Ertu að leita að garni?
Hvernig á að gera ítalska uppfitjun utan um 2 prjóna, 1 l slétt, 1 l brugðið (í hring)
ÁÐUR EN MYNDBANDIÐ BYRJAR:
Við byrjum að prjóna mynstrið, sem á að vera laust. Fitjið upp helminginn af tilgreindum fjölda lykkja, tvöfaldið fjölda lykkja í fyrstu umferð, mínus 1 lykkju, síðasta lykkjan er aukin út í umferð 2.
MYNDBANDIÐ SÝNIR:
Búið til byrjunarlykkju og leggið hana utan um tvo prjóna sem haldið er saman (báðir í sömu stærð/grófleika). Fitjið upp á venjulegan hátt utan um báða prjónana, fjarlægið síðan annan prjóninn og látið uppfitjunarlykkjurnar vera á einum prjóni. Allar lykkjurnar eru jafn lausar og jafnar. Aukið nú lykkjufjöldann þannig:
UMFERÐ 1 (Snúið stykkinu og prjónið til baka): * Prjónið 1 lykkju brugðið, aukið um 1 lykkju þannig: Leggið hægri prjóninn að ykkur, síðan undir og aftan við stykkið, upp fyrir framan þráðinn og dragið prjóninn með þræðinum áfram og aftur fram (= 1 ný lykkja á hægri prjóni) *, prjónið frá *-* þar til 1 lykkja er eftir, prjónið 1 lykkju brugðið. Lykkjufjöldinn hefur tvöfaldast mínus 1 lykkja.
UMFERÐ 2 (Snúið stykkinu og prjónið til baka): * Prjónið 1 lykkju slétt, 1 lykkju brugðið (= þráðurinn sem tekinn var upp) *, prjónið frá *-* þar til 1 lykkja er eftir, prjónið 2 lykkjur í síðustu lykkjuna þannig – 1 lykkja slétt í fremri lykkjubogann á lykkjunni og 1 lykkja brugðið í aftari lykkjubogann á lykkjunni.
UMFERÐ 3 (Ekki snúa stykkinu – nú er prjónað í hring): Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur.
VIÐ FRÁGANG:
Þegar uppfitjunarþráðurinn er festur – passið uppá að herða aðeins á þræðinum til að samskeytin/skiptingin sjáist minna.
Mynstur þar sem þessi aðferð er notuð
Myndband #1906, skráð í: Lærðu að prjóna, Hvernig á að fitja upp lykkjur, Hvernig á að fitja upp með ítalskri uppfitjun
Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.
Þú getur breytt hraðanum á þessu myndbandi með því að smella á táknið á spilastikunni.
Þú gætir líka haft gaman af...
Með yfir 40 ára prjón- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 333 vörulista og 12532 mynstur - 8135 mynstur sem eru þýdd á [íslensku].
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright sem er neðst á öllum mynstrunum okkar.
Skrifaðu athugasemdir eða spurningar fyrir þetta myndband
Netfangið þitt verður ekki birt. Það verður að merkja við svæði merktri með *.