Tiny Cloud Cardigan |
|||||||||||||
|
|
||||||||||||
Prjónuð peysa fyrir börn úr DROPS Sky. Stykkið er prjónað ofan frá og niður með tvöföldum kanti í hálsi og axlarsæti. Stærð 3 - 14 ára.
DROPS Children 40-13 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 87 lykkjur), mínus kanta að framan (t.d. 10 lykkjur) og deilið þeim 77 lykkjum sem eftir eru með fjölda útaukninga sem á að gera (t.d. 18) = 4,3. Í þessu dæmi er aukið út með því að slá 1 sinni uppá prjóninn á eftir 4. hverja lykkju – ekki er aukið út yfir kanta að framan. Í næstu umferð er uppslátturinn prjónaður snúinn, svo ekki myndist gat. ÚTAUKNING-2 (á við um útaukningu fyrir axlarsæti, ermar og berustykki frá RÉTTU): Á UNDAN PRJÓNAMERKI: Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. ÚTAUKNING-3 (á við um útaukningu fyrir axlarsæti frá RÖNGU): Á UNDAN PRJÓNAMERKI: Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð brugðið í aftari lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð brugðið í fremri lykkjubogann. ÚRTAKA (á við um miðju undir ermum): Byrjið 3 lykkjum á undan lykkju með prjónamerki, prjónið 2 lykkjur slétt saman, prjónið 2 lykkjur (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo að það myndist gat. Fellið af fyrir fyrsta hnappagatinu þegar kantur í hálsi hefur verið prjónaður til loka (þ.e.a.s. í skiptingunni á milli kants í hálsi og berustykkis). Fellið síðan af fyrir 4-5-5-6-6-6 næstu hnappagötum með ca 7-7-7½-7-7-7½ cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 6. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsi og berustykki er prjónað fram og til baka á hringprjóna frá miðju að framan, ofan frá og niður. Lykkjur eru auknar út fyrir axlarsæti, síðan eru lykkjur auknar út fyrir ermar og að lokum eru lykkjur auknar út fyrir berustykki. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna, ofan frá og niður. TVÖFALDUR KANTUR Í HÁLSI: Fitjið upp 87-89-91-93-95-99 lykkjur (meðtaldar 5 kantlykkjur að framan í hvorri hlið við miðju að framan) á stuttan hringprjón 3 með DROPS Sky. Prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff í 7 cm. Síðar á að brjóta kantinn upp tvöfaldan og við frágang er kanturinn í hálsmáli ca 3 cm. Þegar stroffið hefur verið prjónað til loka, prjónið 1 umferð slétt frá réttu þar sem aukið er út um 18-20-22-24-22-22 lykkjur jafnt yfir – sjá ÚTAUKNING-1 og munið eftir HNAPPAGAT í hægri kanti að framan – sjá útskýringu að ofan = 105-109-113-117-117-121 lykkjur. Prjónið 1 umferð brugðið frá röngu (uppslátturinn er prjónaður snúinn brugðið og 5 ystu lykkjurnar í hvorri hlið eru prjónaðar slétt = kantur að framan). Prjónið síðan berustykki eins og útskýrt er að neðan. BERUSTYKKI: Skiptið yfir á hringprjón 4. Setjið 1 prjónamerki eftir kant að framan í byrjun á umferð mitt að framan, berustykkið er nú mælt frá þessu prjónamerki! Að auki eru sett 4 ný prjónamerki í stykkið eins og útskýrt er að neðan – þetta er einnig gert án þess að prjóna lykkjurnar og hvert og eitt af þessum 4 prjónamerkjum eru sett á milli 2 lykkja. Prjónamerkin eru notuð þegar auka á út fyrir axlarsæti og prjónamerkin verða að hafa annan lit en prjónamerkið við hálsinn til að aðgreina þau. Fyrsta prjónamerki: Byrjið mitt að framan, teljið 22-23-23-23-23-24 lykkjur (= framstykki), setjið 1. prjónamerki á undan næstu lykkju. Annað prjónamerki: Teljið 14-14-16-18-18-18 lykkjur frá 1. prjónamerki (= axlalykkjur), setjið 2. prjónamerki á undan næstu lykkju. Þriðja prjónamerki: Teljið 33-35-35-35-35-37 lykkjur frá 2. prjónamerki (= bakstykki), setjið 3. prjónamerki á undan næstu lykkju. Fjórða prjónamerki: Teljið 14-14-16-18-18-18 lykkjur frá 3. prjónamerki (= axlalykkjur), setjið 4. prjónamerki á undan næstu lykkju. Nú eru 22-23-23-23-23-24 lykkjur eftir í umferð á eftir 4. prjónamerki (= framstykki). Látið þessi 4 prjónamerki fylgja með í stykkinu, það á að auka út lykkjum við hvert og eitt þessa prjónamerkja. ÚTAUKNING FYRIR AXLARSÆTI: Lestu allan kaflann áður en þú prjónar! Stykkið er prjónað í sléttprjóni með 5 kantlykkjum að framan í garðaprjóni í hvorri hlið við miðju að framan. JAFNFRAMT í fyrstu umferð frá réttu eru auknar út 4 lykkjur fyrir axlarsæti þannig: Aukið út á UNDAN 1. og 3. prjónamerki og aukið út á EFTIR 2. og 4. prjónamerki – sjá ÚTAUKNING-2. Einungis er aukið út á framstykki og bakstykki og fjöldi axlalykkja verður sá sami. Í næstu umferð frá röngu eru auknar út 4 lykkjur fyrir axlarsæti þannig: Aukið út á UNDAN 4. og 2. prjónamerki og aukið út á EFTIR 3. og 1. prjónamerki – sjá ÚTAUKNING-3. Þ.e.a.s. aukið er út í hverri umferð og það er aukið út mismunandi frá réttu og frá röngu, svo að lykkjurnar liggi fallega. Aukið svona út í hverri umferð (þ.e.a.s. bæði frá réttu og frá röngu) alls 12-14-16-20-22-26 sinnum = 153-165-177-197-205-225 lykkjur - útauknar lykkjur eru prjónaðar í sléttprjóni. ATHUGIÐ PRJÓNFESTUNA! Eftir síðustu útaukningu mælist stykkið ca 4-5-6-7-8-9 cm frá prjónamerki við háls. Aukið síðan út fyrir ermar eins og útskýrt er að neðan. ÚTAUKNING FYRIR ERMAR: Haldið áfram í sléttprjóni og 5 kantlykkjur að framan í garðaprjóni í hvorri hlið við miðju að framan. JAFNFRAMT í næstu umferð frá réttu er aukið út um 4 lykkjur fyrir ermar þannig: Aukið út á EFTIR 1. og 3. prjónamerki og aukið út á UNDAN 2. og 4. prjónamerki – munið eftir ÚTAUKNING-2. Nú eru einungis aukið út á ermum og fjöldi lykkja á framstykki og bakstykki verður sá sami. Útauknar lykkjur eru prjónaðar í sléttprjóni. Aukið svona út í annarri hverri umferð (þ.e.a.s. í hverri umferð frá réttu) alls 10-10-8-7-8-8 sinnum = 193-205-209-225-237-257 lykkjur. Stykkið mælist ca 11-12-12-12-14-15 cm frá prjónamerki við háls. Aukið síðan út fyrir berustykki eins og útskýrt er að neðan. ÚTAUKNING Á BERUSTYKKI: Færið 4 prjónamerkin frá útaukningu á ermum, þannig að hvert og eitt af 4 prjónamerkjunum sitja í ystu lykkjunni í hvorri hlið á framstykki og bakstykki. Nú eru 34-34-32-32-34-34 lykkjur á milli lykkja með prjónamerki í hvorri ermi. Í næstu umferð frá réttu er aukið út um 8 lykkjur fyrir berustykki með því að auka út bæði á undan og á eftir hverjum af 4 lykkjum með prjónamerki í – munið eftir ÚTAUKNING-2. Lykkjur eru nú auknar út á framstykki, bakstykki og báðum ermum og útauknar lykkjur eru prjónaðar í sléttprjóni. Aukið svona út í annarri hverri umferð (þ.e.a.s. í hverri umferð frá réttu) alls 5-5-6-5-5-4 sinnum = 233-245-257-265-277-289 lykkjur. Þegar allar útaukningar hafa verið gerðar, mælist stykkið ca 15-16-16-16-17-18 cm frá prjónamerki við háls. Prjónið án útaukningar þar til stykkið mælist 15-16-16-17-18-19 cm frá prjónamerki við háls. Nú skiptist stykkið fyrir fram- og bakstykki og ermar þannig: Prjónið eins og áður yfir fyrstu 38-40-42-44-46-48 lykkjurnar (= framstykki), setjið næstu 46-48-50-50-52-54 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið 65-69-73-77-81-85 lykkjur eins og áður (= bakstykki), setjið næstu 46-48-50-50-52-54 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi) og prjónið eins og áður yfir síðustu 38-40-42-44-46-48 lykkjur (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ STYKKIÐ MÆLT! FRAM- OG BAKSTYKKI: = 153-161-169-181-189-197 lykkjur. Prjónið sléttprjón fram og til baka eins og áður með 5 kantlykkjur að framan í garðaprjóni í hvorri hlið við miðju að framan. Prjónið þar til stykkið mælist 15-18-21-24-25-26 cm frá skiptingu. Nú eru ca 3 cm til loka máls, mátið e.t.v. peysuna og prjónið að óskaðri lengd. Skiptið yfir á hringprjóna 3. Næsta umferð er prjónuð frá réttu þannig: 5 kantlykkjur að framan í garðaprjóni, * 1 lykkja slétt, 1 lykkja brugðið *, prjónið frá *-* þar til 6 lykkjur eru eftir í umferð, prjónið 1 lykkju slétt og endið með 5 kantlykkjur að framan í garðaprjóni. Haldið svona áfram með stroff í 3 cm. Fellið af með garðaprjón yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 36-40-44-48-50-52 cm frá öxl og niður. ERMAR: Setjið 46-48-50-50-52-54 lykkjur af þræði í annarri hlið á stykki á sokkaprjóna 4 - prjónið að auki upp 1 lykkju í hverja og eina af 6-6-6-8-8-8 nýjum lykkjum sem fitjaðar voru upp undir ermi = 52-54-56-58-60-62 lykkjur. Setjið 1 prjónamerki mitt undir ermi, þ.e.a.s. í miðju af 6-6-6-8-8-8 lykkjum sem fitjaðar voru upp undir ermi. Byrjið umferð við prjónamerki og prjónið sléttprjón hringinn. Þegar ermin mælist 2-2-3-3-3-3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 2½-2½-3-3-4-4 cm millibili alls 7-8-8-9-9-10 sinnum á hæðina = 38-38-40-40-42-42 lykkjur eftir. Prjónið án úrtöku þar til ermin mælist 21-25-30-34-38-42 cm frá skiptingu. Nú eru eftir ca 3 cm til loka máls. Mátið e.t.v. peysuna og prjónið að óskaðri lengd. Skiptið yfir á sokkaprjón 3. Prjónið stroff hringinn (= 1 lykkja slétt, 1 lykkja brugðið) í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 24-28-33-37-41-45 cm frá skiptingu. Prjónið hina ermina alveg eins. FRÁGANGUR: Brjótið stroffið niður efst í hálsi að innanverðu á stykki. Saumið stroffið niður þannig að það myndist tvöfalt uppábrot. Til að koma í veg fyrir að kanturinn í hálsi dragist saman og beygist út, er mikilvægt að saumurinn sé teygjanlegur. Saumið saman op við miðju framan í köntum að framan með smáu spori. Saumið tölur í vinstri kant að framan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (9)
Margit wrote:
Püüan teha kõige suuremat varianti ja paraku ei tule silmuste arvutamine välja. Loon 99 silmust (ei lisa juurde 10 silmust, sest saan aru, et need on juba 99 silmuse sisse arvestatud?). Kasvatan 22 silmust ja kokku on 121 silmust. Passe jaoks pean jagama silmused 24+18+37+18+30, aga see on kokku 127 silmust. Kust need 6 silmust juurde tulid? Kui ma looks alguses 99 silmust + nööpaugu 10 silmust, siis ei tule ka 127 silmust vaid 131 silmust. Kas siin on viga?
03.07.2023 - 15:29DROPS Design answered:
Tere Margit! Mõlemal hõlmal peab olema ühepalju silmuseid. Viga parandatud, tänan teatamast! Alati võib kontrollida numbrite õigust norrakeelsest originaaljuhendist. Head kudumist!
29.07.2023 - 21:34Annika wrote:
Vad blir skillnaden om alla sadelökningar görs från rätsidan? Inga ökningar på det aviga varvet alltså. Mycket enklare och vad jag kan se blir det samma resultat?
28.04.2023 - 20:07DROPS Design answered:
Hei Annika. Det skal økes på hver pinne og da må det økes både fra retten og fra vrangen. Økes det bare fra retten, økes det bare på hver 2. pinne og du får for få masker. mvh DROPS Design
02.05.2023 - 10:01Wendy Burt wrote:
In yoke increases I don’t understand where I place markers
24.04.2022 - 21:56DROPS Design answered:
Dear Wendy, the following video may help you understand how to place the markers: https://www.garnstudio.com/video.php?id=1581&lang=en Happy knitting!
24.04.2022 - 22:38Wendy Burt wrote:
Stuck on yoke increase, I don’t understand where I’m to move markers. Thanks in advance for help.
24.04.2022 - 21:53DROPS Design answered:
Dear Wendy, please see answer above.
24.04.2022 - 22:38Anna-Leena wrote:
Kaarrokkeen lisäyksessä: miten nuo merkkien paikat muuttuvat? Nythän nuo merkit ovat hihan kohdassa.
23.04.2022 - 17:20Christine FORST wrote:
Bonjour, Pour les épaules, il est marqué "Augmenter ainsi 12-14-16-20-22-26 fois au total tous les rangs" Au départ j'ai 14 mailles, et si j'augmente 14 fois (4 mailles endroit et 4 mailles envers) je ne peux pas avoir 34 mailles ... J'ai l'impression que je ne comprend pas les augmentations des épaules "Augmenter AVANT les marqueurs-1 et -3 et APRÈS les marqueurs 2 et 4 " "Au rang suivant sur l'envers, AVANT les marqueurs- 4 et 2 et APRÈS les marqueurs 3 et 1"
15.01.2022 - 11:38DROPS Design answered:
Bonjour Mme Forst, les augmentations pour les épaules/manches marteau augmentent le nombre de mailles des devants et du dos, pas celui des épaules/manches; autrement dit, vous augmentez (sur l'endroit) avant le marqueur-1 = devant gauche; après le marqueur -2 et avant le marqueur-3 = dos et après le marqueur-4 = devant droit; les mailles entre les marqueurs 1-2 et 3-3 sont les 14 m des épaules qui ne vont pas augmenter. Cette vidéo pourra peut-être vous aider à visualiser? Bon tricot!
17.01.2022 - 08:13Fernanda Lopez wrote:
Tengo que agregar 6 puntos en la manga, habrá una abertura sin coser?
14.01.2022 - 23:42DROPS Design answered:
Hola Fernanda, no tienes que montar puntos, sino que recoger puntos en los puntos del cuerpo montados bajo la manga. Por lo tanto, no quedará una abertura.
16.01.2022 - 21:31Christine FORST wrote:
Bonjour, Je tricote le "Tiny Cloud Cardigan" taille 5/6 ans. Au paragraphe AUGMENTATIONS EMPIÈCEMENT: "Décaler les 4 marqueurs pour que chacun de ces 4 marqueurs soit dans la première et la dernière maille du devant/du dos. On a maintenant 34-34-32-32-34-34 mailles pour chaque manche entre les mailles avec les marqueurs." Question, ou dois je décaler les marqueurs, puisque à ce moment la j'ai 44 mailles pour chaque manche. Merci de votre aide Cordialement
14.01.2022 - 14:39DROPS Design answered:
Bonjour Mme Forst, vous n'êtes pas censée avoir autant de mailles, vous devriez en avoir seulement 34: les 14 mailles des épaules + les augmentations des manches (soit 2 x 5 mailles = 34 m au total). Vous placez ensuite les marqueurs: dans la dernière maille du devant gauche, dans la 1ère et la dernière maille du dos et dans la 1ère maille du devant droit. Bon tricot!
14.01.2022 - 16:49Fernanda Lopez wrote:
No modelo Tiny Cloud Cardigan, as 6 malhas colocadas na manga não precisa costurar, ficará uma abertura embaixo do braço?
13.01.2022 - 15:42