Hvernig á að gera ítalska uppfitjun utan um 2 prjóna, 1 l slétt, 1 l brugðið (fram og til baka)

Í þessu DROPS myndbandi sýnum við hvernig á að fitja upp þannig að sýnilegu lykkjurnar í kringum uppfitjunarkantinn séu 1 lykkja slétt og 1 lykkja brugðið. Þessi aðferð er einnig kölluð „Einföld ítölsk uppfitjun“.

ÁÐUR EN MYNDBANDIÐ BYRJAR:
Við byrjum að prjóna mynstrið, sem á að vera laust. Fitjið upp helminginn af tilgreindum fjölda lykkja, tvöfaldið fjölda lykkja í fyrstu umferð, mínus 1 lykkju.

MYNDBANDIÐ SÝNIR:
Búið til byrjunarlykkju og leggið hana utan um tvo prjóna sem haldið er saman (báðir í sömu stærð/grófleika). Fitjið upp á venjulegan hátt utan um báða prjónana, fjarlægið síðan annan prjóninn og látið uppfitjunarlykkjurnar vera á einum prjóni. Allar lykkjurnar eru jafn lausar og jafnar. Aukið nú lykkjufjöldann þannig:
UMFERÐ 1 (ranga): * Prjónið 1 lykkju brugðið, aukið um 1 lykkju þannig: Leggið hægri prjóninn að ykkur, síðan undir og aftan við stykkið, upp fyrir framan þráðinn og dragið prjóninn með þræðinum áfram og aftur fram (= 1 ný lykkja á hægri prjóni) *, prjónið frá *-* þar til 1 lykkja er eftir, prjónið 1 lykkju brugðið. Lykkjufjöldinn hefur tvöfaldast mínus 1 lykkja.
UMFERÐ 2 (rétta): * Prjónið 1 lykkju slétt, 1 lykkju brugðið (= þráðurinn sem tekinn var upp) *, prjónið frá *-* þar til 1 lykkja er eftir, prjónið 1 lykkju slétt.
UMFERÐ 3 (ranga): Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur.
Endurtakið umferð 3.