DROPS Alpaca Party - 13 tegundir af alpakka garni á afslætti í allan október!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 598
17:39
Hvernig á að prjóna hægra framstykki á topp

Í þessu DROPS myndbandi sýnum við hvernig við prjónum hægra framstykki í toppnum «Seaside Spirals» í DROPS 211-13, en sama aðferð / svipaður kaðall er einnig prjónaður í öðrum uppskriftum. Jafnvel þó að FRAM- OG BAKSTYKKI sé prjónað í hring, sýnum við einungis framstykkið í þessu myndbandi. Við höfum nú þegar prjónað mynsturteikningu A.3 (V-hálsmál) og sett framstykki og lykkjur undir ermum á mismunandi þræði. Við byrjum myndbandið á því að fitja upp 5 lykkjur og sýnum hvernig við prjónum eftir mynsturteikningu A.4, jafnframt því sem við prjónum niður «kanten» í toppnum. Við sýnum einnig hvernig við prjónum smá mynsturteikningu A.5 og hvernig við fækkum eftir mynsturteikningu A.5 á undan mynsturteikningu A.4. Við erum ekki með sama lykkjufjölda og gefið er upp í mynstri. Þessi toppur er prjónaður úr DROPS Paris, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:44
Hvernig á að fækka lykkjum fyrir V-hálsmáli

Í þessu DROPS myndbandi sýnum við hvernig við fækkum lykkjum fyrir V-hálsmáli, sem m.a. er í vestinu «Unexpected» í DROPS 218-21. Við prjónum einungis síðasta hlutann á framstykki þar sem við sýnum hvernig við prjónum 5 lykkjur garðaprjón yfir miðjulykkjur, setjum hægra framstykki á þráð, fækkum um 1 lykkju á undan / á eftir 5 lykkjum í garðaprjóni og tökum upp lykkjur aftan við lykkjur í garðaprjóni neðst niðri í v-hálsmáli. Við notum lykkjufjöldann frá minnstu stærðinni, en höfum ekki eins margar umferðir á milli úrtöku. Þetta vesti er prjónað úr DROPS Alpaca Bouclé og DROPS Kid-Silk, en í myndbandinu notum við bara eina gerð að garni; DROPS Nepal. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
6:04
Hvernig á að prjóna gatamynstur í DROPS 148-11 og DROPS 148-12

Í þessu DROPS myndbandi sýnum við þetta fína og einfalda gatamynstur sem notað er í tveimur af mynstrunum okkar í DROPS 148-11 og DROPS 148-12. Í myndbandinu er fyrsta umferðin nú þegar prjónuð og við byrjum á sjálfri mynsturumferðinni í mynstri. Við prjónum 2 lykkjur brugðið hvoru megin við sjálft mynstrið þannig að léttara sé að sjá hvernig götin líta út frá réttu: UMFERÐ 3 = sjálfa mynsturumferðin (rétta): Prjónið 2 lykkjur brugðið, sláið 1 sinni uppá prjóninn, lyftið 1 lykkju af prjóni eins og prjóna eigi slétt, 2 lykkjur slétt saman, steypið lyftu lykkjunni yfir, sláið 1 sinni uppá prjóninn, 3 lykkjur brugðið, sláið 1 sinni uppá prjóninn, lyftið 1 lykkju af prjóni eins og prjóna eigi slétt, 2 lykkjur slétt saman, steypið lyftu lykkjunni yfir, sláið 1 sinni uppá prjóninn, 2 lykkjur brugðið. UMFERÐ 4 (prjónuð frá röngu): Prjónið 2 lykkjur slétt, 3 lykkjur brugðið, 3 lykkjur slétt, 3 lykkjur brugðið, 2 lykkjur slétt. UMFERÐ 5 (rétta): Prjónið 2 lykkjur brugðið, 3 lykkur slétt, 3 lykkjur brugðið, 3 lykkjur slétt, 2 lykkjur brugðið. UMFERÐ 6 (ranga): Prjónið eins og umferð 4. UMFERÐ 7 (rétta): Prjónið nú aftur mynstur eins og umferð 3. Sjálfa mynsturumferðin er prjónuð í 4. hverri umferð og hinar umferðirnar eru prjónaðar með brugðnar lykkjur yfir brugðnar lykkjur og sléttar lykkjur yfir sléttar lykkjur. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:46
Hvernig á að prjóna M.1 í DROPS 117-20

Í þessu DROPS myndbandi sýnum við hvernig við prjónum mynsturteikningu M.1 í vesti í DROPS 117-20. Í þessu myndbandi höfum við 2 kantlykkjur í garðaprjóni í hvorri hlið, við prjónum M.1 tvisvar sinnum á eftir hvoru öðru og við höfum nú þegar prjónað 2 mynstureiningar á hæðina. Þetta vesti er prjónað úr DROPS Puna, en í myndbandi notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:32
Hvernig á að prjóna A.1 í DROPS 160-28

Í þessu DROPS myndbandi sýnum við einfalt gatamynstur sem notað er í topp í DROPS 160-28. Við prjónum mynstureiningu A.1 fjórum sinnum í röð. Við höfum prjónað 4 kantlykkjur í hvorri hlið og 2 mynstureiningar á hæðina. Þessi toppur er prjónaður í DROPS Big Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
9:06
Hvernig á að prjóna A.1 í DROPS 170-6

Í þessu DROPS myndbandi sýnum við hvernig þú prjónar mynsturteikningu A.1 í toppnum í DROPS 170-6. Þessi toppur er prjónaður úr DROPS Safran, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
19:42
Hvernig á að prjóna laskalínu með útaukningu og A.1 í DROPS 169-36

Í þessu DROPS myndbandi sýnum við hvernig við prjónum útaukningu fyrir laskalínu og prjónar mynsturteikningu A.1 á berustykki á toppi í DROPS 169-36. Við sýnum einnig hvernig við fellum af fyrir hlýra / band á öxl og fitjum upp nýjar lykkjur fyrir fram- og bakstykki. Toppurinn er prjónaður úr DROPS BabyAlpaca Silk, en í myndabandinu prjónum við með grófara garni, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:39
Hvernig á að prjóna gatamynstur og gatakant í DROPS 176-12

Í þessu DROPS myndbandi sýnum við hvernig prjóna á gatamynstur og gatakant samkvæmt A.3 og A.5 í toppnum í DROPS 176-12. Í myndbandinu höfum við nú þegar prjónað mynstur A.5 tvisvar sinnum á hæðina og mynstur A.3 fjórum sinnum á hæðina svo að auðveldara sé að sjá mynstrið. Þessi toppur er prjónaður úr DROPS Cotton Merino, en í myndbandinu prjónum við með DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:35
Hvernig á að gera úrtöku fyrir tá á prjónuðum sokk

Í þessu DROPS myndbandi sýnum við hvernig gerum úrtöku fyrir tá á prjónuðum sokk. Hefðbundin úrtaka fyrir tá, ein af mögum útgáfum. Við setjið prjónamerki í hvora hlið með álíka mörgum lykkjum á prjóni á rist sem og undir il. Síðan er lykkjum fækkað í hvorri hlið hvoru megin við bæði merkin og 2 lykkjur slétt í hvorri hlið - byrjið 3 lykkjum á undan 3 síðustu lykkjum á prjóni í fyrri hliðinni: Lyftið 1 lykkju af prjóni, prjónið 1 lykkju slétt, steypið lyftu lykkjunni yfir, staðsetjið merki, 1 lykkja slétt, í næstu umferð er prjónað þannig: Prjónið 1 lykkju slétt, 2 lykkjur slétt saman. Endurtakið úrtöku í báðum hliðum á fæti í hverri umferð eins og á myndbandinu, eða í annarri hverri umferð fyrir lengri tá, þar til 8 lykkjur eru eftir á prjóni. Klippið frá og þræðið þráðinn í gegnum þær lykkjur sem eftir eru, herðið að og festið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:06
Hvernig á að fækka lykkjum fyrir tá á sokk

Í þessu DROPS myndbandi sýnum við hvernig við fækkum lykkjum fyrir tá í sokkum DROPS 189-36. Við höfum nú þegar sett eitt prjónamerki í hvora hlið á sokknum. Fækkið lykkjum fyrir tá með því að fækka lykkjum hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur snúnar slétt saman, prjónið 2 lykkjur (prjónamerki er staðsett mitt á milli þessa lykkja) og prjónið 2 lykkjur slétt saman, endurtakið á sama hátt við hitt prjónamerkið. Fækkið lykkjum svona í hverri umferð þar til 8 lykkjur eru eftir á prjóni, prjónið 2 og 2 lykkjur slétt saman í næstu umferð = 4 lykkjur. Klippið frá og dragið þráðinn í gegnum lykkjurnar nokkrum sinnum og festið vel. Þessi sokkar eru prjónaðir úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
13:46
Hvernig á að enda prjónaðan sokk með stórutá

Í þessu DROPS myndbandi sýnum við hvernig við prjónum lokin á sokk með úrtöku fyrir tá og stóru tá. Lestu uppskrift og fylgdu þinni stærð til að vita lykkjufjöldann sem á að setja á þráð, setjið til baka á prjón, nýjar lykkjur sem fitja á upp, hvernig prjónamerkin eru sett í, hversu oft á að fella af og hversu marga cm á að prjóna. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:51
Hvernig á að prjóna sokka með pífukanti

Í þessu DROPS myndbandi sýnum við hvernig við byrjum á sokk með pífukanti, eins og í sokkum «Dainty Duo» í DROPS 229-19. Við fitjum upp með 2 þráðum, en höldum áfram að prjóna með 1 þræði. Eftir það eru prjónaðar 4 umferðir í sléttprjóni áður en 2 og 2 lykkjur eru prjónaðar saman. Síðan er prjónað stroff (1 lykkja snúin slétt / 1 lykkja brugðið). Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
9:17
Hvernig á að prjóna byrjun á sokk í DROPS 168-24

Í þessu DROPS myndbandi sýnum við hvernig við byrjum á sokkunum Dancing Zoe með röndum og öldumynstri í DROPS 168-24. Í myndbandinu höfum við færri lykkjur en sem gefið er upp í mynstri. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:55
Hvernig á að prjóna A.1 í DROPS Extra 0-1085

Í þessu DROPS myndbandi sýnum við hvernig við prjónum mynsturteikningu A.1 í sokk í DROPS Extra 0-1085. Við sýnum mynstrið í annarri hlið á sokknum. Þessir sokkar eru prjónaðir úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
19:37
Hvernig á að prjóna kaðla í jólasokkum í DROPS Extra 0-1331

Í þessu DROPS myndbandi sýnum við hvernig við prjónum kaðla samkvæmt mynstri A.1, A.2 og A.3 í jólasokkum í DROPS Extra 0-1331. Við prjónum sokkana í stærð 35/37 og prjónum samkvæmt mynstri þannig: A.1 (4 l), A.2 (6 l), 2 lykkjur brugðið, A.3 (6 l), A.1 (4 l), A.2 (6 l), 2 lykkjur brugðið, A.3 (6 l). Þessir sokkar eru prjónaðir úr DROPS Snow og við notum sama garn í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:38
Hvernig á að prjóna sokk með skásettum hæl

Í þessu DROPS myndbandi sýnum við hvernig hægt er að prjóna hæl þar sem hægt er að ná fram skálaga línu frá hæl og upp úr að rist með því að prjóna stuttar umferðir. 1. Fyrst eru prjónaðar stuttar umferðir yfir efri hluta á hælnum, eftir það er neðri hluti á hælnum prjónaður og í lokin er prjónað í hring yfir allar lykkjur að tánni á sokknum. 2. Lykkjurnar ofan á fæti eru settar á þráð og einungis er prjónað yfir hællykkjurnar. Prjónið þar til 1 lykkja er eftir á prjóni. Snúið stykkinu, lyftið 1. lykkju á vinstri prjóni yfir á hægri prjón, herðið á þræði og prjónið til baka. Prjónið svona fram og til baka, en prjónuð er 1 lykkja færri í hverri umferð. Prjónið svona að tilgreindum lykkjufjölda. 3. Haldið áfram fram og til baka, en nú er prjónuð 1 lykkja fleiri í hverri umferð yfir hæl. Til að koma í veg fyrir göt í hverri skiptingu þegar snúið er við, er lárétta þræðinum lyft á undan lykkjunni sem á að prjóna upp og þráðurinn settur snúinn á prjóninn. Prjónið þráðinn saman með næstu lykkju á vinstri prjóni. Snúið stykkinu, lyftið 1. lykkju á vinstri prjóni yfir á hægri prjón, herðið á þræði og prjónið til baka. Prjónið svona fram og til baka þar til prjónað hefur verið yfir allar lykkjur á hælnum. 4. Setjið lykkjur af þræði til baka á prjóninn. 5. Prjónið síðan í hring að tilgreindu máli.
9:20
Hvernig á að prjóna fleyghæl á sokk (einföld aðferð)

Í þessu DROPS myndbandi sýnum við hvernig við prjónum á einfaldan fleyghæl á sokk. Prjónið hællykkjur fram og til baka í sléttprjóni 5-6 cm. Byrjið á úrtöku í næstu umferð frá réttu. Prjónið út umferð þar til fjöldi lykkja samkvæmt mynstri er eftir, prjónið 2 lykkjur slétt saman í aftari lykkjubogann (snúið slétt). Snúið stykkinu. Prjónið umferð frá röngu þar til fjöldi lykkja samkvæmt mynstri er eftir, prjónið 2 lykkjur brugðið saman. Snúið, haldið áfram fram og til baka með 1 lykkju færri í hverri umferð þar sem 2 lykkjur eru prjónaðar saman. Eftir hælúrtöku er tekinn upp fjöldi lykkja samkvæmt mynstri hvoru megin við hæl. Síðan er haldið áfram hringinn í sléttprjóni yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:57
Hvernig á að prjóna hæl á ská með því að setja lykkjur á þráð

Í þessu DROPS myndbandi sýnum við hvernig við formum hæl á ská á prjónuðum sokk. Prjónið sléttprjón yfir hællykkjur jafnframt er sett 1 lykkja í lok hverrar umferðar á þráð eða nælu. Haldið áfram þar til 3 lykkjur eru á þráðum hvoru megin við hæl = 4 lykkjur eftir á prjóni. Prjónið áfram – jafnframt í lok hverrar umferðar er prjónuð 1 lykkja af þræði til baka á prjóninn. ATH: Til þess að koma í veg fyrir göt eru líka prjónaðar upp 2 lykkjur á milli lykkja á prjóni og þræði, í næstu umferð eru þessar 3 nýju lykkjur prjónaðar saman. Haldið svona áfram þar til allar lykkjur eru aftur á prjóninum. Prjónið síðan áfram hringinn yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:54
Hvernig á að prjóna styrkingu á hæl

Í þessu DROPS myndbandi sýnum við hvernig við prjónum hæl á sokk með styrkingu. RANGA: Lyftið fyrstu lykkjunni af prjóni eins og prjóna eigi brugðið, prjónið allar lykkjur brugðið út umferðina. RÉTTA: * Lyftið fyrstu lykkjunni af prjóni eins og prjóna eigi slétt, 1 lykkja slétt *, endurtakið frá *-* yfir allar hællykkjurnar. Lykkjum sem lyft er yfir koma til með að standa aðeins út, séð frá réttu. Þegar hæl-stykkið hefur verið prjónað, haldið áfram að snúa hælnum samtímis sem haldið er áfram að lyfta annarri hverri lykkju í umferð frá réttu. Passið uppá að lyfta sömu lykkju og áður. Þegar hælnum er snúið eru teknar upp lykkjur hvoru megin við hælinn, byrjið að prjóna hringinn og hættið að taka hællykkjur óprjónaðar. Nú er hællinn þykkari en sokkurinn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:18
Hvernig á að gera fleyghæl á sokk (hefðbundin aðferð)

Í þessu DROPS myndbandi sýnum við hvernig við prjónum hefðbundinn fleyghæl á sokk. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
21:49
Hvernig á að fella af fyrir hæl með stuttum umferðum í DROPS 131-25

Í þessu DROPS myndbandi sýnum við hvernig við fellum af fyrir hæl með stuttum umferðum sem prjónaðar eru fram og til baka í sokknumm í DROPS 131-25. Við höfum nú þegar prjónað stroff þar til það mælist 12 cm. Prjóni áfram frá réttu þannig: * Prjónið 6 lykkju slétt, snúið við og prjónið 3 lykkju slétt til baka, aukið út með því að prjóna 2 lykkjur slétt í síðustu lykkju í umferð, snúið við *, endurtakið frá *-* alls 4 sinnum. * Prjónið 8 lykkjur slétt, snúið við og prjónið 6 lykkjur slétt til baka, fellið af með því að prjóna saman 3 síðust lykkjur slétt saman, snúið við *, endurtakið frá *-* alls 4 sinnum. Prjónið 1 umferð yfir allar lykkjur – setjið prjónamerki í þessa umferð – héðan er nú mælt. Næsta umferð er prjónuð frá röngu: * Prjónið 6 lykkjur brugðið, snúið við og prjónið 5 lykkjur brugðið til baka, aukið út með því að prjóna 2 lykkjur brugðið í síðustu lykkju í umferð, snúið við *, endurtakið frá *-* alls 2 sinnum. * Prjónið 8 lykkjur brugðið, snúið við og prjónið 6 lykkjur brugðið til baka, fellið af með því að prjóna síðustu 2 lykkjur brugðið saman, snúið við *, endurtakið alls 4 sinnum = 18-18-19 lykkjur. Þessir sokkar eru prjónaðir úr DROPS Polaris, en í myndbandinu prjónum við með; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:30
Hvernig á að prjóna hælúrtöku með því að prjóna inn þráð

Í þessu DROPS myndbandi sýnum við hvernig við fellum af fyrir hæl með því að prjóna inn þráð í stykkið, drögum þráðinn úr og skiptum lykkjunum niður á sokkaprjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
18:03
Hvernig á að prjóna vinstri hlið á skásettum hæl í sokk

Í þessu DROPS myndbandi sýnum við hvernig við prjónum vinstri hlið á skásettum hæl í sokk. Þessi aðferð er meðal annars notuð í sokknum Mambo í DROPS 160-21. Við höfum nú þegar prjónað stoff og garðaprjón þar til stykkið mælist 21 cm í stærð 35/37. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:24
Hvernig á að prjóna hægri hlið á skásettum hæl á sokk

Í þessu DROPS myndbandi sýnum við hvernig við prjónum hægri hlið á skásettum hæl í sokk. Þessi aðferð er meðal annars notuð í sokknum Mambo í DROPS 160-21. Við höfum nú þegar prjónað stoff og garðaprjón þar til stykkið mælist 21 cm í stærð 35/37. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.