DROPS Baby / 29 / 9

Hello Kitten by DROPS Design

Settið samanstendur af: Húfu fyrir börn með garðaprjóni, öldumynstri og eyrnalöppum. Vafningspeysu og buxur með garðaprjóni og gatamynstri. Stærð fyrirburar – 4 ára. Settið er prjónað úr DROPS BabyMerino.

DROPS Design: Mynstur nr bm-072-by
Garnflokkur A
-----------------------------------------------------------
Í allt settið þarf ca (250) 250-300-300-350 (350-400) g DROPS Baby Merino.
-----------------------------------------------------------

HÚFA:
Stærð: (fyrirburi) 0/1 - 1/3 - 6/9 - 12/18 mán (2 - 3/4) ára
Höfuðmál:
ca (28/32) 34/38 - 40/42 - 42/44 - 44/46 (48/50 - 50/52) cm
Efni:
DROPS BABY MERINO frá Garnstudio (tilheyrir garnflokki A)
50 g í allar stærðir litur 26, ljós bleikfjólublár

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS PRJÓNAR NR 3 – eða þá stærð sem þarf til að 24 lykkjur og 48 umferðir með garðaprjóni verði 10 cm á breidd og 10 cm á hæð.
----------------------------------------------------------

PEYSA:
Stærð: (fyrirburi) 0/1 - 1/3 - 6/9 - 12/18 mán (2 - 3/4) ára
Stærð í cm: (40/44) 48/52 - 56/62 - 68/74 - 80/86 (92 - 98/104)
Efni:
DROPS BABY MERINO frá Garnstudio (tilheyrir garnflokki A)
(100) 150-150-150-150 (200-200) g litur 26, ljós bleikfjólublár

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS HRINGPRJÓNAR (60 eða 80 cm) NR 3 – eða þá stærð sem þarf til að 24 lykkjur og 48 umferðir með garðaprjóni verði 10 cm á breidd og 10 cm á hæð.

DROPS HEKLUNÁL NR 2,5 – fyrir kant og snúru.
----------------------------------------------------------

BUXUR:
Stærð: (fyrirburi) 0/1 - 1/3 - 6/9 - 12/18 mán (2 - 3/4) ára
Stærð í cm: (40/44) 48/52 - 56/62 - 68/74 - 80/86 (92 - 98/104)
Efni:
DROPS BABY MERINO frá Garnstudio (tilheyrir garnflokki A)
(100) 150-150-150-150 (200-200) g litur 26, ljós bleikfjólublár

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS SOKKAPRJÓNAR OG HRINGPRJÓNAR (40 cm) NR 3 – eða þá stærð sem þarf til að 24 lykkjur og 48 umferðir með garðaprjóni verði 10 cm á breidd og 10 cm á hæð.

DROPS SOKKAPRJÓNAR OG HRINGPRJÓNAR (40 cm) NR 2,5 – eða þá stærð sem þarf til að 26 lykkjur og 34 umferðir með sléttprjóni verði 10 cm á breidd og 10 cm á hæð.

DROPS HEKLUNÁL NR 2,5 – fyrir snúru.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Ull
frá 858.00 kr /50g
DROPS Baby Merino uni colour DROPS Baby Merino uni colour 858.00 kr /50g
Gallery Spuni
Panta
DROPS Baby Merino mix DROPS Baby Merino mix 858.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4290kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

GARÐAPRJÓN (prjónað fram og til baka):
Lykkjurnar prjónast slétt í öllum umferðum.

MYNSTUR:
Húfa: Sjá mynsturteikningu A.1.
Peysa: Sjá mynsturteikningu A.2.
Buxur: Sjá mynsturteikningu A.3.
Mynsturteikning sýnir allar umferðir í mynstri séð frá réttu. Veljið rétt mynstur fyrir stærð.

ÚRTAKA-1 (á við um húfu):
Öll úrtaka er gerð frá réttu!
Fækkið lykkjum þannig: Prjónið 1 kantlykkju með garðaprjóni, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri), prjónið sléttprjón þar til 3 lykkjur eru eftir, 2 lykkjur slétt saman (= 1 lykkja færri), 1 kantlykkja með garðaprjóni.

ÚRTAKA-2 (á við um peysu):
Öll úrtaka er gerð frá réttu!
Fækkið lykkjum á eftir 1 kantlykkju og A.2 þannig (á við um hægra framstykki): Takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri).
Fækkið lykkjum á undan 1 kantlykkju og A.2 þannig (vinstra framstykki): Prjónið 2 lykkjur slétt saman (= 1 lykkja færri).

ÚRTAKA-3 (á við um buxur):
Prjónið þar til 3 lykkjur eru eftir á undan prjónamerki, prjónið síðan 2 lykkjur slétt saman (= 1 lykkja færri), prjónið 2 lykkjur (prjónamerki situr mitt á milli þessa 2 lykkja) og prjónið síðan 2 lykkjur snúnar slétt saman (= 1 lykkja færri).

ÚTAUKNING (á við um buxur):
Aukið út um 2 lykkjur með því að slá 1 sinni uppá prjóninn hvoru megin við 2 lykkjur, í næstu umferð er uppslátturinn prjónaður snúinn til að koma í veg fyrir göt.
----------------------------------------------------------

HÚFA:
Húfan er prjónuð fram og til baka, ofan frá og niður. Fitjið upp (79) 89-99-103-107 (115-121) lykkjur á hringprjón 3 með Baby Merino. Prjónið GARÐAPRJÓN – sjá útskýringu að ofan, þar til stykkið mælist 3 cm. Prjónið nú þannig: (25) 28-32-34-35 (39-42) lykkjur með garðaprjóni, A.1 yfir (29) 33-35-35-37 (37-37) lykkjur og prjónið (25) 28-32-34-35(39-42) lykkjur með garðaprjóni. ATHUGIÐ PRJÓNFESTUNA! Prjónið svona þar til stykkið mælist (14) 14-15-16-16 (18-19) cm. Prjónið 4 umferðir garðaprjón. Í næstu umferð frá réttu er fellt af fyrir eyrnaleppum þannig: Fellið af fyrstu (5) 8-10-10-9(11-12) lykkjurnar, prjónið sléttar lykkjur yfir næstu (20) 20-22-24-26 (28-30) lykkjurnar (= 1. eyrnaleppurinn) og setjið þessar á band, fellið af næstu (29) 33-35-35-37 (37-37) lykkjur, prjónið garðaprjón yfir næstu (20) 20-22-24-26 (28-30) lykkjurnar (= 2. Eyrnaleppur) og setjið þessar á band, fellið af síðustu (5) 8-10-10-9 (11-12) lykkjurnar. Klippið frá.

EYRNALEPPUR:
= (20) 20-22-24-26 (28-30) lykkjur. Setjið til baka lykkjur af öðru bandinu á prjóninn, prjónið garðaprjón og fellið af 1 lykkju innan við 1 kantlykkju á hvorri hlið á stykki – LESIÐ ÚRTAKA-1, þannig: Fækkið um 1 lykkju hvoru megin á stykki í 4. hverri umferð alls (6) 6-5-5-6 (6-7) sinnum og 1 lykkja hvoru megin á stykki í annarri hverri umferð alls (2) 2-4-5-5 (6-6) sinnum = 4 lykkjur. Eyrnalepparnir mælast ca (6) 6-6-6-7 (8-8) cm. Fellið af og festið enda. Endurtakið á hinum eyrnaleppnum.

FRÁGANGUR:
Saumið saman hliðarna, saumið þær kant í kant í ystu lykkju. Brjótið síðan húfuna þannig að saumurinn liggi við miðju að aftan, saumið síðan uppfitjunarkantinn alveg eins.

BAND:
Klippið 6 þræði ca 60 cm og þræðið þá hálfa leið í gegnum toppinn á eyrnaleppnum, þ.e.a.s. að það verða alls 12 þræðir til að flétta með. Fléttið eina fléttu. Hnýtið hnút neðst niðri. Gerið alveg eins á hinum eyrnaleppnum.
---------------------------------------------------------

PEYSA:
Stykkið er prjónað fram og til baka á hringprjón.
Byrjið á öðru framstykkinu, fitjið upp lykkjur fyrir ermi og prjónið upp að öxl. Prjónið hitt framstykkið, setjið saman bæði framstykkin og prjónið niður yfir bakstykki.

HÆGRA FRAMSTYKKI:
Fitjið LAUST upp (34) 37-44-48-52 (55-62) lykkjur á hringprjón 3 með Baby Merino og prjónið 6 umferðir GARÐAPRJÓN – sjá útskýringu að ofan (1. Umferð = rétta). Prjónið frá réttu þannig:
Prjónið 1 kantlykkju með garðaprjóni, A.2 yfir 6 lykkjur og prjónið garðaprjón út umferðina. Haldið svona áfram með mynstur þar til stykkið mælist (9) 12-16-16-17 (20-23) cm – passið uppá að næsta umferð sé prjónuð frá réttu.
Prjónið 1 stutta umferð (með byrjun frá réttu) þannig: Prjónið 1 kantlykkju með garðaprjóni, A.2, snúið stykkinu, herðið á bandi og prjónið til baka frá röngu eins og áður. Snúið stykkinu.

LESIÐ ALLAN KAFLANN ÁÐUR EN PRJÓNAÐ ER ÁFRAM! LYKKJUM ER FÆKKAÐ Í HÁLSMÁLI JAFNFRAMT ÞVÍ SEM LYKKJUM ER FJÖLGAÐ FYRIR ÖXL/ERMI.
ÚRTAKA FYRIR HÁLSMÁLI:
Fækkið um 1 lykkju fyrir hálsmáli innan við 1 kantlykkju og A.2 í byrjun umferðar – LESIÐ ÚRTAKA-2.
Fækkið lykkjum svona í annarri hverri umferð alls (18) 18-22-24-26 (28-32) sinnum, síðan er lykkjum fækkað í 4. hverri umferð alls 2 sinnum.
ÖXL/ERMI:
Þegar stykkið mælist (12) 15-19-20-21 (24-27) cm eru fitjaðar upp nýjar lykkjur í lok hverrar umferðar frá réttu (= að hlið) fyrir ermi þannig: Fitjið upp (3) 4-6-6-6 (6-6) lykkjur alls (4) 4-4-5-6 (7-8) sinnum og (16) 19-19-18-19 (23-26) lykkjur alls 1 sinni.
Eftir allar útaukningar og úrtökur eru (42) 52-63-70-79 (90-102) lykkjur á prjóni fyrir öxl/ermi.

Haldið áfram með garðaprjón og A.2 þar til stykkið mælist 20) 24-28-30-32 (36-40) cm – stillið af þannig að endað sé með 4. umferð í A.2, prjónið nú áfram með garðaprjón yfir allar lykkjur. Setjið 1 prjónamerki = mitt ofan á öxl.
Fitjið upp 2 nýjar lykkjur í lok umferðar við háls (= frá röngu) alls 2 sinnum = (46) 56-67-74-83 (94-106) lykkjur (síðasta umferð = ranga). Setjið allar lykkjur á band.

VINSTRA FRAMSTYKKI:
Fitjið LAUST upp (34) 37-44-48-52 (55-62) lykkjur á hringprjón 3 með Baby Merino og prjónið 6 umferðir garðaprjón (1. umferð = rétta).
Prjónið frá réttu þannig: Prjónið garðaprjón þar til 7 lykkjur eru á prjóni, A.2 yfir 6 lykkjur og 1 kantlykkja með garðaprjóni.
Haldið svona áfram með mynstur þar til stykkið mælist (9) 12-16-16-17 (20-23) cm – stillið af að næsta umferð sé frá röngu.
Prjónið 1 stutta umferð (með byrjun frá röngu) þannig: Prjónið 1 kantlykkju með garðaprjóni, A.2, snúið stykkinu, herðið á bandi og prjónið til baka frá réttu. Snúið stykkinu og prjónið til baka frá röngu. ATHUGIÐ PRJÓNFESTUNA!
LESIÐ ALLAN KAFLANN ÁÐUR EN PRJÓNAÐ ER ÁFRAM!
LYKKJUM ER FÆKKAÐ Í HÁLSMÁLI JAFNFRAMT ÞVÍ SEM LYKKJUM ER FJÖLGAÐ FYRIR ÖXL/ERMI.
ÚRTAKA FYRIR HÁLSMÁLI:

Fækkið um 1 lykkju fyrir hálsmáli á undan A.2 og 1 kantlykkju í lok umferðar.
Fækkið lykkjum svona í annarri hverri umferð alls (18) 18-22-24-26 (28-32) sinnum, síðan er lykkjum fækkað í 4. hverri umferð alls 2 sinnum.
ÖXL/ERMI:
Þegar stykkið mælist (12) 15-19-20-21 (24-27) cm eru fitjaðar upp nýjar lykkjur í lok hverrar umferðar frá röngu (= að hlið) fyrir ermi þannig: Fitjið upp (3) 4-6-6-6 (6-6) lykkjur alls (4) 4-4-5-6 (7-8) sinnum og (16) 19-19-18-19 (23-26) lykkjur alls 1 sinni.
Eftir allar útaukningar og úrtökur eru (42) 52-63-70-79 (90-102) lykkjur á prjóni fyrir öxl/ermi.

Haldið áfram með garðaprjón og A.2 þar til stykkið mælist 20) 24-28-30-32 (36-40) cm – stillið af þannig að endað sé með 4. umferð í A.2, prjónið nú áfram með garðaprjón yfir allar lykkjur. Setjið 1 prjónamerki = mitt ofan á öxl.
Fitjið upp 2 nýjar lykkjur í lok umferðar við háls (= frá réttu) alls 2 sinnum = (46) 56-67-74-83 (94-106) lykkjur. Prjónið 1 umferð slétt frá röngu.

BAKSTYKKI:
Prjónið sléttar lykkjur yfir vinstra framstykki frá réttu (= (46) 56-67-74-83 (94-106) lykkjur), fitjið upp (8) 8-10-10-12 (14-16) nýjar lykkjur (= aftan við hnakka) og prjónið inn hægra framstykki á hringprjóninn (= sléttar lykkjur frá réttu) = (100) 120-144-158-178 (202-228) lykkjur.
NÚ ER STYKKIÐ MÆLT FRÁ PRJÓNAMERKI Á ÖXLUM.
Haldið áfram með garðaprjón fram og til baka.
Þegar stykkið mælist (6) 7-7-7½-8 (9-9) cm fellið af ermalykkjur þannig: Fellið af í byrjun á hverri umferð á hvorri hlið á stykki þannig: (16) 19-19-18-19 (23-26) lykkjur 1 sinni og (3) 4-6-6-6 (6-6) lykkjur alls (4) 4-4-5-6 (7-8) sinnum = (44) 50-58-62-68 (72-80) lykkjur.
Prjónið síðan áfram þar til stykkið mælist ca (20) 24-28-30-32 (36-40) cm – brjótið stykkið saman tvöfalt við prjónamerki á öxlum og passið uppá að framstykki og bakstykki séu jafn löng – fellið síðan laust af.

FRÁGANGUR:
Saumið hliðar- og ermasauma kant í kant í ystu lykkjubogana.

HEKLAÐUR KANTUR:
Heklið með heklunál 2,5 í kringum allt opið á peysunni þannig (frá réttu):
Heklið 1 fastalykkju í fyrstu lykkjuna, * 1 loftlykkja, hoppið yfir ca 2 lykkjur/umferðir, 1 fastalykkja í næstu lykkju *, endurtakið frá *-* hringinn alla peysuna, en í hvert horn (þar sem úrtaka fyrir háls byrjar á framstykkjum) er heklað band þannig: 1 fastalykkja í hornið, heklið loftlykkur í ca 20-25 cm, snúið við og heklið 1 keðjulykkju í hverja loftlykkju til baka, heklið 1 fastalykkju aftur í hornið á framstykki. Umferðin endar með 1 keðjulykkju í fyrstu fastalykkju.
Heklið 2 laus bönd: Heklið loftlykkjur í ca 20-25 cm, snúið við og heklið 1 keðjulykkju til baka í hverja loftlykkju. Klippið frá og heklið 1 band til viðbótar alveg eins. Saumið niður 1 band innan við á hægri hlið og 1 band utan við á vinstri hlið. Passið uppá að böndin verði í sömu hæð og hin böndin.
---------------------------------------------------------

BUXUR:
Stykkið er prjónað í hring, ofan frá og niður. Umferðin byrjar við miðju að aftan.
Fitjið upp (88) 96-104-120-128 (136-144) lykkjur á hringprjón 2,5 með Baby Merino. Setjið 1 prjónamerki í byrjun umferðar (= miðja að aftan) og 1 prjónamerki eftir (44) 48-52-60-64 (68-72) lykkjur (= miðja að framan).
Prjónið stroff frá miðju að aftan þannig: 1 lykkja slétt, * 2 lykkjur brugðnar, 2 lykkjur slétt *, endurtakið frá *-* og endið með 2 lykkjur brugðnar og 1 lykkju slétt.
Þegar stroffið mælist 4 cm er prjónaður gatakantur fyrir band þannig: * 1 lykkja slétt, sláið 1 sinni uppá prjóninn, 2 lykkjur brugðnar saman, 2 lykkjur slétt, sláið 1 sinni uppá prjóninn, 2 lykkjur brugðnar saman, 1 lykkja slétt *, endurtakið frá *-* umferðina hringinn. Prjónið 1 umferð stroff með 2 lykkjum slétt, 2 lykkjur brugðnar.
Prjónið upphækkun að aftan með stroffi þannig: Prjónið (7) 7-9-9-9 (9-9) lykkjur, snúið við, herðið á bandi, prjónið (14) 14-18-18-18 (18-18) lykkjur til baka, snúið við, herðið á bandi, prjónið (20) 20-26-26-26 (26-26) lykkjur, snúið við, herðið á bandi, prjónið (26) 26-34-34-34 (34-34) lykkjur til baka. Haldið svona áfram með því að prjóna (6) 6-8-8-8 (8-8) lykkjur fleiri í hvert skipti sem snúið er við þar til prjónað hefur verið yfir alls (50) 50-66-66-82 (82-82) lykkjur. Snúið við. Skiptið yfir á hringprjón 3.
Prjónið frá miðju að aftan þannig: Prjónið (17) 19-21-25-27 (29-31) lykkjur með GARÐAPRJÓN – sjá útskýringu að ofan, A.3 (= 10 lykkjur), prjónið (34) 38-42-50-54 (58-62) lykkjur með garðaprjón, A.3 yfir 10 lykkjur, prjónið (17) 19-21-25-27 (29-31) lykkjur með garðaprjón. ATHUGIÐ PRJÓNFESTUNA! Þegar stykkið mælist (10) 12-13-16-15 (16-17) cm mælt frá miðju að framan, er aukið út um 1 lykkju hvoru megin við 2 miðju lykkjurnar að framan og aftan – LESIÐ ÚTAUKNING (= 4 lykkjur fleiri). Aukið svona út í annarri hverri umferð alls (8) 8-8-8-12 (12-12) sinnum = (120) 128-136-152-176 (184-192) lykkjur.
Þegar stykkið mælist (15) 17-18-21-22 (23-24) cm mælt við miðju að framan (útaukningar eiga nú að vera loknar) fellið af lykkjur fyrir opi í næstu umferð með sléttum lykkjum þannig: Byrjið við miðju að aftan og fellið af (6) 6-6-6-8 (8-8) fyrstu lykkjurnar, prjónið sléttprjón þar til (6) 6-6-6-8 (8-8) lykkjur á undan prjónamerki fram og fellið af (12) 12-12-12-16 (16-16) lykkjur, prjónið sléttprjón þar til eftir eru (6) 6-6-6-8 (8-8) lykkjur í umferð, fellið af síðustu (6) 6-6-6-8 (8-8) lykkjurnar. Setjið lykkjurnar af annarri skálminni á band og prjónið nú skálmarnar hvora fyrir sig til loka.

SKÁLM:
Stykkið er prjónað í hring á sokkaprjóna.
= (48) 52-56-64-72 (76-80) lykkjur. Skiptið lykkjunum niður á 4 sokkaprjóna nr 3 og setjið 1 prjónamerki í byrjun umferðar (= innan á skálm). Haldið áfram með garðaprjón og A.3 í hlið eins og áður í (1) 1-1-2-2 (2-3) cm – passið uppá að næsta umferð sé 1 umferð slétt.
Fækkið um 1 lykkju hvoru megin við prjónamerki – LESIÐ ÚRTAKA-3 þannig:
STÆRÐ FYRIRBURI -12/18 MÁN: Í 4. hverri umferð.
STÆRÐ 2 ÁRA: í 6. hverri umferð.
STÆRÐ 3/4 ÁRA: Í 8. hverri umferð.
ALLS (8) 10-10-12-12 (12-12) sinnum = (32) 32-36-40-48 (52-56) lykkjur.

Prjónið áfram þar til stykkið mælist (24) 28-32-38-42 (48-55) cm, þá heldur A.3 áfram eins og áður en lykkjurnar með garðaprjóni eru prjónaðar með stroffprjóni með 2 lykkjum slétt/2 lykkjur brugðnar þar til stykkið mælist ca (26) 30-34-40-44 (50-57) cm frá uppfitjunarkanti – passið uppá að síðasta umferðin sé 4. Umferð í A.3. Prjónið stroff yfir allar lykkjurnar þar til stykkið mælist (27) 31-35-41-45 (51-58) cm frá uppfitjunarkanti. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Setjið lykkjur frá hinni skálminni yfir á sokkaprjón nr 3 og prjónið eins og fyrri skálm.

FRÁGANGUR:
Saumið (12) 12-12-12-16 (16-16) lykkjurnar sem felldar voru af á milli skálma, að hvorri annarri.

SNÚRA:
Heklið snúru í mitti með heklunál 2,5 þannig: Heklið loftlykkjur í ca 110 cm, snúið við og heklið 1 keðjulykkju til baka í hverja loftlykkju, klippið frá og festið enda. Bandinu er þrætt í gegnum gatakant á buxum og er hnýtt að framan.

Mynstur

= slétt frá réttu, brugðið frá röngu
= brugðið frá réttu, slétt frá röngu
= engin lykkja, hoppið yfir þessa rúðu
= á milli 2 lykkja er slegið 1 sinni uppá prjóninn
= 2 lykkjur slétt saman
= Takið 1 lykkju óprjónaða eins og prjóna eigi hana slétt, 2 lykkjur slétt, steypið óprjónuðu lykkjunni yfir
= 3 lykkjur slétt saman



Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 29-9) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (41)

Lia 11.04.2020 - 16:13:

Hi any baby patterns available in English?

DROPS Design 12.04.2020 kl. 19:20:

Dear Lia. Here you have a list of all the baby patterns available in English. https://www.garnstudio.com/search.php?action=browse&c=3&lang=en Happy knitting!

Lilo 31.03.2020 - 12:14:

Hallo, ich bin jetzt bei den Abnahmen für den Zwickel angekommen. Der Arbeitsfaden ist jetzt hinten, wird dieser abgeschnitten oder stricke ich damit das erste Bein? Also schließe ich die Runde für das erste Bein und stricke mit dem Arbeitsfaden weiter. Ich hoffe, ich habe mich verständlich ausgedrückt ;-)

DROPS Design 31.03.2020 kl. 12:50:

Liebe Lilo, wenn Sie also die Maschen für den Zwickel abketten, beginnen Sie am an der hinteren Mitte und enden Sie an der hinteren Mitte, dh der Faden wird am Ende dieser Reihe abgeschnitten. Viel Spaß beim stricken!

Lilo 21.03.2020 - 12:58:

Hallo, ich stricke die Hose und habe gerade die verkürzten Reihen für Erhöhung gestrickt und bin jetzt auf der linken Seite. Muss ich nochmal wenden oder stricke ich jetzt die Hose auf der linken Seite fertig?

DROPS Design 23.03.2020 kl. 09:23:

Liebe Lilo, ja genau, stricken Sie noch eine Rückreihe bis zur hinteren Mitte und dann stricken Sie mit den grösseren Nadeln ab der hinteren Mitte in der Runde. Viel Spaß beim stricken!

Aiva 24.02.2020 - 19:29:

Bonjour, J'ai quelques difficultés avec le diagramme A1 pour le bonnet taille naissance. Si j'interprète les instructions correctement, le chapeau correspond à une diminution de 2 mailles (donc passage de 3 à 1 maille résiduelle). Je ne vois pas bien comment je peux revenir à 3 mailles pour reproduire le motif à l'aide d'un seul jeté. Pourriez-vous m'expliquer où est mon erreur? Merci pour votre retour, Bien cordialement, Aiva

DROPS Design 25.02.2020 kl. 09:21:

Bonjour Aiva, le symbole que vous appelez le chapeau ne correspond pas à une diminution de 2 mailles mais d'une seule maille, vous glissez 1 m, vous tricotez 2 m end et vous passez la m glissée par-dessus la m tricotée = il reste 2 mailles et au rang suivant, vous faite 1 jeté entre ces 2 mailles. Cette vidéo montre une variation de ce type de petite torsade. Bon tricot!

Abeer 28.10.2019 - 12:30:

Thank you for the pattern

Malan Hentze 20.10.2019 - 14:51:

Hej. Jeg strikker huen og er i tvivl om jeg skal måle længde efter midten hvor mønsteret er eller ude i siderne..........der er 2 cm forskel således at når siderne måler 14 cm, måler mønsteret i midten 16 cm.

DROPS Design 21.10.2019 kl. 13:00:

Hei Malan. Mål i rillene (siden). God Fornøyelse!

Majbrit 04.10.2019 - 20:21:

Jeg er igang med bukserne, men kan ikke få A.3 diagrammet til at passe, 4. Række vises der 2 ret, men i række 3 er de 3 ret blevet til en( en løs af, to sammen den løs over) = 1 maske på pinden Eller hvad gør jeg forkert?

DROPS Design 07.10.2019 kl. 09:21:

Hei Majbrit På 3. rekke strikker du slik: Ta 1 maske løs av pinnen som om den skulle strikkes rett, 2 masker rett, løft den løse masken over. Du har da 2 masker, ikke 1 maske som du skriver (de 2 masken skal ikke strikkes sammen, men hver for seg). Ta gjerne en titt på våre hjelpevideoer til denne buksen, kanskje de vil hjelpe deg om du fortsatt har problemer. God Fornøyelse!

Beata 12.09.2019 - 08:14:

Dziekuje bardzo. Zrobilam te czapeczke na okraglo na drutach z zylka. Ominelam zszywanie z tylu czapeczki.

Beata 06.09.2019 - 13:01:

Dzien dobry. Prosze o pomoc. Robie czapke rozmiar 3/4 lata. Schemat A1. Pytanie ...czy mam robic 4 rzedy I nastepnie rzad w ktorym robic trzeba 8 razy 2 oczka razem. ? Po ktorej stronie robotki trzeba robic narzut ? Jesli po prawej to wzor widoczny jest inny niz na zdjeciu. Dziekuje.

DROPS Design 09.09.2019 kl. 07:46:

Witaj Beatko, schemat A.1 jest przerabiany na 4 rzędach na wysokość. Rzędy nieparzyste schematu (1 i 3) są przerabiane na prawej stronie robótki. Masz przerobić 2 rzędy wg schematu A.1 (a boki czapeczki ściegiem francuskim), następnie rząd 3 (na prawej stronie robótki), gdzie będą 8 razy zamykane 2 o. razem na prawo i tam też (między tymi zamykanymi oczkami) będą narzuty. W rzędzie 4 (na lewej stronie robótki) będą również 2 narzuty, ale na bokach schematu, przy fałszywych warkoczykach. Powodzenia!

Delphine 31.08.2019 - 09:48:

Bonjour, Je ne comprends pas comment je dois plier le bonnet pour le coudre ?

DROPS Design 02.09.2019 kl. 09:21:

Bonjour Delphine, vous faites d'abord la couture en hauteur (à partir des mailles rabattues jusqu'au rang de montage = côtés de l'ouvrage), puis vous pliez le bonnet pour que cette couture (= dos) se trouve au milieu de A.1 (cf dernière photo)ainsi, A.1 est au milieu du devant du bonnet. Vous assemblez ensuite les mailles du rang de montage entre elles. Bon assemblage!

Skrifaðu athugasemd um DROPS Baby 29-9

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.