DROPS Baby / 29 / 12

Little Explorer by DROPS Design

Peysa með köðlum, garðaprjóni og laskalínu, prjónuð ofan frá og niður. Stærð fyrirburar – 4 ára. Stykkið er prjónað úr DROPS BabyMerino.

DROPS Design: Mynstur bm-073-by
Garnflokkur A
-----------------------------------------------------------
Stærð: (fyrirburi) 0/1 - 1/3 - 6/9 - 12/18 mán (2 - 3/4) ára
Stærð í cm: (40/44) 48/52 - 56/62 - 68/74 - 80/86 (92 - 98/104)
Efni:
DROPS BABY MERINO frá Garnstudio
(150) 150-150-150-200 (200-200) g litur 37, ljós fjólublár

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.


DROPS HRINGPRJÓNAR (60 eða 80 cm) NR 3 – eða þá stærð sem þarf til að 24 lykkjur og 48 umferðir með garðaprjóni verði 10 cm á breidd og 10 cm á hæð.

HEKLUNÁL NR 3 – fyrir kant.

DROPS KAÐLAPRJÓNFF – fyrir kaðal.

DROPS PERLUTALA, Bogalaga (hvít) NR 521: (4) 5-5-5-6 (6-6) st.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Ull
frá 748.00 kr /50g
DROPS Baby Merino uni colour DROPS Baby Merino uni colour 748.00 kr /50g
Gallery Spuni
Panta
DROPS Baby Merino mix DROPS Baby Merino mix 748.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2244kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

GARÐAPRJÓN (prjónað fram og til baka):
Lykkjurnar prjónast slétt í öllum umferðum.

MYNSTUR:
Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu.

LASKALÍNA:
Allar útaukningar eru gerðar frá réttu. Aukið út um 8 lykkjur í umferð þannig:
Prjónið að fyrsta A.1, sláið uppá prjóninn, prjónið A.1, sláið uppá prjóninn.
Endurtakið við öll A.1 og A.2 (= 2 lykkjur útauknar við hvern kaðal = 8 lykkjur fleiri alls í umferð). Í næstu umferð er uppslátturinn prjónaður snúinn slétt til að koma í veg fyrir göt.

ÚRTAKA (á við um ermar):
Öll úrtaka er gerð frá réttu!
Fækkið um 1 lykkju hvoru megin á stykki þannig: Prjónið 1 lykkju garðaprjón, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri), prjónið garðaprjón þar til 3 lykkjur eru eftir, 2 lykkjur slétt saman (= 1 lykkja færri) og endið með 1 lykkju garðaprjón (= alls 2 lykkjur færri).

HNAPPAGAT:
Fellt er af fyrir fyrsta hnappagati þegar stykkið mælist ca 1 cm, síðan er fellt af fyrir (3) 4-4-4-5 (5-5) næstu með ca 4 cm millibili.
Fellið af fyrir hnappagötum frá réttu á hægri kant að framan (þegar flíkin er mátuð) þannig: Prjónið þar til 4 lykkjur eru eftir á prjóni, sláið 1 sinni uppá prjóninn, prjónið 2 lykkjur slétt saman og 2 lykkjur slétt. Í næstu umferð er uppslátturinn prjónaður slétt svo að það myndist gat.
----------------------------------------------------------

PEYSA:
Peysan er prjónuð ofan frá og niður, fram og til baka á hringprjón frá miðju að framan. Ermarnar eru prjónaðar fram og til baka á hringprjóna og eru saumaðar saman í lokin.

BERUSTYKKI:
Fitjið upp (72) 72-80-80-80 (80-84) lykkjur (meðtaldar 4 kantlykkjur við miðju að framan á hvorri hlið) á hringprjón 3 með Baby Merino. Prjónið 4 umferðir GARÐAPRJÓN – sjá útskýringu að ofan og aukið út um 8 lykkjur í síðustu umferð = (80) 80-88-88-88 (88-92) lykkjur. Næsta umferð er prjónuð frá réttu – munið eftir HNAPPAGAT á kant að framan – sjá útskýringu að ofan: Prjónið (11) 11-13-13-13 (13-14) lykkjur með garðaprjóni (= vinstra framstykki), A.1 (= 6 lykkjur), prjónið 10 lykkjur með garðaprjóni (= vinstri ermi), A.2 (= 6 lykkjur), prjónið (14) 14-18-18-18 (18-20) lykkjur með garðaprjóni (= bakstykki), A.1 yfir næstu 6 lykkjur, prjónið 10 lykkjur með garðaprjóni (= hægri ermi), A.2 yfir næstu 6 lykkjur, prjónið (11) 11-13-13-13 (13-14) lykkjur með garðaprjóni (= hægra framstykki). Prjónið 1 umferð frá röngu.
Aukið út fyrir LASKALÍNA – sjá útskýringu að ofan – hvoru megin við A.1 og A.2 þannig: Aukið út um 1 lykkju í annarri hverri umferð (0) 4-5-7-11 (12-16) sinnum, síðan 1 lykkju í 4. hverri umferð (9) 8-9-9-8 (9-8) sinnum = (152) 176-200-216-240 (256-284) lykkjur. ATHUGIÐ PRJÓNFESTUNA! Stykkið mælist ca (8) 9-10-11-12 (13-14) cm frá uppfitjunarkanti.
Næsta umferð frá réttu er prjónuð þannig: (23) 26-30-32-35 (37-41) lykkjur með garðaprjóni, setjið næstu (34) 40-44-48-54 (58-64) lykkjur á band fyrir ermi, fitjið upp 7 lykkjur undir ermi, prjónið (38) 44-52-56-62 (66-74) lykkjur með garðaprjóni, setjið næstu (34) 40-44-48-54 (58-64) lykkjur á band fyrir ermi, fitjið upp 7 lykkjur undir ermi, prjónið (23) 26-30-32-35 (37-41) lykkjur með garðaprjóni = (98) 110-126-134-146 (154-170) lykkjur.
Setjið 1 prjónamerki í stykkið, STYKKIÐ ER NÚ MÆLT HÉÐAN! Prjónið garðaprjón þar til stykkið mælist (9) 12-15-16-17 (20-23) cm frá prjónamerki. Fellið af.

ERMI:
Setjið til baka (34) 40-44-48-54 (58-64) lykkjurnar af bandi á hringprjón 3.
Setjið 1 prjónamerki í stykkið, STYKKIÐ ER NÚ MÆLT HÉÐAN! Fitjið upp 4 lykkjur í lok 2 næstu umferða (= 4 nýjar lykkjur á hvorri hlið á stykki) = (42) 48-52-56-62 (66-72) lykkjur. Prjónið garðaprjón fram og til baka.
Þegar stykkið mælist 2 cm frá skiptingu er fækkað um 1 lykkju hvoru megin á stykki – LESIÐ ÚRTAKA. Fækkið lykkjum svona í (10.-) 8.-8.-6.-6. (8.-8.) hverri umferð alls (3) 5-7-9-11 (12-14) sinnum = (36) 38-38-38-40 (42-44) lykkjur.
Haldið áfram með garðaprjón þar til ermin mælist (10) 14-17-18-21 (24-29) cm.
Fellið af. Prjónið hina ermina alveg eins.

FRÁGANGUR:
Saumið saman ermasauma innan við 1 kantlykkju. Saumið saman op undir ermum. Saumið tölur i vinstra framstykki.

HEKLAÐUR KANTUR:
Heklið kant meðfram öllu opinu á peysunni með heklunál 3, byrjið við miðju að aftan við hnakka þannig: * 1 fastalykkja, 1 loftlykkja, hoppið fram ca 0,5 cm *, endurtakið frá *-* og endið með 1 keðjulykkju í fyrstu fastalykkju.

Mynstur

= slétt frá réttu, brugðið frá röngu
= Kaðall: Setjið 3 lykkjur á kaðlaprjón aftan við stykkið, 3 lykkjur slétt, 3 lykkjur slétt af kaðlaprjóni.
= Kaðall: Setjið 3 lykkjur á kaðlaprjón fyrir framan stykkið, 3 lykkjur slétt, 3 lykkjur slétt af kaðlaprjóni

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 29-12) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (32)

Maria 27.01.2020 - 07:55:

Es tut mir leid, meine Frage von gestern hat sich erledigt. Meine Maschenzahl nach den Raglanzunahmen stimmt. Ich habe vergessen die 24 Zopfmaschen mitzuzählen.

Maria 26.01.2020 - 18:49:

Hallo, gerade habe ich an dem Baby 29-12 Jäckchen gestrickt und müsste jetzt die Aufteilung für den Körper und die Arme vornehmen. Ich habe die 3. Größe genommen und wie vorgesehen die Raglanzunahmen 5 mal in jeder 2. Reihe und 9 mal in jeder 4. Reihe vorgenommen. Bei 13 Maschen für die Vorderteile, 18 Maschen für den Rücken und 10 Maschen für die Arme bin ich nun bei 176 Maschen und nicht 200 - wie in der Anleitung angegeben - angekommen. Hat sich da ggf. ein Fehler eingeschlichen?

DROPS Design 27.01.2020 kl. 09:43:

Liebe Maria, in der 3. Größe beginnen Sie mit 88 Maschen dann wird es 8 Maschen für den Raglan insgesamt 14 Mal zugenommen = 88 + (8x14) = 200 Maschen. Viel Spaß beim stricken!

Anita Holm 21.01.2020 - 03:40:

Hei. Det var veldig vanskelig for meg å forstå hvordan man skal øke ut på hver side av fletten. Ingenting passet. Jeg fikk fort alt for mange masker på pinnen. Lenge før disse 10 cm som oket skulle være. Så jeg ville ønske meg en video av akkurat dette. Å øke ut på oket.

Anita Holm 21.01.2020 - 03:40:

Hei. Det var veldig vanskelig for meg å forstå hvordan man skal øke ut på hver side av fletten. Ingenting passet. Jeg fikk fort alt for mange masker på pinnen. Lenge før disse 10 cm som oket skulle være. Så jeg ville ønske meg en video av akkurat dette. Å øke ut på oket.

Turi Strømberg 15.01.2020 - 13:11:

Skal strikke Little Explorer jakke. Hva menes med å strikke stikk 4 stolpemasker ?

DROPS Design 15.01.2020 kl. 15:07:

Hej Turi, hvor i opskriften står det?

Isa 06.01.2020 - 18:01:

Bonjour Peut on tricoter ce modèle sur 2 aiguilles , je n'ai pas l'habitude des aiguilles circulaires.... Vous seriez bien aimable de me dire comment procéder ! J'aime beaucoup vos modèles de layette mais ils ont l'air difficiles à réaliser D'avance merci !

DROPS Design 06.01.2020 kl. 18:17:

Bonjour Isa, je vous propose de regarder la lecon ICI. Bon travail!

Marie 17.12.2019 - 14:57:

Ved økning av 8 masker, hvor mange masker skal man strikke inn på siste pinnen før man øker med to kast rundt A1? Og hvor mange masker mellom hver økning på denne pinnen? Jeg leser i et gammelt spørsmål her at det er 9 m i str 0-1, men da blir jo ikke økningen jevnt fordelt blant de 72 maskene?

DROPS Design 15.01.2020 kl. 11:25:

Hej Marie, udtagningerne til raglan sker altid på hver side af A.1 og A.2. God fornøjelse!

Sally Lewis 27.10.2019 - 14:49:

I adore the look of drops baby patterns but I’m bitterly disappointed that they are all knitted on circular and Double pointed needles. I’m unable to use either. Please ,please can we have some patterns that are knitted on straight needles in the future or have some patterns that give instructions for both! Thank you

DROPS Design 04.11.2019 kl. 12:30:

Dear Mrs Lewis, sometimes - such as for this pattern - we are using circular needles but pattern will be worked in rows = back and forth on the circular needle. You will find how to adapt a pattern onto straight needles here. Happy knitting!

Manoa 23.04.2019 - 23:04:

Bonjour, je ne comprends pas bien : \r\n1. Les diagrammes : s\'ils représentent seulement l’endroit, ça signifie que les rangs sur l’envers sont tricotés à l’endroit (point mousse) sauf A1 et A2 tricotés à l’envers ?\r\n2. A quoi correspondent A1 et A2 une fois débutées les augmentations, svp ? (A1 et A2 = 8 mailles, puis 10mailles, etc. ? Où caler les augmentations ?)\r\nMerci de vos conseils !

DROPS Design 24.04.2019 kl. 09:30:

Bonjour Manoa, les diagrammes représentent tous les rangs des diagrammes vus sur l'endroit, A.1 et A.2 vont donc se tricoter en jersey endroit (= une case blanche = 1 m end sur l'endroit, env sur l'envers), et les torsades se feront au 3ème rang de A.1 /A.2. Les diagrammes se tricotent sur 6 mailles tous les 2. Vous augmentez avant et après ces diagrammes et tricotez les nouvelles mailles au point mousse - cf RAGLAN. Bon tricot!

Elísabet 21.02.2019 - 18:24:

Ég er að velta einu fyrir mér varðandi útaukningar. Talað er um að auka út í annari hverri umferð er þá átt við í hverri sléttri umferð og svo eftir það í annari hverri sléttri umferð?

DROPS Design 21.02.2019 kl. 22:42:

Blessuð. Eins og ég skil þetta þá er: Aukið út um 1 lykkju í annarri hverri umferð = slétt umferð (aukið út), brugðin umferð (ekki aukið út), slétt umferð (aukið út). Síðan 1 lykkju í 4. hverri umferð = slétt umferð (aukið út), brugðin umferð (ekki aukið út), slétt umferð (ekki aukið út), brugðin umferð (ekki aukið út), slétt umferð (aukið út). Vona að þetta hafi eitthvað hjálpað.

Skrifaðu athugasemd um DROPS Baby 29-12

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.