DROPS Super Sale - 30% AFSLÁTTUR á 5 frábærum garntegundum!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 593
3:59
Hvernig á að prjóna uppábrotinn kant með picot

Í þessu DROPS myndbandi sýnum við hvernig við prjónum fallegan en kvennlegan kant með picot. Við prjónum umferð með gatamynstri og sú umferð er notuð þegar kanturinn er brotinn saman og öll lengdarmæling er gerð þaðan á meðan prjónað er. Prjónið nokkra cm í sléttprjóni og prjónið síðan gatamynstur frá réttu þannig: * Prjónið 2 lykkjur slétt saman, sláið 1 sinni uppá prjóninn *, endurtakið frá *-* út umferðina. Haldið áfram í sléttprjóni eða eftir mynstri. Í lokin er kanturinn brotinn saman tvöfaldur að röngu og saumaður niður með smáu spori. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:36
Hvernig á að prjóna einfaldan picotkant

Í þessu DROPS myndbandi sýnum við hvernig við prjónum einfaldan picotkant. Við prjónum fram og til baka í myndbandinu, en einnig er hægt að prjóna í hring. Í umferð 1 er prjónað þannig: * 7 lykkjur slétt, lyftið 2. lykkju á hægri prjóni yfir ystu lykkju á hægri prjóni (yfir síðustu lykkju sem var prjónuð), lyftið næstu lykkju á hægri prjóni yfir ystu lykkju á hægri prjóni (2 lykkjur færri = 1 bogi) *, prjónið frá *-* út umferðina. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:30
Hvernig á að prjóna picotkant, bæði í hægri og vinstri hlið

Í þessu DROPS myndbandi sýnum við hvernig við prjónum picotkant, bæði í hægri og vinstri hlið sem er í DROPS Children 28-7. Við höfum nú þegar prjónað nokkra cm svo að hægt sé að sjá kant og gatamynstur betur. Við byrjum myndbandið með því að prjóna umferð 1 frá hægri hlið og sýnum byrjun og lok hverrar umferðar sem á að endurtaka. Þessi bolero er prjónaður úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:08
Hvernig á að prjóna pífukant

Í þessu DROPS myndbandi sýnum við hvernig hægt er að gera blúndukant. Þegar prjónað er ofan frá og niður og stykkið endar á kanti, þá er hægt að enda á fallegum öldulaga kanti. Þetta er líka falleg ending þegar sjal er prjónað frá miðju og út að kanti. Þegar óskuð lengd er náð er haldið áfram þannig: * Prjónið 1 lykkju slétt, sláið 1 sinni uppá prjóninn *, endurtakið frá *-* og endið á 1 lykkju slétt. Endurtakið þetta eina umferð til viðbótar. Fellið af. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:39
Hvernig á að prjóna sólfjaðrakant

Í þessu DROPS myndbandi sýnum við hvernig við prjónum sólfjaðrakant með aðstoð heklunálar. Þú þarft 20 lykkjur til að fá 5 sólfjaðrir (1 sólfjöður = 4 lykkjur). * Fitjið upp 10 lykkjur á prjón og á heklunál (munið eftir að hafa nægilega langan þráð til að fitja upp með). Bregðið þræðinum um heklunálina, dragið uppsláttinn í gegnum 10 lykkjur með heklunálinni. Takið upp 1 lykkju með heklunálinni og dragið í gegnum lykkjuna á heklunálina, herðið á þræðinum, takið upp 10 lykkjur með heklunálinni, dragið prjóninn út og setjið 2 lykkjur frá heklunálinni yfir á prjóninn * (= 1 sólfjöður). Endurtakið frá *-* þar til þú hefur helming af óskuðum lykkjum. Snúið og fitjið upp 2 nýjar lykkjur á milli 2 lykkja á hverri sólfjöður í umferð 1 frá röngu. Prjónið nú sléttprjón. Við notum garnið DROPS Snow í myndbandinu.
8:23
Hvernig á að prjóna bylgjukant samkvæmt mynsturteikningu

Í þessu DROPS myndbandi sýnum við hvernig við prjónum bylgjukant samkvæmt mynsturteikningu A.1 sem er í sokkunum «Rosy Ruffles» í DROPS 223-47. Við höfum nú þegar fitjað upp 36 lykkjur með 2 þráðum. Áfram er einungis prjónað með 1 þræði. Þessir sokkar eru prjónaðir úr DOROPS Nord, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
9:06
Hvernig á að prjóna uppábrot saman

Í þessu DROPS myndbandi sýnum við hvernig við prjónum uppábrot saman, eins og er í sokkunum «Rosy Ruffles» í DROPS 223-47. Við höfum nú þegar prjónað bylgjukantinn og setjum 1 prjónamerki í fyrstu lykkju í síðustu umferð sem var prjónuð. Prjónið stroffprjón með 2 lykkjur slétt og 1 lykkju brugðið að réttu máli. Brettið byrjun á stykki inn að röngu á stykki, þannig að hægt sé að prjóna upp lykkjur í fyrstu umferð í stroffprjóni á eftir A.1 (stykkið liggur nú uppábrotið, ranga á móti röngu og bylgjukanturinn vísar upp yfir prjónana). Prjónið 1 umferð slétt jafnframt því sem hver slétt lykkja frá fyrstu umferð í stroffprjóni er prjónuð slétt saman með næstu lykkju í umferð (þ.e.a.s. 3. hver lykkja frá fyrstu umferð í stroffprjóni er fest við umferð sem nú var prjónuð). Snúið stykkinu, þannig að bylgjukanturinn komi að ytri hlið á stykki, þetta verður nú réttan á sokknum. Prjónið 1 umferð slétt (síðasta umferð er nú snúin og það getur myndast smá gat í skiptingunni, þetta gat er saumað saman með smáu spori í lokin). Þessi sokkar eru prjónaðir úr DROPS Nord, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
4:59
Hvernig á að prjóna stroff með smáum bogum

Í þessu DROPS myndbandi sýnum við hvernig við prjónum stroff með smáum bogum meðfram uppfitjunarkanti. Við höfum nú þegar prjónað umferðir í stroffprjóni með 1 lykkja slétt / 1 lykkja brugðið og með 3 lykkjur slétt í byrjun og í lok hverrar umferðar (bæði frá réttu og frá röngu). Eftir það prjónum við: 1 lykkja slétt, * 1 lykkja brugðið, 1 lykkja slétt, 1 lykkja brugðið, takið hægri prjón framan við stykkið og undir uppfitjunarkantinn, notið hægri prjón og lyftið ystu lykkjunni á vinstra prjóni yfir hægri prjón, eftir það hægri prjón til baka undir uppfitjunarkantinn (einungis ysta lykkjan á hægri prjóni liggur nú utan um uppfitjunarkantinn), setjið þessa lykkju til baka á vinstri prjón og prjónið lykkjuna slétt (passið uppá að lykkjan sé ekki snúin) *, prjónið frá *-* út umferðina. Stykkið er núna með smáum bogum meðfram öllum kantinum. Snúið og prjónið stroff til loka máls. Við notum garnið DROPS Snow í myndbandinu. Fylgja þarf uppskrift og mynsturteikningu með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:29
Hvernig á að prjóna kant með gatamynstri með útaukningum

Í þessu DROPS myndbandi sýnum við hvernig við prjónum kant með gatamynstri sem aukið er út í brugðnu einingunum, eins og í sjalinu «Ruffles Dream» í DROPS 229-9. Fyrir utan útaukningar í brugðnu einingunum er einnig aukið út á undan / á eftir kantlykkjum í hliðum. Við sýnum byrjun og lok hverrar umferðar. Lestu sjálft mynstrið hversu margar umferðir á að prjóna og hvernig á að fella af. «Ruffles Dream» sjalið er prjónað úr DROPS BabyAlpaca Silk, en í myndbandinu notum við grófara garn; DROPS SNOW. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
8:00
Hvernig á að prjóna bylgjulaga kant í hálsmáli - fram og til baka

Í þessu DROPS myndbandi sýnum við hvernig við prjónum bylgjulaga kant í hálsmáli fram og til baka. Við höfum nú þegar fitjað upp, prjónað 1 umferð slétt frá röngu og 6 umferðir sléttprjón með 3 kantlykkjur í hvorri hlið. Í myndbandinu prjónum við þannig: 3 kantlykkjur, 6 lykkjur sléttprjón, * leggið þráðinn framan við stykkið, stingið niður hægri prjóni undir stykkið og upp framan við stykkið, síðan eru prjónaðar 6 nýjar lykkjur í sléttprjóni. Endurtakið frá *-* þar til 4 lykkjur eru eftir. Eftir það er prjónuð 1 lykkja slétt + 3 kantlykkjur. Eftir það er prjónað stroff (1 lykkja brugðið / 1 lykkja slétt) með 3 kantlykkjum í hvorri hlið að loka máli. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að prjóna pífukant samkvæmt mynsturteikningu

Í þessu DROPS myndbandi sýnum við hvernig við prjónum pífukant samkvæmt mynsturteikningu, sem er m.a. í peysunni «Treasure Hunt» í DROPS 230-21. Við höfum nú þegar fitjað upp og byrjum myndbandið á að prjóna 1 umferð slétt, áður en við byrjum á mynsturteikningu. Við sýnum byrjun og lok umferðar. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:05
Hvernig á að prjóna pífukant í lok á stykki

Í þessu DROPS myndbandi sýnum við hvernig við prjónum pífukant í lok á stykki, sem er í DROPS 230-36. Við byrjum myndbandið á að sýna aðeins af síðustu umferð í stroffi sem er prjónað 1 lykkja snúin slétt / 1 lykkja brugðið, áður en við sýnum hvernig auka á út fyrir pífukanti. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:31
Hvernig á að byrja að prjóna rúllukant

Í þessu DROPS myndbandi sýnum við hvernig við byrjum á að prjóna rúllukant, eins og er í DROPS 230-49 og DROPS 230-50. Við höfum nú þegar prjónað 6 umferðir garðaprjón og byrjum myndbandið þannig: 1 kantlykkja í garðaprjóni, 3 lykkjur slétt, * snúið lykkjunum á hægri prjóni 360 gráður þannig: Leggið þráðinn framan við stykkið, stingið niður hægri prjóni undir stykkið og upp framan við stykkið, eftir það eru prjónaðar 6 lykkjur slétt, * prjónið frá *-* þar til 4 lykkjur eru eftir, endið með 3 lykkjur slétt og 1 kantlykkju í garðaprjóni. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:09
Hvernig á að prjóna einfaldan pífukant

Í þessu DROPS myndbandi sýnum við hvernig við prjónum einfaldan pífukant, eins og er í sokkunum «White Pine» í DROPS 229-28. Við höfum nú þegar fitjað upp og prjónað 2 umferðir í sléttprjóni og prjónum áfram þannig / við sýnum byrjun á umferð: UMFERÐ 1: 2 lykkjur slétt, 2 lykkjur slétt saman. UMFERÐ 2: slétt yfir allar lykkjur. UMFERÐ 3: 2 og 2 lykkjur saman. UMFERÐ 4: slétt yfir allar lykkjur. UMFERÐ 5: brugðið yfir allar lykkjur. UMFERÐ 6: slétt yfir allar lykkjur. Síðan er prjónað stroff (1 lykkja slétt, 1 lykkja brugðið) í nokkra cm. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
5:49
Hvernig á að prjóna saman lykkjur til að fá bylgjulaga kant

Í þessu DROPS myndbandi sýnum við hvernig við prjónum bylgjulaga kant í hálsmáli samkvæmt mynsturteikningu, eins og m.a. er í DROPS 232-43 og 232-44. Við höfum nú þegar fitjað upp og prjónað 1 umferð slétt frá röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:55
Hvernig á að prjóna einfaldan en fallegan blúndu kant

Í þessu DROPS myndbandi sýnum við hvernig hægt er að prjóna fallegan blúndu kant. Fitjið upp 4 lykkjur. UMFERÐ 1: Lyftið 1 lykkju af prjóni eins og prjóna eigi slétt, 1 lykkja slétt, sláið 2 sinnum uppá prjóninn (= tvöfaldur uppsláttur) og 2 lykkjur slétt. UMFERÐ 2: Lyftið 1 lykkju af prjóni eins og prjóna eigi slétt, 2 lykkjur slétt (fyrri hluti á uppslætti er prjónaður snúinn slétt), 1 lykkja brugðið og 2 lykkjur slétt. UMFERÐ 3: Lyftið 1 lykkju af prjóni eins og prjóna eigi slétt, 1 lykkja slétt, sláið 2 sinnum uppá prjóninn, 2 lykkjur snúnar slétt saman, sláið 2 sinnum uppá prjóninn, 2 lykkjur slétt. UMFERÐ 4: Lyftið 1 lykkju af prjóni eins og prjóna eigi slétt, 5 lykkjur slétt. UMFERÐ 5: Lyftið 1 lykkju af prjóni eins og prjóna eigi slétt, 1 lykkja slétt, sláið 2 sinnum uppá prjóninn, 2 lykkjur snúnar slétt saman, sláið 2 sinnum uppá prjóninn, 2 lykkjur slétt. UMFERÐ 6: Lyftið 1 lykkju af prjóni eins og prjóna eigi slétt, 8 lykkjur slétt (1. hluti af uppslætti er prjónaður snúinn slétt, seinni hlutinn er prjónaður slétt). UMFERÐ 7: Lyftið 1 lykkju af prjóni eins og prjóna eigi slétt, 8 lykkjur slétt. UMFERÐ 8: Fellið af 5 lykkjur (= 3 + 1 lykkjur eftir), prjónið slétt út umferðina. Endurtakið UMFERÐ 1-8 að óskaðri lengd. Þessi ljósblái blúndukantur er prjónaður úr DROPS Cotton Merino, en við notum DROPS Snow í myndbandinu.
4:05
Hvernig á að prjóna fald í mitti á pilsi

Í þessu DROPS myndbandi sýnum við hvernig prjónaður er faldur í mitti pilsi. Faldurinn er prjónaður í hring á hringprjón. Við prjónum 6 cm sléttprjón áður en við brjótum uppá uppfitjunarkantinn aftur og prjónum lykkjur frá prjóni saman við lykkjur frá uppfitjunarkanti. Við skiljum eftir smá op til að þræða teygju í gegn. Í myndbandinu prjónum við með DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:23
Hvernig á að prjóna kant til skrauts með áferð

I þessu DROPS myndbandi sýnum við hvernig við prjónum kant til skrauts með áferð. Fitjið upp og prjónið 4 umferðir slétt. Næsta umferð frá réttu: * 3 lykkjur slétt, snúið þræðinum utan um stykkið þannig: Setjið þráðinn aftan við stykkið, undir og upp framan við stykkið, 1 lykkja slétt, snúið þræðinum til baka utan um stykkið þannig: Setjið þráðinn framan við stykkið, undir og upp aftan við stykkið, 3 lykkjur slétt, * endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:00
Hvernig á að prjóna kantlykkjur í tvöföldu prjóni

Í þessu DROPS myndbandi sýnum við hvernig hægt er að prjóna kantlykkjur með tveimur mismunandi aðferðum á stykki með tvöföldu prjóni. Fyrst hvernig prjónað er í hverri umferð til þess að fá stífari kant. Síðan hvernig kantlykkjunum er lyft til þess að fá lausari kant til skrauts. Báðar aðferðirnar binda saman hliðarnar yst þannig að kanturinn verði lokaður. Skoðaðu vel hvernig við snúum/staðsetjum þræðina áður en við byrjum að prjóna næstu umferð.
2:58
Hvernig á að prjóna klukkuprjón

Í þessu DROPS myndbandi sýnum við hvernig er hægt að prjóna klukkuprjón. Þykkt stroff, eins báðum megin. Flott á hálsklúta, teppi o.fl. Prjónað er fram og til baka með oddatölu í fjölda lykkja. UMFERÐ 1: Prjónið 1 kantlykkju í garðaprjóni, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-*. UMFERÐ 2: Prjónið 1 kantlykkju, * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið næstu lykkju og uppsláttinn slétt saman *, endurtakið frá *-*, endið á uppslætti, lyftið 1 lykkju af prjóni eins og prjóna eigi brugðið, 1 kantlykkja í garðaprjóni. UMFERÐ 3: Prjónið 1 kantlykkju í garðaprjóni, * prjónið næstu lykkju og uppsláttinn slétt saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-*, endið á því að prjóna næstu lykkju og uppsláttinn slétt saman, 1 kantlykkja í garðaprjóni. Endurtakið umf 2 og 3. Í myndbandinu sýnum við bara umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:59
Hvernig á að prjóna klukkuprjón án uppsláttar fram og til baka

Í þessu DROPS myndbandi sýnum við hvernig við prjónum klukkuprjón án uppsláttar. Með þessari aðferð þá færðu samsvarandi útlit og venjulegt klukkuprjón með uppslætti, en í staðinn fyrir uppsláttinn, prjónum við í lykkjuna frá umferðinni á undan / neðan. Umferð 1 ( ranga): Prjónið allar lykkjur brugðið. Umferð 2 (rétta): Prjónið 1 lykkju slétt, * 1 lykkja brugðið, prjónið 1 lykkju slétt í lykkjuna fyrir neðan undir næstu lykkju *, prjónið frá *-* út umferðina (þar sem lykkjufjöldinn er með oddatölu endið með 1 lykkju slétt). Endurtakið umferð 2. Í þessu myndbandi notum við garnið DROPS Snow.
5:07
Hvernig á að prjóna klukkuprjón fram og til baka, einungis með sléttum lykkjum

Í þessu DROPS myndbandi sýnum við hvernig hægt er að prjóna klukkuprjón án uppsláttar og einungis með sléttum lykkjum. Þeir sem kunna að prjóna garðaprjón geta líka prjónað klukkuprjón! Prjónið fram og til baka. Fitjið laust upp lykkjur með sléttri tölu í lykkjufjölda (þ.e.a.s. 10,12,14 o.s.frv). Prjónið 1 umferð slétt frá röngu. Haldið svo áfram í hverri umferð þannig: * Prjónið 1 lykkju slétt, prjónið 1 lykkju slétt í lykkjuna undir næstu lykkju *, endurtakið frá *-* út umferðina. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:21
Hvernig á að prjóna klukkuprjón með uppslætti í hring

Í þessu DROPS myndbandi sýnum við hvernig við prjónum klukkuprjón með uppslætti í hring. Fitjið upp fjölda lykkja með sléttri tölu. UMFERÐ 1: * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, 1 lykkja slétt *, endurtakið frá *-*. UMFERÐ 2: * Prjónið uppsláttinn og lyftu lykkjuna brugðið saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-*. UMFERÐ 3: * Sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið uppsláttinn og óprjónuðu lykkjuna slétt saman *, endurtakið frá *-*. Endurtakið umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:18
Hvernig á að prjóna klukkuprjón með 2 litum

Í þessu DROPS myndbandi sýnum við hvernig við byrjum á klukkuprjóni með 2 litum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.