DROPS Super Sale - 30% AFSLÁTTUR á 4 tegundum af ullargarni!

Aðrar aðferðir

Viltu læra að búa til skúfa, dúska, kögur, hvernig á að sauma út eða klippa upp? Þú finnur fullt af kennslumyndböndum fyrir allar þessar aðferðir hér!

Flokkar
Myndbönd: 81
1:55
Hvernig á að blanda sykurvatn til að stífa

Í þessu DROPS myndbandi sýnum við hvernig við gerum sykurvatn til að stífa jólahjörtu í DROPS Extra 0-1394. Blandið mikinn sykur í kalt vatn (90 gr sykur í 120 ml vatn) og hrærið þar til allur sykurinn leysist upp, dýfið hjartanu í vatnið, pressið vatnið út, formið og leggið hjartað til flatt til þerris (1-2 dagar). Ef hjartað verður ekki nægilega stíft, endurtakið þá þetta þar til nægilegur stífleiki er á hjartanu (einnig er hægt að nota litarlausan gosdrykk). Þú finnur mynstrið með því að smella á myndina að neðan.
1:34
Hvernig á að forma húfu

Í þessu DROPS myndbandi sýnum við hvernig við formum húfu. Þegar húfan er tilbúin er hún bleytt og að því loknu er hún sett yfir disk. Látið húfuna þorna á disknum. Endurtaka þarf þetta í hvert skipti sem húfan er þvegin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:35
Hvernig á að slétta út krullað garn

Þræðirnir í dokkunni geta verið krullaðir en það er auðvelt að laga það til og fá það slétt, eitthvað sem er gott að geta gert þegar nota á þræðina í kögur á sjali. Í þessu DROPS myndbandi sýnum við einfalda aðferð við að slétta þræði. Klippið kögrið í óskaða lengd og festið á sjalið. Bleytið kögrið og pressið vatnið úr. Hristið síðan sjalið vel til (mun meira en við sýnum á myndbandinu), svo að kögrið sléttist út. Þegar kögrið þornar verður það mun sléttara/beinna en áður. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:36
Hvernig á að strekkja tilbúið verkefni

Í þessu DROPS myndbandi sýnum við hvernig við strekkjum lítinn hluta á annarri hlið á sjali. Með því að strekkja tilbúið stykki í misjafnar áttir er hægt að forma það að til og að óskaðri stærð á meðan stykkið þornar. Til þess að halda forminu verður að endurtaka strekkinguna í hvert skipti sem stykkið er þvegið. Leggið sjalið í volgt vatn þar til það er orðið gegnblautt. Pressið vatnið varlega úr – ekki vinda! Sjalið á að vera aðeins rakt þegar það er sett á mottu eða á dýnu. Strekkið síðan varlega út í óskað form og festið kantinn með nálum. Prjóninn sem við setjum í sýnir prjónstefnuna. Látið sjalið þorna. Í lok myndbandsins sýnum við muninn á milli hliða sem hefur verið strekkt og þá sem ekki hefur verið strekkt út. ATH: MUNIÐ að fylgja þarf leiðbeiningum í mynstri þegar myndbandinu er fylgt eftir, stundum þarf að setja nálarnar í sérstakt mynstur á stykkinu til þess að forma það og mynda takka. ATH! Það er mjög mikilvægt að strekkja ekki um of á stykkinu, bara að strekkja á því í þeirri stærð sem fjallað er um í mynstri. Þú finnur mynstur þar sem þessi aðferð er notuð með því að smella á myndirnar að neðan.
3:38
Hvernig á að gera dúsk

Í þessu DROPS myndbandi sýnum við hvernig hægt er að gera dúsk. Það þarf að ákveða stærðina á dúsknum og klippa út tvo hringi úr pappa að óskuðu þvermáli. Klippið út stórt gat innan úr miðju. Hringirnir eru lagðir saman og þráðunum er vafið þétt utan um báða hringina. Því meira garn/þræði því þéttari verður dúskurinn. Klippið að lokum upp þræðina á milli spjaldanna tveggja. Passið uppá að draga ekki út þræðina. Vefjið nokkra hringi um miðjuna á milli spjaldanna með sterkum þræði og bindið fast. Spjöldin eru fjarlægð og dúskurinn klipptur aðeins til. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:14
Hvernig á að gera lítinn dúsk á skrímslahúfu í DROPS Extra 0-932

Í þessu DROPS myndbandi sýnum við hvernig við gerum lítinn dúsk á skrímslahúfu í DROPS Extra 0-932. Þessi húfa er prjónuð úr DROPS Alpaca, en í myndbandinu notum við DROPS Baby Merino. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
2:01
Hvernig á að gera kögur

Í þessu DROPS myndbandi sýnum við hvernig hægt er að gera kögur. Klippið upp þræði, tvisvar sinnum lengri en óskuð lengd. Ákveðið hversu margir þræðir eiga að vera í hverju kögri. Leggið þræðina saman tvöfalda og stingið heklunál í gegnum kantinn á stykkinu, sækið þráðinn/þræðina og dragið hálfa leið í gegnum kantin og þá myndast lykkja, dragið endann í gegnum lykkjuna og herðið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:11
Hvernig á að hekla kögur

Í þessu DROPS myndbandi sýnum við hvernig við heklum kögur. Við höfum nú þegar heklað nokkur kögur. Dragið út lykkju með heklunálinni að óskaðri lengd, tvinnið þræðina (því fleiri skipti sem þræðirnir eru tvinnaðir, því þéttari kögur). Leggið þræðina saman tvöfalda og þá koma þeir til með að tvinna sig aftur saman. Heklið fastalykkju í næstu lykkju. Við notum garnið DROPS Snow í myndbandinu.
2:15
Hvernig á að gera dúsk

Í þessu DROPS myndbandi sýnum við hvernig við gerum dúsk. Notið bút af pappírsörk eða álíka með þeirri lengd sem þú vilt að dúskurinn verði langur. Vefjið þráðinum utan um pappírsörkina þar til óskaðri þykkt er náð, klippið frá. Fjarlægið af örkinni og notið annan þráð til þess að binda fast utan um þræðina á öðrum endanum. Klippið upp þræðina á endanum sem ekki eru bundnir saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:26
Hvernig á að festa dúsk

Í þessu DROPS myndbandi sýnum við hvernig hægt er að sauma niður dúsk, fyrst frá réttu og síðan frá röngu. Passið uppá að hnúturinn sem bindur dúskinn saman sé þéttingsfastur. Ef hnúturinn er of laus þá geta þræðirnir auðveldlega losnað. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:16
Hvernig á að slétta út krullað garn (lítill skúfur)

Þráðurinn innst í dokkunni getur verið krullaður. Í þessu myndbandi sýnum við hvernig hægt er að slétta út þræðina á einfaldan máta. Gerið skúfinn og leggið hann í vatn, pressið síðan vatnið út. Hristið vel (mun harðara en sýnt er á myndbandinu), þá koma endarnir til með að verða sléttir. Þegar hnúturinn er þurr verður hann sléttur og þá er hægt að klippa endana til. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:17
Hvernig á að gera dúsk í DROPS Kid-Silk

Hægt er að gera dúska í nokkrum stærðum. Í þessu DROPS myndbandi sýnum við hvernig við gerum einn stórann og milli þéttan (blár), einn lítinn og þéttan (grænn) og stóran loftkenndan (bleikur). Dúskana er hægt að nota á margt eins og t.d. á húfur, tátiljur, hálsklúta og á allskonar fylgihluti með meiru.
2:35
Hvernig á að gera hurðarkrans með dúskum

Í þessu DROPS myndbandi sýnum við hvernig við gerum hurðakrans með dúskum í DROPS Extra 0-1416. Í þessu myndbandi notum við stálvír í stað stálþráðar og við höfum nú þegar gert 3 dúska, 1 úr DROPS Brushed Alpaca Silk, 1 úr DROPS Nepal og 1 úr DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:10
Hvernig á að prjóna i-cord snúru frá réttu

Í þessu DROPS myndbandi sýnum við hvernig hægt er að prjóna i-cord snúru frá réttu. Hægt er að nota svona snúru sem ól / handfang á handtösku eða til þess að hnýta saman húfu.* Prjónið 1 umferð á sokkaprjón. Færið lykkjurnar yfir í hinn endann á prjóninum, ekki snúa við *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:54
Hvernig á að prjóna i-cord snúru fram og til baka

Í þessu DROPS myndbandi sýnum við hvernig hægt er að prjóna i-cord snúru / snúruprjón fram og til baka. Svona prjónum við snúru. Oft er snúran notuð sem handfang á tösku eða til að hnýta saman húfu / hettu. Við höfum myndband sem sýnir hvernig við gerum litla snúru með því að prjóna einungis frá réttu, en hér sýnum við hvernig við gerum breiðari snúru. Fitjaðu upp 4,6,8 lykkjur eða fleiri, en lykkjufjöldinn verður að vera með sléttri tölu. Prjónið hverja umferð fram og til baka þannig: * Prjónið 1 lykkju slétt, leggið þráðinn framan við stykkið (að þér), lyftið 1 lykkju af prjóni eins og prjóna eigi brugðið, leggið þráðinn aftan við stykkið (frá þér) *, endurtakið frá *-* í öllum umferðum. Nú myndast hringlaga snúra. Þegar snúran er orðin nægilega löng eru prjónaðar 2 og 2 lykkjur saman jafnframt því sem fellt er af. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:00
Hvernig á að hekla snúru

Í þessu DROPS myndbandi sýnum við hvernig hægt er að hekla snúru (tube). Byrjið á 3 loftlykkjum. Takið upp 1 lykkju í 2. og 3. loftlykkju frá heklunálinni, * lyftið af 2 síðustu lykkjum, heklið 1 loftlykkju í lykkju á heklunálinni, setjið til baka 2 lykkjunum sem lyftar voru af og heklið 1 loftlykkju, setjið til baka 3 loftlykkjur og heklið eina loftlykkju *, endurtakið frá *-* að óskaðri lengd, klippið frá og dragið þráðinn í gegnum allar 3 lykkjur til þess að enda. Ef þú notar fínna garn og mýkra, getur verið auðveldara að setja 2 lykkjur á kaðlaprjón þegar lykkjur eru teknar af heklunálinni.
5:41
Hvernig á að hekla einfalda snúru

Í þessu DROPS myndbandi sýnum við hvernig við heklum einfalda snúru. Heklaðu upp 1 lykkju í 3 lykkjur þar sem þú vilt að snúran byrji t.d. í kanti á tösku. Bregðið þræðinum um heklunálina og dragið þráðinn í gegnum allar 3 lykkjurnar – þetta líkist 3 lykkjum sem eru heklaðar saman. * Bregðið þræðinum um heklunálina, stingið inn heklunálinni í fyrstu af 3 lykkjum að neðan. Sækið þráðinn á framhlið á stykki (þ.e.a.s. heklað er um fremri lykkjubogann) og dragið þráðinn í gegn = 3 lykkjur á heklunálinni, bregðið þræðinum um heklunálina og dragið þráðinn í gegnum allar 3 lykkjurnar að neðan, einnig er hægt að stinga heklunálinni í miðju lykkju að neðan (þetta gerum við á hinni snúrunni sem við sýnum í myndbandinu). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:02
Hvernig á að hekla snúru með 2 þráðum / 2 litum

Í þessu DROPS myndbandi sýnum við hvernig við heklum snúru með 2 þráðum / 2 litum. Leggið þræðina saman, en notið vinstri vísifingur til að halda þráðunum frá hvorum öðrum (látið annan þráðinn (bleikur) liggja efst yfir fingurinn og látið hinn þráðinn (ljós blár) liggja neðst undir vísifingri) en passið uppá að þræðirnir sem hekla á með liggi í sömu röð allan tímann. Nú er heklað þannig: * Setjið heklunálina yfir og í kringum ljós bláa þráðinn (2 lykkjur á heklunálinni), setjið heklunálina undir og í kringum bleika þráðinn og dragið bleika þráðinn í gegnum báðar lykkjurnar á heklunálinni *, heklið frá *-* að óskaðri lengd. Klippið þræðina þannig að endarnir séu ca 10 cm langir (þá er hægt að nota þá til að festa snúruna með), dragið bleika þráðinn í gegnum síðustu lykkjuna á heklunálinni. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:25
Hvernig á að tvinna snúru

Í þessu DROPS myndbandi sýnum við hvernig hægt er að tvinna snúru. Tvinnið 1-2 þræði saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút í hvorn enda. Það getur verið erfitt að vita hversu marga cm maður fær þegar þræðir eru tvinnaðir saman, allt eftir því hversu fast er tvinnað og eftir tegund af garni sem tvinnað er saman. Það er því gott að gera smá prufu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:57
Hvernig á að gera vinaarmband

Í þessu DROPS myndbandi sýnum við hvernig hægt er að gera einfalt vinaarmband. Þú þarft að nota smá bút af kartonpappír og 7 þræði sem eru ca 70 cm langir. Gerðu gat í miðjuna og klipptu 8 sinnum/hök upp í kartonhringinn. Gerðu hnút á þræðina og dragðu þá í gegnum gatið. Festu endana í hvert og eitt hak í kartonhringinn. Eitt hak hefur engan þráð, láttu það snúa að þér. Nú byrjar fléttan. * Teldu frá hakinu sem ekki hefur þráð og upp til vinstri, hoppaðu yfir 2 þræði, taktu út 3. þráðinn úr hakinu og settu þráðinn í hakið sem er laust/ sem snýr að þér. Snúðu kartonhringnum þannig að hakið án þráðar snúi aftur að þér.* Endurtaktu frá *-* þar til fléttan nær óskaðri lengd. Ekki draga of fast í fléttuna sem kemur út úr gatinu, heldur láttu það vaxa að sjálfu sér. Nú þegar óskaðri lengd er náð, taktu þræðina úr hakinu, klipptu frá og dragðu endann sem þú velur sjálf, sem hnút, tvöfaldan hnút eða jafnvel með perlu. Í myndbandinu notum við garnið DROPS Snow, en vinaarmbandið er gert úr DROPS Cotton Merino.
2:21
Hvernig á að hekla snúru

Í þessu DROPS myndbandi sýnum við hvernig við heklum snúru. Heklið snúru þannig: Heklið 1 fastalykkju í kantinn, heklið síðan loftlykkjur eins langt og óskað er, snúið við og heklið til baka 1 keðjulykkju í hverja loftlykkju, heklið nú aftur 1 fastalykkju í kantinn á stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:19
Hvernig á að hekla snúru/handfang fyrir tösku

Í þessu DROPS myndbandi sýnum við hvernig við heklum snúru / handfang á fallegu töskuna Carry All í DROPS 139-11, en sem er einnig hægt að nota á aðrar töskur. Heklið hring eftir hring með fastalykkjum án þess að enda umferðina með 1 keðjulykkju. Heklið 5 loftlykkjur og tengið saman í hring með 1 keðjulykkju í 1. loftlykkju. Heklið 1 fastalykkju í hverja loftlykkju = 5 fastalykkjur. Eftir síðustu fastalykkju í umferð 1, heklið 1 fastalykkju í næstu fastalykkju, haldið áfram að hekla hringinn með 1 fastalykkju í hverja fastalykkju. Þessi taska er hekluð úr DROPS Lin og DROPS Cotton Viscose, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:01
Hvernig á að skipta um þráð með rússneskri aðferð

Í þessu DROPS myndbandi sýnum við hvernig við skiptum um þráð með rússneskri aðferð. Skiptið um þráð með ólíku garni með aðferð sem er bæði sterk og sem sést ekki, jafnvel þar sem ekki er hægt að þæfa saman enda eins og t.d. með bómull, akryl o.fl. Passið uppá að sauma alltaf í miðju á þræði.
1:45
Hvernig á að gera tvöfaldan hnút þegar skipt er um þráð

Það eru margar aðferðir við að byrja á nýrri dokku þegar sú fyrri endar. Í þessu DROPS myndbandi sýnum við hvernig hægt er að gera nánast ósýnilega skiptingu þegar skipt er um þráð með því að gera tvöfaldan hnút. Við notum tvo mismunandi liti til þess að sýna þetta betur. Leggið nýja endann á þræðinum undir þráðinn sem þú vinnur með, leggðu síðan þráðarendann upp yfir báða þræðina og setjið þráðarendann í gegnum lykkjuna og herðið að. Gerið síðan alveg eins með því að taka í endann á þræðinum sem þú vinnur með og leggið undir endann á nýja þráðinn, síðan upp yfir báða þræðina, setjið endann í gegnum lykkjuna og herðið að. Dragið síðan í þráðinn svo að hnútarnir dragist að miðju, herðið vel að. Klippið af báða enda eins nálægt hnútunum og hægt er. Haltu síðan áfram með verkefnið.