DROPS Children 49 · Fullt af nýrri hönnun fyrir börn!

Prjón leiðbeiningar & aðferðir

Lærðu fullt af gagnlegum ráðum og aðferðum til að hjálpa þér að prjóna, eins og hvernig á að prjóna hnappagat, taka upp nýjar lykkjur, prjóna rendur, prjóna stuttar umferðir, endurheimta lykkju sem hefur fallið og svo margt fleira.

Flokkar
Myndbönd: 109
4:58
Hvernig á að taka upp lykkjur með heklunál

Í þessu DROPS myndbandi sýnum við hvernig við tökum upp lykkjur með heklunál, þannig að það myndist falleg skipting. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
5:56
Hvernig á að prjóna kant með tvöföldu sléttprjóni

Í þessu DROPS myndbandi sýnum við hvernig við prjónum kant með tvöföldu sléttprjóni. Við notum garn frá garnflokki B og best er að nota ekki grófara garn en það eða fínna, jafnvel þó að stykkið þitt hefur grófara garn. Frá réttu: Takið upp þann fjölda lykkja sem passar meðfram kanti á stykkinu. Þar sem við notum garn frá garnflokki B og prjóna nr 4,5 þá tökum við upp ca 10 lykkjur per 5 cm. Ef notað er garn frá garnflokki A og prjóna nr 3 þá eru teknar upp ca 15 lykkjur per 5 cm. UMFERÐ 1 (ranga): Prjónið 1 lykkju slétt í aftari lykkjubogann, * sláið 1 sinni uppá prjóninn, 1 lykkja slétt í aftari lykkjubogann *, endurtakið frá *-* út umferðina. UMFERÐ 2 (rétta): Prjónið alla uppslætti slétt og lyftið öllum brugðnu lykkjunum yfir á hægri prjón með þráðinn framan við stykkið. UMFERÐ 3 (ranga): Prjónið alla uppslætti slétt og lyftið öllum brugðnu lykkjunum yfir á hægri prjón með þráðinn framan við stykkið. Haldið áfram eins og umferð 3 að óskaðri breidd á kanti. Fellið af frá röngu með því að prjónið 2 lykkjur brugðið saman, síðan aftur 2 lykkjur brugðið saman og steypið næst síðustu lykkju yfir síðustu lykkju eins og þegar fellt er venjulega af.
5:32
Hvernig á að taka upp hliðarlykkjur á sokk

Í þessu DROPS myndbandi sýnum við hvernig við tökum upp hliðarlykkjur á sokk og hvernig við setjum lykkjurnar aftur á prjóninn. Það er hægt að nota 2 eða fleiri sokkaprjóna eða hringprjón eins og við gerum í myndbandinu. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:39
Hvernig á að prjóna upp lykkjur í peysu með kanti að framan

Í þessu DROPS myndbandi sýnum við hvernig við prjónum upp kantlykkjur í peysu með tvöföldum kanti í hálsmáli. Eftir það prjónum við smá af kanti að framan, 1 lykkja slétt, 1 lykkja brugðið með 1 kantlykkju í hvorri hlið í garðaprjóni. Þú verður að lesa til um í mynstri hversu margar lykkjur þarf að prjóna upp. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:46
Hvernig á að prjóna lausan kant framan á peysu

Í þessu DROPS myndbandi sýnum við hvernig við prjónum hluta af lausum kanti að framan aðskilinn frá stykki, til að sauma síðan niður á framstykki í lokin. Við höfum nú þegar prjónað kant í hálsmáli í stroffprjóni með hnappagötum og 5 kantlykkjum í hvorri hlið. Þessar kantlykkjur eru prjónaðar í GARÐAPRJÓN og eru settar á lykkjuhaldara. Það er fitjuð upp ný lykkja í hvorri hlið, sem síðar er felld af = kantlykkja sem er prjónuð í garðaprjóni. Berustykkið er prjónað í sléttprjóni og aukið er út samkvæmt mynstri. Eftir það eru prjónaðir lausir kantar að framan að réttu máli áður en þeir eru settir saman við berustykki, þá er kantlykkjan einnig felld af. Munið eftir að fella af fyrir hnappagötum. Saumið kanta að framan fallega innan við 1 kantlykkju á berustykki. Við notum garnið Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:50
Hvernig á að prjóna tvöfaldan kant í hálsmáli og kanta að framan

Í þessu DROPS myndbandi sýnum við hvernig við prjónum tvöfaldan kant i hálsmáli og kant að framan sem m.a. er í «Love Links» peysu í DROPS 217-18. Við höfum nú þegar prjónað 9 cm af kanti í hálsmáli. Í umferð 1 sýnum við hvernig við fellum af 6 lykkjur (= kantur að framan) og prjónið slétt, jafnframt því sem lykkjur eru auknar út og hvernig prjónað er stroff yfir 6 síðustu lykkjurnar + 1 kantlykkju í garðaprjóni. Í umferð 2 eru felldar af 6 lykkjur (= kantur að framan) og það er prjónað brugðið yfir þær lykkjur sem eftir eru, uppslátturinn er prjónaður snúinn brugðið svo ekki myndist gat. Það er prjónuð 1 kantlykkja í garðaprjóni í hvorri hlið. Síðan er berustykkið prjónað, lestu mynstrið til að fá betri upplýsingar varðandi útaukningar, prjónamerki og e.t.v. mynstur. Eftir þetta eru lykkjur prjónaðar upp fyrir kant að framan, munið eftir hnappagötum. Saumið kanta að framan við kant í hálsi innan við 1 kantlykkju með sauminn inn að röngu á stykki. Brjótið stroffið efst í hálsi tvöfalt inn að röngu á stykki. Saumið stroffið niður. Saumið saman op við miðju að framan með smáu spori. Peysan í DROPS 217-18 er prjónuð úr DROPS Meriono Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
14:14
Hvernig á að prjóna tvöfaldan kant að framan með hnappagötum

Í þessu DROPS myndbandi sýnum við hvernig við prjónum tvöfaldan kant að framan jafnframt því sem við prjónum hnappagat. Takið upp lykkjur meðfram hægra framstykki með þráðarendanum á dokkunni, byrjið að taka upp lykkjur neðst á framstykki og prjónið upp 1 lykkju í hverja prjónaða umferð meðfram öllu framstykkinu eða hoppið yfir ca 4-5 lykkju innan við 1 kantlykkju, lestu hvað stendur í mynstrinu sem þú prjónar eftir. Nú heldur stykkið áfram í þeim enda á prjóni sem dokkan er (neðst á framstykki). Fitjið upp nýjar lykkjur fyrir kant að framan frá röngu (við fitjum upp 16 nýjar lykkjur í þessu myndandi, lykkjufjöldinn getur verið breytilegur frá mynstri til mynsturs). Nú er kanturinn að framan prjónaður yfir 16 nýjar lykkjur jafnframt því sem kanturinn að framan er prjónaður saman með lykkjur sem prjónaðar voru upp meðfram framstykki þannig: UMFERÐ 1 (rétta): Lyftið yfir fyrstu lykkju á hægri prjón eins og prjóna eigi brugðið með þráðinn framan við stykkið *, prjónið 1 lykkju slétt, lyftið yfir 1 lykkju á hægri prjón eins og prjóna eigi brugðið með þráðinn framan við stykkið *, prjónið frá *-* þar til 1 lykkja er eftir af 16 kantlykkjum að framan, lyftið yfir síðustu lykkju á hægri prjón eins og prjóna eigi slétt, með þráðinn aftan við stykkið, prjónið næstu lykkju slétt, steypið lyftu lykkjunni yfir lykkjuna sem var prjónuð slétt, snúið. UMFERÐ 2 (ranga): * Lyftið yfir fyrstu/næstu lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* yfir allar 16 kantlykkjur að framan, snúið. Endurtakið umferð 1 og 2. Lesið í mynstri þegar prjóna á hnappagat. Hnappagötin eru prjónuð þannig: Prjónið hnappagat, með byrjun frá réttu, þannig: Prjónið yfir fyrstu 8 lykkjurnar eins og áður (eða þeim lykkjufjölda sem stendur í mynstrinu sem þú prjónar), snúið og prjónið til baka yfir 8 lykkjur eins og áður, prjónið alls 3 umferðir yfir 8 lykkjurnar (síðasta umferð er prjónuð frá réttu). Klippið þráðinn. Prjónið alls 4 umferðir eins og áður yfir þær 8 kantlykkjur að framan sem eftir eru (fyrsta umferð er prjónuð frá réttu) og prjónið síðustu lykkju frá réttu saman með næstu lykkju meðfram kanti á peysu eins og áður. Í síðustu umferð frá röngu er prjónað yfir allar kantlykkjur að framan og haldið er áfram eins og áður yfir allar kantlykkjur að framan. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:38
Hvernig á að prjóna tvöfaldan kant að framan án hnappagata

Í þessu DROPS myndbandi sýnum við hvernig við prjónum tvöfaldan kant að framan. Byrjið á að taka upp lykkju efst í stykki, t.d. í gegnum öxl á framstykki, prjónið upp 1 lykkju í hverja prjónaða umferð meðfram öllu stykkinu eða hoppið yfir ca 4-5 lykkju innan við 1 kantlykkju, lestu hvað stendur í uppskrift sem prjónað er eftir. Eftir að lykkjur hafa verið teknar upp fitjið upp 12 lykkjur yfir kant að framan (= neðst á stykki / framstykki), lykkjufjöldinn getur verið breytilegur frá mynstri til mynsturs. Nú er kanturinn að framan prjónaður yfir 12 lykkjurnar jafnframt því sem kanturinn er prjónaður saman með lykkjum sem prjónaðar voru upp meðfram stykki / framstykkið þannig: UMFERÐ 1 (ranga): Prjónið 1 lykkju slétt, * lyftið lykkju yfir á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir af 12 kantlykkjum að framan, takið 2 næstu lykkjur yfir á hægri prjón eins og prjóna eigi brugðið saman með þráðinn framan við stykkið, snúið. UMFERÐ 2 (rétta): Prjónið 2 lykkjur slétt saman, * takið 1 lykkju yfir á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir, lyftið síðustu lykkjunni laust yfir á hægri prjón eins og prjóna eigi brugðið með þráðinn framan við stykkið, snúið. Endurtakið umferð 1 og 2. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:01
Hvernig á að auka út lykkjur og taka upp lykkjur fyrir þumal

Í þessu DROPS myndbandi sýnum við hvernig við aukum út fyrir þumal og tökum upp lykkjur fyrir þumal, eins og gert er í hægri handstúku í DROPS 214-37. Við aukum út með því að slá 1 sinni uppá prjóninn og í næstu umferð er uppslátturinn prjónaður snúinn. Útauknar lykkjur eru prjónaðar jafnóðum inn í stroff, þ.e.a.s. fyrsta lykkja er prjónuð slétt, 2. lykkja er prjónuð brugðið o.s.frv. Við aukum út í 2. hverri umferð og sýnum 5 umferðir með útaukningu og hvernig prjóna á næstu umferð. Eftir þetta sýnum við hvernig við tökum upp 6 nýjar lykkjur fyrir þumal. Þessar handstúkur eru prjónaðar úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:28
Hvernig á að prjóna einfaldan sjalkraga

Í þessu DROPS myndbandi sýnum við hvernig við prjónum einfaldan sjalkraga í garðaprjóni. Hér sýnum við sjalkraga þar sem kanturinn að framan er prjónaður í garðaprjóni. Þegar búið er að fella af fyrir öxl þá er haldið áfram í garðaprjón í kanti að framan þannig að kraginn fylgir hálskanti á bakstykki og aftan við hnakka. Saumið síðan saman kragann og hálskantinn báðum megin. Saumið að lokum saman kragann við miðju að aftan. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:56
Hvernig á að prjóna tvöfaldan kant í hálsmáli

Í þessu DROPS myndbandi sýnum við hvernig við prjónum tvöfaldan kant í hálsmáli, sem m.a. er í peysunni «Wild Mint Cardigan» í DROPS 215-15 og í öðrum flíkum. Við höfum fijtað upp færri fjölda lykkja en sem stendur í uppskrift og við sýnum hvernig við prjónum stroff með 1 kantlykkju í garðaprjóni í hvorri hlið, hvernig við fellum af fyrir hnappagati, fækkum lykkjum í hvorri hlið og fitjum upp nýja lykkju í hvorri hlið (kantlykkja fyrir kant að framan). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:40
Hvernig á að prjóna saman tvöfaldan kant i hálsmáli

Í þessu DROPS myndbandi sýnum við hvernig við prjónum saman tvöfaldan kant í hálsmáli. Lykkjur eru fitjaðar upp með 2 fínum prjónum eða 1 grófum prjóni til að uppfitjunarkanturinn verði teygjanlegur. Prjónið stroff eins og stendur í uppskrift og þegar náð hefur réttri lengd er stroffið brotið inn þannig að kanturinn verði tvöfaldur. Eftir það er næsta umferð prjónuð í stroffprjóni eins og áður jafnframt því sem önnur hver lykkja er prjónuð saman með annarri hverri lykkju frá uppfitjunarkantinum. Nú er kominn tvöfaldur kantur í hálsmáli. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:11
Hvernig á að prjóna tvöfaldan stroffkant.

Í þessu DROPS myndbandi sýnum við hvernig hægt er að prjóna tvöfaldan stroffkant með 1 lykkju slétt / 1 lykkju brugðið. Gott að nota í hálsmáli eða neðan á ermi. Fitjið upp þann fjölda lykkja sem stendur í mynstri en fitjið upp aðeins fast og prjónið þannig: UMFERÐ 1. * Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* umferðina hringinn. UMFERÐ 2: * 1 lykkja brugðið, lyftið 1 lykkju af prjóni eins og prjóna eigi brugðið með þráðinn aftan við stykkið *, prjónið frá *-* umferðina hringinn. Endurtakið umferð 1 og 2 að uppgefnu máli. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:57
Hvernig á að prjóna tvöfalt V-hálsmál með 2 lykkjur slétt / 2 lykkjur brugðið

Í þessu DROPS myndbandi sýnum við hvernig við prjónum tvöfalt V-hálsmál. Kantur í hálsmáli er prjónaður í hring, en við sýnum einungis hluta um hvað gerist á framstykkinu. Við sýnum: 1) Tími: 00.04-01.36. Hvernig 2 miðjulykkjurnar eru settar á prjón og prjónaðar slétt, jafnframt því sem lykkjur eru teknar upp í kringum hálsmál. Setjið eitt prjónamerki á milli þessa 2 lykkja (= miðjulykkjur sem alltaf eru prjónaðar slétt). Það eru teknar upp 2 lykkjur fleiri á vinstri hlið en á þeirri hægri og stillið lykkjufjöldann af þannig að hann sé deilanlegur með 4. 2) Tími: 01:37 -03:12. Nú er prjónað stroff (2 lykkjur slétt / 2 lykkjur brugðið), teljið frá miðjulykkjum og til baka að byrjun þannig að stroffið geti byrjað þannig að það verða 2 lykkjur brugðið á undan 2 miðjulykkjum sem eru prjónaðar slétt. Þegar 2 lykkjur eru eftir á undan prjónamerki eru þessar 2 lykkjur prjónaðar slétt saman, (einnig ef önnur lykkjan eigi að vera brugðin lykkja). Lyftið næst 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð = 2 lykkjur slétt mitt að framan, prjónið 1 lykkju brugðið og haldið áfram með stroff (2 lykkjur slétt / 2 lykkjur brugðið). Stroffið á að vera alveg eins hvoru megin við miðjulykkjurnar. 3) Tími: 03:13 -04:10. Fækkið lykkjum einnig svona í næstu umferð. Yfir 6 miðjulykkjurnar verða þá bara sléttar lykkjur. 4) Tími: 04:12 -04:29. Haldið áfram með stroffprjón og úrtöku að uppgefnu máli. 5) Tími: 04:30-05:52. Prjónið 1 umferð stroffprjón án þess að fækka lykkjum við prjónamerki, hér á síðar að brjóta uppá kantinn í hálsmáli þannig að hann verði tvöfaldur. 6) Tími: 05:54-08:21. Nú á að auka út hvoru megin við miðjulykkjurnar í hverri umferð þannig: Prjónið stroff eins og áður fram þar til 1 lykkja er eftir að prjónamerki, sláið 1 sinni uppá prjóninn, prjónið 2 lykkjur slétt (miðjulykkjur), sláið 1 sinni uppá prjóninn, prjónið stroff eins og áður út umferðina, uppslátturinn er prjónaður snúinn í næstu umferð. 7) Tími: 08:25-09:06. Þegar stykkið hefur náð réttu máli, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. 8) Tími: 09:10-09:38. Brjótið kant í hálsmáli inn og festið affellingarkantinn með nokkrum sporum að innanverðu á flíkinni þannig að hálsmálið liggi fallega. 9) Tími: 09:39-09:56. Tilbúið tvöfalt prjónað V-hálsmál. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:36
Hvernig á að prjóna einfalt v-hálsmál

Í þessu DROPS myndbandi sýnum við hvernig við prjónum einfalt v-hálsmál í stroffprjóni með 1 lykkju slétt / 1 lykkju brugðið. Hægt er að nota sömu aðferð þegar lykkjur eru prjónaðar 2 lykkjur slétt / 2 lykkjur brugðið. Fyrst sýnum við þegar lykkjur eru prjónaðar upp, síðan prjónum við allar lykkjur slétt frá röngu, eftir það er prjónað stroffprjón jafnframt því sem lykkjum er fækkað mitt að framan í annarri hverri umferð þannig: Prjónið þar til 1 lykkja er eftir á undan sléttri lykkju mitt framan í hálsmáli, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). Með þessu þá kemur kanturinn til með að leggjast fallega og slétta lykkjan kemur til með að halda áfram sem bein lína. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:50
Hvernig á að skipta framstykki í tvennt til að gera V-hálsmál

Í þessu DROPS myndbandi sýnum við hvernig við skiptum framstykki í tvennt til að mynda V-hálsmál, eins og í peysunni «Highland Homecoming» í DROPS 216-5. Við prjónum minni peysu og byrjum myndbandið þar sem við setjum miðjulykkju á prjónamerki, þessi lykkja er síðar tekin upp þegar kantur í hálsmáli er prjónaður. Eftir það sýnum við nokkrar umferðir þar sem lykkjum er fækkað fyrir hálsmáli (frá réttu) áður en við sýnum hvernig fellt er af fyrir handvegi (frá röngu). Peysan Highland Homecoming er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
14:22
Hverrnig á að prjóna kant í hálsmáli í 2 hlutum

Í þessu DROPS myndbandi sýnum við hvernig hægt er að prjóna kant í hálsmáli, eins og er m.a. í peysunni Velencia í DROPS 202-10. Við prjónum minnstu stærðina/lykkjufjöldann í DROPS 202-10 og við höfum nú þegar fitjað upp 5 lykkjur og prjónað GARÐAPRJÓN í ca 6 cm. Við byrjum myndbandið á því að sýna STUTTAR UMFERÐIR-1 fyrir fyrri kant í hálsmáli, eftir það prjónum við GARÐAPRJÓN þar til stykkið mælist ca 14 cm. Klippið frá og geymið kant í hálsmáli. Við sýnum síðan STUTTAR UMFERÐIR-2 fyrir seinni kant í hálsmáli (byrjum frá röngu) og endum með 1 umferð slétt frá röngu. Eftir það eru prjónaðir 6 cm í GARÐAPRJÓN. Setjið síðan lykkjur frá kanti í hálsmáli-2 á hringprjón, fitjið upp 52 nýjar lykkjur og prjónið slétt yfir 5 lykkjur í kanti í hálsmáli-1. Þegar peysan hefur verið prjónuð til loka er kantur í hálsmáli saumaður saman við miðju að aftan þannig að saumurinn snúi inn. Strekkið aðeins á kantinum og saumið niður aftan í hálsmáli. RS = rétta WR = ranga. Við notum garnið DROPS Air í myndbandinu. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
11:05
Hvernig á að prjóna kant í hálsmáli með smá boga í hnakka.

Í þessu DROPS myndbandi sýnum við hvernig við fellum af lykkjur í kanti í hálsmáli, til að hálsmálið fái fallegra form og passi betur aftan í hnakka, eins og í peysunni «Wild Mint Tea Jacket» í DROPS 227-6. Við höfum einungis prjónað smá hluta af peysunni með færri fjölda lykkja en sem stendur í mynstri og við prjónum einungis smá hluta af kanti að framan áður en við fellum af. Þessi peysa er prjónuð úr DROPS Alpaca og Kid-Silk, en í myndbandinu notum við grófara garn; DROPS Snow. Saumurinn mitt að aftan getur sýnst aðeins of þykkur, því sýnum við í lokin 2 stykki sem eru saumuð saman með DROPS Alpaca og DROPS Kid-Silk. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:06
Hvernig á að prjóna vasalok/skrautvasa

Í þessu DROPS myndbandi sýnum við hvernig við prjónum vasalok /skrautvasa. Í myndbandinu höfum við 24 lykkjur. Prjónið næstu umferð þannig frá réttu: Prjónið 20 lykkjur sléttprjón, setjið síðustu 16 lykkjur sem prjónaðar voru á þráð fyrir vasalok, prjónið út umferðina. Í næstu umferð eru fitjaðar upp 16 nýjar lykkjur yfir þræðinum með lykkjunum. Haldið áfram í sléttprjóni. Síðar eru þær 16 lykkjur af þræði settar til baka á prjóninn. Prjónið stroff með 1 lykkju garðaprjón og 2 lykkjur slétt í hvorri hlið (séð frá réttu). Þegar vasalokið mælist 2-3 cm er fellt laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Saumið vasalokið á stykkið með fínu spori í hvorri hlið. Saumið vasaopið við botn á vasaopinu (þar sem lykkjurnar voru settar á þráðinn) á bakhlið á stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:33
Hvernig á að prjóna vasa að innanverðu

Í þessu DROPS myndbandi sýnum við hvernig hægt er að prjóna vasa að innanverðu á stykki. Prjónið vasann sér og leggið hann til hliðar. Prjónið framstykki að þeim stað þar sem vasaopið á að vera. Prjónið lykkjur frá kanti að framan þar sem byrjun á vasa á að vera, setjið sama fjölda lykkja sem er á vasanum á þráð fyrir vasaop, prjónið inn lykkjur frá vasanum og síðan þær lykkjur sem eftir eru út umferðina. Haldið áfram að prjóna framstykki eins og áður yfir allar lykkjur. Þegar búið er að prjóna eru lykkjur settar frá þræðinum til baka á prjóninn. Prjónið kant og fellið síðan af. Saumið hliðar á kanti á vasa við framstykkið. Saumið vasann á bakhlið þannig að saumurinn sjáist ekki frá framhlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:45
Hvernig á að prjóna vasa að utanverðu

Í þessu DROPS myndbandi sýnum við hvernig við prjónum vasa að utanverðu á stykki. Frá röngu á stykkinu er settur ákv. fjöldi lykkja fyrir vasa á hjálparprjón (eða sokkaprjón) – ranga. Þessar lykkjur eiga síðar að prjónast fyrir vasa. Prjónið restina af lykkjunum á vinstri prjón brugðið, síðasta lykkjan slétt (kantlykkja). Í næstu umferð er prjónuð 1 lykkja í bakhlið á hverri lykkju sem er á hjálparprjóni. Haldið áfram að prjóna sléttprjón og 1 lykkju slétt í hvorri hlið (= kantlykkja). Þegar stykkið er lokið, prjónið lykkjurnar af hjálparprjóni eins og útskýrt er frá í mynstri og að lokum eru hliðarnar á vasanum saumaðar við stykkið með smáu spori. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:21
Hvernig á að prjóna vasa á stykki - ofan frá og niður

Í þessu DROPS myndbandi sýnum við hvernig við prjónum vasa ofan frá og niður. Við höfum nú þegar prjónað smá bút og byrjum myndbandið þar sem toppurinn á vasanum á að vera. Prjónið X fjölda lykkja með grunnlit (litur grænn), eftir það er prjónaður x fjöldi lykkja með afgangs garni, (þessar lykkjur – litur ljós vínrauður, eru teknar upp síðar). Setjið til baka þessar lykkjur yfir á vinstri prjón, eftir það er prjónað yfir lykkjurnar með afgangs garninu með grunnlit út umferðina og haldið er áfram í sléttprjóni að réttu máli samkvæmt mynstri. Takið frá lykkjurnar sem hafa verið prjónaðar með afgangs garninu. Setjið þessar lykkjur á tvo prjóna, notið gjarna eitt prjónanúmer minna í þessum tveimur prjónum. Eftir þetta eru þessar lykkjur prjónaðar saman. Prjónið sléttprjón yfir þessar lykkjur að sömu lengd og afgangur af prufustykkinu, hugsanlega með X fjölda útaukninga og kantlykkjum í hliðum. Þegar bæði stykkin hafa sömu lengd, eru þessi stykki prjónuð saman. Í myndbandinu notum við garnið DROPS Snow.
9:01
Hvernig á að prjóna 2 tvöfalda vasa

Í þessu DROPS myndbandi sýnum við hvernig við prjónum 2 tvöfalda vasa samtímis sem við prjónum í framstykki eins og í peysunni “Autumn Woods” í DROPS 236-8. Sama aðferð er einnig notuð þegar prjónað er fram og til baka. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
9:29
Hvernig á að prjóna lausan vasa innan á flík

Í þessu DROPS myndbandi sýnum við hvernig við prjónum lausan vasa innan á flík, sem m.a. er í prjónaðri peysu «Meet the Sun» í DROPS 200-6. Við höfum nú þegar prjónað 1. hluta af vasanum (sem á að liggja næst flíkinni) og framstykki og byrjum myndbandið á að setja lykkjur frá framstykki á lykkjuhaldara og prjóna niður fyrsta hlutann af vasanum í framstykkið. Eftir það setjum við til baka lykkjur af lykkjuhaldara á prjóninn og prjónum hinn hlutann á vasanum (sem á að vera næst fram- og bakstykki, en þegar við prjónum þennan hluta er hann á ytri hlið á flíkinni). Saumið síðan hlutana saman innan við 1 kantlykkju. Eftir það festum við vasana á innanverðri peysunni með litlu, fíngerðu spori í neðstu hornin. Við notum garnið Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.