Hvernig á að fella af frá röngu

Lykkjur eru felldar af jafnframt því sem þær eru prjónaðar þegar ekki er lengur þörf á lykkjunum í stykkinu t.d. við handveg, hálsmál eða öxl.
Mikilvægt er að affellingarkanturinn verði ekki of laus eða of stífur.
Þú getur notað grófari prjóna við affellinguna, til þess að vera viss um að affellingarkanturinn verði teygjanlegur.

Mynd 1: Prjónið 2 lykkjur brugðnar.

Mynd 2: Nú ertu með 2 lykkjur á hægrihandarprjóni. Oddi vinstrihandarprjóns er stungið í aftari lykkju hægrihandarprjóns.

p>Mynd 3: Dragðu aftari lykkjuna fram yfir fyrstu lykkju. Nú ertu með eina lykkju á hægrihandarprjóni.

Mynd 4: Prjónaðu eina nýja brugðna lykkju.

Mynd 5: Nú ertu með 2 lykkjur á hægrihandarprjóni.

Mynd 6: Oddi vinstrihandarprjóns er stungið í aftari lykkju hægrihandarprjóns.

Mynd 7: Dragðu lykkjuna yfir fyrri lykkjuna og haltu svona áfram þar til þú hefur fellt af þann fjölda lykkja samkvæmt mynstri. Þú getur nú haldið áfram að prjóna yfir þær lykkjur sem eftir eru á vinstrihandarprjóni eða þú heldur áfram að fella af út umferðina.

Mynd 8: Nú hefur þú eina lykkju eftir á hægrihandarprjóni, þetta er síðasta lykkjan í stykkinu.

Mynd 9: Klipptu frá og dragðu lykkjuna þannig að þráðurinn sé dreginn í gegnum síðustu lykkjuna. Nú getur þú fest þráðinn.

Þú getur notað þessa að ferð þegar þú hefur lokið við að prjóna stykki t.d. í hálsklút eða sjali ef fella á af frá röngu.

Þú getur einnig skoðað þetta myndband