Lamb Dance Sweater by DROPS Design

Prjónuð peysa fyrir börn úr DROPS Merino Extra Fine eða DROPS Lima. Stykkið er prjónað ofan frá og niður með kindum, litamynstri, stroffprjóni og sléttprjóni. Stærð 3-12 ára.

DROPS Design: Mynstur me-055-bn
Garnflokkur B
-------------------------------------------------------

STÆRÐ:
3/4 - 5/6 - 7/8 - 9/10 - 11/12 ára
Stærðin jafngildir ca hæð á barni í cm.
98/104 - 110/116 - 122/128 - 134/140 - 146/152

EFNI:
DROPS MERINO EXTRA FINE frá Garnstudio (tilheyrir garnflokki B)
200-250-250-250-300 g litur 26, pistasía
50-50-100-100-100 g litur 19, ljós gráblár
50-50-50-50-50 g litur 01, natur
50-50-50-50-50 g litur 02, svartur
50-50-50-50-50 g litur 17, kirsuberjarauður

Eða notið:
DROPS LIMA frá Garnstudio (tilheyrir garnflokki B)
200-250-250-250-300 g litur 7219, pistasía
50-50-100-100-100 g litur 8112, ísblár
50-50-50-50-50 g litur 0100, natur
50-50-50-50-50 g litur 8903, svartur
50-50-50-50-50 g litur 6273, kirsuberjarauður

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 60 cm.
DROPS SOKKAPRJÓNAR NR 3 fyrir stroff.
DROPS HRINGPRJÓNAR NR 3: lengd 60 eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Athugasemdir (3)

100% Ull
frá 486.00 kr /50g
DROPS Merino Extra Fine uni colour DROPS Merino Extra Fine uni colour 486.00 kr /50g
Gallery Spuni
Panta
DROPS Merino Extra Fine mix DROPS Merino Extra Fine mix 486.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 3402kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1. Veldu mynsturteikningu fyrir þína stærð.
Mynsturteikning sýnir allar umferðir í mynstri séð frá réttu.

ÚTAUKNING/ÚRTAKA (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 84 lykkjur) og deilið þessum lykkjufjölda með fjölda úrtöku sem á að gera (t.d. 7) = 12.
Í þessu dæmi er lykkjum fækkað með því að prjóna 11. og 12. hverja lykkju slétt saman. Ef auka á út þá er notaður sami útreikningur, en slegið er þá uppá prjóninn á eftir 12. hverja lykkju. Uppslátturinn er prjónaður snúinn í næstu umferð svo að ekki myndist gat.

ÚTAUKNING-2 (á við um hliðar á fram- og bakstykki):
Byrjið einni lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett mitt á milli þessa tveggja lykkja), sláið 1 sinni uppá prjóninn = 2 lykkjur fleiri. Í næstu umferð eru uppslátturinn prjónaður snúinn svo ekki myndist gat. Prjónið síðan nýju lykkjurnar með sléttprjóni.

ÚRTAKA-2 (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð = 2 lykkjur færri.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hring á hringprjón ofan frá og niður. Stykkið skiptist upp við fram- og bakstykki og ermar, fram- og bakstykki er prjónað í hring á hringprjón. Ermar eru prjónaðar í hring á sokkaprjóna/stuttan hringprjón.

BERUSTYKKI:
Fitjið upp 80-84-98-106-110 lykkjur á hringprjón 3 með ljós gráblár. Tengið stykkið saman og prjónið 1 umferð sléttprjón. Prjónið stroff hringinn með 2 lykkjur slétt, 2 lykkjur brugðnar í 3 cm (= kantur í hálsi).
Skiptið yfir á hringprjón 4. Prjónið 1 umferð sléttprjón þar sem fækkað er um 14-12-14-15-12 lykkjur jafnt yfir – sjá ÚRTAKA/ÚTAUKNING = 66-72-84-91-98 lykkjur. Prjónið síðan eftir mynsturteikningu A.1, mynsturteikning er prjónuð 11-12-12-13-14 sinnum í umferð. ATH! Veldu mynsturteikningu fyrir rétta stærð.
ATHUGIÐ PRJÓNFESTUNA! Þegar A.1 hefur verið prjónað til loka eru 198-216-240-260-280 lykkjur í umferð. Í næstu umferð er prjónað með pistasía og sléttprjón og aukið er út um 14-8-2-2-2 lykkjur jafnt yfir í umferð = 212-224-242-262-282 lykkjur.
Haldið áfram með pistasía og sléttprjón þar til stykkið mælist ca 18-18-19-20-21 cm frá uppfitjunarkanti mitt að framan. Næsta umferð er prjónuð þannig: 62-64-70-77-79 lykkjur slétt (= bakstykki), setjið næstu 44-48-51-54-62 lykkjur á band (= ermi), fitjið upp 6 nýjar lykkjur undir ermi, prjónið 62-64-70-77-79 lykkjur sléttprjón (= framstykki), setjið næstu 44-48-51-54-62 lykkjur á nýtt band (= ermi) og fitjið upp 6 nýjar lykkjur undir ermi.

FRAM- OG BAKSTYKKI:
Nú eru 136-140-152-166-170 lykkjur í umferð.
HÉÐAN ER NÚ MÆLT! Setjið 1 prjónamerki mitt á milli 6 nýju lykkja sem fitjaðar voru upp. Haldið áfram með sléttprjón og pistasía. Þegar stykkið mælist 3 cm er aukið út um 1 lykkju hvoru megin við hvort prjónamerki (= 4 lykkjur fleiri) SJÁ ÚTAUKNING-2! Endurtakið útaukningu 1 sinni til viðbótar eftir 4 cm = 144-148-160-174-178 lykkjur í umferð. Prjónið síðan áfram þar til stykkið mælist ca 12-16-19-22-25 cm (eða að óskaðir lengd, nú eru eftir ca 4 cm til loka).
Prjónið 1 umferð sléttprjón og aukið er út 12-12-12-10-10 lykkjur jafnt yfir = 156-160-172-184-188 lykkjur.
Skiptið yfir á hringprjón 3 og prjónið stroff með 2 lykkjum slétt, 2 lykkjur brugðnar. Prjónið stroff í 4 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Klippið frá og festið enda.

ERMI:
Setjið til baka lykkjur af öðru bandinu yfir á stuttan hringprjón/sokkaprjóna 4 (= 44-48-51-53-62 lykkjur), prjónið upp 1 nýja lykkju í hverja og eina af 6 lykkjum sem fitjaðar voru upp á fram- og bakstykki (= 50-54-57-59-68 lykkjur). Setjið 1 prjónamerki mitt í þessar 6 lykkjur. Prjónið sléttprjón hringinn þar til ermin mælist 2 cm. Fækkið nú um 1 lykkju hvoru megin við prjónamerki. SJÁ ÚRTAKA-2!
Haldið áfram með sléttprjón og endurtakið úrtöku með 4-3½-4-4-3½ cm millibili þar til lykkjum hefur fækkað alls 5-7-7-8-10 sinnum = 40-40-43-43-48 lykkjur í umferð. Prjónið sléttprjón þar til ermin mælist 21-26-29-33-36 cm. Prjónið 1 umferð og aukið út jafnt yfir 4-4-5-4-4 lykkjur í umferð = 44-44-48-48-52 lykkjur. Skiptið yfir í sokkaprjóna 3 og prjónið stroff hringinn með 2 lykkjur slétt, 2 lykkjur brugðnar í 4 cm.
Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Klippið frá og festið enda.

Prjónið hina ermina alveg eins.

Þetta mynstur hefur verið leiðrétt. .

Yfirfarið á vefsvæði: 10.04.2019
Leiðrétting á efnismagni: Merino Extra Fine litur 26 og 19 og Lima litur 7219 og 8112 + leiðrétting á BERUSTYKKI:..Haldið áfram með pistasía og sléttprjón þar til stykkið mælist ca 18-18-19-20-21 cm frá uppfitjunarkanti mitt að framan.

Mynstur

= slétt með ljós gráblár
= slétt með natur
= slétt með svartur
= slétt með pistasía
= slétt með kirsuberjarauður
= á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður snúinn, það eiga ekki að myndast göt



Lena Hemmingsson 06.04.2019 - 13:27:

Helt fel mått från armhåla till full längd på fram- och bakstycke. Stickar man enl. mönstret slutar tröjan i midjehöjd. Beräkningen av garnåtgång är helt fel. Mycket tråkigt!

DROPS Design 11.04.2019 kl. 14:59:

Hei Lena. Dette er en kort modell, som går ca til bukselinningen. Vi har nå likevel lagt til litt på lengden. Vi har også justert garnmengden opp i grønn og blå. Takk for beskjed, god fornøyelse

Trine 31.03.2019 - 20:54:

Veldig kjedelig at oppgitt garnmengde ikke stemmer - verken på denne eller «voksenmodellen».

Gabriele 24.03.2019 - 21:17:

Hallo,ich möchte bitte wissen für was , -A2-, benötigt wird.

DROPS Design 26.03.2019 kl. 08:02:

Liebe Gabriele, A.2 wird für den Pullover nicht benutzt, Anleitung wird korrigiert, danke für den Hinweis. Viel Spaß beim stricken!

Skrifaðu athugasemd um DROPS Children 34-3

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.