DROPS Alpaca Party - 13 tegundir af alpakka garni á afslætti í allan október!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 598
13:00
Hvernig á að prjóna peysu ofan frá og niður

Í þessu DROPS myndbandi sýnum við hvernig við prjónum peysu ofan frá og niður á hringprjóna. Við sýnum hvernig við aukum út í laskalínu með því að slá 1 sinni uppá prjóninn 2 lykkjum á undan merki og 2 lykkjum á eftir merki og í næstu umferð er uppslátturinn prjónaður snúinn slétt svo ekki myndist göt. Við höfum nú þegar prjónað hálsmálið (stroff) og byrjum myndbandi á umferð 1 þar sem auka á út. Fylgja þarf uppskrift til þess að geta fylgt myndbandinu eftir, þar sem fleiri upplýsingar eru í mynstri sem þarf að gera /fjöldi lykkja á milli prjónamerkja /mynstur/upphækkun að aftan o.s.frv. Bleika prjónamerkið í myndbandinu sýnir byrjun á umferð. Munið að þetta er einungis almennt myndband. Við sýnum einnig hvernig við setjum ermalykkjur á þráð, hvernig við sláum upp nýjar lykkjur undir ermum og hvernig við prjónum ermina áfram. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
26:23
Hvernig á að gera útaukningu fyrir laskalínu, prjónað ofan frá og niður

Í þessu DROPS myndbandi sýnum við hvernig við prjónum laskalínu ofan frá og niður með prjónamerki og uppslætti. Við sýnum alls 4 umferðir með útaukningu. Í fyrstu 2 skiptin þá tökum við út 2 lykkjur á fram- og bakstykki og 4 lykkjur á hvorri ermi. Í síðustu 2 skiptin þá tökum við út 2 lykkjur á fram- og bakstykki og ermum. Athugið að við spólum fram að fjórðu og síðustu útaukningunni til að spara tíma. Að lokum sýnum við hvernig staðsetja á lykkjur frá ermum á hjálparprjón, fitjar upp nýjar lykkjur undir hvorri ermi og staðsetjum prjónamerki uppá nýtt svo að hægt sé að vinna áfram með bak- og framstykki. Í myndbandinu notum við DROPS Snow. Við höfum færri lykkjur í myndbandinu í mynstri svo það er mikilvægt að fylgja uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
22:04
Hvernig á að prjóna laskalínu í stykki prjónað neðan frá og upp

Í þessu DROPS myndbandi sýnum við hvernig við prjónum laskalínu á peysu prjónuð neðan frá og upp. Það eru margar aðferðir við að fækka lykkjum fyrir laskalínu, en í þessu myndbandi sýnum við einfalda aðferð þar sem lykkjum er fækkað á undan og á eftir prjónamerkjum (prjónamerkin eru í skiptingunni á milli fram-/bakstykkis og erma). Fækkað er um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, 2 lykkjur slétt, prjónamerki situr mitt á milli þessa 2 lykkja, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir. Endurtakið við öll hin prjónamerkin sem eftir eru (= 8 lykkjur færri). Í næstu umferð er prjónað slétt yfir allar lykkjur, síðan er prjónuð umferð þar sem lykkjum er aftur fækkað fyrir laskalínu. Hversu oft það er gert verður þú að lesa í mynstrinu sjálfu. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að auka út með uppslætti og hvernig á að prjóna uppsláttinn í næstu umferð

Í þessu DROPS myndbandi sýnum við hvernig við aukum út um 2 lykkjur hvoru megin við laskalínu og hvernig við prjónum útauknar lykkjur í næstu umferð. Sömu aðferð er einnig hægt að nota í öðrum flíkum eins og t.d. húfum og pilsum. Prjónið þannig: Prjónið fram að laskalínu, sláið 1 sinni uppá prjóninn, prjónið 1 lykkju slétt (= laskalína), sláið 1 sinni uppá prjóninn. Aukið svona út við hverja laskalínu (= 8 lykkjur fleiri í umferð). Í næstu umferð er uppslátturinn prjónaður þannig: Á UNDAN LASKALÍNU: Lyftið uppslættinum yfir á hægri prjón eins og prjóna eigi slétt, setjið til baka yfir á vinstri prjón, þ.e.a.s. uppslátturinn verður snúinn, prjónið slétt í fremri lykkjubogann (uppslátturinn snýr til hægri). Á EFTIR LASKALÍNU: Prjónið uppsláttinn slétt í aftari lykkjubogann (uppslátturinn snýr til vinstri). Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
23:26
Hvernig á að setja prjónamerki, auka út fyrir laskalínu og prjóna stuttar umferðir

Í þessu DROPS myndbandi sýnum við hvernig við setjum 4 prjónamerki í stykki, hvernig við aukum út fyrir laskalínu við þessi prjónamerki jafnframt því sem prjónaðar eru stuttar umferðir. Við klippum þráðinn frá og byrjum stuttar umferðir við 3. prjónamerkið, en þegar stuttar umferðir hafa verið gerðar til loka klippum við þráðinn frá og byrjum aftur mitt að aftan. Við höfum nú þegar prjónað tvöfaldan kant í hálsmáli og sýnum fyrst í myndbandinu hvernig við prjónum umferð þar sem við setjum 4 prjónamerki og aukum út fyrir laskalínu hvoru megin við þessi prjónamerki. Í næstu umferð er útaukningin prjónuð snúin slétt, svo ekki myndist gat. Þegar stuttar umferðir eru prjónaðar er aukið út fyrir laskalínu í hverri umferð og þegar stuttar umferðir hafa verið prjónaðar til loka, aukið út fyrir laskalínu í annarri hverri umferð. Við notum garnið DROPS Nepal í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
17:18
Hvernig á að auka út fyrir laskalínu jafnframt því sem stuttar umferðir eru prjónaðar

Í þessu DROPS myndbandi sýnum við hvernig aukið er út fyrir laskalínu á meðan prjónaðar eru stuttar umferðir. Setjið 4 prjónamerki í mynstrið sem þú prjónar og klippið þráðinn frá. Byrjið nú í vinstri hlið við hálsmál að framan (séð þegar flíkin er mátuð). Byrjið frá réttu, 2 lykkjur á undan lykkju með 3. prjónamerki og prjónið samkvæmt mynstri (sléttprjón / samkvæmt mynsturteikningu) og aukið út fyrir laskalínu á undan og á eftir 4 prjónamerkjum þar til prjónaðar eru 2 lykkjur fram hjá lykkju með 2. prjónamerki (nú hafa verið auknar út 8 lykkjur fyrir laskalínu). Snúið stykkinu, herðið á þræði og prjónið til baka frá röngu þar til prjónaðar hafa verið 2 lykkjur fram hjá þar sem stutta umferðin byrjaði við 3. prjónamerki. Haldið áfram með stuttar umferðir eins og stendur í mynstri og þegar stutta umferðin hefur verið prjónuð til loka er þráðurinn klipptur frá og þú byrjar að prjóna aftur frá miðju að aftan. Uppslátturinn / útaukningar eru prjónaðar eins og útskýrt er í mynstri sem prjónað er eftir. Mundu að uppslátturinn / útaukningar eru prjónaðar mismunandi á undan og á eftir prjónamerkjum og þegar prjónað er frá réttu / röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:55
Hvernig á að prjóna laskalínu með götum

Í þessu DROPS myndbandi sýnum við hvernig við prjónum laskalínu með götum. Lykkjum er fækkað við hvert merki þannig: Prjónið slétt þar til 5 lykkjur eru eftir á undan merki, prjónið næstu 2 lykkjur slétt saman, sláið 1 sinni uppá prjóninn, prjónið næstu 2 lykkjur slétt saman, 2 lykkjur slétt (merkið er staðsett á milli þessa 2 lykkja), * lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir *, sláið 1 sinni uppá prjóninn, endurtakið frá *-* 1 sinni til viðbótar = 1 lykkja færri og 1 uppsláttur hvoru megin við merki. Í næstu umferð er uppslátturinn prjónaður slétt þannig að það myndist gat. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:37
Hvernig á að setja ermar (prjónaðar fram og til baka) saman við fram- og bakstykki

Í þessu DROPS myndbandi sýnum við hvernig við setjum ermar sem prjónaðar eru fram og til baka saman við fram- og bakstykki. Þegar prjónað er með hringprjóna og prjóna á laskalínu eða affellingu í hring, er byrjað er með að prjóna fram- og bakstykki þangað til komið er að handveg. Hér fellur þú af 4 lykkjur fyrir handveg í hvorri hlið (eða þann fjölda lykkja sem stendur í uppskrift). Eftir þetta eru ermar prjónaðar inn, fellið af 4 miðjulykkjur (eða þann fjölda lykkja sem stendur í uppskrift) fyrir opi í handveg. Prjónið nú inn ermar á sama hringprjón þar sem fellt var af fyrir handveg. Í þessu myndbandi sýnum við hvernig við höfum fellt af fyrir handveg í hliðum á fram- og bakstykki, jafnframt því hvernig ermin er prjónuð inn á sama hringprjón. Ermin er prjónuð fram og til baka. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:35
Hvernig á að setja ermar (prjónaðar í hring á sokkaprjóna) saman við fram- og bakstykki

Í þessu DROPS myndbandi sýnum við hvernig við setjum ermar sem prjónaðar eru í hring saman við fram- og bakstykki. Setjið lykkjur frá ermi (sem prjónuð er í hring á sokkaprjóna) inn á sama hringprjón og fram- og bakstykki. Þegar prjónað er með hringprjóna og prjóna á laskalínu eða affellingu í hring, er byrjað er með að prjóna fram- og bakstykki þangað til komið er að handveg. Hér fellur þú af 4 lykkjur fyrir handveg í hvorri hlið (eða þann fjölda lykkja sem stendur í uppskrift). Eftir þetta eru ermar prjónaðar inn, fellið af 4 miðjulykkjur (eða þann fjölda lykkja sem stendur í uppskrift) fyrir opi í handveg. Prjónið nú inn ermar á sama hringprjón þar sem fellt var af fyrir handveg. Í þessu myndbandi sýnum við hvernig við höfum fellt af fyrir handveg í hliðum á fram- og bakstykki, jafnframt því hvernig ermin er prjónuð inn á sama hringprjón. Ermin er prjónuð í hring á hringprjón eða á sokkaprjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:08
Hvernig á að prjóna upp lykkjur undir ermi

Í þessu DROPS myndbandi sýnum við hvernig við prjónum upp 1 lykkju í nýjar lykkjur sem voru fitjaðar upp áður undir ermi. Við prjónum upp 8 nýjar lykkjur og setjum eitt prjónamerki (e.t.v. merkiþráð) í miðju á þessum lykkjum. Í mörgum mynstrum á síðar að fækka lykkjum hvoru megin við þetta prjónamerki (e.t.v. merkiþráð). Við notum garnið DROPS Snow í myndbandinu.
9:45
Hvernig á að prjóna útaukningu fyrir axlarsæti fram og til baka

Í þessu DROPS myndbandi sýnum við hvernig við prjónum útaukningu fyrir axlarsæti fram og til baka, bæði frá réttu og frá röngu. Setjið 4 prjónamerki í stykkið og aukið út þannig: Á UNDAN PRJÓNAMERKI (á við um frá réttu): Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp aftan frá og lykkjan er prjónuð slétt í fremri lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. Á UNDAN PRJÓNAMERKI: (á við frá röngu): Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð brugðið í aftari lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp aftan frá og lykkjan er prjónuð brugðið í fremri lykkjubogann. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:08
Hvernig á að auka út lykkjur fyrir axlarsæti

Í þessu DROPS myndbandi sýnum við hvernig við aukum út lykkjur fyrir axlarsæti. Við höfum nú þegar prjónað stykki með útaukningu og sett 4 prjónamerki í stykkið. Þegar aukið er út á UNDAN prjónamerki (merki 1 og 3) notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp AÐ AFTAN og lykkjan er prjónuð slétt í fremri lykkjubogann. Nýjar lykkjur verða snúnar til hægri. Þegar aukið er út á EFTIR prjónamerki (merki 2 og 4) er vinstri prjónninn notaður til að taka upp þráðinn á milli 2 lykkja frá umferðinni að neðan, þráðurinn er tekinn upp AÐ FRAMAN og lykkjan er prjónuð slétt í aftari lykkjubogann. Nýjar lykkjur verða snúnar til vinstri. Einungis er aukið út á bakstykki og framstykki, fjöldi lykkja verður sá sami. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:01
Hvernig á að auka út lykkjur fyrir ermi á axlarsæti

Í þessu DROPS myndbandi sýnum við hvernig við aukum út lykkjur fyrir ermar á axlarsæti. Við höfum nú þegar prjónað stykki með útaukningu og sett 4 prjónamerki í stykkið. Þegar aukið er út á EFTIR prjónamerki (merki 1 og 3) notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp AÐ FRAMAN og lykkjan er prjónuð slétt í aftari lykkjubogann. Nýjar lykkjur verða snúnar til vinstri. Þegar aukið er út á UNDAN prjónamerki (merki 2 og 4) er vinstri prjónninn notaður til að taka upp þráðinn á milli 2 lykkja frá umferðinni að neðan, þráðurinn er tekinn upp AÐ AFTAN og lykkjan er prjónuð slétt í fremri lykkjubogann. Nýjar lykkjur verða snúnar til hægri. Einungis er aukið út á bakstykki og framstykki, fjöldi lykkja verður sá sami. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
23:43
Hvernig á að auka út lykkjur fyrir axlarsæti með því að prjona 5 lykkjur í sömu lykkju

Í þessu DROPS myndbandi sýnum við hvernig við aukum út lykkjur fyrir axlarsæti með því að prjóna 5 lykkjur í sömu lykkju. Einungis er aukið út á bakstykki og framstykki, fjöldi lykkja á axlarsæti verður sá sami. Við setjum 4 prjónamerki (prjónamerkin eru notuð til að sýna hvaða lykkjur á að auka í) og 4 merkiþræði (merkiþræðirnir sýna skilin á milli ermar, fram- og bakstykki) í stykkinu. Við byrjum myndbandið með að sýna hvernig merkin og merkiþræðirnir eru sett í, jafnframt því sem er slegið 1 sinni uppá prjóninn yfir hvern merkiþráð. Sleppið þessum uppslætti niður í næstu umferð, þetta er gert til að lykkjurnar á undan/á eftir útaukningu fyrir axlarsæti herði ekki á stykkinu. Við sýnum 2 umferðir með útaukningu. Lesið í uppskriftinni hvernig auka á út við prjónamerki. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
8:04
Hvernig á að auka út fyrir axlarsæti með uppslætti á undan og á eftir prjónamerki

Í þessu DROPS myndbandi sýnum við hvernig við aukum út fyrir axlarsæti með því að auka út með 8 uppsláttum bæði á undan og á eftir prjónamerki í stykki í sömu umferðinni. Þessi útauknings aðferð er notuð m.a. í «Country Muse» peysu í DROPS 216-40 og «Country Muse Cardigan» jakkapeysu í DROPS 216-39. Við höfum nú þegar prjónað kant í hálsi í peysu og byrjum myndbandið með því að setja prjónamerki í stykkið. Í umferð 1 sýnum við hvernig við aukum út með 2 uppsláttum á undan 1. og 3. prjónamerki og hvernig við aukum út með 2 uppsláttum á eftir 2. og 4. prjónamerki. Í næstu umferð er uppslátturinn prjónaður snúinn, svo ekki myndist gat. Ef þetta er jakkapeysa verður næsta umferð frá röngu og þá er uppslátturinn prjónaður snúinn brugðið, svo ekki myndist gat. Fjöldi axlalykkja verður sá sami – útauknar lykkjur verða í framstykki og bakstykki. Peysan í DROPS 216-40 og peysan í DROPS 216-39 eru prjónaðar úr DROPS Lima, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:50
Hvernig á að auka út í berustykki á stykki með axlarsæti

Í þessu DROPS myndbandi sýnum við hvernig við aukum í berustykki á stykki með axlarsæti með því að auka út um 2 lykkjur hvoru megin við prjónamerki 4 sinnum í sömu umferð = 8 lykkjur fleiri í 1 umferð. Þessi útauknings aðferð er m.a. notuð í «Country Muse» peysu í DROPS 216-40 og «Country Muse Cardigan» jakkapeysu í DROPS 216-39. Við höfum nú þegar prjónað kant í hálsmáli, útaukningu fyrir axlarsæti og útaukningu fyrir ermar á peysu og byrjum myndbandið á að færa til prjónamerkin fyrir útaukningu fyrir ermar að lykkjum sem auka á út framan við og aftan við, fyrir berustykki. Aukið út framan við og aftan við lykkjur með prjónamerki þannig: Notið vinstri prjón til að taka upp þráðinn á milli 2 lykkja frá umferð að neðan, þráðurinn er tekinn upp aftan frá og lykkjan er prjónuð slétt í fremri lykkjuboga, prjónið lykkju með prjónamerki í sléttprjóni eins og áður, notið vinstri prjón til að taka upp þráðinn á milli 2 lykkja frá umferð að neðan, þráðurinn er tekinn upp að framan og lykkjan er prjónuð slétt í aftari lykkjuboga (= 1 lykkja fleiri hvoru megin við lykkju með prjónamerki í). Peysan í DROPS 216-40 og peysan í DROPS 216-39 eru prjónaðar úr DROPS Lima, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:51
Hvernig á að auka út fyrir ermar á stykki með axlarsæti

Í þessu DROPS myndbandi sýnum við hvernig við aukum út fyrir ermi á stykki með axlarsæti með því að auka út um 2 lykkjur í hvorri ermi. Þessi útauknings aðferð er m.a. notuð í «Country Muse» peysu í DROPS 216-40 og «Country Muse Cardigan» jakkapeysu í DROPS 216-39. Við höfum nú þegar prjónað kant í hálsi og útaukningu fyrir axlarsæti á peysu og byrjum myndbandið á að færa til prjónamerkin fyrir axlarsæti þar sem auka á út lykkjum fyrir ermar. Aukið svona út á undan 1. og 3. prjónamerki: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp aftan frá og prjónaður slétt í fremri lykkjuboga (= 1 lykkja fleiri). Aukið svona út á eftir 2. og 4. prjónamerki: Notið vinstri prjón og takið upp þráðinn á milli 2 lykkja frá umferðinni að neðan, þráðurinn er tekinn upp framan frá og lykkjan er prjónuð slétt í aftari lykkjuboga (= 1 lykkja fleiri). Næsta umferð er prjónuð slétt. Ef þetta er jakkapeysa þá er næsta umferð prjónuð brugðið frá röngu. Fjöldi lykkja á framstykki og bakstykki verður sá sami, einungis er aukið út á ermum. Peysan í DROPS 216-40 og peysan í DROPS 216-39 eru prjónaðar úr DROPS Lima, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
17:11
Hvernig á að byrja að prjóna flík í klukkuprjóni samkvæmt mynsturteikningu - hluti 2

Í þessu DROPS myndbandi sýnum við hvernig við höldum áfram að prjóna samkvæmt mynsturteikningu A.1, A.2 og A.3 í vesti Mountain Moraine í DROPS 210-1 og í vesti Easy Over í DROPS 217-13. Við höfum nú þegar prjónað samkvæmt mynsturteikningu A.1 á hæðina og er nú einungis endurtekið A.1 yfir A.1 á hæðina. Í myndbandinu sýnum við hvernig umferð 9 (útaukningsumferð) og umferð 10, er prjónað, eftir það prjónum við umferð 15 (útaukningsumferð) og umferð 16. Síðan er prjónað A.2a yfir A.2 og A.3a yfir A.3 (við sýnum umverð 1 af A.2a og A.3a). Þegar allar útaukningar hafa verið gerðar til loka (sjá mynstur með fjölda útaukninga), prjónið A.1a yfir allar lykkjur þar til stykkið hefur náð réttu máli (sjá mynstur fyrir mál). Passið uppá að næsta umferð sé umferð sem er prjónuð brugðið. Vestin í DROPS 210-4 og 217-13 eru prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
22:26
Hvernig á auka út lykkjur fyrir axlarsæti með því að prjóna 3 lykkjur í 1 lykkju

Í þessu DROPS myndbandi sýnum við hvernig við prjónum byrjun á «Easy Over» vesti í DROPS 217–13 og «Slippery Slopes Sweater» peysu í DROPS 217-14, bæði í klukkuprjóni, með axlarsæti og þar sem aukið er út með því að prjóna 3 lykkjur í 1 lykkju. Við notum færri fjölda lykkja en sem gefinn er upp í mynstri. Við höfum nú þegar fitjað upp og prjónað 1 umferð brugðið í kanti í hálsmáli og byrjum myndbandið á því að sýna aðeins af umferð 1-4 þar sem við prjónum samkvæmt mynsturteikningu A.1. Mynsturteikning A.1a er prjónuð alveg eins og 4 fyrstu umferðirnar. Eftir það sýnum við hvernig við prjónum samkvæmt mynsturteikningu A.1, A.2 og A.3. Við setjum prjónamerki á milli hverra mynstureininga til að hafa betri yfirsýn. Við sýnum alla umferð 1-3 og hálfa umferð 4-5. Þessar flíkur eru prjónaðar úr DROPS Air, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrin með því að smella á myndina að neðan.
8:38
Hvernig á að skipta framstykki og bakstykki og fella af fyrir axlalykkjum í klukkuprjóni

Í þessu DROPS myndbandi sýnum við hvernig við skiptum framstykki / bakstykki og hvernig við fellum af fyrir axlalykkjum, eins og í vestum í DROPS 210-4 og 217-13. Í peysunni 217-14 eru lykkjur ekki felldar af fyrir handveg, en axlalykkjurnar eru settar á þráð. Við höfum færri fjölda lykkja en sem stendur i uppskrift. Byrjið mitt að aftan og prjónið þann fjölda lykkja sem stendur í mynstri, við prjónum 13 lykkjur í klukkuprjóni, 1 lykkju slétt (garðaprjóns lykkja), eftir það fellum við af lykkjur fyrir 1. handveg (uppslátturinn fyrir klukkuprjóns lykkjur eru felldar af eins og eigin lykkja, svo að kanturinn verði ekki stífur). Prjónið 1 lykkju í garðaprjóni (þessa lykkju hefur þú nú þegar á hægri prjóni). Prjónið klukkuprjónsmynstur yfir framstykki, 1 lykkja garðaprjón, fellið af fyrir 2. handveg, 1 lykkja garðaprjón og klukkuprjónsmynstur út umferðina. Klippið þráðinn frá og látið lykkjurnar fyrir framstykki hvíla á prjóni. Prjónið frá réttu (lykkjurnar eru nú færðar yfir á vinstri hlið á prjóni). Prjónið frá réttu þannig: 1 lykkja garðaprjón, A.4 þar til 1 lykkja er eftir og endið með 1 lykkju í garðaprjóni. Prjónið svona fram og til baka þar til réttu máli á mynstri hefur verið náð (passið uppá að síðasta umferðin sé frá röngu). Prjónið framstykki alveg eins og bakstykki (lykkjurnar eru færðar yfir á vinstri prjón). Vestin í DROPS 210-4 og 217-13 eru prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
11:46
Hvernig á að prjóna fram- og bakstykki aftur saman í klukkuprjóni

Í þessu DROPS myndbandi sýnum við hvernig við prjónum saman stykki aftur í klukkuprjóni eftir að fellt hefur verið af fyrir handveg, eins og í Mountain Moraine vesti í DROPS 210-4. Við erum með færri fjölda lykkja en sem stendur í mynstri. Prjónið framstykki samkvæmt mynsturteikningu A.1a (garðaprjóns lykkjur eru prjónaðar nú eins og 1. lykkja í A.1a), fitjið upp nýjar lykkjur undir 1. ermi, prjónið bakstykki samkvæmt sömu mynsturteikningu, fitjið upp nýjar lykkjur undir 2. ermi / í lok umferðar. Eftir það er prjónað A.1a yfir allar lykkjur, hringinn. Í fyrstu umferð eru nýjar lykkjur sem fitjaðar voru upp undir ermi prjónaðar í mynstri án uppsláttar. Vesti í DROPS 210-4 er prjónað úr DROPS Air, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
17:52
Hvernig á að prjóna axlarsæti með puffermum - fram og til baka

Í þessu DROPS myndbandi sýnum við hvernig við prjónum byrjun á axlarsæti með puffermum fram og til baka eins og er í jakkapeysunni “White Water Jacket” í DROPS 222-26. Sama aðferð er einnig notuð í peysunni "White Water" í DROPS 222-25, einnig þó að í byrjun sé prjónað í hring. Við notum lykkjufjöldann úr minnstu stærðinni og við höfum nú þegar prjónað kant í hálsmáli þar til hann mælist 3 cm. Við byrjum myndbandið á að sýna hvaða lykkjur eru settar á þráð (framstykki og bakstykki). Axlarsætin eru prjónuð hvort fyrir sig. Sjá mynstur undir AXLARSÆTI hvernig á að prjóna. Þessi peysa er prjónuð með 2 þráðum DROPS Kid-Silk, en í myndbandinu notum við einungis 1 þráð; DROPS Air. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
4:54
Evrópskt berustykki - stutt yfirlit. Hálsmál er lokið, ermalykkjur hafa verið prjónaðar upp

Í þessu DROPS myndbandi sýnum við stutt yfirlit yfir hvernig á að prjóna flík með evrópsku berustykki, þar sem hálsmáli er lokið eftir að ermalykkjur hafa verið prjónaðar upp. Flíkin er prjónuð samkvæmt leiðbeiningum 1-5: 1) BAKSTYKKI: Fitjið upp lykkjur fyrir aftan við hnakka í hálsmáli og prjónið bakstykkið ofan frá og niður, á sama tíma og aukið er út í hvorri hlið þar til réttum fjölda lykkja í axlarbreidd hefur verið náð. Bakstykkið er með örlítið skáhallar axlir. 2) FRAMSTYKKI: Framstykkið er prjónað í 2 stykkjum (= hvoru megin við hálsmál). Byrjið á því að prjóna upp lykkjur meðfram annarri öxlinni frá bakstykki, prjónið framstykkið ofan frá og niður á sama tíma og aukið er út fyrir hálsmáli. Endurtakið á hinni öxlinni. 3) BERUSTYKKI: Í næstu umferð eru allar lykkjur settar á sama hringprjón - prjónið þannig: Prjónið annað framstykkið, prjónið upp lykkjur fyrir ermi meðfram hlið framstykkis, prjónið bakstykkið, prjónið upp upp lykkjur fyrir ermi meðfram hlið á hinu framstykkinu, prjónið hitt framstykkið = prjónið áfram berustykkið fram og til baka yfir allar lykkjur frá miðju að framan. 4) ÚTAUKNING FYRIR HÁLSMÁL, FRAM- OG BAKSTYKKI OG ERMAR: Samtímis sem berustykkið er prjónað, þá er byrjað á að auka aðeins út fyrir hálsmáli og ermar og eftir það fyrir bæði fram- og bakstykki og ermar. Jafnframt eftir síðustu útaukningu fyrir hálsmáli eru framstykkin sett saman við miðju að framan og stykkið er prjónað áfram í hring á hringprjóna. 5) FRAM- OG BAKSTYKKI OG ERMAR: Þegar öll útaukning er lokið og berustykki hefur verið prjónað í rétta lengd er því skipt fyrir fram- og bakstykki og ermar. Fram- og bakstykkið er prjónað áfram í hring á hringprjóna ofan frá og niður á meðan ermar eru látnar bíða.
6:56
Evrópskt berustykki 1/4 - Bakstykki

Í þessu DROPS myndbandi sýnum við hvernig á að prjóna bakstykkið á flík með evrópsku berustykki. Hálsmálið er tilbúið eftir að lykkjur fyrir berustykkið eru prjónaðar upp. Við sýnum hvernig á að auka út lykkjur fyrir axlir. Fitjið upp lykkjur fyrir aftan hálsmálið og prjónið berustykkið fram og til baka, ofan frá og niður, á meðan aukið er út í hvorri hlið þar til fjöldi lykkja fyrir óskaða axlabreidd er náð. Bakstykkið hefur örlítið skálaga axlir. Við sýnum 4 útaukningarumferðir þannig: UMFERÐ 1 (= ranga): Prjónið brugðið. UMFERÐ 2 (= rétta): Lesið LEIÐBEININGAR ÚTAUKNING-1 og prjónið 3 lykkjur slétt, aukið út um 1 lykkju til vinstri, prjónið slétt þar til 3 lykkjur eru eftir, aukið út um 1 lykkju til hægri, prjónið 3 lykkjur slétt. UMFERÐ 3 (= ranga): Lesið LEIÐBEININGAR ÚTAUKNING-2 og prjónið 3 lykkjur brugðið, aukið út um 1 lykkju til vinstri, prjónið brugðið þar til 3 lykkjur eru eftir, aukið út um 1 lykkju til hægri, 3 lykkjur brugðið. Á EFTIR 3. UMFERÐ: Prjónið UMFERÐ 2 og 3 alls 7 sinnum. Klippið frá, setjið lykkjurnar á þráð eða hjálparprjón. LEIÐBEININGAR ÚTAUKNING-1: AUKIÐ ÚT 1 LYKKJU TIL VINSTRI - frá réttu: Notaðu vinstri prjón til að taka upp þráðinn á milli 2 lykkja af prjóni fyrir neðan, taktu upp þráðinn að framan og prjónaðu lykkjuna slétt í aftari lykkjubogann. AUKIÐ ÚT 1 LYKKJU TIL HÆGRI - frá réttu: Notaðu vinstri prjón til að taka upp þráðinn á milli 2 lykkja af prjóni fyrir neðan, taktu upp þráðinn aftan frá og prjónaðu lykkjuna slétt í fremri lykkjubogann. LEIÐBEININGAR ÚTAUKNING-2: AUKIÐ ÚT 1 LYKKJU TIL VINSTRI – frá röngu: Notaðu vinstri prjón til að taka upp þráðinn á milli 2 lykkja af prjóni fyrir neðan, taktu upp þráðinn aftan frá og prjónaðu lykkjuna brugðið í fremri lykkjubogann. AUKIÐ ÚT 1 LYKKJU TIL HÆGRI – frá röngu: Notaðu vinstri prjón til að taka upp þráðinn á milli 2 lykkja af prjóni fyrir neðan, taktu upp þráðinn að framan og prjónaðu lykkjuna brugðið í aftari lykkjubogann. Garn sem við notum í myndbandinu: DROPS Andes Uppskriftir með þessari aðferð og viðeigandi myndbönd, sjá hér að neðan.