DROPS Super Sale - 30% AFSLÁTTUR á 6 garntegundum í allan júní!

Hvernig á að hekla skáhallandi pufflykkjur

Video thumbnail for Hvernig á að hekla skáhallandi pufflykkjur
Í þessu myndbandi sýnum við hvernig hægt er að hekla skáhallandi pufflykkjur. Fitjið upp fjölda lykkja með oddatölu + 2 loftlykkjur. Í myndbandinu höfum við 13 + 2 loftlykkjur
UMFERÐ 1: Stingið heklunálinni í 3. loftlykkju frá heklunálinni, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn = 6 lykkjur á heklunálinni.
Bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju = 1. pufflykkja. * Hoppið yfir 1 lykkju, stingið heklunálinni í næstu lykkju og sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn = 6 lykkjur á heklunálinni. Bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju *, endurtakið frá *-* út umferðina = 7 pufflykkjur. Snúið.
UMFERÐ 2: Skiptið um lit, heklið 2 loftlykkjur. * Stingið heklunálinni í 1. lykkju á pufflykkjunni frá fyrri umferð, sækið þráðinn og dragið þráðinn í gegn, bregðið þræðinum um heklunálina og stingið nálinni inn í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni inn í sömu lykkju, sækið þráðinn og dragið þráðinn í gegn = 6 lykkjur á heklunálinni. Bregðið þræðinum um heklunálina og dragið þráðinn í gegnum allar 6 lykkjurnar og heklið 1 loftlykkju *, endurtakið frá *-* út umferðina = 7 pufflykkjur sem snúa í gagnstæða átt. Snúið.
UMFERÐ 3: Skiptið um lit og endurtakið umferð 2 að óskaðri lengd.
Við notum DROPS Snow garn í þessu myndbandi.
Fylgja þarf uppskrift með þessari aðferð til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 192-38

DROPS 192-38
Annað tungumál:

Myndband #1191, skráð í: Hekl myndbönd, Hekluð áferð, Pufflykkjur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Patricia skrifaði:

Superbe vidéo. Bien expliquée. Je ne suis pas très douée en crochet, mais là tout me semble très facile. Je vais de ce pas essayer avec de la drop AIR pour me faire une écharpe légère, chaude et bien moelleuse. Merci pour toutes vos vidéos toujours claires à comprendre et à mettre en oeuvre. Vous participez très activement à mon "éducation" en crochet.

15.02.2019 - 14:26

Country flag Antonella skrifaði:

È un piacere seguire questi tutorials. Bravi.

12.02.2019 - 06:31

Country flag Ines skrifaði:

Büschelmaschen

04.03.2018 - 10:45

Karen Frame skrifaði:

This is the most helpful tutorial for this stitch that I have been able to find. Thank you

29.08.2017 - 10:36

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að hekla umferðir með pufflykkjum og 3 stuðla á milli
6:31
Hvernig á að hekla umferðir með pufflykkjum og 3 stuðla á milli

Það eru nokkrar aðferðir að hekla pufflykkjur, í þessu DROPS myndbandi sýnum við hvernig er hægt að hekla eina umferð með puff-lykkjum án keðjulykkju í «toppnum» á puff-lykkju og með 3 stuðlum á milli hverra puff. Næsta umferð er heklaður 1 stuðull í hverja lykkju út umferðina. Umferðin byrjar með 3 loftlykkjum (= stuðull) og endar með 1 stuðli í síðustu lykkju. Við höfum nú þegar heklað umferð með loftlykkjum og heklum 1. puff-lykkjuna í 4. loftlykkju frá heklunálinni þannig: *Bregðið þræðinum um heklunálina, stingið heklunálinni inn í gegnum loftlykkjuna, bregðið þræðinum 1 sinni um heklunálina og dragið þráðinn í gegnum loftlykkjuna, dragið báða uppslættina jafn langt (til að koma í veg fyrir að puff-lykkjurnar verði of litlar og saman pakkaðar er mikilvægt að uppslátturinn sé dreginn eins langt og hægt er áður en hann stöðvast sjálfur) *, heklið frá *-* alls 5 sinnum, bregðið þræðinum um heklunálina og dragið þráðinn í gegnum allar lykkjurnar á heklunálinni. Heklið 1 stuðul í hverja af næstu 3 lykkjum. Endurtakið pufflykkju og 3 stuðla út umferðina og endið með 1 stuðul í síðustu lykkju, snúið og byrjið í næstu umferð. Heklið 3 loftlykkjur (= 1 stuðull), eftir það er heklaður 1 stuðull í hverja lykkju út umferðina. Endurtakið þessar 2 umferðir á hæðina. Við notum garnið DROPS Snow í myndbandinu.
Video thumbnail for Hvernig á að hekla umferðir með pufflykkjum og stuðlum
6:16
Hvernig á að hekla umferðir með pufflykkjum og stuðlum

Það eru nokkrar aðferðir að hekla pufflykkjur, í þessu DROPS myndbandi sýnum við hvernig er hægt að hekla eina umferð með pufflykkjum án keðjulykkju í «toppnum» á pufflykkju og eina umferð þar sem hekluð er 1 loftlykkja, 1 stuðull út umferðina. Við höfum nú þegar heklað eina umferð með loftlykkjum og heklum 1. pufflykkju í 4. loftlykkju frá heklunálinni þannig: *Bregðið þræðinum um heklunálina, stingið heklunálinni inn í gegnum loftlykkjuna, bregðið þræðinum 1 sinni um heklunálina og dragið þráðinn í gegnum loftlykkjuna, dragið báða uppslættina jafn langt (til að koma í veg fyrir að pufflykkjurnar verði of litlar og saman pakkaðar er mikilvægt að uppslátturinn sé dreginn eins langt og hægt er áður en hann stöðvast sjálfur) *, heklið frá *-* alls 5 sinnum, bregðið þræðinum um heklunálina og dragið þráðinn í gegnum allar lykkjurnar á heklunálinni. Hoppið yfir 1 loftlykkju. Heklið svona út umferðina og endið með 1 stuðli í síðustu lykkjuna, snúið og byrjið í næstu umferð. Heklið 3 loftlykkjur (= 1 stuðull). Heklið svona út umferðina: 1 loftlykkja, 1 stuðull. Endurtakið þessar 2 umferðir á hæðina. Við notum garnið DROPS Snow í myndbandinu.
Video thumbnail for Hvernig á að hekla pufflykkju með 9 lykkjum
2:55
Hvernig á að hekla pufflykkju með 9 lykkjum

Í þessu DROPS myndbandi sýnum við hvernig við heklum pufflykkju með 9 lykkjum. Við höfum nú þegar heklað 2 pufflykkjur með 5 stuðla á milli og sýnum 2 sinnum hvernig pufflykkjan er hekluð. Pufflykkjan er hekluð þannig: * Bregðið þræðinum 1 sinni um heklunálina, stingið heklunálinni í stuðul frá fyrri umferð, sækið þráðinn og dragið þráðinn í gegn og gerið hann 2 cm langan *, endurtakið frá *-* alls 4 sinnum = 9 lykkjur á heklunálinni, bregðið þræðinum einu sinni um heklunálina og dragið þráðinn í gegnum allar 9 lykkjurnar. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla pottalepp með pufflykkjum
8:33
Hvernig á að hekla pottalepp með pufflykkjum

Í þessu DROPS myndbandi sýnum við hvernig við heklum pottaleppinn «Tea Break» með pufflykkjum samkvæmt mynsturteikningu A.1, A.2 og A.3 í DROPS Extra 0-1483. Við erum með færri lykkjur en það sem gefið er upp í mynstri og sýnum umferð 2 og 3 í mynsturteikningu. Þessir pottaleppar eru heklaðir úr DROPS Paris, en í myndbandinu notum við grófara garn; DROPS Snow. Þú finnur mynstrið með því að smella á myndina að neðan.
Video thumbnail for Hvernig á að hekla pufflykkjur fram og til baka samkvæmt mynsturteikningu
8:36
Hvernig á að hekla pufflykkjur fram og til baka samkvæmt mynsturteikningu

Í þessu DROPS myndbandi sýnum við hvernig við heklum pufflykkjur fram og til baka, sem m.a. er notað í barnateppinu «Big Dreams» í DROPS Baby 36-3. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla langar pufflykkjur
2:15
Hvernig á að hekla langar pufflykkjur

Í þessu DROPS myndbandi sýnum við hvernig við heklum pufflykkjur, eins og er m.a. í peysunni Algarve í DROPS 202-4. Við byrjum með að hoppa yfir 1 lykkju, 1 stuðull í næstu lykkju og 1 loftlykkja. 1 PUFF LYKKJA = * Bregðið þræðinum 1 sinni um heklunálina, stingið heklunálinni í gegnum lykkjuna sem hoppað var yfir, bregðið þræðinum 1 sinni um heklunálina, dragið þráðinn í gegn og dragið báða uppslættina langa (til að koma í veg fyrir að pufflykkjan verði of lítil og saman þjöppuð þá er mikilvægt að draga uppslættina eins langt og hægt er áður en hún stoppar sjálf) *, heklið frá *-* alls 5 sinnum, við bregðið þræðinum um heklunálina og dragið þráðinn í gegnum allar 11 lykkjurnar á heklunálinni. Við endum myndbandið með að hoppa yfir 1 lykkju og 1 stuðul í næstu lykkju. Þessi peysa er hekluð úr DROPS Sky, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.