Ísland

DROPS Lima
65% Ull, 35% Alpakka
frá 704.00 kr /50g

Panta

DROPS Kid-Silk
75% Mohair, 25% Silki
frá 1430.00 kr /25g

Panta

Prjónar & Heklunálar

Panta

Þú færð garn sem þarf í að gera þetta mynstur frá 13486.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Moon Mist Cardigan

Prjónuð peysa úr DROPS Lima og DROPS Kid-Silk. Stykkið er prjónað ofan frá og niður með laskalínu, tvöföldum kanti í hálsmáli og klauf í hliðum. Stærð S – XXXL.

Velja stærð:

DROPS 245-8
DROPS Design: Mynstur li-157
Garnflokkur B + A
-------------------------------------------------------

STÆRÐ:
S - M - L - XL - XXL - XXXL

GARN:
DROPS LIMA frá Garnstudio (tilheyrir garnflokki B)
450-500-550-600-650-700 g litur 9025, krít
Og notið:
DROPS KID-SILK frá Garnstudio (tilheyrir garnflokki A)
125-125-125-150-175-175 g litur 44, tunglskin

TÖLUR:
DROPS TALA NR 629: 5-5-6-6-6-6 st.

PRJÓNAR:
DROPS HRINGPRJÓNAR NR 5: lengd 40 cm og 80 cm.
DROPS HRINGPRJÓNN NR 3,5: lengd 80 cm.
DROPS SOKKAPRJÓNAR NR 5.
DROPS SOKKAPRJÓNAR NR 3,5.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
16 lykkjur á breidd og 20 umferðir á hæð með sléttprjóni og 1 þræði í hvorri tegund = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

Meira svona:
Dömur Jakkapeysur & peysur Basic / grunnmynstur jakkapeysur engin samsetning hringlaga hálsmál laskalína ofan frá og niður sléttprjón tvöfaldur kragi

DROPS Lima
65% Ull, 35% Alpakka
frá 704.00 kr /50g

Panta

DROPS Kid-Silk
75% Mohair, 25% Silki
frá 1430.00 kr /25g

Panta

Prjónar & Heklunálar

Panta

Þú færð garn sem þarf í að gera þetta mynstur frá 13486.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

LASKALÍNA-1:
Öll útaukning er gerð frá réttu!
Aukið út um 1 lykkju á undan / eftir 4 lykkjum með prjónamerki í – síðan kölluð laskalínulykkja.
Laskalínulykkjur eru prjónaðar í sléttprjóni.
Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn eins og útskýrt er að neðan, síðan eru nýjar lykkjur prjónaðar í sléttprjóni.

Uppslátturinn er prjónaður frá röngu á undan og á eftir laskalínulykkju þannig:
Á UNDAN laskalínulykkju:
Prjónið uppsláttinn brugðið í aftari lykkjubogann. Það eiga ekki að myndast göt.
Á EFTIR laskalínulykkju:
Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það eiga ekki að myndast göt.

LASKALÍNA-2:
Aukið út um 1 lykkju aukalega á eftir / undan laskalínulykkjum á framstykkjum / bakstykki (ekki á ermum). Laskalína-2 er prjónuð sem viðbót við Laskalína-1. Þetta er gert þannig:
Á UNDAN laskalínulykkju:
Prjónið þar til 3 lykkjur eru eftir á undan laskalínulykkju, notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann, svo ekki myndist gat.
Á EFTIR laskalínulykkju:
Prjónið 3 lykkjur fram hjá laskalínulykkju (hugsanlega er uppsláttur frá útaukningu í sömu umferð sem er ekki talinn sem lykkja hér), notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann, svo ekki myndist gat.

ÚTAUKNING:
Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat.

ÚRTAKA (á við um miðju undir ermum):
Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð.

HNAPPAGAT:
Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 lykkjur slétt saman, 2 lykkjur slétt. Í næstu umferð (ranga) er uppslátturinn prjónaður slétt svo að það myndist gat.
Fellið af fyrir fyrsta hnappagatinu í fyrstu umferð frá réttu eftir að hálsmáli er lokið. . Fellið síðan af fyrir 4-4-5-5-5-5 næstu hnappagötum með ca 9½-10-8½-9-9½-10 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fyrst er hálsmál prjónað fram og til baka á hringprjóna, ofan frá og niður þar sem fitjaðar eru upp nýjar lykkjur í hvorri hlið til að forma hálsmálið. Síðan er berustykkið prjónað fram og til baka á hringprjóna frá miðju að framan. Berustykkið skiptist fyrir fram- og bakstykki og ermar.
Fram- og bakstykki er prjónað fram og til baka á hringprjóna. Ermar eru prjónaðar í hring á sokkaprjóna / stuttan hringprjón. Í lokin eru lykkjur prjónaðar upp í kringum hálsmál og prjónaður er kantur í hálsmáli sem brotinn er saman tvöfaldur.

HÁLSMÁL:
Fitjið upp 61-63-65-67-69-71 lykkjur á hringprjón 5 með 1 þræði í hvorri tegund (2 þræðir).
Setjið 4 prjónamerki í stykkið þannig: 1 prjónamerki í fyrstu lykkju, teljið 17 lykkjur (ermi), setjið 1 prjónamerki í næstu lykkju, teljið 23-25-27-29-31-33 lykkjur (bakstykki), setjið 1 prjónamerki í næstu lykkju, teljið 17 lykkjur (ermi), setjið 1 prjónamerki í síðustu lykkju. Lykkjur með prjónamerki eru núna kallaðar laskalínulykkjur.
Prjónið fram og til baka þannig:
UMFERÐ 1 (ranga): Prjónið brugðið, fitjið síðan upp 2 nýjar lykkjur í lok umferðar = 63-65-67-69-71-73 lykkjur.
UMFERÐ 2 (rétta): Prjónið slétt, aukið út fyrir LASKALÍNA-1 hvoru megin við 4 laskalínulykkjur – lesið útskýringu að ofan (8 lykkjur fleiri), fitjið síðan upp 2 nýjar lykkjur í lok umferðar = 73-75-77-79-81-83 lykkjur.
UMFERÐ 3 (ranga): Prjónið brugðið (uppslátturinn er prjónaður snúinn í sitt hvora áttina), fitjið síðan upp 2 nýjar lykkjur í lok umferðar = 75-77-79-81-83-85 lykkjur.
UMFERÐ 4 (rétta): Prjónið slétt, aukið út fyrir laskalína-1 hvoru megin við 4 laskalínulykkjur (8 lykkjur fleiri), fitjið síðan upp 2 nýjar lykkjur í lok umferðar = 85-87-89-91-93-95 lykkjur.
UMFERÐ 5 (ranga): Prjónið brugðið, fitjið síðan upp 3 nýjar lykkjur í lok umferðar = 88-90-92-94-96-98 lykkjur.
UMFERÐ 6 (rétta): Prjónið slétt, aukið út fyrir laskalína-1 hvoru megin við 4 laskalínulykkjur (8 lykkjur fleiri), fitjið síðan upp 3 nýjar lykkjur í lok umferðar = 99-101-103-105-107-109 lykkjur.
UMFERÐ 7 (ranga): Prjónið brugðið, fitjið síðan upp 10-12-12-14-14-16 nýjar lykkjur í lok umferðar = 109-113-115-119-121-125 lykkjur.
UMFERÐ 8 (rétta): Prjónið slétt, aukið út fyrir laskalína-1 hvoru megin við 4 laskalínulykkjur (8 lykkjur fleiri), fitjið síðan upp 10-12-12-14-14-16 nýjar lykkjur í lok umferðar = 127-133-135-141-143-149 lykkjur.
UMFERÐ 9 (ranga): Prjónið brugðið, en ystu 7 lykkjur í hvorri hlið eru prjónaðar í GARÐAPRJÓN – lesið útskýringu að ofan.

Hálsmálið hefur nú verið prjónað til loka og aukið hefur verið út 4 sinnum fyrir laskalína-1 hvoru megin við 4 laskalínulykkjur.
Prjónið núna berustykki eins og útskýrt er að neðan.

BERUSTYKKI:
Prjónið sléttprjón fram og til baka með 7 kantlykkjum að framan í garðaprjóni í hvorri hlið við miðju að framan. ATHUGIÐ PRJÓNFESTUNA og MUNIÐ EFTIR HNAPPAGAT í hægri kanti að framan – lesið útskýringu að ofan.
ATH: Það á núna að auka út fleiri lykkjum á framstykkjum / bakstykki en á ermum, þess vegna er aukið út auka lykkjum á framstykkjum / bakstykki með jöfnu millibili (laskalína-2), til viðbótar við laskalína-1. Lestu því 3 næstu kafla áður en þú prjónar áfram.

Aukið út fyrir laskalína-1 hvoru megin við 4 laskalínulykkjur í annarri hverri umferð (hverri umferð frá réttu) alls 3-5-8-13-13-11 sinnum (þ.e.a.s. 7-9-12-17-17-15 sinnum meðtaldar 4 útaukningar í hálsmáli).
JAFNFRAMT í fyrstu umferð frá réttu, aukið út fyrir LASKALÍNA-2 á framstykkjum og bakstykki – lesið útskýringu að ofan (laskalína-2 er prjónuð sem viðbót við laskalína-1). Aukið út fyrir laskalína-2 í 10.-12.-12.-8.-6,-6. hverri umferð alls 3-3-3-5-6-6 sinnum.

Þegar aukið hefur verið út fyrir laskalína-1 alls 3-5-8-13-13-11 sinnum eins og útskýrt er að ofan, heldur útaukningin fyrir laskalína-1 áfram í annarri hverri umferð, en í annað hvert skipti sem aukið er út, er einungis aukið út á framstykkjum / bakstykki. Þ.e.a.s. aukið er út á framstykkjum / bakstykki í annarri hverri umferð og á ermum í 4. hverri umferð. Aukið svona út 14-14-12-8-10-14 sinnum á framstykkjum / bakstykki (7-7-6-4-5-7 sinnum á ermum) – munið eftir laskalína-2.
Nú hefur verið aukið út alls 24-26-27-30-33-35 sinnum á framstykkjum / bakstykki (meðtalin laskalína-2) og 14-16-18-21-22-22 sinnum á ermum.

Eftir alla útaukningu fyrir laskalína-1 og laskalína-2 eru 247-269-283-313-331-345 lykkjur í umferð (41-45-46-51-54-58 lykkjur á milli laskalíulykkja á framstykkjum, 45-49-53-59-61-61 lykkjur á milli laskalínulykkja á ermum og 71-77-81-89-97-103 lykkjur á milli laskalínulykkja á bakstykki).
Prjónið sléttprjón með 7 kantlykkjur að framan í garðaprjóni eins og áður, án þess að auka út þar til stykkið mælist 22-24-25-26-28-30 cm, mælt frá uppfitjunarkanti mitt að aftan.

Nú skiptist berustykkið fyrir fram- og bakstykki og ermar þannig: Prjónið 42-46-47-52-55-59 lykkjur eina og áður (framstykki), setjið næstu 45-49-53-59-61-61 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (í hlið undir ermi), prjónið 73-79-83-91-99-105 lykkjur sléttprjón (bakstykki), setjið næstu 45-49-53-59-61-61 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (í hlið undir ermi), prjónið þær 42-46-47-52-55-59 lykkjur sem eftir eru eins og áður (framstykki).
Fram- og bakstykki og ermar er síðan prjónað hvert fyrir sig. Héðan er nú stykkið mælt!

FRAMSTYKKI:
= 173-187-197-215-233-251 lykkjur.
Setjið 1 merkiþráð í hvora hlið á fram- og bakstykki – mitt í 8-8-10-10-12-14 lykkjur sem fitjaðar voru upp undir hvorri ermi. Látið merkiþræðina fylgja með í stykkinu – merkiþræðirnir eru notaðir þegar stykkinu er skipt upp fyrir klauf í hvorri hlið.
Prjónið sléttprjón fram og til baka með 7 kantlykkjum að framan í garðaprjóni í hvorri hlið við miðju að framan þar til stykkið mælist 21-21-22-23-23-23 cm frá skiptingu – endið eftir umferð frá röngu. Nú skiptist stykkið bið báða merkiþræðina og hvort stykki er prjónað til loka fyrir sig.
Setjið lykkjur frá hægra framstykki á þráð og setjið lykkjur frá bakstykki á þráð = 46-50-52-57-61-66 lykkjur á prjóni (vinstra framstykki).

VINSTRA FRAMSTYKKI:
Skiptið yfir á hringprjón 3,5. Prjónið 1 umferð slétt frá réttu þar sem aukið er út um 13-13-15-16-18-19 lykkjur jafnt yfir – lesið ÚTAUKNING (ekki er aukið út yfir kant að framan) = 59-63-67-73-79-85 lykkjur.
Prjónið fyrstu umferð frá röngu þannig (frá hlið): 1 lykkja í garðaprjóni, * 1 lykkja brugðið, 1 lykkja slétt *, prjónið frá *-* þar til 8 lykkjur eru eftir, prjónið 1 lykkju brugðið og 7 kantlykkjur að framan í garðaprjóni. Haldið svona áfram með stroff fram og til baka í 8 cm. Fellið af – notið e.t.v. ítalska affellingu. Peysan mælist ca 56-58-60-62-64-66 cm frá öxl.

BAKSTYKKI.
Setjið 81-87-93-101-111-119 lykkjur af þræði á hringprjón 3,5. Prjónið 1 umferð slétt frá réttu þar sem aukið er út um 24-26-26-30-32-36 lykkjur jafnt yfir – munið eftir ÚTAUKNING = 105-113-119-131-143-155 lykkjur.
Prjónið fyrstu umferð frá röngu þannig: 1 lykkja í garðaprjóni, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir, prjónið 1 lykkju brugðið og 1 lykkju í garðaprjóni. Haldið svona áfram með stroff fram og til baka í 8 cm. Fellið af á sama hátt og á vinstra framstykki.

HÆGRA FRAMSTYKKI:
Setjið 46-50-52-57-61-66 lykkjur af þræði á hringprjón 3,5. Prjónið 1 umferð slétt frá réttu þar sem aukið er út um 13-13-15-16-18-19 lykkjur jafnt yfir – munið eftir ÚTAUKNING (ekki er aukið út yfir kant að framan) = 59-63-67-73-79-85 lykkjur.
Prjónið fyrstu umferð frá röngu þannig (frá miðju að framan): 7 kantlykkjur að framan í garðaprjóni, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir, prjónið 1 lykkju brugðið og 1 lykkju í garðaprjóni. Haldið svona áfram með stroff fram og til baka í 8 cm.
Fellið af á sama hátt og á vinstra framstykki.

ERMI:
Setjið 45-49-53-59-61-61 lykkjur af þræði í annarri hlið á stykki á sokkaprjóna eða stuttan hringprjón 5, prjónið að auki upp 1 lykkju í hverja af 8-8-10-10-12-14 lykkjum sem fitjaðar voru upp undir ermi = 53-57-63-69-73-75 lykkjur. Setjið 1 merkiþráð mitt undir ermi, þ.e.a.s. mitt í 8-8-10-10-12-14 lykkjur. Látið merkiþráðinn fylgja með í stykkinu.
Byrjið umferð við merkiþráðinn og prjónið sléttprjón hringinn.
Þegar ermin mælist 4-4-4-2-2-3 cm frá skiptingu, fækkið um 2 lykkjur mitt undir ermi – lesið ÚRTAKA.
Fækkið lykkjum svona með 7-5-3½-3-2½-2 cm millibili alls 4-5-7-9-10-10 sinnum = 45-47-49-51-53-55 lykkjur.
Prjónið þar til ermin mælist 31-29-29-28-27-25 cm frá skiptingu. Nú eru eftir ca 12 cm að loka máli. Mátið e.t.v. peysuna og prjónið að óskaðri lengd fyrir stroff.
Skiptið yfir á sokkaprjóna 3,5. Prjónið 1 umferð slétt þar sem aukið er út um 19-21-21-21-23-23 lykkjur jafnt yfir = 64-68-70-72-76-78 lykkjur. Prjónið stroffprjón (1 lykkja slétt, 1 lykkja brugðið) í 12 cm. Fellið af á sama hátt og framstykki / bakstykki. Ermin mælist ca 43-41-41-40-39-37 cm frá skiptingu.
Prjónið hina ermina á sama hátt.

TVÖFALDUR KANTUR Í HÁLSMÁLI:
Prjónið upp frá réttu ca 111-115-119-127-131-135 lykkjur í kringum hálsmál á stuttan hringprjón 3,5 með 1 þræði í hvorri tegund (2 þræðir) – lykkjufjöldinn verður að vera deilanlegur með 4 + 3 – stillið af þannig að stroffið passi þannig að laskalínulykkjur haldi áfram sem slétt lykkja (séð frá réttu) í kanti í hálsmáli.
Fyrsta umferð er prjónuð frá röngu þannig: 7 kantlykkjur að framan í garðaprjóni, * 1 lykkja brugðið, 1 lykkja slétt *, prjónið frá *-* þar til 8 lykkjur eru eftir, prjónið 1 lykkju brugðið og 7 kantlykkjur að framan í garðaprjóni. Haldið svona áfram með stroff fram og til baka í 7 cm. Í byrjun á 2 næstu umferðum eru felldar af 6 lykkjur. Haldið áfram með stroff eins og áður með 1 lykkju í garðaprjóni í hvorri hlið þar til kantur í hálsmáli mælist 14 cm. Fellið af aðeins laust. Brjótið stroffið niður að innanverðu á stykki og festið með nokkrum sporum við hverja laskalínu.
Saumið saman op mitt að framan í kanti að framan með smáu spori.

FRÁGANGUR:
Saumið tölur í vinstri kant að framan.

Mynstur

© 1982-2024 DROPS Design A/S Öll réttindi áskilin. Þetta skjal ásamt öllum undirskjölum eru með höfundarétti.
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.

Hvert mynstur okkar hefur sérstök kennslumyndbönd til að hjálpa þér.

Þessi skref - fyrir - skref kennslumyndbönd gætu aðstoðað þig:

Ertu með spurningu? Sjá lista yfir algengar spurningar (FAQ)

Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Hvaða stærð á ég að prjóna?

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Af hverju hnökrar flíkin mín?

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Athugasemdir / Spurningar (28)

Myriam skrifaði:

Bonjour, Si je ne m’abuse, il y a une erreur pour les boutonnières, c’est écrit « Ouvrir la première boutonnière quand les côtes du col sont terminées. » sauf que l’on monte le col à la fin. Il faut donc commencer les boutonnières dès le début des bordures en point mousse, n’est-ce pas? Ou y a-t-il qqc que je n’ai pas compris? En vous remerciant

12.07.2024 - 15:47

DROPS Design svaraði:

Bonjour Myriam, vous avez raison. La partie BOUTONNIÈRES est a reformuler. Vous devez commencer les boutonnières dès le début des bordures en point mousse. Bon tricot!

12.07.2024 - 16:42

Betty skrifaði:

Hello garnstudio team, me again. When do I start to make the first buttonhole on the right band on the yoke? The hole needs to be incorporated in the first 7 garter stitches, is that right?

24.05.2024 - 00:19

Dear Betty, the buttonholes are started on the first row on yoke, ie when you work the first row (with increasing for raglan); they will be worked at the end of row seen from RS = on the right front band stitches. Happy knitting!

24.05.2024 - 08:13

Hi, when is the rib on the neck finished? That's when I start making the first buttonhole but I can't understand the meaning. Is it when I start to make the garter stitch, so in the first 7 stitches of garter stitch, I have to incorporate the buttonhole?

16.05.2024 - 13:15

Dear Betty, rib on double neck measures a total of 14 cm, 7 cm with 7 sts in garter stitch on each side and the last 7 cm with just 1 edge stitch in garter stitch on each side (after the 6 sts have been cast off on each side). Happy knitting!

17.05.2024 - 08:48

Serena skrifaði:

Hallo zusammen, ich verstehe leider nicht, wie ich in RAGLAN 1 in der 2. Reihe die letzte Raglan Masche stricke, da es ja die allerletzte Masche ist und ich für das "yarn over" raglan keine Masche zum Einstechen habe.

09.05.2024 - 22:47

Liebe Serena, beim RAGLAN-1 nehmen Sie mit Umschläge, bei der nächsten Reihe = Rückreihe stricken Sie diese Umschläge wie erklärt VOR bzw NACH der Raglanmasche, dh auch wie in diesem Video gezeigt. Viel Spaß beim Stricken!

10.05.2024 - 08:56

Liliane Legrand skrifaði:
Bonjour a nouveau, je me suis trompee dans ma question pour le modele 245-8. Le Raglan 2 si je comprends bien se fait comme suit: une aug. devant le 1er. marqueur a gauche et ensuite apres le 2eme marqueur a drte, ensuite a gche du 3e. marqueur et a gche du dernier marqueur. Merci d'avance. Lily , ensuite a drte du 3eme. marqueur et apres le 4e marqueur.
13.02.2024 - 14:16

DROPS Design svaraði:
Bonjour Mme Legrand, les augmentations-2 se font uniquement sur les devants et le dos, autrement dit, à la fin du devant gauche = avant le 1er marqueur, au début du dos = après le 2ème marqueur, à la fin du dos = avant le 3ème marqueur et au début du devant = après le 4ème marqueur. Bon tricot!
20.02.2024 - 08:58

Liliane Legrand skrifaði:
Bonjour, le patron 245.8 Si je comprend bien le Raglan 2 se fait sur les 2e et 3e marqueurs? Merci
13.02.2024 - 13:02

Perrone skrifaði:
Bonjour madame Pour le modele Drops 245-8 et concernant la réalisation du col boulé, il est indiqué, après 7 cm de côtes de rabattre 6 m au début des 2 rangs suivants. Cela signifie-t-il 1 fois 6m en début du premier rang (à l’endroit) et 1 fois 6 m en début du rang suivant (à l’envers) ? Merci par avance pour votre retour
22.01.2024 - 18:24

DROPS Design svaraði:
Bonjour Mme Perrone, tout à fait, vous rabattez 6 des mailles de bordure des devants de chaque côté, il reste 1 seule de ces mailles qui est désormais la maille lisière, ainsi quand on double le col, il est moins épais au niveau de la bordure des devants. Bon tricot!
23.01.2024 - 07:20

Jeyagowri Ravichandran skrifaði:
Hi, Can the pattern be breakdown in row wise instructions, so that it is easier to follow both the Raglan Increases at the same time?
18.01.2024 - 14:20

Diana skrifaði:
Hola, Me podrían explicar cómo hacer los aumentos para los primeros y últimos puntos reglan1, según línea escote, hilera 2? No me queda claro según la explicación. Gracias
13.01.2024 - 12:17

DROPS Design svaraði:
Hola Diana, trabajas toda la fila de derecho, pero tienes que aumentar según lo que se indica en RAGLÁN 1. En la 2ª fila, trabajada por el lado derecho, aumentas haciendo 1 hebra simplemente. Estas hebras se trabajarán en la siguiente fila como se indica " por el lado revés". Antes del punto raglán, las hebras se trabajan de revés en el bucle posterior del punto. Después del punto raglán dejar caer la hebra de la fila anterior de la aguja, colocarla de vuelta retorcida y trabajar de revés en el bucle anterior del punto.
14.01.2024 - 19:30

BRIGITTE skrifaði:
Bonjour Madame, Une précision s'il vous plait : pour le col et les boutonnières du modèle 245-8, faut-il bien commencer la 1ère boutonnière AVANT d'avoir tricoté le col en côtes ? Merci pour votre aide. Cordialement et tous mes Voeux pour 2024.
10.01.2024 - 12:01

DROPS Design svaraði:
Bonjour Brigitte, bonne année 2024 à vous aussi. La 1ère boutonnière se fait au 1er rang sur l'endroit après les côtes, autrement dit, au 1er rang de l'empiècement. Bon tricot!
10.01.2024 - 15:59