandi sýnum við hvernig við heklum niður blúndukant á stykki. Heklið frá röngu, festið þráðinn með fastalykkju um úrtöku í gatamynstri, færið heklunálina í gegnum stykkið (frá röngu að réttu – þráðurinn stoppar frá röngu), færið heklunálina áfram á milli 2 ystu stuðlana á blúndukanti og til baka að röngu á stykki, bregðið þræðinum um heklunálina og dragið þráðinn í gegnum lykkjurnar á heklunálinni þannig að blúndukanturinn verði fastur við stykki *, heklið 8 loftlykkjur (frá röngu á stykki), hoppið að næstu úrtöku á stykki, færið heklunálina í gegnum stykkið frá röngu að réttu (þráðurinn stoppar frá röngu), færið heklunálina á milli 6. og 7. stuðul á eftir síðasta skipti sem blúndukanturinn var festur á stykkið og til baka að röngu, bregðið þræðinum um heklunálina og dragið þráðinn í gegnum lykkjurnar á heklunálinni þannig að blúndukanturinn verði fastur við stykkið *, endurtakið frá *-*. Það er mikilvægt að saumurinn verði ekki stífur, þá kemur stykkið til með að missa teygjanlekann. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir og e.t.v. mynsturteikningu. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla saman hárband
3:31
Hvernig á að hekla saman hárband

Í þessu DROPS myndbandi sýnum við hvernig við heklum saman uppfitjunarkant og affellingarkant með umferð með fastalykkjum sem er gert í hárbandinu DROPS 209-13 og 209-14. Við notum garnið DROPS Merino Extra Fine í myndbandinu, sama garn og er notað í DROPS 209-14. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla 2 stykki saman
2:45
Hvernig á að hekla 2 stykki saman

Í þessu DROPS myndbandi sýnum við hvernig við heklum 2 stykki saman. Þessi aðferð er m.a. notuð við axlasaum í stað þess að lykkja saman. Við notum garnið DROPS Snow í myndbandinu.