DROPS Children 49 · Fullt af nýrri hönnun fyrir börn!

Hvernig á að tvinna snúru

Í þessu DROPS myndbandi sýnum við hvernig hægt er að tvinna snúru. Tvinnið 1-2 þræði saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút í hvorn enda. Það getur verið erfitt að vita hversu marga cm maður fær þegar þræðir eru tvinnaðir saman, allt eftir því hversu fast er tvinnað og eftir tegund af garni sem tvinnað er saman. Það er því gott að gera smá prufu.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS Baby 45-22

DROPS Baby 45-22
DROPS 247-10

DROPS 247-10
DROPS 248-1

DROPS 248-1
DROPS Extra 0-1609

DROPS Extra 0-1609
Annað tungumál:

Myndband #81, skráð í: Aðrar aðferðir, Snúra

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Paquerette Gagnon skrifaði:

Comment faire pour coudre un pompon au bout de la cordelette.

13.02.2016 - 19:46

DROPS Design :

Bonjour Mme Gagnon, vous pouvez enfiler le fil du pompon (celui qui a resserré les fils) dans l'extrémité de la cordelette - sécurisez bien pour qu'il ne se défasse pas. Bon assemblage!

15.02.2016 - 12:14

Country flag Katey skrifaði:

I never could understand what this was and your video was so very helpful. thank you for your assistance.

24.01.2014 - 03:02

Lidia Palmira skrifaði:

Thank you very much for all your videos.

22.04.2012 - 22:49

Estela skrifaði:

Muy sencillo y tan fácil...pero no lo sabía. Muchas gracias. Saludos desde el Perú.

23.05.2011 - 04:31

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að hekla snúru með 2 þráðum / 2 litum
2:02
Hvernig á að hekla snúru með 2 þráðum / 2 litum

Í þessu DROPS myndbandi sýnum við hvernig við heklum snúru með 2 þráðum / 2 litum. Leggið þræðina saman, en notið vinstri vísifingur til að halda þráðunum frá hvorum öðrum (látið annan þráðinn (bleikur) liggja efst yfir fingurinn og látið hinn þráðinn (ljós blár) liggja neðst undir vísifingri) en passið uppá að þræðirnir sem hekla á með liggi í sömu röð allan tímann. Nú er heklað þannig: * Setjið heklunálina yfir og í kringum ljós bláa þráðinn (2 lykkjur á heklunálinni), setjið heklunálina undir og í kringum bleika þráðinn og dragið bleika þráðinn í gegnum báðar lykkjurnar á heklunálinni *, heklið frá *-* að óskaðri lengd. Klippið þræðina þannig að endarnir séu ca 10 cm langir (þá er hægt að nota þá til að festa snúruna með), dragið bleika þráðinn í gegnum síðustu lykkjuna á heklunálinni. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla einfalda snúru
5:41
Hvernig á að hekla einfalda snúru

Í þessu DROPS myndbandi sýnum við hvernig við heklum einfalda snúru. Heklaðu upp 1 lykkju í 3 lykkjur þar sem þú vilt að snúran byrji t.d. í kanti á tösku. Bregðið þræðinum um heklunálina og dragið þráðinn í gegnum allar 3 lykkjurnar – þetta líkist 3 lykkjum sem eru heklaðar saman. * Bregðið þræðinum um heklunálina, stingið inn heklunálinni í fyrstu af 3 lykkjum að neðan. Sækið þráðinn á framhlið á stykki (þ.e.a.s. heklað er um fremri lykkjubogann) og dragið þráðinn í gegn = 3 lykkjur á heklunálinni, bregðið þræðinum um heklunálina og dragið þráðinn í gegnum allar 3 lykkjurnar að neðan, einnig er hægt að stinga heklunálinni í miðju lykkju að neðan (þetta gerum við á hinni snúrunni sem við sýnum í myndbandinu). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að gera vinaarmband
6:57
Hvernig á að gera vinaarmband

Í þessu DROPS myndbandi sýnum við hvernig hægt er að gera einfalt vinaarmband. Þú þarft að nota smá bút af kartonpappír og 7 þræði sem eru ca 70 cm langir. Gerðu gat í miðjuna og klipptu 8 sinnum/hök upp í kartonhringinn. Gerðu hnút á þræðina og dragðu þá í gegnum gatið. Festu endana í hvert og eitt hak í kartonhringinn. Eitt hak hefur engan þráð, láttu það snúa að þér. Nú byrjar fléttan. * Teldu frá hakinu sem ekki hefur þráð og upp til vinstri, hoppaðu yfir 2 þræði, taktu út 3. þráðinn úr hakinu og settu þráðinn í hakið sem er laust/ sem snýr að þér. Snúðu kartonhringnum þannig að hakið án þráðar snúi aftur að þér.* Endurtaktu frá *-* þar til fléttan nær óskaðri lengd. Ekki draga of fast í fléttuna sem kemur út úr gatinu, heldur láttu það vaxa að sjálfu sér. Nú þegar óskaðri lengd er náð, taktu þræðina úr hakinu, klipptu frá og dragðu endann sem þú velur sjálf, sem hnút, tvöfaldan hnút eða jafnvel með perlu. Í myndbandinu notum við garnið DROPS Snow, en vinaarmbandið er gert úr DROPS Cotton Merino.
Video thumbnail for Hvernig á að hekla snúru/handfang fyrir tösku
3:19
Hvernig á að hekla snúru/handfang fyrir tösku

Í þessu DROPS myndbandi sýnum við hvernig við heklum snúru / handfang á fallegu töskuna Carry All í DROPS 139-11, en sem er einnig hægt að nota á aðrar töskur. Heklið hring eftir hring með fastalykkjum án þess að enda umferðina með 1 keðjulykkju. Heklið 5 loftlykkjur og tengið saman í hring með 1 keðjulykkju í 1. loftlykkju. Heklið 1 fastalykkju í hverja loftlykkju = 5 fastalykkjur. Eftir síðustu fastalykkju í umferð 1, heklið 1 fastalykkju í næstu fastalykkju, haldið áfram að hekla hringinn með 1 fastalykkju í hverja fastalykkju. Þessi taska er hekluð úr DROPS Lin og DROPS Cotton Viscose, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla snúru
3:00
Hvernig á að hekla snúru

Í þessu DROPS myndbandi sýnum við hvernig hægt er að hekla snúru (tube). Byrjið á 3 loftlykkjum. Takið upp 1 lykkju í 2. og 3. loftlykkju frá heklunálinni, * lyftið af 2 síðustu lykkjum, heklið 1 loftlykkju í lykkju á heklunálinni, setjið til baka 2 lykkjunum sem lyftar voru af og heklið 1 loftlykkju, setjið til baka 3 loftlykkjur og heklið eina loftlykkju *, endurtakið frá *-* að óskaðri lengd, klippið frá og dragið þráðinn í gegnum allar 3 lykkjur til þess að enda. Ef þú notar fínna garn og mýkra, getur verið auðveldara að setja 2 lykkjur á kaðlaprjón þegar lykkjur eru teknar af heklunálinni.
Video thumbnail for Hvernig á að hekla snúru
2:21
Hvernig á að hekla snúru

Í þessu DROPS myndbandi sýnum við hvernig við heklum snúru. Heklið snúru þannig: Heklið 1 fastalykkju í kantinn, heklið síðan loftlykkjur eins langt og óskað er, snúið við og heklið til baka 1 keðjulykkju í hverja loftlykkju, heklið nú aftur 1 fastalykkju í kantinn á stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.