DROPS Children 49 · Fullt af nýrri hönnun fyrir börn!

Fylgihlutir

Flokkar
Myndbönd: 125
23:37
Hvernig á að byrja að prjóna sjal með tveggja lita klukkuprjóni

Í þessu DROPS myndbandi sýnum við hvernig við byrjum á að prjóna sjal með2 litum í klukkuprjóni, með útaukningu með 2 lykkjum bæði frá réttu og frá röngu og 4 útauknar lykkjur frá réttu. Þessi byrjun með útaukningu er í sjalinu «Sunset Hug» í DROPS 211-20 og í myndbandinu sýnum við hvernig við fitjum upp 7 lykkjur og hvernig umferð 1-15 er prjónuð. Sjalið «Sunset Hug» er prjónað úr DROPS Alpaca og DROPS Delight, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
11:25
Hvernig á að prjóna M.1B í DROPS 140-14, 133-1 og 130-1

Í þessu DROPS myndbandi sýnum við hvernig mynstur M.1B er prjónað (síðasti hluti í mynsturteikningu) í þremur af vinsælum sjölum frá okkur. Við sýnum 2 mynstureiningar af mynstri við hlið á hvor annarri. Við höfum sett hvítan þráð til merkingar sem sýnir hvar 2. mynstureiningin byrjar (mynstrið inniheldur fleiri mynstureiningar). UMFERÐ 1 og allar umferðir frá röngu eru prjónaðar brugðið frá röngu – umferð 1 er ekki sýnd í myndbandinu. UMFERÐ 2 (rétta):* Prjónið 2 lykkjur slétt saman, sláið 1 sinni uppá prjóninn*, endurtakið út umferðina og endið alltaf á 1 lykkju slétt í síðustu lykkju. UMFERÐ 3 (ranga): Prjónið brugðið. UMFERÐ 4 (rétta): Prjónið 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, endurtakið að næstu mynstureiningu og endið á 1 lykkju slétt í síðustu lykkju. UMFERÐ 6 (rétta): Prjónið 2 lykkjur slétt í eina lykkju, 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, 2 lykkjur slétt saman, 3 lykkjur slétt, 2 lykkjur slétt í eina lykkju, 2 lykkjur slétt í eina lykkju, endurtakið út að næstu mynstureiningu og endið á 1 lykkju slétt í síðustu lykkju. Í hvert skipti sem prjónuð er umferð 6 og umferð 10 (með 2 x 2 lykkjur slétt í eina lykkju á eftir hverri annarri) færðu eina auka slétta lykkju hvoru megin við úrtöku fyrir miðju á mynstureiningunni. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
6:34
Hvernig á að prjóna M.1 í DROPS 133-2

Í þessu DROPS myndbandi sýnum við hvernig er prjónað eftir mynsturteikningu M.1 til að ná fram kúlum og gatamynstri í sjali í DROPS 133-2. Við höfum nú þegar prjónað 10 umferðir af mynsturteikningu til þess að geta betur sýnt hvernig mynstrið lítur út. Við prjónum 1 kantlykkju í hvorri hlið í garðaprjóni (slétt í öllum umferðum). Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:11
Hvernig á að prjóna gatamynstur í DROPS 132-26

Í þessu DROPS myndbandi sýnum við hvernig við prjónum einfalt gatamynstur í setti í DROPS 132-26. Þetta sett er prjónað úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:10
Hvernig á að hekla sjalið í DROPS 153-9

Í þessu DROPS myndbandi sýnum við hvernig við byrjum á að prjóna sjalið Bayside í DROPS 153-9. Sjalið er prjónað í garðaprjóni og sléttprjóni, jafnframt er aukið út með því að slá 1 sinni uppá prjóninn í annarri hliðinni á stykkinu. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:04
Hvernig á að prjóna gataraðir og gatamynstur í DROPS 152-16

Í þessu DROPS myndbandi sýnum við hvernig við prjónum GATARAÐIR og GATAMYNSTUR í sjali í DROPS 152-16. Við sýnum fyrst hvernig við fitjum upp og prjónum þar til við höfum 17 lykkjur á prjóni, eftir 1. hraðspólunina byrjum við á umferð 3 sem sýnir GATARÖÐ eins og útskýrt er í mynstri. Eftir það höldum við áfram að prjóna umferð 4 og 5. Eftir 2. hraðspólunina höfum við prjónað smá lengd þannig að við höfum 2 gataraðir og sýnum nú GATAUMFERÐ. Þetta sjal er prjónað úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:01
Hvernig á að fækka og auka út lykkjum í DROPS 155-11

Í þessu DROPS myndbandi sýnum við hvernig við fækkum og aukum út í sjali í DROPS 155-11. Við höfum fitjað upp 3 lykkjur og prjónað 1 umferð slétt. Prjónið nú eftirfarandi: UMFERÐ 1: Prjónið 1 lykkju slétt, sláið 1 sinni uppá prjóninn, prjónið allar lykkjur slétt út umferðina. UMFERÐ 2: Prjónið allar lykkjur og uppsláttinn slétt. Endurtakið síðan umferð 1-2 þar til fjöldinn er kominn sem gefinn er upp í mynstri. Í myndbandinu sýnum við fyrstu 8 umferðirnar, þar á eftir sýnum við hvernig við fellum af með uppslætti. Fellið af þannig: * Fellið af 2 lykkjur, sláið 1 sinni uppá prjóninn og fellið laust af *, endurtakið frá *-* út umferðina. Þetta sjal er prjónað úr DROPS Verdi, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:18
Hvernig á að prjóna kant á sjali, jafnframt því að fella af

Í þessu DROPS myndbandi sýnum við hvernig við prjónum kant á sjali jafnframt því sem við fellum af. Þegar lykkjur af sjali hafa verið prjónaðar, á ekki að snúa stykkinu, fitjið upp 14 nýjar lykkjur fyrir kant á sjali frá röngu. Snúið við, prjónið 1 umferð slétt yfir 14 nýju lykkjurnar (= rétta), snúið stykkinu við og prjónið áfram eftir mynstri = 1 umf í mynstureiningu frá röngu. Í þessu myndbandi höfum við prjónað fyrstu umferðina á kanti. Við byrjun nú á annarri umferð af kantmynstri: UMFERÐ 1 = ranga: Lyftið 1 lykkju af prjóni eins og prjóna eigi brugðið, 1 lykkja slétt, sláið 1 sinni uppá prjóninn, 2 lykkjur saman slétt og prjónið garðaprjón þar til 4 lykkjur eru eftir á prjóni, sláið 1 sinni uppá prjóninn, 2 lykkjur saman slétt, sláið 2 sinnum uppá prjóninn (= 2 lykkjur), 2 lykkjur slétt. Snúið stykki. UMFERÐ 2 = rétta: Prjónið 2 lykkjur slétt, prjónið annan uppsláttinn af þeim tveimur sem voru slegnir uppá prjóninn, sá seinni er steyptur niður af prjóni, prjónið garðaprjón þar til 3 lykkjur eru eftir að kantlykkjum, sláið 1 sinni uppá prjóninn, 2 lykkjur saman slétt og prjónið nú saman síðustu kantlykkjuna slétt með fyrstu lausu lykkjunni af sjali. Snúið við og prjónið UMFERÐ 3 í mynstri o.s.frv. Í síðustu umferð frá réttu, fellið af fyrstu 8 kantlykkjurnar, prjónið síðan afgang eftir mynstri = 14 lykkjur á prjóni og endurtakið aftur mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:43
Hvernig á að prjóna þríhyrnt sjal í DROPS 127-8

Í þessu DROPS myndbandi sýnum við hvernig hægt er að prjóna þríhyrnt sjal í DROPS 127-8. Þríhyrnd sjöl sem eru laust prjónuð eru alltaf vinsæl og nýtast vel. Notið fínt garn og grófa prjóna! Fitjið upp 4 lykkjur. Í næstu umferð er aukið út um 1 lykkju með því að slá 1 sinni uppá prjóninn á eftir fyrstu lykkjunni í byrjun umferðar. Haldið áfram fram og til baka og aukið út um 1 lykkju í byrjun hverrar umferðar þar til óskaðri breidd er náð. Uppslátturinn er prjónaður slétt, svo það myndist gat. Fellið mjög laust af. Þetta sjal er prjónað úr DROPS Kid-Silk, við prjónum með sama garni í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
16:00
Hvernig á að byrja á sjali í DROPS 137-4

Í þessu DROPS myndbandi sýnum við hvernig við prjónum byrjun á sjali í DROPS 137-4. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:34
Hvernig á að prjóna byrjun á sjali í DROPS 160-10

Í þessu DROPS myndbandi sýnum við hvernig við prjónum byrjun á sjalinu Summer Diamond í DROPS í 160-10. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:10
Sjal: Hvernig á að hekla byrjun á sjali í DROPS 166-20

Í þessu DROPS myndbandi sýnum við hvernig við heklum byrjun á sjali í DROPS 166-20 eftir mynstri A.1, A.2 og A.3. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
15:39
Hvernig á að prjóna A.1 í DROPS 165-37

Í þessu DROPS myndbandi sýnum við hvernig byrjað er á sjali í DROPS 165-37 samkvæmt mynsturteikningu A.1. Þetta sjal er prjónað úr DROPS Brushed Alpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
25:48
Hvernig á að prjóna sjal með öldukanti í DROPS 166-26

Í þessu DROPS mynstri sýnum við hvernig við prjónum sjalið Eurydice með öldukanti í DROPS 166-26. Í myndbandinu sýnum við fyrst umferð 1-16 og þar á eftir endurtekningu af umferð 9-16 og fyrstu pífunni. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
14:03
Hvernig á að prjóna byrjun á sjali í DROPS 165-29

Í þessu DROPS myndbandi sýnum við hvernig við prjónum sjal í garðaprjóni með sólfjaðrakanti í DROPS 165-29. Myndbandið sýnir fyrst umferð 1-12 og eftir það endurtökum við röð 5-12 þrisvar sinnum (hraðspólað yfir aðra og þriðju endurtekningu) og endum á 21 lykkju á prjóni, við erum nú tilbúin að byrja á fyrstu SÓLFJÖÐUR. Þetta sjal er prjónað úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
19:17
Hvernig á að prjóna sólfjaðrakant í DROPS 165-29

Í þessu DROPS myndbandi sýnum við hvernig við prjónum öldumynstur/sólfjaðramynstur í sjali DROPS 165-29. Við byrjum með því að setja 1 prjónamerki eftir 5 fyrstu lykkjur á prjóni og prjónum 1 umferð frá réttu: 1 lykkja slétt, sláið 1 sinni uppá prjóninn, prjónið út umferð, snúið við. Héðan prjónum við SÓLFJÖÐUR. Þegar sólfjöðrin hefur verið prjónuð (eftir 32 umferðir) er prjónað fram og til baka yfir allar lykkjur. Til þess að koma í veg fyrir göt í skiptingum á milli snúninga á sólfjöður, setjið þráðinn á milli hverra af 16 lykkjum snúnar til baka á prjóninn og prjónið slétt saman við lykkjur. Þetta sjal er prjónað úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:53
Hvernig á að prjóna öldukant í sjali í DROPS 165-25

Í þessu DROPS myndbandi sýnum við hvernig við prjónum öldukant í sjali í DROPS 165-25. Í myndbandinu höfum við nú þegar prjónað röð 1-6 og sýnum röð 7, 8 og 9 í myndbandinu. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
25:18
Hvernig á að prjóna sjal í DROPS 143-5

Í þessu DROPS myndbandi sýnum við hvernig við prjónum sjal með garðaprjóni og mynstri í DROPS 143-5. Við höfum fitjað upp 9 lykkjur og sett 1 prjónamerki í miðju lykkju. Við prjónum nú þannig (= rétta): 3 lykkjur slétt, sláið uppá prjóninn, 3 lykkjur slétt, sláið uppá prjóninn, 3 lykkjur slétt = 11 lykkjur. Prjónið nú slétt í hverri umferð JAFNFRAMT sem aukið er út um 4 lykkjur í hverri umferð frá réttu þannig: Sláið uppá prjóninn innan við 3 lykkjur með garðaprjóni á hvorri hlið og sláið upp á prjóninn hvoru megin við lykkju með prjónamerki. Í næstu umferð er uppslátturinn prjónaður slétt, svo að það myndist gat: 3 lykkjur slétt, sláið uppá prjóninn, 3 lykkjur slétt, sláið uppá prjóninn, 3 lykkjur slétt = 11 lykkjur. Prjónið nú slétt í hverri umferð JAFNFRAMT er aukið út um 4 lykkjur í hverri umferð frá réttu þannig: Sláið uppá prjóninn innan við 3 lykkjur garðaprjón á hvorri hlið og sláið uppá prjóninn hvoru megin við lykkju með prjónamerki. Í næstu umferð er uppslátturinn prjónaður slétt, svo að það myndist gat. Við aukum út um 39 lykkjur (spólum hratt). Eftir það sýnum við 1 mynstureiningu á hæðina á mynsturteikningu A.1 og A.2 með A.1 til hægri um miðju og A.2 til vinstri. Að lokum sýnum við hvernig við fellum af með uppslætti: * Fellið af 3 lykkjur, sláið síðan uppá hægri prjón, fellið uppsláttinn af *, endurtakið frá *-* út umferðina. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
15:23
Hvernig á að prjóna A.3 (kant með götum) í DROPS 143-5

Í þessu DROPS myndbandi sýnum við hvernig kanturinn í sjali í DROPS 143-5 er prjónaður samkvæmt mynsturteikningu A.3. Við prjónum 1 heila mynstureiningu á mynsturteikningu og sýnum jafnframt hvernig síðasta lykkjan er tekin upp yst í sjali með hægri prjóni og tekin upp yfir fyrstu prjónuðu lykkju í A.3. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
15:58
Hvernig á að prjóna A.3 í DROPS 141-23

Í þessu DROPS myndbandi sýnum við hvernig við prjónum mynsturteikningu A.3 í hálsklútnum Veronica í DROPS 141-23. Þessi hálsklútur er prjónaður úr DROPS Nepal, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
7:47
Hvernig á að prjóna byrjun á sjali í DROPS 146-28

Í þessu DROPS myndbandi sýnum við hvernig við byrjum á sjalinu Wings í DROPS 146-28. Í myndbandinu höfum við færri lykkjur og cm en gefið er í uppskrift. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:42
Hvernig á að prjóna byrjun á sjali í DROPS 170-12

Í þessu DROPS myndbandi sýnum við byrjun á sjalinu Spring Splendor eftir mynsturteikningu A.1 í DROPS 170-12. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
16:16
Hvernig á að prjóna sjalið í DROPS 168-23

Í þessu DROPS myndbandi sýnum við hvernig við prjónum sjalið í DROPS 168-23. Í myndbandinu gerum við mini-sjal, þannig að við höfum færri lykkjur og cm en sem gefið er upp í uppskrift. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:10
Hvernig á að byrja á sjali í DROPS 168-22

Í þessu DROPS myndbandi sýnum við hvernig við byrjum á sjali í DROPS 168-22. Í myndbandinu sýnum við hvernig við prjónum leiðbeiningar í uppskrift: LEIÐBEININGAR: Til þess að fá jafnan ytri kant er ysta lykkja í hvorri hlið á sjali prjónuð slétt frá réttu og slétt frá röngu með 1 þræði af hvorri tegund (= 2 þræðir einungis í síðustu lykkju). ATH: Vefjið upp smá garni af hvorri tegund sem notað er í gagnstæðri hlið á stykki en þeirri sem öll dokkan er notuð). Restin af sjalinu er prjónuð með röndum með 1 þræði. Þetta sjal er prjónað úr DROPS Alpaca Bouclé og DROPS Kid-Silk, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.