Hringlaga berustykki - sýnt á líkama við mátun

Í þessu DROPS myndbandi gefum við ykkur stutta yfirsýn yfir hvernig flík með hringlaga berustykki mun sitja á líkamanum við mátun og hvar útaukningar-/úrtökulínur eru staðsettar.

STUTT YFIRLIT MEÐ VERKLÝSINGU:
Verkið er hægt að prjóna/hekla ofan frá og niður eða neðan frá og upp og oft án þess að þörf sé á að sauma það saman í lokin.

OFAN FRÁ OG NIÐUR:
Berustykkið er prjónað/heklað yfir allar lykkjur. Útaukning sem gefur breidd á fram- og bakstykki og ermum er hægt að gera á nokkra vegu, til dæmis þannig: Aukið út samkvæmt mynsturteikningu sem sýnir hvar öll útaukning á sér stað, eða aukið út lykkjum jafnt yfir á ákveðnum stöðum með nokkurra cm millibili á milli hverra útaukningarumferða. Þegar berustykkið er tilbúið er haldið áfram með fram- og bakstykki og ermar til loka áfram niður. Hægt er að prjóna hálsmálið annað hvort til að byrja með eða í lokin.

NEÐAN FRÁ OG UPP:
Byrjað er á að prjóna/hekla fram- og bakstykki og ermar hvert fyrir sig að byrjun á berustykki. Síðan er berustykkið prjónað/heklað bæði yfir fram- og bakstykki og ermar, á meðan lykkjum er fækkað. Hægt er að gera úrtöku á nokkra vegu, til dæmis þannig: Fækkið lykkjum samkvæmt mynsturteikningu sem sýnir hvar öll úrtaka á sér stað, eða fækkið lykkjum jafnt yfir á ákveðnum stöðum með nokkurra cm millibili á milli hverra úrtökuumferða. Þegar berustykkið er tilbúið er hálsmálið prjónað.