DROPS Super Sale - 30% AFSLÁTTUR á 4 tegundum af ullargarni!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 611
2:54
Hvernig er fellt af, með að prjóna 2 lykkjur saman - aðeins teygjanlegt

Í þessu DROPS myndbandi sýnum við hvernig á að fella af til að fá teygjanlegri kant með því að prjóna 2 lykkjur saman í stað þess að lyfta lykkjunum hver yfir aðra. ÁÐUR EN MYNDBANDIÐ BYRJAR: Við höfum prjónað nokkra cm í sléttprjóni með 1 kantlykkju í hvorri hlið sem er prjónuð í garðaprjóni (garðaprjón = Lykkjurnar eru prjónaðar slétt í öllum umferðum). MYNDBAND SÝNIR: Fellið af með sléttum lykkjum frá réttu þannig: Prjónið 2 lykkjur slétt, * stingið vinstri prjóninum í 2 lykkjurnar á hægri prjóni frá vinstri til hægri og prjónið lykkjurnar slétt saman, prjónið 1 lykkju slétt *, prjónið frá *-* þar til 1 lykkja er eftir á prjóninum. Klippið þráðinn og dragið hann í gegnum síðustu lykkjuna.
07:07
Hvernig á að fella af með teygjanlegri affellingu - 3 aðferðir

Í þessu DROPS myndbandi sýnum við þrjár mismunandi aðferðir við teygjanlegri affellingu. 1) Prjónið 2 lykkjur slétt. * Stingið inn vinstri prjóni í 2 lykkjur á hægri prjóni. Notið hægri prjón og prjónið lykkjurnar snúnar saman. Prjónið 1 lykkju * = 2 lykkjur á prjóni. Endurtakið frá *-*. 2) * Stingið prjóninum í 1. lykkju og takið upp 2. lykkju og prjónið hana. Sleppið báðum lykkjunum af vinstri prjóni. Setjið lykkjuna á hægri prjóni yfir á vinstri prjón *. Endurtakið frá *-*. 3) * Stingið nálinni í gegnum tvær fyrstu lykkjurnar, frá hægri til vinstri. Stingið síðan nálinni í gegnum fyrstu lykkjuna, frá vinstri til hægri. Sleppið síðan lykkjunni af prjóni. Endurtakið frá *-*. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:47
Hvernig á að fella af með 2 þráðum

Í þessu DROPS myndbandi sýnum við hvernig hægt er að fella af með því að nota 2 þræði. Í þessu myndbandi notum við garnið DROPS Air. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:31
Hvernig á að fella af með 3 prjónum

Í þessu DROPS myndbandi sýnum við hvernig við fellum af 2 stykkjum samtímis með 3 prjónum. Leggið 2 stykkin saman, rétta að réttu, haldið prjónunum saman samsíða og stingið þriðja prjóninum í fyrstu lykkju á báðum prjónum á vinstri hönd. Prjónið 2 fyrstu lykkjur á hvorum af þeim samsíðu prjónunum eins og venjulega = 2 lykkjur á hægri prjóni. Steypið 1. lykkju yfir á hægri prjóni yfir 2. lykkju á hægri prjóni. Eftir þetta eru næstu lykkjur á samsíðu prjónunum prjónaðar saman og haldið er áfram með affellingu þar til 1 lykkja er eftir á hægri prjóni. Við notum garnið DROPS Snow í myndbandinu og við notum grænan þráð, þannig að auðveldara sé að sjá «affellingalykkjurnar» í lokin.
2:34
Hvernig á að fella laust af í klukkuprjóni

Í þessu DROPS myndbandi sýnum við hvernig hægt er að fella af í klukkuprjóni þar sem uppslátturinn er einnig felldur af eins og eigin lykkja, þannig að það verður 1 lykkja + 1 lykkja með uppslætti = 3 lykkjur sem á að fella af. Þetta er gert til að affellingarkanturinn verði ekki of stífur. Ef kanturinn er enn of stífur, er hægt að nota grófari prjóna fyrir affellinguna. Við notum garnið DROPS Air í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:46
Hvernig á að fella af í klukkuprjóni

Í þessi DROPS myndbandi sýnum við hvernig hægt er að fella af í klukkuprjóni. Þegar fellt er af í klukkuprjóni er mynstrinu fylgt eftir þannig að kanturinn verði teygjanlegur. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur (fyrsta lykkjan og síðasta lykkjan í myndbandinu eru kantlykkjur sem felldar eru af slétt). Lykkjan (sem ætti að hafa verið tekin óprjónuð samkv. mynstri) er prjónuð brugðið, næsta lykkja er prjónuð slétt saman með uppslættinum, fellið af með því að steypa 1. lykkjunni yfir 2. lykkjuna á hægri prjóni, haldið svo áfram samkv. myndbandi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:38
Hvernig á að fella af bæði lykkju og uppslátt í klukkuprjóni

Í þessu DROPS myndbandi sýnum við hvernig við fellum af í klukkuprjóni. Fellt er af slétt, uppslátturinn er felldur af eins og eigin lykkja. Þetta er gert til að affellingarkanturinn verði ekki stífur. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
10:24
Hvernig á að gera ”flipa” í puffermi og frágang

Í þessu DROPS myndbandi sýnum við hvernig við fellum af lykkjur fyrir ”flipa” á puffermi. Við prjónum bara helming af berustykki og við byrjum myndbandið með því að sýna hvernig við fellum af mitt ofan á öxl sem á að vera «flipi». Eftir það sýnum við hvernig við fitjum upp nýjar lykkjur undir «flipa». Það eru einnig sett prjónamerki í stykkið þar sem síðar á að auka út (lestu í mynstri hvernig auka á út). Þegar berustykki og ermar hefur verið prjónaðar til loka þá á að þræða þráð upp og niður í gegnum uppfitjunarkantinn efst á ermi. Brjótið ermakúpuna saman þannig að hún passi í beina línu við opið þar sem lykkjur voru felldar af fyrir öxl. Í myndbandinu brjótum við uppfitjunarkantinn aðiens inn og festum með nálum áður en hann er saumaður í beinni línu við ermakúpuna. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:55
Hvernig á að fella af með 2 litum í tvöföldu prjóni

Í þessu DROPS myndbandi sýnum við hvernig við fellum af með 2 litum í tvöföldu prjóni. Til þess að fá fallegan affellingarkant sem passar við uppfitjunarkantinn sem prjónaður er með tveimur litum er hægt að fella svona af í lokin á stykki með tvöföldu prjóni: Haldið saman báðum þráðunum, prjónið saman fyrstu tvær lykkjurnar, * prjónið 2 lykkjur snúnar slétt saman (þ.e.a.s. prjónið aftan í lykkjubogann), steypið síðan 2. lykkju á hægri prjón yfir 1. lykkju. Endurtakið frá *-* út umferðina, eftir að síðastu lykkju hefur verið steypt yfir, klippið frá og dragið þráðinn í gegnum lykkjuna. Festið enda.
4:45
Hvernig á að gera ósýnilega affellingu með tvöföldu prjóni

Í þessu DROPS myndbandi sýnum við hvernig hægt er að gera ósýnilega affellingu með tvöföldu prjóni. Til þess að uppfitjun og affelling verði eins á stykkinu þínu sem fitjað var upp á með ósýnilegri aðferð, skiptu upp lykkjunum fyrir fram- og bakstykki á tvo prjóna. Klippið endann á þræðinum og skiljið einn langan þráð til þess að sauma með ca 3 sinnum þá lengd breiddar á stykkinu. Setjið langa þráðinn á nál og hinn þráðurinn er festur niður síðar. Við höfum sérstakt myndband með ósýnilegum saum en svona gerum við: Stingið nálinni frá röngu í gegnum 1. lykkju á 1. prjóni og dragið í gegn án þess að sleppa lykkjunni niður. Stingið nálinni frá réttu í gegnum 1.lykkju á 2. prjóni og dragið í gegn án þess að sleppa lykkjunni niður. * Stingið nálinni frá réttu í gegnum 1. lykkju á 1. prjóni og sleppið niður lykkjunni, stingið nálinni frá röngu í gegnum 2. lykkju á 1. prjóni og dragið í gegn án þess að sleppa lykkjunni niður. Stingið nálinni frá röngu í gegnum 1. lykkju á 2. prjóni og sleppið niður lykkjunni, stingið nálinni frá réttu í gegnum 2. lykkju á 2. prjóni og dragið í gegn án þess að sleppa niður lykkjunni *, endurtakið frá *-* út umferðina.
13:00
Hvernig á að prjóna peysu ofan frá og niður

Í þessu DROPS myndbandi sýnum við hvernig við prjónum peysu ofan frá og niður á hringprjóna. Við sýnum hvernig við aukum út í laskalínu með því að slá 1 sinni uppá prjóninn 2 lykkjum á undan merki og 2 lykkjum á eftir merki og í næstu umferð er uppslátturinn prjónaður snúinn slétt svo ekki myndist göt. Við höfum nú þegar prjónað hálsmálið (stroff) og byrjum myndbandi á umferð 1 þar sem auka á út. Fylgja þarf uppskrift til þess að geta fylgt myndbandinu eftir, þar sem fleiri upplýsingar eru í mynstri sem þarf að gera /fjöldi lykkja á milli prjónamerkja /mynstur/upphækkun að aftan o.s.frv. Bleika prjónamerkið í myndbandinu sýnir byrjun á umferð. Munið að þetta er einungis almennt myndband. Við sýnum einnig hvernig við setjum ermalykkjur á þráð, hvernig við sláum upp nýjar lykkjur undir ermum og hvernig við prjónum ermina áfram. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að gera uppslátt / slá uppá prjóninn

Í þessu DROPS myndbandi sýnum við hvernig hægt er að slá þræðinum uppá prjóninn / gera uppslátt. Hér gerum við útaukningu sem gerir gat. Í þessu myndbandi sýnum við 2 sinnum hvernig við aukum út um 1 lykkju með uppslætti. Eftir hálft myndbandið þá er snúið við og þá sýnum hvernig uppslátturinn er prjónaður framan í eða aftan í lykkjubogann eftir því hvort gatið eigi að vera stórt eða lítið. Þegar prjónað er aftan í lykkjubogann er lykkjunni snúið og gatið verður því minna fyrir vikið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:39
Hvernig á að auka út án þess að það sjáist

Í þessu DROPS myndbandi sýnum við hvernig hægt er að auka út um 1 lykkju án þess að það sjáist. Útaukning sem vísar til hægri: Takið upp þráðinn framan í á milli tveggja lykkja með vinstri prjóni og prjónið 1 lykkju aftan í lykkjubogann. Útaukning sem vísar til vinstri: Takið upp þráðinn aftan í á milli tveggja lykkja með vinstri prjóni og prjónið 1 lykkju framan í lykkjubogann. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:04
Hvernig á að auka út í brugðnum lykkjum

Í þessu DROPS myndbandi sýnum við hvernig við aukum út í brugðnum lykkjum. Þetta myndband sýnir stroff sem er prjónað með 2 lykkjur slétt, 2 lykkjur brugðið þar sem 2 lykkjur brugðið er aukið út til 3 lykkjur brugðið. Frá réttu: Takið upp þráðinn á milli 1 lykkju slétt og 1 lykkja brugðið. Prjónið þessa lykkju snúna brugðið aftan í lykkjubogann. Fylgja þarf uppskrift til þess að geta fylgt myndbandinu eftir.
3:20
Hvernig á að slá uppá prjóninn frá röngu

Í þessu DROPS myndbandi sýnum við hvernig við gerum uppslátt frá röngu. Uppslátturinn er gerður alveg eins og þegar þú slærð uppá prjóninn frá réttu. Fyrst sýnum við hvernig við sláum uppá prjóninn frá röngu í byrjun og í lok umferðar og eftir það frá réttu hvernig við fáum gat með því að prjóna framan í lykkjubogann á uppslættinum. Síðan sýnum við aftur hvernig við sláum uppá prjóninn frá röngu, því að eftir það sýnum við frá næstu umferð (rétta) hvernig við prjónum aftan í lykkjubogann á uppslættinum, þannig að uppslátturinn (útaukningin) sjáist ekki og myndar ekki gat. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:15
Hvernig á að auka út 2 lykkjur í röð

Í þessu DROPS myndbandi sýnum við hvernig við aukum út og gerum nýja lykkju með því að taka upp lykkjur frá fyrri umferð. Hægt er að gera þetta á eftir eða á undan lykkju eins og útskýrt er í myndbandinu. Hægri hlið: Setjið vinstri prjón í lykkjubogann í lykkju sem er 2 umferðum fyrir neðan lykkjuna sem þú varst að prjóna. Takið upp lykkjubogann á vinstri prjón og prjónið aftan í lykkjubogann. Hægri hlið: Setjið hægri prjón í lykkjubogann sem er undir fyrstu lykkju á vinstra prjóni. Takið upp lykkjubogann og setjið hann á vinstri prjón. Prjónið nýju lykkjuna framan í lykkjubogann. Prjónið næstu lykkju venjulega. Þetta er mjög góð aðferð þegar auka þarf út 2 lykkjur í röð, án þess að prjóna lykkju á milli þeirra. Hægt er að prjóna þannig: Prjónið 1 lykkju, aukið út um 1 lykkju fyrir neðan, aukið út 1 lykkju neðan við næstu lykkju og prjónið síðan þá lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:02
Hvernig á að auka út 1 lykkju til vinstri (frá réttu)

Í þessu DROPS myndbandi sýnum við hvernig á að auka út um 1 lykkju sem snýr til vinstri. Oft kallað útaukning til vinstri (útaukning-v). ÁÐUR EN MYNDBANDIÐ HEFST: Við höfum þegar prjónað 12 cm með útaukningum og byrjum myndbandið með því að prjóna 4 lykkjur slétt áður en við aukum út. MYNDBAND SÝNIR: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni fyrir neðan, þráðurinn er tekinn upp að framan og lykkjan er prjónuð slétt í lykkjubogann sem liggur aftan við prjóninn.
1:01
Hvernig á að auka út 1 lykkju til hægri (frá réttu)

Í þessu DROPS myndbandi sýnum við hvernig á að auka út um 1 lykkju sem snýr til hægri. Oft kallað útaukning til hægri (útaukning-h). ÁÐUR EN MYNDBANDIÐ BYRJAR: Við höfum þegar prjónað 12 cm með útaukningum og byrjum myndbandið með því að prjóna slétt þar til 4 lykkjur eru eftir á prjóninum. MYNDBAND SÝNIR: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni að neðan fyrir neðan, þráðurinn er tekinn upp að aftan og lykkjan er prjónuð slétt í lykkjubogann sem liggur framan við prjóninn.
1:03
Hvernig á að auka út 1 lykkju til hægri (frá röngu)

Í þessu DROPS myndbandi sýnum við hvernig á að auka út um 1 lykkju frá röngu, sem snýr til hægri. Oft kallað útaukning til hægri (útaukning-h). ÁÐUR EN MYNDBANDIÐ HEFST: Við höfum þegar prjónað 12 cm með útaukningum og byrjum myndbandið með því að prjóna 4 lykkjur brugðnar áður en við aukum út. MYNDBAND SÝNIR: Útaukningin er prjónuð með því að nota vinstri prjóninn til að taka upp þráðinn á milli 2 lykkja af prjóninum fyrir neðan, þráðurinn er tekinn upp að aftan og lykkjan er prjónuð brugðið í lykkjubogann sem liggur framan við prjóninn.
1:05
Hvernig á að auka út 1 lykkju til vinstri (frá röngu)

Í þessu DROPS myndbandi sýnum við hvernig á að auka út um 1 lykkju frá röngu, sem snýr til vinstri. Oft kallað útaukning til vinstri (útaukning-v). ÁÐUR EN MYNDBANDIÐ BYRJAR: Við höfum þegar prjónað 12 cm með útaukningum og byrjum myndbandið með því að prjóna brugðið þar til 4 lykkjur eru eftir á prjóninum. MYNDBAND SÝNIR: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni fyrir neðan, þráðurinn er tekinn upp að framan og lykkjan er prjónuð brugðið í lykkjubogann sem liggur aftan við prjóninn.
1:25
Hvernig á að auka út með því að prjóna 2 lykkjur í 1 lykkju

Í þessu DROPS myndbandi sýnum við hvernig við aukum út með því að prjóna 2 lykkjur í 1 lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:00
Hvernig á að auka út með lykkju

Í þessu DROPS myndbandi sýnum við hvernig við aukum út með lykkju. Þessi útaukning gefur lítið gat. Í myndbandinu sýnum við hvernig er hægt að fá útaukningu til að vísa í ólíkar áttir. Útaukning sem vísar til hægri: Myndið lykkju á hægri prjóni með þráðinn frá þér. Útaukning sem vísar til vinstri: Myndið lykkju á hægri prjón með þráðinn að þér. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:07
Hvernig á að auka út í klukkuprjóni

Í þessu DROPS myndbandi sýnum við hvernig við aukum út með uppslætti í hvorri hlið á stykki í klukkuprjóni. Uppslátturinn er prjónaður jafnóðum inn í mynstrið, en það myndast ekki ný "klukkuprjóns-röð" í hvorri hlið fyrr en aukið hefur verið út tvisvar sinnum í hvorri hlið. Í myndbandinu aukum við út um 1. umferð og í 2. umferð sýnum við hvernig við prjónum uppsláttinn snúinn (prjónum aftan í lykkjubogann). Síðan aukum við aftur út í 5. umferð og í 6. umferð sýnum við hvernig uppslátturinn er prjónaður snúinn jafnframt sem hann er prjónaður inn í mynstur. Að lokum er hægt að sjá 2 nýjar "klukkuprjóns-raðir" í hvorri hlið sem samanstanda af alls 4 útaukningum í hvorri hlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:19
Hvernig á að auka út í klukkuprjóni með því að prjóna nokkrar lykkjur í sömu lykkju

Í þessu DROPS myndbandi sýnum við hvernig auka á út í klukkuprjóni með uppslætti með því að prjóna nokkrar lykkjur í sömu lykkju og hvernig prjóna á eftir útaukningu, t.d. eins og í DROPS 194-13. ATH! Í útskýringu er prjónað í hring, en í þessu myndbandi prjónum við frá hægri til vinstri (= engar brugðnar lykkjur). Í 1. umferð í myndbandi prjónum við aðeins af 3. umferð, útskýringu á klukkuprjóni bæði fyrir og á eftir fjölda útaukna lykkja. Aukið út lykkjur þannig: Prjónið 5 lykkjur í lykkju og uppslátt þannig: * Prjónið uppslátt og lykkjuna slétt saman, en bíðið með að steypa lykkjunni og uppslættinum sem prjónað var af prjóni, sláið 1 sinni uppá hægri prjón, prjónið frá *-* 2 sinnum og prjónið lykkjuna og uppsláttinn slétt saman 1 sinni til viðbótar = 5 lykkjur (= 4 lykkjur fleiri). Í næstu umferð (= umferð 2 í útskýringu af mynstri) prjónið útauknar lykkjur inn í klukkuprjón. Það er ekkert klukkuprjóns uppsláttur í útaukning, þannig að lykkjan sem prjóna á saman við uppslátt er prjónuð án uppsláttar. Í næstu umferð er prjónað eins og útskýring á 3. umferð af klukkuprjóni. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.