Sunsets Glow Jacket |
||||||||||
|
|
|||||||||
Prjónuð peysa úr DROPS Alpaca og DROPS Kid-Silk. Stykkið er prjónað ofan frá og niður með tvöföldum kanti í hálsmáli, garðaprjóni og röndum. Stærð S - XXXL.
DROPS 217-25 |
||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- KANTLYKKJUR AÐ FRAMAN: Ystu 5 lykkjur í hvorri hlið við miðju að framan eru prjónaðar í gagnstæðu garðaprjóni, þ.e.a.s. þessar lykkjur eru alltaf prjónaðar brugðið frá réttu og brugðið frá röngu. Með þessu þá er skera kantarnir að framan sig úr miðað við garðaprjón á berustykki og fram- og bakstykki, sem er prjónað slétt frá réttu og slétt frá röngu. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 84 lykkjur) mínus kanta að framan (t.d. 10 lykkjur) og deilið þeim 74 lykkjum sem eftir eru með fjölda útaukninga sem á að gera (t.d. 14) = 5,3. Í þessu dæmi er aukið út með því að slá 1 sinni uppá prjóninn á eftir ca 5. hverja lykkju – ekki er aukið út yfir kanta að framan. Í næstu umferð er uppslátturinn prjónaður snúinn svo ekki myndist gat. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. RENDUR Á BERUSTYKKI OG FRAM- OG BAKSTYKKI (prjónað í garðaprjóni): 6-6-7-7-7-8 cm með 1 þræði öskugrár Kid-Silk og 1 þræði dökk blush Alpaca. 2-2-2-2-2-2 cm með 1 þræði grár Kid-Silk og 1 þræði dökk blush Alpaca. 9-9-10-10-10-11 cm með 1 þræði beige Kid-Silk og 1 þræði dökk blush Alpaca. 2-2-2-2-2-2 cm með 1 þræði beige Kid-Silk og 1 þræði blush Alpaca. 6-6-6-6-7-7 cm með 1 þræði ryð Kid-Silk og 1 þræði blush Alpaca. 6-6-6-6-7-7 cm með 1 þræði ryð Kid-Silk og 1 þræði nougat Alpaca. 6-6-6-6-7-7 cm með 1 þræði grár Kid-Silk og 1 þræði nougat Alpaca. 6-6-6-6-7-7 cm með 1 þræði beige Kid-Silk og 1 þræði lavender Alpaca. 6-6-6-6-7-7 cm með 1 þræði grár Kid-Silk og 1 þræði lavender Alpaca. Síðan er prjónað með 1 þræði öskugrár Kid-Silk og 1 þræði lavdender Alpaca til loka. RENDUR Á ERMI (prjónað í sléttprjóni): 6-4-5-3-1-1 cm með 1 þræði ryð Kid-Silk og 1 þræði blush Alpaca (þessi rönd á að mælast 7 cm í öllum stærðum, meðtaldir þeir cm sem prjónaðir voru á berustykki á undan skiptingu fyrir fram- og bakstykki og ermar). 7-7-7-7-7-7 cm með 1 þræði ryð Kid-Silk og 1 þræði nougat Alpaca. 7-7-7-7-7-7 cm með 1 þræði grár Kid-Silk og 1 þræði nougat Alpaca. 7-7-7-7-7-7 cm með 1 þræði beige Kid-Silk og 1 þræði lavender Alpaca. 7-7-7-7-7-7 cm með 1 þræði grár Kid-Silk og 1 þræði lavender Alpaca. Prjónið síðan með 1 þræði öskugrár Kid-Silk og 1 þræði lavdender Alpaca til loka. LASKALÍNA: Aukið út um 1 lykkju í lykkjuna á undan A.1 og 1 lykkju í lykkjuna á eftir A.1 – í hverri skiptingu á milli framstykkis/bakstykkis og erma (= 8 lykkjur fleiri í útaukningsumferð). Prjónamerkið situr mitt í A.1. Aukið út um 1 lykkju með því að prjóna 1 lykkju slétt framan og aftan í sömu lykkju. Nýjar lykkjur eru prjónaðar í garðaprjóni. ÚRTAKA (á við um ermar): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri). HNAPPAGAT (ofan frá og niður): Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur brugðið saman og prjónið síðustu lykkju brugðið. Í næstu umferð (ranga) er uppslátturinn prjónaður brugðið, svo það myndist gat. Fellið af fyrir fyrsta hnappagatinu í skiptingunni á milli kants í hálsmáli og berustykki. Fellið síðan af fyrir 6-6-6-7-7-7 næstu hnappagötum með ca 8-8-8½-7½-8-8 cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA – STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað fram og til baka á hringprjóna frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. TVÖFALDUR KANTUR Í HÁLSMÁLI: Fitjið upp 84-88-92-96-100-104 lykkjur (meðtaldar 5 kantlykkjur að framan í hvorri hlið við miðju að framan) á hringprjóna 4 með 2 þráðum í litnum öskugrár Kid-Silk og 1 þræði í litnum dökk blush Alpaca (= 3 þræðir). Takið frá annan þráðinn með Kid-Silk. Afgangur af stykkinu er prjónaður með 1 þræði í hvorri tegund, en fitjað er upp með auka þræði til að koma í veg fyrir að uppfitjunarkanturinn verði stífur. Prjónið 1 umferð brugðið (= ranga). Næsta umferð er prjónuð frá réttu þannig: Prjónið 5 KANTLYKKJUR AÐ FRAMAN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir í umferð, prjónið 2 lykkjur slétt og endið með 5 kantlykkjum að framan. Haldið svona áfram með stroff í 9 cm. Þegar stroffið hefur verið prjónað til loka, prjónið 1 umferð slétt frá réttu þar sem aukið er út um 14 lykkjur jafnt yfir í öllum stærðum – sjá ÚTAUKNING = 98-102-106-110-114-118 lykkjur. JAFNFRAMT í þessari umferð er fellt af fyrir fyrsta HNAPPAGAT – sjá útskýringu að ofan. Prjónið 1 umferð slétt frá röngu (uppslátturinn er prjónaður snúinn slétt og kantar að framan eru prjónaðir brugðið eins og áður). Setjið 1 prjónamerki eftir kant að framan í byrjun á umferð mitt að framan. Prjónið síðan berustykki eins og útskýrt er að neðan. Berustykkið er nú mælt frá þessu prjónamerki! BERUSTYKKI: Setjið 4 prjónamerki í stykkið eins og útskýrt er að neðan (þetta er gert án þess að prjóna lykkjurnar). Prjónamerkin eru notuð þegar auka á út fyrir laskalínu. Teljið 22-23-24-25-26-27 lykkjur (= framstykki), setjið 1 prjónamerki á undan næstu lykkju, teljið 10 lykkjur (= ermi), setjið 1 prjónamerki á undan næstu lykkju, teljið 34-36-38-40-42-44 lykkjur (= bakstykki), setjið 1 prjónamerki á undan næstu lykkju, teljið 10 lykkjur (= ermi), setjið 1 prjónamerki á undan næstu lykkju. Nú eru 22-23-24-25-26-27 lykkjur á framstykki á eftir síðasta prjónamerki. Skiptið yfir á hringprjón 5. Prjónið síðan GARÐAPRJÓN og RENDUR Á BERUSTYKKI OG FRAM- OG BAKSTYKKI - sjá útskýringu að ofan. Að aukið er prjónað A.1 í hverri skiptingu á milli framstykkis/bakstykkis og erma (prjónamerkið situr mitt í A.1). ATH: Þær 5 ystu lykkjurnar í hvorri hlið við miðju að framan halda áfram eins og áður. ATHUGIÐ PRJÓNFESTUNA! JAFNFRAMT í fyrstu umferð frá réttu er aukið út fyrir LASKALÍNA – sjá útskýringu að ofan (= 8 lykkjur fleiri). Aukið svona út í annarri hverri umferð (þ.e.a.s. í hverri umferð frá réttu) alls 8-9-10-13-15-18 sinnum á hæðina og síðan í 4. hverri umferð (þ.e.a.s. í annarri hverri umferð frá réttu) alls 11-12-13-13-13-13 sinnum á hæðina. Eftir síðustu útaukningu, eru 250-270-290-318-338-366 lykkjur í umferð. Haldið áfram með garðaprjón, rendur og A.1 (án útaukningar) þar til stykkið mælist 20-22-23-25-27-29 cm frá prjónamerki við hálsmál. Nú skiptist berustykkið fyrir fram- og bakstykki og ermar, þ.e.a.s. næsta umferð er prjónuð þannig: Prjónið 41-44-47-51-55-60 lykkjur eins og áður (= framstykki), setjið næstu 48-52-56-62-64-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 72-78-84-92-100-110 lykkjur eins og áður (= bakstykki), setjið næstu 48-52-56-62-64-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi) og prjónið þær 41-44-47-51-55-60 lykkjur sem eftir eru eins og áður (= framstykki). Fram- og bakstykki og ermar er nú prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 166-178-194-210-230-250 lykkjur. Haldið áfram fram og til baka í garðaprjóni og röndum þar til stykkið mælist 31-31-32-32-32-32 cm frá skiptingu. Nú eru eftir ca 4 cm til loka, mátið e.t.v. peysuna og prjónið að óskaðri lengd. Prjónið 1 umferð slétt frá réttu þar sem aukið er út um 26-26-30-34-34-38 lykkjur jafnt yfir = 192-204-224-244-264-288 lykkjur. Skiptið yfir á hringprjón 4 og prjónið næstu umferð frá röngu þannig: 5 kantlykkjur að framan eins og áður, * 2 lykkjur brugðið, 2 lykkjur slétt *, prjónið frá *-* þar til 7 lykkjur eru eftir á prjóni, prjónið 2 lykkjur brugðið og endið með 5 kantlykkjum að framan eins og áður. Haldið svona áfram með stroff í 4 cm. Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 58-60-62-64-66-68 cm frá öxl og niður. ERMI: Setjið 48-52-56-62-64-68 lykkjur af þræði í annarri hlið á stykki á sokkaprjóna eða stuttan hringprjón 5 – prjónið að auki upp 1 lykkju í hverja af 6-6-8-8-10-10 lykkjum sem fitjaðar voru upp undir ermi = 54-58-64-70-74-78 lykkjur. Setjið 1 prjónamerki mitt í 6-6-8-8-10-10 lykkjur sem fitjaðar voru upp undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Byrjið umferð við prjónamerkið, prjónið sléttprjón og RENDUR Á ERMI – sjá útskýringu að ofan. JAFNFRAMT þegar ermin mælist 3 cm frá skiptingu í öllum stærðum, fækkið um 2 lykkjur mitt undir ermi – sjá ÚRTAKA. Fækkið lykkjum svona með 0-3-3-3-3-3 cm millibili alls 1-2-3-4-5-5 sinnum á hæðina = 52-54-58-62-64-68 lykkjur. Prjónið áfram þar til ermin mælist 38-36-36-34-32-31 cm frá skiptingu. Nú eru eftir ca 6 cm að loka máli, mátið e.t.v. peysuna og prjónið að óskaðri lengd. Prjónið 1 umferð slétt þar sem fækkað er um 16-18-18-22-20-24 lykkjur jafnt yfir = 36-36-40-40-44-44 lykkjur. Skiptið yfir á sokkaprjóna 4. Prjónið stroff hringinn (= 2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 44-42-42-40-38-37 cm frá skiptingu. Prjónið hina ermina á sama hátt. FRÁGANGUR: Brjótið uppá kant í hálsmáli tvöfalt að röngu og saumið niður með smáu, fínu spori. Saumið saman opið meðfram skammhlið á kanti í hálsmáli – saumið í ystu lykkjubogana. Saumið tölur í vinstri kant að framan. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Elaine Gonsalves wrote:
Beautiful
11.08.2023 - 11:45Perlita Weekes wrote:
Pattern - Sunset glow I cannot find in any of your supplier Drops Alpaca no 8120, Lavender mix. Any suggestion for substitute please. Many thanks
22.02.2022 - 10:53DROPS Design answered:
Dear Mrs Weeks, this colour is now discontinued, please contact your DROPS store, they will help you - even per mail or telephone - to find the best matching colour. Happy knitting!
22.02.2022 - 13:20Karen Noakes wrote:
Your Patterns refer to yard groups - A, C, etc, how does this translate to Australian 5/8/10/12 ply yards, please. For instance, this pattern, would I use an 8 ply yarn? Thank you. Karen
30.09.2020 - 12:33DROPS Design answered:
Dear Mrs Noakes, please read more about our yarn groups here - you will find the list of DROPS stores shipping worldwide here - you are welcome to contact them for any individual assistance choosing yarn. Happy knitting!
30.09.2020 - 14:07Ellisen wrote:
Looks to be a wonderful jacket. Thanks for offering it.
25.09.2020 - 16:10Tina Greve wrote:
Hello, Will this pattern be translated to danish?
11.08.2020 - 10:47DROPS Design answered:
Dear Mrs Greve, this pattern is already translated in danish, just click on the menu below foto to edit language. Happy knitting!
11.08.2020 - 11:52Ilovedogs wrote:
Bellissima idea per utilizzare i gomitoli rimasti soli!
05.06.2020 - 10:36