DROPS Alpaca Party - 13 tegundir af alpakka garni á afslætti í allan október!

Kennslumyndbönd

Flokkar
Myndbönd: 1745
7:36
Hvernig á að hekla stroff lóðrétt

Í þessu DROPS myndbandi sýnum við hvernig við heklum teygjanlegt stroff. Heklið loftlykkjuband að óskaðri vídd, fjöldinn þarf að vera deilanlegur með 2. UMFERÐ 1: Heklið 1 stuðul í 3. loftlykkju frá heklunálinni, síðan 1 stuðul í hverja loftlykkju í umferð. UMFERÐ 2: Heklið 2 loftlykkjur, * 1 stuðul í næsta stuðul að framan, 1 stuðul í næsta stuðul að aftan, endurtakið frá *-* út umferðina, 1 hálfur stuðull í síðustu lykkju. UMFERÐ 3: Heklið 2 loftlykkjur, * 1 stuðull í næsta stuðul að aftan, 1 stuðull í næsta stuðul að framan, endurtakið frá *-* út umferð, 1 hálfur stuðull í síðustu l. Endurtakið umferð 2-3 fyrir stroff.
14:25
Hvernig á að hekla Catherine hjólamynstur

Í þessu DROPS myndbandi sýnum við hvernig við heklum Catherine hjólamynstur. Þegar þú heklar þetta mynstur eins og við gerum í þessu myndbandi, þá byrjar þú með fjölda loftlykkja sem er deilanlegur með 10 + 2. Í mynna stykkinu okkar þá byrjum við með 22 loftlykkjur. UMFERÐ 1: Byrjið í 2. loftlykkju frá heklunálinni og heklið 2 fastalykkjur, * hoppið yfir 3 loftlykkjur, 7 stuðlar í næstu loftlykkju, hoppið yfir 3 loftlykkjur, 1 fastalykkja í næstu 3 loftlykkjur, endurtakið frá * og endið á 1 fastalykkju í síðustu 2 loftlykkjur í umferð og þegar þráðurinn er dreginn í gegn í lokin er skipt um lit. Snúið við. UMFERÐ 2: Heklið 3 loftlykkjur upp frá 1. fastalykkju, heklið stuðul í næstu 3 loftlykkjur og bíðið með að draga þráðinn í gegn í lokin í hverjum stuðli, dragið síðan þráðinn í gegnum allar lykkjur og heklið 1 loftlykkju til þess að halda saman, 3 loftlykkjur, 3 fastalykkjur, 3 loftlykkjur, * heklið stuðla í næstu 7 lykkjur og bíðið með að draga þráðinn í gegnum hvern stuðul, dragið síðan þráðinn í gegnum allar 8 lykkjurnar á heklunálinni, heklið 1 loftlykkju til þess að halda saman, 3 loftlykkjur, 3 fastalykkjur, 3 loftlykkjur, endurtakið frá *, heklið stuðla í síðustu 4 lykkjur og bíðið með að draga þráðinn í gegnum hvern stuðul, dragið síðan þráðinn í gegnum allar 5 lykkjur á heklunálinni, heklið 1 loftlykkju til þess að halda saman. Snúið. UMFERÐ 3: Heklið 3 loftlykkjur, 3 stuðlar í loftlykkjugatið frá fyrri umferð, fastalykkja í næstu 3 fastalykkjur frá fyrri umferð, * 7 stuðlar í næsta gat, fastalykkja í næstu 3 fastalykkjur, endurtakið frá *, 4 stuðlar í síðasta gatið og þegar þráðurinn er dreginn í gegn í lokin er skipt um lit. Snúið við. UMFERÐ 4: Heklið 1 loftlykkju, 1 fastalykkja í 1. og 2. stuðul. * 3 loftlykkjur, heklið stuðla í næstu 7 lykkjur og bíðið með að draga þráðinn í gegn í lokin í hverjum stuðli, dragið síðan þráðinn í gegnum allar 8 lykkjur á heklunálinni, heklið 1 loftlykkju til þess að halda saman, 3 loftlykkjur, 3 fastalykkjur , endurtakið frá *, endið á fastalykkju í síðustu 2 lykkjur. Snúið við. UMFERÐ 5: Heklið 1 loftlykkju, fastalykkja í 1. og 2. stuðul, * 7 stuðla í næsta gat, 3 fastalykkjur, endurtakið frá *, endið á fastalykkju í síðustu 2 lykkjur í umferð og þegar draga á þráðinn í gegn í lokin er skipt um lit. Snúið við. Endurtakið umf 2-5.
12:16
Hvernig á að hekla krókódílamynstur

Í þessu DROPS myndbandi sýnum við hvernig við heklum krókódílamynstur. Heklið ákveðin fjölda loftlykkja, fjöldinn á að vera deilanlegur með 6 + 4, í sýnishorninu okkar höfum við heklað 16 loftlykkjur. Heklið allar umferðir frá réttu án þess að snúa stykkinu við í lok hverrar umferðar. UMFERÐ 1: Heklið 1 stuðul í 4. loftlykkju, * 2 loftlykkjur, hoppið yfir 2 loftlykkjur, 2 stuðlar í næstu loftlykkju, endurtakið frá * út umferðina. UMFERÐ 2: Heklið 3 loftlykkjur, 4 stuðlar niður í kringum 1. stuðul, 1 loftlykkja, 5 stuðlar upp í kringum næsta stuðul, * 1 loftlykkja, hoppið yfir næsta par með 2 stuðlum, 5 stuðlar niður í kringum næsta stuðul, 1 loftlykkja, 5 stuðlar upp í kringum næsta stuðul, endurtakið frá * út umferðina. UMFERÐ 3: Heklið 1 keðjulykkju í miðjuna á síðu skel, 3 loftlykkjur, 1 stuðlar í sama gat, * 2 loftlykkjur, 2 stuðlar á milli næsta pars með 2 stuðlum og heklið í kringum bæði stykkin, 2 loftlykkjur, 2 stuðlar í miðju á næstu skel, endurtakið frá * út umferðina. UMFERÐ 4: Heklið 1 loftlykkju, hoppið yfir 1 stuðul, * 5 stuðlar niður í kringum næsta stuðul, 1 loftlykkja, 5 stuðlar upp í kringum næsta stuðul, 1 loftlykkja, hoppið yfir næsta par með 2 stuðlum, endurtakið frá * út umferðina, endið á einni keðjulykkju á milli síðustu 2 stuðlum í umferð. UMFERÐ 5: Heklið 3 loftlykkjur, 1 stuðull í 1. lykkju, * 2 loftlykkjur, 2 stuðlar í miðju á næstu skel, 2 loftlykkjur, 2 stuðlar á milli næsta pars með 2 stuðlumog heklið í kringum bæði stykkin, endurtakið frá * út umferðina. Endurtakið umferð 2-5.
4:34
Hvernig á að hekla vefnaðarmynstur

Í þessu DROPS myndbandi sýnum við hvernig við heklum vefnaðarmynstur. Við sýnum mynstur með áferð sem er fallegt að nota til skrauts á mörgum verkefnum með hekli. Byrjið á að hekla loftlykkjuband með sléttum fjölda loftlykkja. Heklið 1 fastalykkju í 2. loftlykkju frá heklunálinni, heklið * 1 loftlykkju, hoppið yfir 1 loftlykkju á loftlykkjubandinu, heklið 1 fastalykkju í næstu loftlykkju, endurtakið frá *-* út umferðina, snúið við. UMFERÐ 1: Heklið 1 loftlykkju, hoppið yfir 1. fastalykkju, heklið * 1 fastalykkju í loftlykkjubogann, 1 loftlykkja, hoppið yfir 1 fastalykkju, endurtakið frá * út umferðina, endið umferðina á 1 fastalykkju í 1. loftlykkju frá byrjun fyrri umferðar, snúið við. Endurtakið umferð 1 fyrir mynstur. Gott er að þegar haldið er áfram að stinga alltaf heklunálinni á milli lykkja, sem líta út eins og v frá fyrri umferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:27
Hvernig á að hekla Royal randar - mynstur

Í þessu DROPS myndbandi sýnum við hvernig við heklum Royal randar - mynstur. Við sýnum tvöfalda heklaða randar - áferð sem hægt er að nota í mörg heklverkefni. Flott fyrir pottaleppa, hálsklúta og önnur stykki sem þurfa líka að hafa fallega bakhlið. Í þessu DROPS myndbandi sýnum við hvernig við gerum þetta. Við höfum nú þegar heklað loftlykkjuband með oddatölu fjölda lykkja, snúið stykkinu og heklið 1 hálfan stuðul í 3. loftlykkju frá heklunálinni og þar eftir 1 hálfan stuðul í hverja loftlykkju. Myndbandið byrjar á þegar 2 hálfir stuðlar eru eftir í umferð. Heklið 1 hálfan stuðul í hvorn af þeim 2 hálfu stuðlum sem eftir eru í umferð, snúið við. Umferð 1: Heklið 2 loftlykkjur, heklið hálfan stuðul í hvern hálfan stuðul, en í stað þess að hekla eins og venjulega (efst) í gegnum 2 lykkjur efst í lykkju, þá er heklað í gegnum lykkjuna fyrir neðan efstu 2 lykkjur, endið umferð á 1 hálfum stuðli í loftlykkju frá byrjun fyrri umferðar. Endurtakið umferð 1 til þess að mynda Royal randar - mynstur.
8:57
Hvernig á að hekla A.1 í DROPS 162-19

Í þessu DROPS myndbandi sýnum við hvernig við heklum eftir mynsturteikningu A.1 í stuttbuxunum Elly May í DROPS 162-19. Við höfum nú þegar heklað nokkrar umferðir svo að mynstrið sjáist betur. Heklið 3 loftlykkjur (koma í stað 1. stuðuls), 2 stuðlar, A.1, * 5 stuðlar, A.1 *, endurtakið frá *-* þar til 2 fastalykkjur eru eftir, 2 stuðlar og endið umferð á 1 keðjulykkju í 3. loftlykkju frá byrjun umferðar. Þessar stuttbuxur eru heklaðar úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:01
Hvernig á að hekla spíralmynstur með röndum í DROPS 156-6

Í þessu DROPS myndbandi sýnum við hvernig við heklum spíralmynstur með röndum með fastalykkjum og stuðlum í pilsi í DROPS 156-6. Við höfum nú þegar heklað 5 raðir með 33 fastalykkjum og tengt stykkið saman með 1 keðjulykkju þannig að þegar við byrjum myndbandið þá heklum við í hring. * Heklið 1 fastalykkju í aftari lykkjubogann í hverri af næstu 7 lykkjum, 1 stuðull í fremri lykkjubogann á lykkju frá 2 umferð undir næstu lykkju *, endurtakið frá *-* umferðina hringinn. Mynstrið nær yfir 8 lykkju og lykkjufjöldinn er deilanlegur með 8 + 1. Heklið síðan hringinn án þess að enda umferðina, með þessu þá kemur mynstrið sjálfkrafa til með að færast til um 1 lykkju í hverri umferð og myndar þannig spíralmynstur. Þetta pils er heklað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:31
Hvernig á að hekla einfalt gatamynstur eftir mynsturteikningu

Í þessu DROPS myndbandi sýnum við hvernig við heklum einfalt gatamynstur samkvæmt mynsturteikningu. Við höfum nú þegar heklað eina umferð með stuðlum. Við endurtökum mynsturteikningu 6 sinnum á breiddina með 1 stuðli/3 loftlykkjum í hvorri hlið. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:10
Hvernig á að hekla bakstykki, framstykki og ermar á eftir berustykki

Í þessu DROPS myndbandi sýnum við hvernig þú heldur áfram með bak, framstykki og ermar eftir að berustykki hefur verið heklað. Í myndbandinu heklum við þannig: stuðla yfir vinstra framstykki, 4 loftlykkjur = undir ermi, stuðla yfir bakstykki, 4 loftlykkjur = undir ermi og endum með stuðla yfir hægra framstykki. Í seinni röðinni sýnum við hvernig þú heklar stuðla um loftlykkjur undir hvorri ermi. Að lokum sýnum við hvernig þú heklar í kringum handveginn til að byrja á ermi þar sem heklað er ofan frá og niður. Þetta er hefðbundin aðferð. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan. Til að sjá hvernig auka á út með aðstoð prjónamerkja í hringlaga berustykki sjá: Hvernig á að hekla berustykki í hring: aukið út hægra/vinstra megin við hvert prjónamerki
3:50
Hvernig á að hekla fram og til baka með 2 litum

Í þessu DROPS myndbandi sýnum við hvernig við heklum fram og til baka með 2 litum. Heklið lítil form, lóðréttar línur, doppur, bókstafi .... Þegar heklað er með 2 litum fram og til baka og báðir þræðirnir eiga að fylgja með er hægt að hekla í kringum þráðinn sem ekki er notaður. Þegar hekluð er síðasta lykkja með litnum, bíðið með að draga þráðinn í gegn í lokin og dragið þráðinn með nýja litnum í gegn. Hægt er að láta litinn fylgja með og hekla utan um hann eins lengi og þörf er á og þegar komið er að því að skipta, þá er liturinn sóttur þegar draga á þráðinn í gegn í síðasta sinn og haldið er áfram með nýja litnum, sá fyrri er látinn fylgja með. Athugið - ef einn litur eða fleiri eru látnir fylgja með þá verður stykkið mun þykkara en ef heklað er með einum lit. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:31
Hvernig á að hekla mynstur

Í þessu DROPS myndbandi sýnum við hvernig er hægt að hekla mynstur í stykki með því að nota marga liti. Notið aðskildar dokkur fyrir hvert litasvæði. Þegar hekluð er síðasta lykkja með lit, bíðið með að draga þráðinn í gegn í lokin og dragið þráðinn í gegnum lykkju með næsta lit sem á að nota. Þegar skipt er um lit passið einnig uppá að vefja litunum / þráðunum utan um hvorn annan og herðið aðeins, þannig er hægt að koma í veg fyrir að það myndist göt.
8:32
Hvernig á að hekla með mörgum litum

Í þessu DROPS myndbandi sýnum við hvernig við heklum með mörgum litum. Þegar heklað er með mörgum litum eru margar dokkur í notkun í einu, hver litur í hverri dokku. Þegar síðasta lykkjan er hekluð með litum sem á að geyma, bíðið með að draga þráðinn í gegn í lokin og dragið þráðinn í gegn með næsta lit sem á að nota. Mikilvægt er að skipuleggja vel næstu umferð strax þegar byrjað er á nýrri umferð, svo að þráðurinn fylgi með þangað sem á að nota hann í næstu umferð. Í myndbandinu sýnum við að bleiki þráðurinn er notaður frá byrjun í næstu umferð, þegar lokið er við að hekla með bleika þræðinum í þessari umferð og heklað er áfram með grænum þræði, heklið þá utan um bleika þráðinn þannig að hann fylgi með alla leið út að enda. Þegar skipt er um lit passið uppá að snúa litunum / þráðunum utan um hvorn annan og herðið aðeins, þannig er komið í veg fyrir göt á milli litaskiptinga. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:12
Hvernig á að hekla rendur með 2 litum

Í þessu DROPS myndbandi sýnum við hvernig við heklum rendur með 2 litum. Þegar rendur eru heklaðar með tveimur litum fram og til baka þá skrifum við stundum að lykkjan sé látin bíða í lok umferðar síðan er næsta umferð hekluð frá hlið þar sem þráðurinn var geymdur frá fyrri umferð. Þetta er falleg aðferð sem hægt er að nota og þá þarf ekki að klippa endana né ganga frá mörgum endum í lokin. Fylgja þarf uppskrift til þess að geta fylgt myndbandinu eftir. .
4:27
Hvernig á að hekla rendur í hring

Í þessu DROPS myndbandi sýnum við hvernig við heklum rendur í hring og skiptum um lit. Að skipta um lit þegar heklað er í hring: Þegar hekluð er keðjulykkja í lok umferðar, sækið nýja litinn þegar þráðurinn er dreginn í gegn í lokin og dragið nýja litinn í gegn. Haldið áfram með nýja litinn. Hægt er að festa endann frá litaskiptunum með því að hekla endann inn með stykkinu áður en klippt er frá (heklið með nýja litnum utan um þráðarendann). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:26
Hvernig á að hekla með 2 litum í hring

Í þessu DROPS myndbandi sýnum við hvernig við heklum með 2 litum í hring. Þegar þú heklar með 2 litum í hring og vilt að báðir þræðirnir fylgi með, þá getur þú heklað í kringum þráðinn sem ekki er notaður. Þegar hekluð er síðasta lykkja með litnum, bíðið með að draga þráðinn í gegn í lokin og dragið þráðinn með nýja litnum í gegn. Hægt er að láta litinn fylgja með og hekla utan um hann eins lengi og þörf er á og þegar komið er að því að skipta, þá er liturinn sóttur þegar draga á þráðinn í gegn í síðasta sinn og haldið er áfram með nýja litnum, sá fyrri er látinn fylgja með. Athugið - ef einn litur eða fleiri eru látnir fylgja með þá verður stykkið mun þykkara en ef heklað er með einum lit. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:43
Hvernig á að byrja hekl með stuðli og nýjum lit

Í þessu DROPS myndbandi sýnum við hvernig við byrjum að hekla nýjan hring með stuðlum og nýjum lit. Með þessu kemur þráðarendinn til með að vera efst á lykkjunni og þannig er hægt að hekla utan um hann í næstu umferð. Jafnvel þó að skipt sé um lit í hverri umferð þá er hægt að fækka þráðarendum sem þarf að festa í lokin. Gerið 1 rennilykkju (upphafslykkju) + bregðið þræðinum um heklunálina, stingið heklunálinni í síðustu lykkju frá fyrri umferð, bregðið þræðinum um heklunálina og dragið þráðinn í gegn, bregðið þræðinum um heklunálina og dragið í gegnum 2 lykkjur, bregðið þræðinum um heklunálina og dragið þráðinn í gegnum 2 síðustu lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:17
Hvernig á að hekla í hring með fastalykkjum og 2 litum

Í þessu DROPS myndbandi sýnum við hvernig hægt er að hekla í hring með fastalykkjum og með 2 litum. Þegar þú heklar er í hring með 2 litum og langar til að láta báða þræðina fylgja með, þá getur þú heklað utan um þráðinn sem þú ætlar ekki að vinna með. Þegar þú heklar síðustu lykkjuna, bíður þú með að draga þráðinn í gegn í lokin, skiptir um lit og dregur þráðinn í gegn í lokin með nýja litnum. Þú getur látið litinn fylgja með hringinn með því að hekla utan um hann eins lengi og þú vilt og þegar þú átt að skipta um lit, þá notar þú hinn litinn þegar draga á þráðinn í gegn í lokin og heldur áfram með nýja litnum og heklar utan um þann lit sem þú ætlar að hvíla. Mundu – þegar margir litir eru látnir fylgja með þá verður efnið þykkara en þegar þú vinnur með einum þræði. Í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:25
Hvernig á að hekla stuðla með 2 litum og litaskiptum

Í þessu DROPS myndbandi sýnum við hvernig við heklum með 2 litum. Þegar heklað er með tveimur litum er þráðurinn sem ekki er heklað með látinn liggja YFIR lykkjurnar frá fyrri umferð (ekki aftan við) og heklað er utan um þráðinn þannig að hann sé falinn innan í lykkjunum, þráðurinn fylgir þar með áfram hringinn. Þegar skipta á um lit er heklað þannig: Heklið síðasta stuðulinn með fyrsta litnum, en bíðið með að draga þráðinn í gegn í lokin, skiptið yfir í næsta lit og dragið þráðinn í gegn með nýja litum í lokin, heklið næsta stuðul. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:02
Hvernig á að hekla í hring með stuðlum

Í þessu DROPS myndbandi sýnum við hvernig við heklum í hring með stuðlum. Þegar heklað er í hring með stuðlum þá byrjar ný umferð á 3 loftlykkjum sem koma í stað fyrsta stuðuls í þessari umferð. Endið hverja umferð á 1 keðjulykkju í 3. loftlykkju í byrjun umferðar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:11
Hvernig á að hekla í hring með fastalykkjum

Í þessu DROPS myndbandi sýnum við hvernig við heklum í hring með fastalykkjum. Þegar heklað er í hring með fastalykkjum, byrjar hver umferð með 1 loftlykkju sem kemur í stað fyrstu fastalykkju í næstu umferð. Til þess að merkja byrjun umferð er gott að nota auka þráð til þess að merkja fyrstu lykkju í umferð. Endið hverja umferð á 1 keðjulykkju í loftlykkju í byrjun umferðar. Passið uppá að hekla ekki í fastalykkju þar sem loftlykkja var hekluð. Færið merkiþráðinn upp í hverri umferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:26
Hvernig á að hekla fastalykkjur í hring

Í þessu DROPS myndbandi sýnum við hvernig við heklum fastalykkjur í hring. Byrjið á að hekla loftlykkjusnúru, tengið í hring með 1 keðjulykkju í fyrstu loftlykkju. Heklið 1 loftlykkju og haldið áfram með 1 fastalykkju í hverja loftlykkju. Eftir síðustu fastalykkju í hverri umferð er hekluð 1 keðjulykkja í fyrstu fastalykkju í umferð. Heklið 1 loftlykkju og haldið áfram hringinn með 1 fastalykkju í hverja fastalykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:45
Hvernig á að hekla í hring án þess að enda umferðina

Í þessu DROPS myndbandi sýnum við hvernig hægt er að hekla í hring án þess að enda umferðina. Við höfum nú þegar heklað loftlykkjuröð og byrjum myndbandið á að tengja loftlykkjuröðina í hring með 1 keðjulykkju í 1. loftlykkju. Eftir það er 1. umferð hekluð þannig: Heklið 2 loftlykkjur (koma í stað 1. stuðul), heklið 1 hálfan stuðul í hverja loftlykkju þar til heklað hefur verið í allar loftlykkjurnar, heklið 2 hálfa stuðla um 2 loftlykkjur frá byrjun umferðar. Setjið 1 prjónamerki í byrjun umferðar þannig að auðvelt sé að sjá hvar umferðin byrjar. Nú á að hekla í hring án þess að enda umferðina. Í 2. umferð er fyrsti stuðull heklaður í 2. loftlykkju frá byrjun á 1. umferð, heklið 1 stuðul í hvern hálfan stuðul. Umferðin endar ekki eins og venjulega, heldur er 1. stuðull í byrjun á næstu umferð heklaður í 1. stuðul frá fyrri umferð. Eftir það er heklað í hring með 1 stuðul í hvern stuðul. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndirnar að neðan.
3:08
Hvernig á að hekla stuðla í hring og jafnframt því að fá beina línu meðfram byrjun á umferð og í lok

Í þessu DROPS myndbandi sýnum við hvernig við fáum beina línu meðfram byrjun á umferð og lok umferðar. Heklað er í hring en til skiptis frá réttu og frá röngu, þ.e.a.s. stykkinu er snúið við eftir hverja umferð. Ef heklað er í hring frá réttu kemur línan meðfram byrjun á umferð og lok umferðar að verða aðeins ská hallandi (sjá prufu til hægri í byrjun á myndbandi). Við heklum einnig rendur og til að fá fallega skiptingu við litaskipti, er keðjulykkjan hekluð í lok umferðar með litnum sem á að nota í næstu umferð. Hver umferð með stuðlum byrjar með 3 loftlykkjum. Þessar 3 loftlykkjur koma ekki í stað fyrsta stuðul í umferð. Umferðin endar með 1 keðjulykkju í 3. loftlykkju frá byrjun á umferð. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:23
Hvernig á að hekla hring

Í þessu DROPS myndbandi sýnum við hvernig við heklum hring. Í nokkrum hekluppskriftum á að byrja með að hekla hring t.d. blóm. Fyrst er heklaður loftlykkjuhringur. Heklið síðan ákveðinn fjölda stuðla utan um hringinn, byrjið með 2-3 loftlykkjur til þess ná fram rétta hæð. Þessar loftlykkjur koma í stað fyrsta stuðuls. Endið hverja umferð með keðjulykkju í aðra /þriðju loftlykkju frá byrjun umferðar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.