DROPS Children 49 · Fullt af nýrri hönnun fyrir börn!

Hekl myndbönd

Lærðu að hekla með frábæru kennslumyndböndunum okkar! Við erum með allt frá kennslumyndbönd fyrir byrjendur með grunnaðferðum til aðferða sem eru meira tæknilega útfærðar, sem og skref-fyrir-skref myndbönd til að leiðbeina þér í gegnum nokkur af vinsælustu fríu heklumynstrunum okkar.

Flokkar
Myndbönd: 283
2:17
Hvernig á að auka út um 1 stuðul með því að hekla 2 stuðla í sömu lykkju

Í þessu DROPS myndbandi sýnum við hvernig við aukum út hvoru megin við merkiþráð með því að hekla 2 stuðla í sömu lykkju. Aukið er út hvoru megin við merkiþráðinn þannig: Heklið fram þar til 4 lykkjur eru eftir á undan merkiþræði, aukið út um 1 lykkju í næstu lykkju, heklið 6 lykkjur (merkiþráðurinn situr mitt á milli þessa 6 lykkja), aukið út um 1 lykkju í næstu lykkju (= 2 lykkjur fleiri við merkiþráðinn og alls 4 lykkjur fleiri í umferð). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:04
Hvernig á að fella af / fækka keðjulykkjum

Í þessu DROPS myndbandi sýnum við hvernig við fellum af /fækkum keðjulykkju með því að hekla í gegnum tvær keðjulykkjur. Stingið heklunálinni í gegnum fyrstu keðjulykkju (framan í lykkjubogann), stingið heklunálinni í gegnum næstu keðjulykkju (framan í lykkjubogann), sækið þráðinn og dragið þráðinn í gegnum báðar lykkjurnar = 1 keðjulykkja færri. Ef enda á verkefni, t.d. vettling þá er haldið áfram að fella af / fækka þar til lítill fjöldi keðjulykkja er eftir. Klippið frá og dragið þráðinn í gegnum þær lykkjur sem eftir eru. Dragið saman og festið vel. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:18
Hvernig á að fækka fastalykkjum

Í þessu DROPS myndbandi sýnum við hvernig við fækkum fastalykkjum. Þegar lykkjum er fækkað er t.d. hægt að hoppa yfir lykkju úr fyrri umferð, en þá myndast gat í stykkinu. Til þess að koma í veg fyrir þetta er hægt að hekla 2 lykkjur saman til þess að fækka lykkjum. Heklið 2 lykkjur saman þannig: Heklið eina lykkju í tvær fyrstu lykkjur, bíðið með að draga þráðinn í gegnum lykkjurnar, þar til seinni lykkja er hekluð, dragið nú þráðinn í gegnum allar lykkjur á heklunálinni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:27
Hvernig á að fækka fastalykkjum í hvorri hlið

Í þessu DROPS myndbandi sýnum við hvernig við fækkum lykkjum þegar heklað er með fastalykkjum (fl). Í myndbandinu sýnum við hvernig við fækkum lykkjum í byrjun umferðar og í lok umferðar þegar heklað er með fastalykkjum. Í dæminu okkar þá fækkum við um 2 lykkjur í hvorri hlið í hverri umferð. Fækkið lykkjum í byrjun umferðar með fastalykkjum þannig: Heklið keðjulykkjur yfir þann fjölda lykkja sem fækka á um. Fækkið lykkjum í lok umferðar með fastalykkjum þannig: Heklið þann fjölda lykkja að þeim stað þar sem fækka á lykkjum, snúið stykkinu. Fylgja þarf uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
1:12
Hvernig á að hekla 2 hálfa stuðla saman

Í þessu DROPS myndbandi sýnum við hvernig við heklum 2 hálfa stuðla saman. Bregðið þræðinum um heklunálina, stingið heklunálinni í loftlykkjubogann og sækið þráðinn, bregðið þræðinum um heklunálina, stingið heklunálinni í sama loftlykkjuboga og sækið þráðinn, bregðið þræðinum um heklunálina og dragið þráðinn í gegnum allar 5 lykkjurnar á heklunálinni (Við sýnum aðferðina 2 sinnum með 1 loftlykkju á milli). Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:23
Hvernig á að hekla 3 hálfa stuðla saman

Í þessu DROPS myndbandi sýnum við hvernig við heklum 3 hálfa stuðla saman. Bregðið þræðinum um heklunálina, stingið heklunálinni undir loftlykkjubogann og sækið þráðinn, * bregðið þræðinum um heklunálina, stingið heklunálinni undir saman loftlykkjuboga og sækið þráðinn *, endurtakið frá *-* alls 2 sinnum, bregðið þræðinum um heklunálina og dragið þráðinn í gegnum allar 7 lykkjurnar á heklunálinni. (Við sýnum aðferðina 2 sinnum með 1 loftlykkju á milli). Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Hvernig á að fella af / fækka lykkjum með því að hekla 2 stuðla saman

Í þessu DROPS myndbandi sýnum við hvernig við getum fellt af / fækkað lykkjum með því að hekla 2 stuðla saman í 1 stuðul. Heklið stuðla fram að þeim stað sem óskað er eftir að fækka lykkjum, heklið svo 1 stuðul í fyrstu lykkju, en bíðið með að draga þráðinn í gegnum lykkjuna, heklið 1 stuðul í næstu lykkju og þegar draga á þráðinn í gegn í lokin er þráðurinn dreginn í í gegnum allar 3 lykkjur á heklunálinni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:47
Hvernig á að hekla stuðlahóp (fækka stuðlum)

Í þessu DROPS myndbandi sýnum við hvernig við heklum stuðla saman til að mynda stuðlahópa eða til að fækka lykkjum. Heklið 1 stuðul í hvern af fyrstu 3 stuðlum, bíðið með að draga þráðinn í gegn í lokin á öllum 3 stuðlum þar til síðasti stuðullinn hefur verið heklaður = 4 lykkjur á heklunálinni, dragið nú þráðinn í gegnum allar lykkjur á heklunálinni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:38
Hvernig á að fækka stuðlum í hvorri hlið

Í þessu DROPS myndbandi sýnum við hvernig við fækkum lykkjum þegar heklað er með stuðlum (st). Í myndbandinu sýnum við hvernig við fækkum lykkjum í byrjun og lok umferðar með stuðlum. Hér fækkum við um 3 stuðla í hvorri hlið. Fækkið stuðlum í byrjun umferðar þannig: Skiptið út 3 stuðlum sem fækka á um af með 1 keðjulykkju (kl) fyrir hvern stuðul. Heklið 1 keðjulykkju í næstu lykkju, 3 loftlykkjur (ll) koma í stað 1. stuðuls í umferð. Fækkið stuðlum í lok umferðar þannig: Heklið þar til 3 stuðlar eru eftir sem fækka á um, snúið stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:56
Hvernig á að hekla kúlur (poppkorn)

Í þessu DROPS myndbandi sýnum við hvernig við heklum kúlur. KÚLA 1 (minni): Heklið 4 stuðla (eða þann fjölda sem gefin er upp í uppskrift) í 1 loftlykkju, en bíðið með að draga þráðinn í gegn í lokin á hverjum stuðli þar til 5 lykkjur eru á heklunálinni. Dragið þráðinn í gegnum allar 5 lykkjurnar (4 stuðlar eru heklaðir saman í 1 stuðul). Heklið áfram að næstu kúlu. KÚLA 2 (stærri): Heklið 4 stuðla í 1 fastalykkju. Takið heklunálina úr lykkjunni á síðasta stuðli, stingið heklunálinni í gegnum 1. stuðul og aftur til baka í lykkjuna á 4. stuðli, sækið þráðinn og dragið þráðinn í gegnum báðar lykkjurnar. Heklið áfram að næstu kúlu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:27
Hvernig á að hekla kúlumynstur

Í þessu DROPS myndbandi sýnum við hvernig hægt er að hekla fallegt kúlumynstur. Þetta mynstur er skrautlegt og skemmtilegt að nota það á hálsklúta, húfur og margt fleira. Ein kúla myndast þegar heklaðar eru saman 4 stuðlar í sömu lykkju. Heklið þannig: Heklið 20 loftlykkjur, snúið við og byrjið næstu umferð í 2. lykkju frá heklunálinni. UMFERÐ 1: Heklið 1 fastalykkju, * í næstu lykkju eru heklaðir 4 stuðlar saman, 3 fastalykkjur *, endurtakið frá *-* þar til 1 lykkja er eftir í umferð, heklið 1 fastalykkju, snúið við. UMFERÐ 2: Heklið 1 loftlykkju, heklið 1 fastalykkju í hverja af 20 lykkjum, snúið við. UMFERÐ 3. Heklið 1 loftlykkju, * 3 fastalykkjur, í næstu lykkju eru heklaðir 4 stuðlar saman *, endurtakið frá *-* og heklið fastalykkju í 3 síðustu lykkju, snúið við. UMFERÐ 4: Heklið 1 loftlykkju, heklið 1 fastalykkju í hverja af næstu 20 lykkjum, snúið við, 1 loftlykkja. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:16
Hvernig á að hekla einfalda kúlu

Í þessu DROPS myndbandi sýnum við hvernig við heklum einfalda kúlu. Við sýnum einungis hvernig við heklum 2 kúlur með 3 fastalykkjur á milli kúlna (= rétta) og hvernig við heklum stuðla frá röngu. Kúla = * Bregðið þræðinum um heklunálina, stingið heklunálinni efst utan um næstu kúlu frá fyrri umferð, sækið þráðinn og dragið þráðinn í gegnum kúluna, dragið aðeins í þráðinn til að fá hann aðeins lengri *, endurtakið 2 sinnum til viðbótar. Bregðið þræðinum um heklunálina og dragið þráðinn í gegnum 6 lykkjur á heklunálinni, bregðið þræðinum um heklunálina og dragið þráðinn í gegnum tvær síðustu lykkjurnar á heklunálinni. Við notum garnið DROPS Snow í myndbandinu.
15:01
Hvernig á að hekla á kúlur

Í þessu DROPS myndbandi sýnum við hvernig við heklum kúlur í hálsskjóli í DROPS 93-33. Við heklum færri fjölda lykkja en þann sem gefinn er upp í uppskrift og sýnum byrjun og lok á umferð 1 til 5. Þetta hálsskjól er heklaður úr DROPS Snow, DROPS Vienna og DROPS Glitter, en í myndbandinu notum við bara DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:49
Hvernig á að hekla kúlu með 4 tvíbrugðnum stuðlum

Í þessu DROPS myndbandi sýnum við hvernig við heklum kúlu með 4 tvíbrugðnum stuðlum, sem m.a. er notað í sjalinu «Slice of summer» í DROPS 200-21. Heklið svona um loftlykkjuboga fyrir neðan: Stingið heklunálinni um loftlykkjubogann og sækið þráðinn, 4 tvíbrugðnir stuðlar, en bíðið með að bregða þræðinum um heklunálina og að draga þráðinn í gegn í lokin, bregðið þræðinum einu sinni um heklunálina og dragið þráðinn í gegnum allar 7 lykkjurnar á heklunálinni. Sjalið er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:00
Hvernig á að hekla kúlu með þríbrugðnum stuðlum

Í þessu DROPS myndbandi sýnum við hvernig við heklum kúlu sem samanstendur af 5 þríbrugðnum stuðlum. Heklið þannig: 1 þríbrugðinn stuðull, en bíðið með að draga þráðinn í gegn í lokin = 2 lykkjur á heklunálinni. Heklið 4 þríbrugðna stuðla alveg eins = 6 lykkjur á heklunálinni. Bregðið þræðinum 1 sinni uppá heklunálina og dragið í gegnum allar lykkjurnar á heklunálinni. Herðið vel að áður en heklað er áfram. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
4:02
Hvernig á að hekla litla kúlu

Í þessu DROPS myndbandi sýnum við hvernig við heklum lita kúlu til skrauts sem er notuð í nokkrum af mynstrunum okkar. Svona heklar þú kúlu: Heklið 4 mjög lausa hálfa stuðla án þess að draga þráðinn í gegnum hvern og einn (= 9 þræðir á heklunálinni). Bregðið þræðinum um heklunálina og dragið þráðinn í gegnum 8 fyrstu lykkjur á heklunálinni. Bregðið þræðinum um heklunálina og dragið þráðinn í gegnum 2 síðustu lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:36
Hvernig á að hekla kúlu í gatamynstri

Í þessu DROPS myndbandi sýnum við hvernig við heklum kúlu í gatamynstri samkvæmt hluta í mynsturteikningu. Þessi kúla er m.a. í peysunni «Shell Seeker Sweater» í DROPS 240-3 og peysunni «Shell Seeker Cardigan» í DROPS 240-4. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:16
Hvernig á að hekla einfalt sólfjaðramynstur

Í þessu DROPS myndbandi sýnum við hvernig hægt er að hekla einfalt sólfjaðramynstur. Í myndbandinu sýnum við tvö einföld sólfjaðramynstur. Í fyrri hluta myndbandsins samanstendur sólfjaðramynstrið af fjórum stuðlum með tveimur loftlykkjum á milli og seinna sólfjaðramynstrið hefur sex tvíbrugðna stuðla með tveimur loftlykkjum á milli. Myndbandið sýnir hvernig heklaðar eru þrár raðir með sólfjaðramynstri. Heklið 4 loftlykkjur, heklið svo * 2 stuðla, 2 loftlykkjur og 2 stuðla í sama loftlykkjuboga, endurtakið frá *-* þrisvar sinnum til viðbótar, endið á loftlykkju og einum stuðli í þriðju loftlykkju frá fyrri röð. Í seinni helmingnum á myndbandinu sýnum við sömu sólfjöður, en nú er búið að skipta út 2 stuðlunum í 3 tvíbrugðna stuðla. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:28
Hvernig á að hekla öldumynstur

Í þessu DROPS myndbandi sýnum við hvernig við heklum fallegt öldumynstur (sikk-sakk mynstur). Falleg áferð bæði fyrir kjóla, pils og teppi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
17:58
Hvernig á að hekla öldumynstur

Í þessu DROPS myndbandi sýnum við hvernig við heklum öldumynstur. Við heklum A.1 yfir fyrstu 7 loftlykkjurnar, eftir það A.2 2 sinnum og endum með A.3 yfir síðustu 6 loftlykkjur. Við sýnum einnig þrjár litasamsetningar í Big Delight, litur 02, 07 og 10. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
20:33
Hvernig á að klippa upp peysu með 6 mismunandi köntum að framan

Mörgum þykir erfitt að klippa í prjónað stykki, á meðan aðrir hafa ekki áhyggjur af því og klippa jafnvel upp stykkið án þess að sauma á undan með saumavél eða að hekla kant áður en klippt er. Þú VERÐUR að lesa textann að neðan til að fá betri yfirsýn og skilning á myndbandinu. Í þessu DROPS myndbandi notum við DROPS Nepal og sýnum 3 mismunandi aðferðir að sauma/ festa enda áður en maður klippir. Við sýnum einnig 6 mismunandi kanta að framan. Við sýnum ekki hvernig kantarnir að framan eru prjónaðir í þessu myndbandi. Í sýnishornunum í myndbandinu höfum við 7 «uppklippilykkjur» sem við prjónum með öðrum lit og við höfum merkt miðjulykkjuna með þræði í öðrum lit. Það er hægt að hafa færri eða fleiri «uppklippilykkjur». Það er regla að í mynstri á peysu er útskýrt hvernig prjónað er fram og til baka, þannig að þessar «uppklippilykkjur» eru ekki útskýrðar í mynstri, heldur verður maður að bæta þeim við. Í sýnishorni A og B er hekluð umferð með fastalykkjum í gegnum uppklippilykkju, á meðan sýnishorn C, D, E og F er notuð saumavél áður en klippt er upp. Í sýnishorni A eru heklaðir hálfur 3. og hálfur 4. lykkjubogar saman, á meðan sýnishorn B eru heklaðir hálfur 4. og hálfur 5. lykkjubogar saman. Það er saumaður sikk sakk saumur á C og D og sikk sakk saumur + 1 beinn saumur á E og F. Yfirlit yfir mismunandi kanta að framan: A) Uppklippikanturinn er heklaður með fastalykkjum með þynnri þræði en sjálft stykkið (notið þynnri þráð en stykkið sjálft og sömu gerð ef það er mögulegt, í þessu myndbandi notum við DROPS Flora litur nr. 19 kórall). Kanturinn er ein löng, laus lengja prjónuð í garðaprjóni sem saumuð er niður á stykkið, passið uppá að kanturinn að framan verði ekki of langur né of stuttur í samanburði við stykkið sjálft. Brúnin-kantur er saumað beint á stykkið á röngu. B) Uppklippikanturinn er heklaður með fastalykkjum með þynnri þræði en sjálft stykkið (notið þynnri þráð en stykkið sjálft og sömu gerð ef það er mögulegt, í þessu myndbandi notum við DROPS Flora litur nr. 19 kórall). Kanturinn að framan er prjónaður í eitt stykki þannig: Hálfur í stroffi sem verður kantur að framan (1 lykkja slétt, 1 lykkja brugðið með 1 kantlykkju í garðaprjóni yst) og hálfur í sléttprjóni sem verður kantur á bakhlið. Kantur að framan er saumaður niður á stykkið og sléttprjónaði hlutinn er lagður yfir brúnina-kant og saumaður niður frá röngu. C) Uppklippikanturinn er saumaður með sikk sakk saumi í saumavél, ca 0,5–1,0 cm frá þar sem klippa á upp. Við kant að framan hafa verið prjónaðar upp lykkjur í fyrstu lykkju í sjálfu stykki, þar sem hoppað var yfir ca 4. hverja lykkju/umferð á hæðina, svo að kanturinn að framan verði ekki of langur í samanburði við stykkið sjálft. Kanturinn að framan er prjónaður í garðaprjóni að óskuðu máli og felið brúnina-kant með fallegum borða. D) Uppklippikanturinn er saumaður með sikk sakk saum í saumavél, ca 0,5–1,0 cm frá þar sem klippa á upp. Við kant að framan hafa verið prjónaðar upp lykkjur í fyrstu lykkju í sjálfu stykkinu, þar sem hoppað var yfir ca 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið sjálft. Kanturinn að framan er prjónaður í sléttprjóni að óskuðu máli, eftir það 1 umferð brugðið (uppábrot) og síðan aftur sléttprjón. Síðasti hlutinn sem er prjónaður í sléttprjóni á að leggja yfir brúnina-kant og sauma niður. E) Uppklippikanturinn er saumaður með 1 beinum saum yfir sikk sakk saum í saumavél (= saumar), ca 0,5-1,0 cm frá þar sem klippa á upp. Við kant að framan hafa verið teknar upp lykkjur í fyrstu lykkju í sjálfu stykkinu, þar sem hoppað var yfir ca. 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið sjálft. Kanturinn að framan er prjónaður í stroffi, 2 lykkjur slétt, 2 lykkjur brugðið að óskuðu máli og brúnin-kantur er falinn með fallegum borða. F) Uppklippikanturinn er saumaður með 1 beinum saum yfir sikk sakk saum í saumavél (= 2 saumar), ca 0,5-1,0 cm frá þar sem klippa á upp. Við kant að framan hafa verið teknar upp lykkjur í fyrstu lykkju í sjálfu stykkinu, þar sem hoppað var yfir ca 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið. Kanturinn að framan er prjónaður í stroffi ( 2 lykkjur slétt, 2 lykkjur brugðið) að óskuðu máli. Á bakhlið er tekinn upp sami fjöldi lykkja í sömu lykkju og stroffkantur að framan og prjónaður er hluti í sléttprjóni sem leggja á yfir brún-kant og sauma niður. Við notum garnið DROPS Nepal í myndbandinu.
7:33
Hvernig á að hekla pífu samkvæmt mynsturteikningu

Í þessu DROPS myndbandi sýnum við hvernig við heklum pífukant samkvæmt mynsturteikningu sem er í pífunni í töskunni í DROPS 238-6. Í myndbandinu byrjum við í 3. umferð að ofan og heklum 1 umferð með loftlykkjubogum áður en við heklum 1 pífu samkvæmt mynsturteikningu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:52
Hvernig á að hekla lítinn picot

Í þessu DROPS myndbandi sýnum við hvernig við heklum lítinn picot. Hér heklum við lítinn picot með 1 eða 2 lykkjum á milli. Heklið * 3 loftlykkjur, 1 fastalykkju í fyrstu loftlykkju, 1 fastalykkju í næstu lykkju, 1-2 fastalykkjur *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:24
Hvernig á að hekla hárskraut

Í þessu DROPS myndbandi sýnum við hvernig hægt er að hekla hárskraut. Notið garn sem er aðeins teygjanlegt og heklið nokkrar lykkjur í kringum hárteygjuna án þess að herða á henni. Í þessu myndbandi notum við DROPS Baby Merino og heklum fastalykkjur í kringum teygjuna. Þegar fastalykkjur eru heklaðar (einnig stuðlar) í kringum hárteygju er hægt að nota sköpunargleðina og búa til blóm, lokka, spírala, nota tvöfaldan þráð, marga liti o.s.frv.