Little Cloud Blue Cardigan |
|
|
|
Prjónuð peysa fyrir börn úr DROPS Air. Stykkið er prjónað ofan frá og niður í sléttprjóni með háum kanti í hálsmáli og laskalínu. Stærð 2 – 12 ára.
DROPS Children 47-3 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. KANTLYKKJUR: Í BYRJUN UMFERÐAR ERU PRJÓNAÐAR 2 KANTLYKKJUR ÞANNIG: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið næstu lykkju slétt. Í LOK UMFERÐAR ERU PRJÓNAÐAR 2 KANTLYKKJUR ÞANNIG: Prjónið þar til 2 lykkjur eru eftir í umferð, lyftið 1 lykkju af prjóni eins og prjóna eigi brugðið með þráðinn framan við stykkið, prjónið næstu lykkju slétt. Endurtakið þetta í byrjun / lok hverrar umferðar þegar prjóna á 2 kantlykkjur. LASKALÍNA: Aukið út um 1 lykkju á undan / á eftir 2 lykkjur sléttprjón í hverri skiptingu á milli framstykkis / bakstykkis og erma. Merkiþráður situr á milli þessa 2 lykkja. Aukið út um 1 lykkju með því að slá 1 sinni uppá prjóninn. Í næstu umferð (ranga) er uppslátturinn prjónaður þannig: Á UNDAN MERKIÞRÆÐI: Prjónið uppsláttinn brugðið í aftari lykkjubogann. Það á ekki að myndast gat. Á EFTIR MERKIÞRÆÐI: Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan í lykkjubogann þegar lykkjan er sett til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. Prjónið síðan útauknar lykkjur í sléttprjóni. ÚTAUKNING (jafnt yfir): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. ÚRTAKA (á við um miðju undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 lykkjur slétt saman, 2 kantlykkjur eins og áður. Í næstu umferð (ranga) er uppslátturinn prjónaður slétt, svo það myndist gat. Fellið af fyrir fyrsta hnappagatinu í fyrstu umferð frá réttu á eftir hálsmáli. Fellið síðan af fyrir 4-4-5-5-5-5 næstu hnappagötum með ca 6-7-6-7-8-8 cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Fyrst er prjónaður hár kantur í hálsmáli fram og til baka á hringprjóna frá miðju að framan, ofan frá og niður. Síðan er hálsmálið prjónað með stuttum umferðum fram og til baka á hringprjóna. Þegar hálsmálið hefur verið prjónað til loka, prjónið afgang af berustykkið fram og til baka á hringprjóna frá miðju að framan. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna. Ermar eru prjónaðar í hring á sokkaprjóna / stuttan hringprjón. HÁR KANTUR Í HÁLSMÁLI: Fitjið upp 90-90-90-94-94-102 lykkjur á hringprjón 5 með DROPS Air. Skiptið yfir á hringprjón 3,5 og prjónið 1 umferð brugðið frá röngu. Næsta umferð er prjónuð frá réttu þannig: 2 KANTLYKKJUR og 4 lykkjur í GARÐAPRJÓN – lesið útskýringu að ofan (6 kantlykkjur að framan), * 2 lykkjur slétt, 2 lykkjur brugðið *, prjónið frá *-* þar til 8 lykkjur eru eftir, prjónið 2 lykkjur slétt, 4 lykkjur í garðaprjóni og 2 kantlykkjur (6 kantlykkjur að framan) – munið eftir útskýringu að ofan. Haldið svona áfram með stroff fram og til baka þar til kanturinn í hálsmáli mælist 6-6-7-7-8-8 cm – stillið af að næsta umferð sé prjónuð frá réttu. Setjið 4 merkiþræðir í stykkið eins og útskýrt er að neðan (þetta er gert án þess að prjóna lykkjurnar). ATH: Hver merkiþráður er settur á milli 2 lykkja slétt og merkiþræðirnir merkja laskalínu. Teljið 15-15-15-19-19-19 lykkjur (framstykki), setjið 1. merkiþráð á undan næstu lykkju, teljið 20-20-20-16-16-20 lykkjur (ermi), setjið 2. merkiþráð á undan næstu lykkju, teljið 20-20-20-24-24-24 lykkjur (bakstykki), setjið 3. merkiþráð á undan næstu lykkju, teljið 20-20-20-16-16-20 lykkjur (ermi), setjið 4. merkiþráð á undan næstu lykkju. Það eru 15-15-15-19-19-19 lykkjur á eftir síðasta merkiþræði (framstykki). Prjónið 1 umferð brugðið frá réttu þar sem lykkjufjöldinn er jafnaður út eins og útskýrt er að neðan: STÆRÐ 2 - 3/4 - 5/6 ÁRA: Prjónið 6 kantlykkjur að framan eins og áður, prjónið sléttprjón fram að 1. merkiþræði og aukið jafnframt út 1 lykkju yfir þessar lykkjur (ekki auka út/fækka lykkjum yfir 2 lykkjur slétt í laskalínuninn – þetta á við um alla merkiþræðina), prjónið sléttprjón fram að 2. merkiþræði og fækkið jafnframt 4 lykkjur jafnt yfir þessar lykkjur, prjónið sléttprjón fram að 3. merkiþræði án þess að fækka lykkjum, prjónið sléttprjón fram að 4. merkiþræði og fækkið jafnframt 4 lykkjur jafnt yfir þessar lykkjur, prjónið sléttprjón fram að 6 kantlykkjum að framan og aukið jafnframt út 1 lykkju yfir þessar lykkjur, endið með 6 kantlykkjur að framan eins og áður = 84 lykkjur í öllum stærðum. STÆRÐ 7/8 - 9/10 ÁRA: Prjónið 6 kantlykkjur að framan eins og áður, prjónið sléttprjón fram að 1. merkiþræði og fækkið jafnframt 2 lykkjur jafnt yfir þessar lykkjur (ekki fækka lykkjum yfir 2 lykkjur slétt í laskalínunni – þetta á við um alla merkiþræðina), prjónið sléttprjón fram að 2. merkiþræði án þess að fækka lykkjum, prjónið sléttprjón fram að 3. merkiþræði og fækkið jafnframt 2 lykkjur jafnt yfir þessar lykkjur, prjónið sléttprjón fram að 4. merkiþræði án þess að fækka lykkjum, prjónið sléttprjón fram að 6 kantlykkjum að framan og fækkið jafnframt 2 lykkjur jafnt yfir þessar lykkjur, endið með 6 kantlykkjur að framan eins og áður = 88 lykkjur í báðum stærðum. STÆRÐ 11/12 ÁRA: Prjónið 6 kantlykkjur að framan eins og áður, prjónið sléttprjón fram að 1. merkiþræði og fækkið jafnframt 2 lykkjur jafnt yfir þessar lykkjur (ekki fækka lykkjum yfir 2 lykkjur slétt í laskalínunni – þetta á við um alla merkiþræðina), prjónið sléttprjón fram að 2. merkiþræði og fækkið jafnframt 4 lykkjur jafnt yfir þessar lykkjur, prjónið sléttprjón fram að 3. merkiþræði og fækkið jafnframt 2 lykkjur jafnt yfir þessar lykkjur, prjónið sléttprjón fram að 4. merkiþræði og fækkið jafnframt 4 lykkjur jafnt yfir þessar lykkjur, prjónið sléttprjón fram að 6 kantlykkjum að framan og fækkið jafnframt 2 lykkjur jafnt yfir þessar lykkjur, endið með 6 kantlykkjur að framan eins og áður = 88 lykkjur. ALLAR STÆRÐIR: = 84-84-84-88-88-88 lykkjur (16-16-16-17-17-17 lykkjur á hvoru framstykki fram að merkiþræði, 16 lykkjur á hvorri ermi á milli merkiþráða og 20-20-20-22-22-22 lykkjur á bakstykki á milli merkiþráða). HÁLSMÁL: Skiptið yfir á hringprjón 5. Nú er hálsmálið prjónað með stuttum umferðum JAFNFRAMT því sem aukið er út fyrir laskalínu eins og útskýrt er að neðan. ATHUGIÐ PRJÓNFESTUNA! UMFERÐ 1 (ranga): Prjónið 6 kantlykkjur að framan eins og áður, prjónið brugðið þar til prjónaðar hafa verið 2 lykkjur fram hjá 1. merkiþræði (þ.e.a.s. í vinstri hlið á hálsmáli að framan, séð þegar flíkin er mátuð), snúið stykkinu og herðið á þræði. UMFERÐ 2 (rétta): Prjónið sléttar lykkjur og aukið út fyrir LASKALÍNA hvoru megin við 4 merkiþræðina – sjá útskýringu að ofan, þar til prjónaðar hafa verið 2 lykkjur fram hjá 4. merkiþræði (þ.e.a.s. í hægri hlið á hálsmáli, séð þegar flíkin er mátuð = 8 lykkjur fleiri), snúið stykkinu og herðið á þræði. UMFERÐ 3 (ranga): Prjónið brugðið þar til prjónaðar hafa verið 2 lykkjur fram hjá þar sem síðast var snúið við 1. merkiþráð (munið eftir að uppslátturinn er prjónaður snúinn í sitt hvora áttina), snúið stykkinu og herðið á þræði. UMFERÐ 4 (rétta): Prjónið sléttar lykkjur og aukið út fyrir laskalínu hvoru megin við 4 merkiþræðina, þar til prjónaðar hafa verið 2 lykkjur fram hjá þar sem síðasta var snúið við 4. merkiþráð (= 8 lykkjur fleiri), snúið stykkinu og herðið á þræði. UMFERÐ 5 (ranga): Prjónið brugðið þar til prjónaðar hafa verið 2 lykkjur fram hjá þar sem síðast var snúið við 1. merkiþráð, snúið stykkinu og herðið á þræði. UMFERÐ 6 (rétta): Prjónið sléttar lykkjur og aukið út fyrir laskalínu hvoru megin við 4 merkiþræðina, þar til prjónaðar hafa verið 2 lykkjur fram hjá þar sem síðast var snúið við 4. merkiþráð (= 8 lykkjur fleiri), snúið stykkinu og herðið á þræði. UMFERÐ 7 (ranga): Prjónið brugðið þar til 6 kantlykkjur eru eftir í umferð, prjónið 6 kantlykkjur að framan eins og áður. Nú hafa stuttar umferðir verið prjónaðar til loka og aukið hefur verið út 3 sinnum fyrir laskalínu hvoru megin við 4 merkiþræðina = 108-108-108-112-112-112 lykkjur. Síðan er berustykkið prjónað fram og til baka yfir allar lykkjur frá miðju að framan eins og útskýrt er að neðan. Munið eftir HNAPPAGAT í hægri kanti að framan – sjá útskýringu að ofan. BERUSTYKKI: Prjónið sléttprjón með 6 kantlykkjum að framan í hvorri hlið eins og áður og haldið áfram með útaukningu fyrir laskalínu þannig: Aukið út fyrir laskalínu hvoru megin við 4 merkiþræðina í annarri hverri umferð (hverri umferð frá réttu) alls 2-2-1-2-2-2 sinnum (5-5-4-5-5-5 sinnum ásamt útaukningu í hálsmáli) = 124-124-116-128-128-128 lykkjur. Haldið áfram með útaukningu í annarri hverri umferð (hverri umferð frá réttu), en í annað hvert skipti sem aukið er út, er einungis aukið út á framstykkjum / bakstykki (4 lykkjur fleiri). Þ.e.a.s. það er aukið út á framstykkjum / bakstykki í annarri hverri umferð og á ermum í 4. hverri umferð. Aukið svona út 10-12-14-14-14-16 sinnum á framstykkjum / bakstykki (5-6-7-7-7-8 sinnum á ermum). Nú hefur verið aukið út alls 15-17-18-19-19-21 sinnum á framstykkjum / bakstykki og 10-11-11-12-12-13 sinnum á ermum. Á eftir síðustu útaukningu eru 184-196-200-212-212-224 lykkjur í umferð (31-33-34-36-36-38 lykkjur fram að merkiþræði á hvoru framstykki, 36-38-38-40-40-42 lykkjur á milli merkiþráða á ermum og 50-54-56-60-60-64 lykkjur á milli merkiþráða á bakstykki) og stykkið mælist ca 14-15-16-17-17-19 cm á eftir stroffi mælt mitt að aftan. Prjónið e.t.v. áfram án útaukninga að réttu máli. Berustykkið skiptist nú fyrir fram- og bakstykki og ermar þannig: Prjónið fyrstu 32-34-35-37-37-39 lykkjur eins og áður (framstykki), setjið næstu 34-36-36-38-38-40 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (í hlið undir ermi), prjónið 52-56-58-62-62-66 lykkjur sléttprjón (bakstykki), setjið næstu 34-36-36-38-38-40 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (í hlið undir ermi) og prjónið síðustu 32-34-35-37-37-39 lykkjur eins og áður. Fram- og bakstykki og ermar er síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 132-140-148-156-160-168 lykkjur. Prjónið sléttprjón fram og til baka með 6 kantlykkjum að framan í hvorri hlið eins og áður. Þegar stykkið mælist 11-14-17-20-22-22 cm frá skiptingu, prjónið 1 umferð slétt frá réttu þar sem aukið er út um 22-26-26-26-30-30 lykkjur jafnt yfir – lesið ÚTAUKNING (ekki er auki út yfir kanta að framan) = 154-166-174-182-190-198 lykkjur. Skiptið yfir á hringprjón 3,5. Næsta umferð er prjónuð frá röngu þannig: 6 kantlykkjur að framan eins og áður, * 2 lykkjur brugðið, 2 lykkjur slétt *, prjónið frá *-* þar til 8 lykkjur eru eftir, prjónið 2 lykkjur brugðið og 6 kantlykkjur að framan eins og áður. Haldið svona áfram með stroff í 5 cm. Fellið aðeins laust af. Peysan mælist ca 34-38-42-46-48-50 cm frá öxl. ERMI: Setjið 34-36-36-38-38-40 lykkjur af þræð í annarri hlið á stykki á sokkaprjóna eða stuttan hringprjón 5. Prjónið að auki upp 1 lykkju í hverja af 8-8-10-10-12-12 lykkjum sem fitjaðar voru upp undir ermi = 42-44-46-48-50-52 lykkjur. Setjið 1 merkiþráð mitt undir ermi – mitt í 8-8-10-10-12-12 nýjar lykkjur. Byrjið umferðina við merkiþráð og prjónið sléttprjón hringinn. Þegar ermin mælist 3 cm frá skiptingu, fækkið um 2 lykkjur mitt undir ermi – lesið ÚRTAKA. Fækkið lykkjum svona með 2-3-4-5-5½-5½ cm millibili alls 5-5-5-5-5-6 sinnum = 32-34-36-38-40-40 lykkjur. Prjónið þar til ermin mælist 14-19-23-26-31-33 cm frá skiptingu. Nú eru eftir ca 7 cm að loka máli. Mátið e.t.v. stykkið og prjónið að óskaðri lengd fyrir stroff. Prjónið 1 umferð slétt þar sem aukið er út um 8-10-12-10-12-12 lykkjur jafnt yfir = 40-44-48-48-52-52 lykkjur. Skiptið yfir á sokkaprjón 3,5. Prjónið stroffprjón (2 lykkjur slétt, 2 lykkjur brugðið) í 7 cm. Fellið aðeins laust af. Stykkið mælist ca 21-26-30-33-38-40 cm frá skiptingu. Prjónið hina ermina á sama hátt. FRÁGANGUR: Saumið tölur í vinstri kant að framan. Ef óskað er eftir að hafa tvöfaldan kant í hálsmáli er hægt að brjóta stroffið niður að innanverðu á stykki og festa með nokkrum sporum við hverja laskalínu. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (18)
Jane wrote:
Jag tycker beskrivningen är oklar. Ska man bara sticka 2 maskor efter sista markören innan man vänder? Vad händer då med ökningen som man varvet innan? Har försökt hitta lösningen på videorna men det har jag inte lyckats med. /Jane
29.10.2023 - 16:19DROPS Design answered:
Hei Jane. Ja, når du strikker 6. pinne med forkortete pinner strikker du rett (fra retten) og det økes til raglan på hver side av de 4 merketrådene, til du har strikket 2 masker forbi der det sist ble snudd ved 4.merketråd (= 8 masker økt), snu arbeidet og stram tråden. Kastene strikkes enten vrang i bakre maskebue eller vrang i fremre maskebue. Les mer i oppskriften under RAGLAN, før/etter merketråden. mvh DROPS Design
30.10.2023 - 13:45Debbie Batog wrote:
Why can't I get the pattern in English? Little cloud blue. Is there a way to translate it to English. I really want this pattern, can you help me?
03.10.2023 - 22:45DROPS Design answered:
Dear Mrs Batog, all our patterns are also available in English, just click on the scroll down menu below pictures to edit language. Happy knitting!
04.10.2023 - 08:10Rakel Árnadóttir wrote:
Hæ, er að byrja prjóna þessa peysu. Skil ekki alveg hvernig þessar 2 kantlykkjur eru gerðar. Ef maður setur bandið fyrir framan prjóninn eins og maður ætli að prjóna brugðna lykkju og gerir svo næstu slétta, þá er eins og maður hafi aukið út um eina lykkju sem verður til vandræða þegar maður prjónar til baka og tvær lykkjur eiga að verða efti. Er ekki til myndband sem sýnir þetta?
21.09.2023 - 20:24DROPS Design answered:
Það eru 6 kantlykkjur að framan hvoru megin á stykkinu (2 kantlykkjur + 4 lykkjur í garðaprjóni) Tekur 1 lykkju óprjónaða eins og prjóna eigi brugðið, setur þráðinn framan við stykkið (að þér, slærð ekki uppá prjóninn), prjónar næstu lykkju slétt, síðan 4 lykkjur í garðaprjóni. Síðan eru prjónaðar 2 lykkjur slétt, 2 lykkjur brugðið þar til 8 lykkjur eru eftir, prjónar 2 lykkjur slétt, 4 lykkjur í garðaprjóni og tekur 1 lykkju óprjónaða eins og prjóna eigi brugðið, setur þráðinn framan við stykkið (að þér, slærð ekki uppá prjóninn), prjónar næstu lykkju slétt. Gangi þér vel.
27.09.2023 - 18:35Tina wrote:
Hallo, ich möchte dieses Modell, welches eigentlich mit Drops Air gestrickt werden würde, stattdessen mit Karisma stricken. Der Garnumrechner hilft nicht, da werden nur andere Garne im Tausch angeboten. Deshalb meine Frage, wie viel ich von Karisma benötige, wenn ich für das in Air gestrickte Modell 300 g benötige. Vielen Dank für eure Hilfe! Liebe Grüße, Tina
31.07.2023 - 09:34DROPS Design answered:
Liebe Tina, Karisma gehört der Garngruppe B und ist für Air dann keine Alternative. Ihre Maschenprobe wird unterschieden sein, dann sollen Sie die ganze Anleitung neu mit Ihrer eigenen Maschenprobe umrechnen; Garnmenge müsste dann neu kalkuliert werden, vielleicht können Sie sich von einer Jacke in Karisma inspirieren? Gerne kann Ihnen auch Ihr DROPS Händler (auch per Telefon oder per E-Mail) weiterhelfen. Viel Spaß beim stricken!
31.07.2023 - 11:46Wilma wrote:
Finns denna i vuxen storlek?
27.07.2023 - 16:39DROPS Design answered:
Hei Wilma. Nei, ikke akkurrat samme jakke. Men følg med på vår nyeste kolleksjon som blir publisert snart. Mener det er en jakke der som ligner :) mvh DROPS Design
28.07.2023 - 11:34F Van Munster wrote:
Is er een boek van met deze kinder patronen. Ik hoor graag van u
17.07.2023 - 12:44DROPS Design answered:
Dag F Van Munster,
Nee, we brengen helaas geen boeken meer uit, maar je kunt het patroon gratis afdrukken via de knop onder de materialenlijst bij het patroon.
18.07.2023 - 20:51F Van Munster wrote:
Goedemiddag, staan deze patronen ook in 1 breiboek? Dat zou ik dan graag willen hebben als er dan meerdere kinderpatronen in staan. Mijn emailadres is ik hoor het graag van U. Vr gr cisca v munster
17.07.2023 - 12:42Eri wrote:
Hello,I'm making size 5-6y and I just wanted to make sure I understand the second part of the yoke increases correctly. Is it like this ? Row 1 (ws) purl Row 2 (rs) increase on back, front and sleeves peaces (+8sts) Row 3 (ws )purl Row 4 (rs) increase only on back and front peaces (+4sts) Repeat. For what I understand is the only way I will end up with 14 times increases front and back and 7 times on sleeves at the same time. Thanks for the help
16.07.2023 - 23:11DROPS Design answered:
Hi Eri, yes, this is exactly right - increase 8 stitches and 4 stitches alternately. Happy knitting! Milá Eri, ano, je to přesně tak, jak píšete - přidáváme v každé 2. řadě a střídavě 8 ok a 4 oka. Hodně zdaru! Hana
17.07.2023 - 09:20