DROPS Super Sale - 30% AFSLÁTTUR á 5 frábærum garntegundum!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 593
3:03
Hvernig á að prjóna stroff sem færist til (1)

Í þessu DROPS myndbandi sýnum við hvernig hægt er að prjóna stroff sem færist til, til að forma stykki. Prjónið stroff þannig: Prjónið * 2 lykkjur slétt, 2 lykkjur brugðið *, endurtakið frá *-* umferðina hringinn. Þegar tilfærslan byrjar er prjónuð 1 umferð með þar sem stroffið færist til um 1 lykkju til vinstri þannig: Yfir 2 lykkjur slétt, 2 lykkjur brugðið verða 1 lykkja brugðin, 2 lykkjur slétt, 1 lykkja brugðin. * Prjónið 3 umferðir með sléttar lykkjur yfir sléttar lykkjur og brugðnar lykkjur yfir brugðnar lykkjur, færið stroffið um 1 lykkju til vinstri í næstu umferð (= 4 umferðir) *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:18
Hvernig á að prjóna stroff sem færist til (2)

Í þessu DROPS myndbandi sýnum við hvernig hægt er að prjóna stroff sem færist til. Það eru margar aðferðir við að prjóna stroff sem færist til. Í myndbandinu höfum við prjónað stykki þar sem við sýnum hvernig við fellum af í hvorri hlið 6 sinnum, þannig að stykkið verði formað þannig að það myndist lítill bogi mitt í bakstykki og lykkjufjöldinn verður færri. Þegar við byrjum að prjóna þá fækkum við ekki um fleiri lykkjur og við aukum út í hvorri hlið í sömu umferð sem við fækkum lykkjum. Við aukum út um jafn margar lykkjur og við fækkum um þannig kemur lykkjufjöldinn til með að vera stöðugur. Samkvæmt mynstri þá aukum við út á eftir fyrsta merki, fækkum á undan 2. og 3. merki og aukum út á undan 4. merki og þetta gerum við í hverri umferð frá réttu. Þær lykkjur sem er aukið út um með uppslætti eru prjónaðar snúnar (prjónað er aftan í lykkjubogann) inn í stroffið á milli merkja. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:59
Hvernig á að prjóna einfalt og fallegt áferðamynstur

Í þessu DROPS myndbandi sýnum við hvernig við prjónum einfalt og fallegt áferðamynstur, sem meðal annars er notað í stroffi í vest Rose Blush í DROPS 212-44. Prjónið þannig: Frá réttu: 3 lykkjur garðaprjón, * 2 lykkjur sléttprjón, 2 lykkjur garðaprjón *, endurtakið frá *-* þar til 5 lykkjur eru eftir, prjónið 2 lykkjur sléttprjón og 3 lykkjur garðaprjón. Frá röngu: 3 lykkjur garðaprjón, * 2 lykkjur sléttprjón, 2 lykkjur garðaprjón *, endurtakið frá *-* þar til 5 lykkjur eru eftir, prjónið 2 lykkjur sléttprjón og 3 lykkjur garðaprjón. Endurtakið þetta mynstur að óskaðri lengd. Garðaprjón = prjónið slétt í öllum umferðum. Við notum garnið DROPS Snow í myndbandinu. Fylgja þarf uppskrift með þessari aðferð til að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:00
Hvernig á að prjóna smockmynstur yfir 1 lykkja slétt, 2 lykkjur brugðið, 1 lykkja slétt

Í þessu DROPS myndbandi sýnum við hvernig við búum til smock mynstur með því að vefja þræðinum 2 sinnum utan um 1 lykkju slétt, 2 lykkjur brugðið og 1 lykkju slétt. Í myndbandinu prjónum við 2 kantlykkjur í hvorri hið og við höfum nú þegar prjónað nokkra cm ásamt að endurtaka 1 lykkju slétt, 2 lykkjur brugðið, 1 lykkju slétt. Við byrjum myndbandið í umferð þar sem við vefjum þræðinum utan um lykkjur til að búa til smock mynstur. Setjið þær lykkjur sem vefja á utan um á kaðlaprjón/hjálparprjón aftan við stykkið. Vefjið þræðinum 2 sinnum utan um þessar lykkjur, eftir það eru þessar lykkjur prjónaðar með sléttum lykkjum yfir sléttar lykkjur og brugðar lykkjur yfir brugðnar lykkjur. Til þess að búa til mynstur, færið til 4 lykkjur sem vefja á utan um við hverja endurtekningu. Veldu sjálf/ur hversu margar umferðir eigi að vera á milli áður en vafið er utan um lykkjurnar. Í myndbandinu notum við garnið DROPS Snow.
9:37
Hvernig á að prjóna smock mynstur með því að vefja þræðinum tvöföldum um lykkjurnarnar

Í þessu DROPS myndbandi sýnum við aðferð þar sem við vefjum þræðinum yfir 6 lykkjur til að búa til fallegt mynstur með því að prjóna stroff (2 lykkjur slétt, 2 lykkjur brugðið). í myndbandinu höfum við fitjað upp 22 lykkjur, snúið saman 6 lykkjum saman og snúið aftur saman lykkjunum í 6. hverri umferð. Til þess að búa til mynstur þá færum við til þessar 6 lykkjur sem þræðinum er snúið utan um í hverri endurtekningu. Við byrjum myndbandið með umferð 16 frá röngu (2 lykkjur brugðið, 2 lykkjur slétt, út umferðina og endum á 2 lykkjur brugðið). UMFERÐ 17 (rétta): * Setjið 6 lykkjur á hjálparprjón, vefjið þræðinum tvisvar sinnum utan um þessar 6 lykkjur - herðið að, prjónið 6 lykkjur af hjálparprjóni eins og áður (stroff), 2 lykkjur brugðið *. Endurtakið frá *-* 2 sinnum til viðbótar en endið á 2 síðustu lykkjum slétt af hjálparprjóni. UMFERÐ 23 (rétta): Prjónið 2 lykkjur slétt, 2 lykkjur brugðið, * setjið 6 lykkjur á hjálparprjón, vefjið þræðinum 2 sinnum utan um þessar 6 lykkjur - herðið að, prjónið 6 lykkjur af hjálpaprjóni eins og áður (stroff), 2 lykkja brugðið *. Endurtakið frá *-* og endið á 2 lykkjur slétt. Endurtakið umferð þar sem þræðinum er snúið utan um lykkjurnar í 6. hverri umferð að óskaðri lengd.
8:10
Hvernig á að prjóna smockmynstur

Í þessu DROPS myndbandi sýnum við hvernig við prjónum smockmynstur. Með því að prjóna smockmynstur myndast upphækkað demanta mynstur. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1. UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt. UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* þar til 3 lykkjur eru eftir, 3 lykkjur slétt. Endurtakið umferð 1-2 til að prjóna stroffprjón. UMFERÐ 1 smockmynstur, prjónið næstu umferð frá réttu þannig: 1 lykkja slétt, * 2 lykkjur brugðið, stingið prjóninum inn eftir 4. lykkju á vinstri prjóni, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt * endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt. Prjónið 5 umferðir stroffprjón eins og áður. UMFERÐ 2 smockmynstur, prjónið næstu umferð frá réttu þannig: * Stingið prjóninum inn eftir 4. lykkju, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt, 2 lykkjur brugðið *, endurtakið frá *-* þar til 4 lykkjur eru eftir, sækið þráðinn eftir 4. lykkju (síðasta lykkja á prjóni), staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt. Prjónið 5 umferðir stroffprjón eins og áður. Endurtakið smockmynstur til skiptis í 6. hverri umferð.
15:06
Hvernig á að prjóna A.1 - byrjun á peysu

Í þessu DROPS myndbandi sýnum við hvernig prjóna á eftir mynsturteikningu A.1 /byrjun á DROPS 179-1, en einnig notað í öðrum mynstrum. Við höfum nú þegar prjónað fyrstu 10 umferðirnar. Sjá mynsturteikningu til útskýringar á mismunandi mynsturtáknum. Þessi peysa er prjónuð úr DROPS Puna, en í myndbandinu notum við grófara garn: DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:50
Hvernig á að sauma smockmynstur

Í þessu DROPS myndbandi sýnum við hvernig við saumum smockmynstur. Þegar lykkjur eru saumaðar saman myndast smockmynstur með demöntum. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1. UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-*, þar til 3 lykkjur eru eftir, 2 lykkjur brugðið, 1 lykkja slétt. UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* , þar til 3 l eru eftir, 2 lykkjur slétt, 1 lykkja brugðin. Endurtakið umferð 1-2 til þess að prjóna stroffprjón. Þegar sauma á saman er saumað í kringum 4 og 4 lykkjur eins og við útskýrum í myndbandinu. Passið uppá að draga þráðinn einungis utan um 4 smocklykkjurnar en ekki í bilið á milli hinna lykkjanna.
4:42
Hvernig á að prjóna langar lykkjur

Í þessu DROPS myndbandi sýnum við hvernig við prjónum langar lykkjur. Fitjið upp og prjónið 1 umferð slétt, endurtakið síðan umferð 1-4 að neðan þannig: Umferð 1 (= rétta): * Prjónið 1 lykkju slétt, sláið 2 sinnum uppá prjóninn *, endurtakið frá *-* þar til 1 lykkja er eftir og endið með 1 lykkju slétt. Umferð 2 (= ranga): Prjónið slétt, jafnframt er uppslátturinn frá fyrri umferð látinn falla niður (= langar lykkjur). Umferð 3: Prjónið allar lykkjur slétt. Umferð 4: Prjónið allar lykkjur slétt. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:09
Hvernig á að prjóna langar lykkjur í mismunandi lengdum

Í þessu DROPS myndbandi sýnum við hvernig hægt er að prjóna mynstur með löngum lykkjum í mismunandi lengdum. Í myndbandinu sýnum við fyrst hvernig prjónaðar eru langar lykkjur með 1 uppslætti og síðan á eftir því með 2 uppsláttum til þess að fá mismunandi lengdir á löngu lykkjurnar. Við höfum þegar prjónað eina einingu af hvoru til þess að mismunurinn verði sýnilegri. UMFERÐ 1: Í myndbandinu sýnum við hvernig prjónað er til skiptis 1 lykkja slétt, slegið 1 sinni uppá prjóninn út umferðina. UMFERÐ 2: Prjónið 1 lykkju slétt, sleppið niður uppslættinum af prjóninum, endurtakið út umferðina. UMFERÐ 3: Prjónið til skiptis 1 lykkju slétt, slegið 2 sinnum uppá prjóninn út umferðina. UMFERÐ 4: Prjónið 1 lykkju slétt, sleppið niður báðum uppsláttunum af prjóninum, endurtakið út umferðina. Nú sést augljóslega hversu langar lykkjurnar verða með því að slá fyrst 1 sinni uppá prjóninn og síðan 2 sinnum uppá prjóninn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:51
Hvernig á að prjóna langar lykkjur í garðaprjóni

Í þessu DROPS myndbandi sýnum við hvernig hægt er að prjóna mynstur með löngum lykkjum og garðaprjóni. Prjónaðar eru tvær endurtekningar á breiddina með 1 kantlykkju í garðaprjóni í hvorri hlið og ein endurtekning á hæðina eftir mynsturteikningu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:33
Hvernig á að prjóna einfalda langa lykkju

Í þessu DROPS myndbandi sýnum við hvernig hægt er að gera einfalda langa lykkju. Aðferðin hentar vel fyrir hálsklút með löngum lykkjum, stroff, kraga eða tösku. Lykkjurnar eru prjónaðar fram og til baka þannig: Lykkjurnar eru gerðar í umferð frá röngu en sjást frá réttu. UMFERÐ 1 (rétta): Prjónið allar lykkjur slétt. UMFERÐ 2 (ranga): Prjónið 1 lykkju slétt, * gerið lykkju þannig: Vefjið þræðinum laust í kringum vinstri vísifingur eins og útskýrt er á myndbandinu. Prjóni næstu lykkju slétt með því að draga 2 þræðina á vinstri vísifingri í gegnum lykkjuna – en lykkjur eru áfram á vinstri prjóni. Prjónið 1 lykkju slétt í sömu lykkju aftan í lykkjubogann (= 1 lykkja snúin slétt). Nú eru 2 lykkjur + 1 lykkja snúin slétt á hægri prjóni. Steypið 2 síðustu lykkjum yfir fyrstu lykkju = 1 lykkja *, endurtakið frá *-* og endið á 1 kantlykkju í garðaprjóni. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:29
Hvernig á að prjóna kræklingamynstur

Í þessu DROPS myndbandi sýnum við hvernig við prjónum kræklingamynstur. Fitjið upp þann fjölda lykkja sem hægt er að deila með 6 + 3. 1 kantlykkja í hvorri hlið er prjónuð slétt í hverri umferð. UMFERÐ 1 (rétta): Prjónið slétt. UMFERÐ 2 (ranga): * Prjónið 1 lykkju brugðið, (1 lykkja brugðið, sláið 3 sinnum uppá prjóninn), endurtakið frá (-) alls 5 sinnum, endurtakið frá *-* og endið á 1 lykkju brugðið. UMFERÐ 3: Prjónið 1 lykkja slétt, *(sleppið niður uppsláttunum 3 af prjóni, lyftið 1 lykkju af prjóni eins og prjóna eigi slétt), endurtakið frá (-) 5 sinnum, setjið 5 lausu lykkjur yfir á vinstri prjón og prjónið þær síðan þannig: Prjónið 5 lykkjur slétt saman, sláið 3 sinnum uppá prjóninn, 5 lykkjur brugðið saman, sláið 3 sinnum uppá prjóninn, 5 lykkjur slétt saman, sláið 3 sinnum uppá prjóninn, 1 lykkja slétt*, endurtakið frá *-*. UMFERÐ 4: * Prjónið 1 lykkju brugðið (sleppið niður uppsláttunum 3 af prjóni, 1 lykkja slétt) endurtakið frá (-) alls 5 sinnum *, endurtakið frá *-* og endið á 1 lykkju brugðið.
9:12
Hvernig á að prjóna Indverskar krosslykkjur

Í þessu DROPS myndbandi sýnum við hvernig hægt er að prjóna Indverskar krosslykkjur. Í þessu sýnishorni höfum við fitjað upp 32 lykkjur (verður að vera deilanlegt með 8). Við höfum nú þegar prjónað mynstureiningu (1-12 umferð) og umferð 1-4. Í myndbandinu byrjum við á umferð 5 í annað sinn. UMFERÐ1-4: Prjónið garðaprjón. UMFERÐ 5: Prjónið 1 lykkju slétt, * prjónið næstu lykkju slétt án þess að sleppa lykkju niður af prjóni, en sláið 4 sinnum uppá prjóninn áður en lykkjan er prjónuð til loka (allir uppslættir eru látnir falla niður í næstu umferð). Haldið svona áfram út umferðina, en síðasta lykkjan er prjónuð slétt. Snúið við *. UMFERÐ 6: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið svona áfram þar til 8 lykkjur eru á hægri prjón, dragið lykkjurnar til þannig að þær verði jafn langar. Takið fyrstu 4 lykkjur á hægri prjóni yfir á vinstri prjón, yfir þær 4 síðustu lykkjur, setjið síðan 4 síðustu lykkjur á vinstri prjón (= 8 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir það út umferðina. UMFERÐ 7-10: Prjónið garðaprjón. UMFERÐ 11: Prjónið eins og umferð 5. UMFERÐ 12: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið áfram 2 sinnum til viðbótar = 4 langar lykkjur á hægri prjóni, dragið lykkjurnar til þannig að þær verði jafn langar. Takið 2 fyrstu lykkjur á hægri prjón yfir á vinstri prjón, yfir 2 síðustu lykkjur, setjið síðan 2 síðustu lykkjur á vinstri prjón (= 4 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 4 lykkjur slétt. Takið næstu 8 uppslætti og setjið á hægri prjón, dragið í lykkjurnar þannig að þær verði jafn langar. Takið fyrstu 4 lykkjur af 8 lykkjum yfir síðustu 4 lykkju yfir á vinstri prjón, takið síðan síðustu 4 l af hægri prjón yfir á vinstri prjón (= 8 langar lykkjur á vinstri prjón sem liggja í kross yfir hverja aðra). Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir þær þar til eftir eru 4 langar lykkjur á hægri prjóni. Dragið í lykkjurnar til þess að þær verði jafn langar. Takið fyrstu 2 lykkjur af þeim 4 yfir síðustu 2 lykkjur, setjið síðustu 2 lykkjur á hægri prjóni yfir á vinstri prjón (= 4 lausar lykkjur á vinstri prjón sem liggja í kross yfir hverja aðra). Prjónið þessar 4 lykkjur slétt. Endurtakið umferð 1-12 að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:14
Hvernig á að prjóna tveggja lita Royal Quilting mynstur

Í þessu DROPS myndbandi sýnum við hvernig við prjónum tveggja lita ROYAL Quilting mynstur. Fitjið upp fjölda lykkja sem hægt er að deila með 6+3 með lit A.1. Í þessu myndbandi höfum við fitjað upp 18+3 lykkjur með lit A með DROPS Snow. Umferð 1: RANGA, litur A, prjónið 2 lykkjur brugðið, * passið uppá að þráðurinn sé nú á réttunni, lyftið 5 næstu lykkjum af vinstri prjóni eins og prjóna eigi brugðið yfir á hægri prjón, 1 lykkja brugðið * (það kemur til með að myndast lykkja frá réttu yfir 5 lykkjur sem voru steyptar yfir) endurtakið frá *-* þar til 1 lykkja er eftir, prjónið 1 lykkju brugðið. Umferð 2: RÉTTA, litur B, prjónið allar lykkjur slétt. Umferð 3: RANGA, litur B, prjónið allar lykkjur brugðið. Umferð 4: RÉTTA, litur A, prjónið 1 lykkju slétt, lyftið 3 lykkjum af vinstri prjóni eins og prjóna eigi brugðið yfir á hægri prjón, prjónið næstu lykkju slétt saman með lykkju sem var gerð í 3 umferð að neðan. * lyftið yfir 5 lykkjur af vinstri prjón eins og prjóna eigi brugðið yfir á hægri prjón, prjónið saman næstu lykkju með lykkju sem var gerð í 3 umferð að neðan *, endurtakið frá *-* þar til fjórar lykkjur eru eftir. Lyftið yfir 3 lykkjum af vinstri prjóni eins og prjóna eigi brugðið yfir á hægri prjón, 1 lykkja slétt. Umferð 5: RANGA, litur A, leggið þráðinn að réttu, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið, * leggið þráðinn að réttu, lyftið yfir 5 lykkjur af vinstri prjóni eins og prjóna brugðið yfir á hægri prjón, 1 lykkja brugðið *, endurtakið frá *-* þar til lykkjur eru eftir, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið. Umferð 6-7. Endurtakið umferð 2-3. Umferð 8: RÉTTA, með lit A, prjónið 1 lykkju slétt, prjónið næstu lykkju slétt saman með lykkju sem var gerð 3 umferðum að neðan, * lyftið yfir 5 lykkjur af vinstri prjóni eins og prjóna eigi brugðið yfir á hægri prjón, prjónið saman næstu lykkju með lykkju sem var gerð 3 umferðum að neðan *, endurtakið frá *-* þar til 1 lykkja er eftir, prjónið síðustu lykkju slétt. Endurtakið umferð 1-8 að óskaðri lengd. Vínrauða og bleika prjónaprufan er prjónuð úr DROPS Cotton Merino.
10:37
Hvernig á að prjóna spennandi áferðamynstur

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum lit. Umferð 1: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu. Umferð 2 (strik yfir 5 rúður): = lyftið 1. lykkju af prjóni (= uppslátturinn sem var gerður frá fyrri umferð) eins og prjóna eigi slétt, 3 lykkjur slétt, lyftið næstu lykkju af prjóni (= uppslátturinn sem var gerður í fyrri umferð) eins og prjóna eigi brugðið. Umferð 3: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman. 2.-4. og 6. svarti þríhyrningur yfir 2 rúður = prjónið 2 lykkjur slétt saman. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:38
Hvernig á að prjóna einfalt fiðrilda mynstur

Í þessu DROPS myndbandi sýnum við hvernig við prjónum einfalt fiðrildamynstur sem endurtekur sig. Eitt fiðrildi er prjónað yfir 7 lykkjur + lykkjur á milli hverra fiðrilda og 2 lykkjur í garðaprjóni í hvorri hlið (garðaprjón = prjónið slétt í hverri umferð). Við höfum fitjað upp 29 lykkjur og prjónað 1 umferð slétt með aðallit (grænn), 2 lykkjur í hvorri hlið eru prjónaðar í garðaprjóni. Við byrjum myndbandið á að prjóna þannig: Frá réttu: Prjónið 2 lykkjur garðaprjón, * leggið auka litinn framan við stykkið/að þér, prjónið 7 lykkjur slétt, leggið auka litinn aftan við stykkið/frá þér, prjónið 2 lykkjur slétt *, endurtakið þetta frá *-* út umferðina. Frá röngu: Prjónið 2 lykkjur garðaprjón , * leggið auka litinn aftan við stykkið/frá þér, prjónið 7 lykkjur brugðið, leggið auka litinn framan við stykkið/að þér, prjónið 2 lykkjur brugðið *, endurtakið frá *-* út umferðina, en 2 síðustu lykkjurnar eru prjónaðar í garðaprjóni, snúið stykkinu. Endurtakið þessar tvær umferðir þar til þú ert með 6 lausa þræði á framhlið. Frá réttu: Prjónið nú bara með aðallit. Prjónið 2 lykkjur garðaprjón, 3 lykkjur slétt * stingið hægri prjón undir alla 6 löngu þræðina (notið e.t.v. þumalinn til aðstoðar), prjónið næstu lykkju, lyftið ekki lykkju af vinstri prjóni, en dragið lykkjuna undir 6 löngu þræðina, setjið lykkjuna á hægri prjón, prjónið þessar tvær lykkjur snúnar slétt saman, 8 lykkjur slétt, endurtakið frá *-* 1 sinni til viðbótar. Stingið hægri prjóni undir alla 6 löngu þræðina, prjónið næstu lykkju, lyftið ekki lykkjunni af vinstri prjóni, setjið lykkjuna á hægri prjón, prjónið þessar tvær lykkjur snúnar slétt saman, 3 lykkjur slétt og 2 lykkjur garðaprjón, snúið stykkinu og prjónið 1 umferð brugðið frá röngu með 2 lykkjur garðaprjón í hvorri hlið. Við notum garnið DROPS Snow í þessu myndbandi.
5:49
Hvernig á að prjóna langar lykkjur

Í þessu DROPS myndbandi sýnum við hvernig við prjónum langar lykkjur. Þetta er fallegt lykkjumynstur sem við höfum notað nokkrum sinnum í mynstrum okkar. UMFERÐ 1: Prjónið 4 lykkjur brugðið, 2 lykkjur brugðið saman, 2 lykkjur snúnar brugðið saman, endurtakið út umferðina. UMFERÐ 2: Ef prjónað er í hring þá er prjónuð 1 umferð brugðið ef prjónað er fram og til baka þá er prjónuð 1 umferð slétt til baka. UMFERÐ 3: Prjónið 4 lykkjur brugðið, stingið inn hægri prjón á milli úrtöku 2 umferð undir, prjónið upp 1 lykkju slétt sem dregin er upp í langa lykkju á hægri prjóni, 2 lykkjur brugðið, gerið eina langa lykkju í sama gat og sú fyrsta. UMFERÐ 4: Prjónið á sama hátt og umferð 2. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:12
Hvernig á að prjóna hnút yfir 3 lykkjur

Í þessu DROPS myndbandi sýnum við hvernig við prjónum hnút yfir 3 lykkjur, sem er meðal annar í jakkapeysu í DROPS 186-16. Við prjónum 3 lykkjur án þess að sleppa þeim af vinstri prjón og prjónum þannig: 3 lykkjur brugðið saman, 3 lykkjur slétt saman, 3 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:03
Hvernig á að prjóna hnút yfir 4 lykkjur

Í þessu DROPS myndbandi sýnum við hvernig við prjónum hnút yfir 4 lykkjur, sem er meðal annar í jakkapeysu í DROPS 186-16. Við sýnum hnútinn 2 sinnum. Prjónið 4 lykkjur án þess að sleppa þeim af vinstri prjón og prjónum þannig: 4 lykkjur brugðið saman, 4 lykkjur slétt saman, 4 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:53
Hvernig á að prjóna 3 lykkjur saman 2 sinnum - stjörnumynstur

Í þessu DROPS myndbandi sýnum við hvernig við prjónum 3 lykkjur slétt saman 2 sinnum þannig að það myndist stjörnumynstur. Við prjónum samkvæmt mynsturteikningu og höfum prjónað 3 sinnum á hæðina, endurtökum þetta 3 sinnum á breiddina og prjónum 2 lykkjur í garðaprjóni í hvorri hlið. Prjónið svona þegar prjóna á 3 lykkjur saman: Prjónið 3 lykkjur slétt saman (rétta) án þess að lyfta lykkjum af prjóni, sláið 1 sinni uppá prjóninn, prjónið 3 lykkjur slétt saman í sömu 3 lykkjurnar og sleppið þeim af prjóni (= 3 lykkjur). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:03
Hvernig á að prjóna samkvæmt mynsturteikningu til að fá langar lykkjur

Í þessu DROPS myndbandi sýnum við hvernig við prjónum samkvæmt mynsturteikningu A.1 og A.2 í barnateppinu «Terracotta Dreams» í DROPS Baby 39-6 til að fá langar lykkjur. Við höfum nú þegar prjónað A.1 og A.2 1 sinni á hæðina og við prjónum A.1 2 sinnum á breiddina, A.2 1 sinni á breiddina og 4 lykkjur garðaprjón í hvorri hlið. Þessi aðferð er einnig notuð í öðrum mynstrum. Þetta teppi er prjónað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:07
Hvernig á að prjóna körfumynstur

Í þessi DROPS myndbandi sýnum við hvernig hægt er að prjóna körfumynstur. Fín en þétt áferð, fullkomin til þess að nota í körfur og innanhúsmuni eins og púða, diskamottur og ipad töskur, en einnig fyrir vindþéttar húfur og vettlinga. Prjónið fram og til baka. Fitjið upp lykkjur með oddatölu fjölda lykkja, prjónið 1 umferð brugðið frá röngu. UMFERÐ 1 (rétta): Prjónið 1 umferð slétt, * 1 lykkja slétt aftan í lykkjubogann á 2. lykkjur af vinstri prjóni, síðan 1 lykkja slétt í fyrstu lykkju frá vinstri prjóni, sleppið síðan niður þessar 2 lykkju af vinstri prjóni, endurtakið frá *-* þar til 2 lykkjur eru eftir, 2 lykkjur slétt. UMFERÐ 2 (ranga): Prjónið 1 umferð slétt, * 1 lykkja brugðið framan í lykkjubogann á 2. lykkjur af vinstri prjóni, síðan 1 lykkja brugðið í fyrstu lykkju á vinstri prjóni, sleppið síðan niður þessar 2 lykkjur af vinstra prjóni, endurtakið frá *-* þar til 2 lykkjur eru eftir, 1 lykkja brugðið, 1 lykkja slétt. Endurtakið umferð 1-2.
3:43
Hvernig á að prjóna körfumynstur fram og til baka

Í þessu DROPS myndbandi sýnum við hvernig við prjónum körfumynstur fram og til baka. Við höfum nú þegar prjónað nokkrar umferðir svo að það sé auðveldara að sjá mynstrið. Við byrjum myndbandið með: UMFERÐ 1 (= ranga): * 1 lykkja brugðið í 2. lykkju (1. lykkja er enn á prjóni), prjónið 1. lykkju brugðið, sleppið henni niður af prjóni *, endurtakið frá *-* þar til 1 lykkja er eftir á prjóni, 1 lykkja brugðið. UMFERÐ 2 (= rétta): * 2. lykkja á prjóni er prjónuð snúin slétt fyrir aftan 1. lykkju (þ.e.a.s. aftan í lykkjubogann), 1. lykkja er enn á prjóni, prjónið 1. lykkju slétt, sleppið henni niður af prjóni *, endurtakið frá *-* þar til 1 lykkja er eftir á prjóni, 1 lykkja slétt. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.