DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 13464.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Lagoon

Prjónuð peysa fyrir herra með laskalínu úr DROPS Sky. Stykkið er prjónað ofan frá og niður í klukkuprjóni. Stærð S - XXXL.

DROPS 208-9
DROPS Design: Mynstur sk-067
Garnflokkur B
-------------------------------------------------------

STÆRÐ:
S - M - L - XL - XXL – XXXL

EFNI:
DROPS SKY frá Garnstudio (tilheyrir garnflokki B)
450-450-500-500-550-550 g litur 06, sægrænn

PRJÓNFESTA:
16 lykkjur á breidd og 40 umferðir á hæð með klukkuprjóni = 10 x 10 cm.

PRJÓNAR:
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm og 80 cm.
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 13464.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:
-------------------------------------------------------

KLUKKUPRJÓN :
UMFERÐ 1: * 1 lykkja slétt, sláið uppá prjóninn, takið 1 lykkju óprjónaða eins og prjóna eigi brugðið *, prjónið frá *-*.
UMFERÐ 2: * Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn og óprjónuðu lykkjuna brugðið saman *, prjónið frá *-*.
UMFERÐ 3. * Prjónið uppsláttinn og óprjónuðu lykkjuna slétt saman, sláið 1 sinni uppá prjóninn, takið 1 lykkju óprjónaða eins og prjóna eigi brugðið *, prjónið frá *-*.
Endurtakið umferð 2 og 3.

LASKALÍNA:
Öll útaukning er gerð í 2. umferð í klukkuprjóns mynstri!
ATH: Ef prjónfestan passar ekki alveg á hæðina, þá verður laska útaukningin of stutt/löng á hæðina. Laska útaukning er skrifuð bæði í fjölda umferða og í cm. Ef prjónfestan passar ekki á hæðin, prjónið laska útaukningu í cm.
Aukið út þannig:
Prjónið þar til 4 lykkjur eru eftir á undan lykkju með prjónamerki í. Aukið út um 2 lykkjur í næstu lykkju (brugðin lykkja + uppsláttur) þannig: Prjónið uppsláttinn og lykkjuna slétt saman, en bíðið með að lyfta lykkjunni og uppslættinum sem prjónað var af prjóni, sláið 1 sinni uppá hægri prjón, prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónið næstu 7 lykkjur í klukkuprjóni eins og áður.
Aukið út um 2 lykkjur í næstu lykkju (brugðin lykkja + uppsláttur) þannig: Prjónið uppsláttinn og lykkjuna slétt saman, en bíðið með að lyfta lykkjunni og uppslættinum sem prjónað var af prjóni, sláið 1 sinni uppá hægri prjón, prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Endurtakið við hvert og eitt af prjónamerkjum sem eftir eru (= alls 16 lykkjur fleiri í umferð).
Í næstu umferð eru útauknu lykkjurnar prjónaðar inn í klukkuprjóns mynstur – það er enginn klukkuprjóns uppsláttur í útaukningu, þannig að í næstu umferð í klukkuprjóni er lykkjan sem á að prjónast saman við uppslátt, prjónuð án uppsláttar.

ÚRTAKA (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 96 lykkjur), deilið þessum lykkjufjölda með fjölda úrtöku sem á að gera (t.d. 16) = 6. Í þessu dæmi þá er lykkjum fækkað með því að prjóna 5. og 6. hverja lykkju slétt saman.

ÚRTAKA-2 (á við um ermar):
Öll úrtaka er gerð í 2. umferð í klukkuprjóns mynstri.
Fækkið lykkjum þannig: Prjónið þar til 2 lykkjur eru eftir á undan lykkju með prjónamerki, lyftið yfir næstu 3 lykkjurnar (+ uppsláttur sem tilheyrir lykkjum) á hægri prjóni eins og prjóna eigi slétt saman, prjónið næstu 2 lykkjur (+ uppsláttur sem tilheyrir lykkjunni) slétt saman, lyftið síðan 3 lausu lykkjunum yfir lykkjurnar sem prjónaðar voru slétt saman (= 4 lykkjur færri). ATH: Í næstu umferð er enginn klukkuprjóns uppsláttur saman við miðju lykkjunni undir ermi, þannig að í næstu umferð í klukkuprjóns mynstri er lykkjan sem á að prjóna saman við uppslátt, prjónuð án uppsláttar.

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 164 lykkjur) og deilið lykkjum með fjölda útaukninga sem á að gera (t.d. 70) = 2,3.
Í þessu dæmi er aukið út með því að slá 1 sinni uppá prjóninn á eftir ca annarri hverri lykkju. Í næstu umferð er uppslátturinn prjónaður snúinn svo ekki myndist gat.

AFFELLING:
Til að koma í veg fyrir að affelingarkanturinn verði stífur er hægt að fella af með ½ númeri grófari prjónum eða að fella af með sléttum lykkjum yfir sléttar lykkjur og brugðnum lykkjum yfir brugðnar lykkjur og slá e.t.v. 1 sinni uppá prjóninn á eftir 4. hverja lykkju (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Stykkið er prjónað í hring á hringprjón, ofan frá og niður. Ermar eru prjónaðar í hring á stuttan hringprjón/sokkaprjóna.

KANTUR Í HÁLSMÁLI:
Fitjið upp 96-102-106-110-114-118 lykkjur á stuttan hringprjón 3 með Sky. Prjónið 1 umferð slétt, prjónið síðan stroff (= 1 lykkja slétt, 1 lykkja brugðið) í 4 cm. Prjónið 1 umferð slétt þar sem fækkað er um 16-18-18-22-22-26 lykkjur jafnt yfir – sjá ÚRTAKA-1 (jafnt yfir) = 80-84-88-88-92-92 lykkjur. Prjónið 1 umferð brugðið. Setjið eitt prjónamerki hér (= byrjun á umferð er ca mitt að aftan). HÉÐAN ER NÚ MÆLT!

BERUSTYKKI:
Skiptið yfir á hringprjón 4,5. Prjónið nú KLUKKUPRJÓN – sjá útskýringu að ofan. Þegar prjónuð hefur verið 1 umferð í klukkuprjóni, setjið 4 prjónamerki í stykkið án þess að prjóna (öll prjónamerkin eru sett í brugðna lykkju): Hoppið yfir fyrstu 13-13-15-15-15-15 lykkjur, setjið eitt prjónamerki í næstu lykkju (= í skiptinguna á milli helming af bakstykki og hægri ermi), hoppið yfir næstu 13 lykkjur, setjið eitt prjónamerki í næstu lykkju (= í skiptinguna á milli hægri ermi og framstykkis), hoppið yfir næstu 25-27-29-29-31-31 lykkjur, setjið eitt prjónamerki í næstu lykkju (= í skiptinguna á milli framstykkis og vinstri ermi), hoppið yfir næstu 13 lykkjur, setjið eitt prjónamerki í næstu lykkju (= í skiptinguna á milli vinstri ermi og helmings af bakstykki), nú eru 12-14-14-14-16-16 lykkjur á milli síðasta prjónamerkis og byrjun á umferð.
ATHUGIÐ PRJÓNFESTUNA! Nú er eitt prjónamerki í hverri skiptingu á milli fram- og bakstykkis og erma. Prjónamerkin fylgja með í stykkinu. Haldið áfram hringinn í klukkuprjóni, JAFNFRAMT í næstu umferð (= 2. umferð í klukkuprjóni) byrjar útaukning fyrir LASKALÍNA – sjá útskýringu að ofan. Aukið svona út í 6. hverri umferð (ca 1½ cm millibili), 1-2-4-5-6-8 sinnum alls og í 8. hverri umferð (ca 2 cm millibili) 10 sinnum í öllum stærðum = 256-276-312-328-348-380 lykkjur.
Þegar öll útaukning hefur verið gerð til loka er haldið áfram í klukkuprjón þar til stykkið mælist 22-24-26-28-30-32 cm frá prjónamerki – endið eftir 2. umferð í klukkuprjóni. Næsta umferð er prjónuð þannig: Prjónið fyrstu 37-39-47-49-53-59 lykkjur (= ca hálft bakstykki), setjið næstu 55-59-63-67-67-71 lykkjur á þráð fyrir ermi og fitjið upp 9 nýjar lykkjur á prjóninn (= í hlið undir ermi), prjónið næstu 73-79-93-97-107-119 lykkjur (= framstykki), setjið næstu 55-59-63-67-67-71 lykkjur á þráð fyrir ermi og fitjið upp 9 nýjar lykkjur á prjóninn (= í hlið undir ermi), prjónið síðustu 36-40-46-48-54-60 lykkjurnar í umferð (= ca hálft bakstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
Nú eru 164-176-204-212-232-256 lykkjur í umferð. Haldið áfram hringinn í klukkuprjóni þar til stykkið mælist 31 cm frá skiptingu – stillið af þannig að endað sé eftir 2. umferð í klukkuprjóni. Skiptið yfir á hringprjón 3. Næsta umferð er prjónuð þannig: * Prjónið uppsláttinn og óprjónuðu lykkjuna slétt saman, 1 lykkja brugðið *, prjónið frá *-* umferðina hringinn, JAFNFRAMT eru auknar út 60-66-70-72-84-82 lykkjur – sjá ÚTAUKNING = 224-242-274-284-316-338 lykkjur. Prjónið stroff (= 1 lykkja slétt, 1 lykkja brugðið) hringinn í 5 cm. Fellið af – sjá AFFELLING. Peysan mælist ca 54-56-58-60-62-64 cm frá öxl og niður.

ERMI:
Setjið til baka 55-59-63-67-67-71 lykkjur af þræði í annarri hlið á stykki á stuttan hringprjón/sokkaprjóna 4,5 og prjónið að auki upp 1 lykkju í hverja 9 lykkjum sem fitjaðar voru upp í hlið undir ermi = 64-68-72-76-76-80 lykkjur. Haldið síðan áfram hringinn í klukkuprjóni. Þegar ermin mælist 4 cm – stillið af þannig að næsta umferð sé eins og 2. umferð í klukkuprjóni, setjið eitt prjónamerki í miðju lykkjuna undir ermi (= slétt lykkja). Í næstu umferð er fækkað um 4 lykkjur undir ermi – sjá ÚRTAKA-2.
Fækkið lykkjum svona með 10-10-5-5-5-4 cm millibili alls 4-4-5-6-6-6 sinnum = 48-52-52-52-52-56 lykkjur. Þegar ermin mælist 44-43-41-40-38-38 cm – stillið af að næsta umferð sé umferð 3 í klukkuprjóns mynstri, skiptið yfir á sokkaprjón nr 3.

S - M – L næsta umferð er prjónuð þannig: * prjónið uppsláttinn og óprjónuðu lykkjuna slétt saman, sláið 1 sinni uppá prjóninn, prjónið uppsláttinn og óprjónuðu lykkjuna slétt saman, 1 lykkja slétt, prjónið uppsláttinn eins og 1 lykkja slétt, prjónið óprjónuðu lykkjuna eins og 1 lykkja slétt, 1 lykkja slétt *, prjónið frá *-*, nú hefur verið aukið út um 8 lykkjur í umferð = 56-60-60 lykkjur.

XL - XXL næsta umferð er prjónuð þannig: * prjónið uppsláttinn eins og 1 lykkja slétt, prjónið óprjónuðu lykkjuna eins og 1 lykkja slétt, * prjónið uppsláttinn eins og 1 lykkja slétt, prjónið óprjónuðu lykkjuna eins og 1 lykkja slétt, prjónið uppsláttinn og óprjónuðu lykkjuna slétt saman, 1 lykkja slétt *, prjónið frá *-* nú hefur verið aukið út um 14 lykkjur í umferð = 66-66 lykkjur.

XXXL næsta umferð er prjónuð þannig: * prjónið uppsláttinn og óprjónuðu lykkjuna slétt saman, 1 lykkja slétt, prjónið uppsláttinn eins og 1 lykkja slétt, prjónið óprjónuðu lykkjuna eins og 1 lykkja slétt, 1 lykkja slétt *, prjónið frá *-* nú hefur verið aukið út um 14 lykkjur í umferð = 70 lykkjur.

Prjónið núna stroff (= 1 lykkja slétt, 1 lykkja brugðið) í 5 cm. Fellið af – sjá AFFELLING. Ermin mælist 49-48-46-45-43-43 cm frá skiptingu.
Prjónið hina ermina á sama hátt.

Þetta mynstur hefur verið leiðrétt.

Yfirfarið á vefsvæði: 21.02.2020
ERMI:..sjá AFFELLING. Ermin mælist 49-48-46-45-43-43 cm frá skiptingu.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Lagoon

Murphy, New Zealand

Lagoon

Intreccidiceci, Italy

Skrifaðu athugasemd um DROPS 208-9

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (79)

country flag Messerschmitt Stefanie wrote:

Ich habe den Pullover meinem Lebensgefährten gestrickt. Er ist seht schön geworden, auch wenn die Arbeit wirklich schwierig war. Ich werde ihm den Pulli noch einmal in einer anderen Farbe stricken, weil er ihn so liebt. Gestern ist die Wolle gekommen. Herzliche Grüße Steffi Messerschmitt PS: Ich habe übrigens schon sehr viele Modelle von Drops Design gestrickt.

10.12.2023 - 06:19

country flag Claudia Gradia wrote:

Bonjour Merci pour votre réponse très rapide, c'est beaucoup plus clair. Une dernière question: quand vous dites "5 tours sans augmenter", il faut compter uniquement les tours pairs?

05.12.2023 - 13:14

DROPS Design answered:

Bonjour Mme Gradia, 1 tour = toutes les mailles tricotées à partir du début jusqu'à la fin du tour, autrement dit, *vous diminuez au tour 2, vous tricotez 5 tours (= tour 3, tour 2, tour 3, tour 2, tour 3)*, et vous répétez de *-*. Bon tricot!

05.12.2023 - 16:12

country flag Claudia Gradia wrote:

C'est peut-être un problème de traduction, mais je n'arrive pas à comprendre quand faire les augmentations pour le raglan. On augmente toujours sur les tours pairs, c'est bien ça ? Et donc, ça veut dire quoi concrètement (taille M) augmenter 2 fois tous les 6 tours et 10 fois tous les 8 tours? Tour 2: combien d'augmentations? Tour 4: combien ? Tours 6: combien ? Etc, tours 8-10-12-14. Merci

04.12.2023 - 21:32

DROPS Design answered:

Bonjour Mme Gradia, vous augmentez à chaque fois comme indiqué sous RAGLAN, autrement dit, vous allez augmenter 4 mailles de part et d'autre des 7 mailles de chacun des raglans, soit 16 mailles à chaque tour d'augmentation; ces augmentations se font sur un tour 2 des côtes anglaises, et vous augmentez ainsi 2 fois tous les 6 tours (soit 1 tour en augmentant, 5 tours sans augmenter); puis 10 fois tous les 8 tours (1 tour en augmentant, 7 tours sans augmenter). Bon tricot!

05.12.2023 - 08:52

country flag Anna Maria Galas wrote:

Buongiorno, chiedevo io conosco un altro modo di lavorare la costa inglese, può variare il modello? Grazie.

22.11.2023 - 22:00

DROPS Design answered:

Buonasera Anna Maria, può provare a lavorare un campione e vedere se corrisponde a quello in foto. Buon lavoro!

26.11.2023 - 23:21

country flag Amber wrote:

I am having a great deal of trouble figuring out how to work the raglan increases, and I've had to frog and restart the ribbing several times. Do you have a video I can watch of this technique? The instructions, as translated into English, are very hard to follow. Thank you.

07.10.2023 - 19:29

DROPS Design answered:

Dear Amber, in this video (for another pattern), we show how to increase (approx; 1:-04) and how the increases will be worked on next round (approx. 4:14). Hope this can help. Happy knitting!

09.10.2023 - 08:50

country flag Amber wrote:

When knitting a swatch of the English rib to measure gauge, should I use the 4.5 mm or the 3 mm needle? (Since the smaller needle is used in the pattern.)

21.08.2023 - 20:43

DROPS Design answered:

Hi Amber, The swatch is worked with needle size 4.5 mm. Happy knitting!

22.08.2023 - 06:40

country flag Steve wrote:

Hello, have finished increase , which marker do l measure from. So far my garments measurement is 40cm. Am using DK. Cheers Steve

21.07.2023 - 12:39

DROPS Design answered:

Hi Steve, the measurement sketch/schematic drawing provides information regarding the full length of the garment. If it’s a jumper or a jacket the length is measured from the highest point on the shoulder closest to the neckline, and straight down to the bottom of the garment. It is NOT measured from the tip of shoulder. Happy knitting!

21.07.2023 - 12:47

country flag Josette wrote:

Pouvez-vous me dire si l’échantillon est réalisé avec les aiguilles 4.5 mm car je n’ai pas vu cette info. Dans les mesures présentées, y-a-t-il une aisance intégrée où il faut l’ajouter aux mesures mentionnées. Merci

26.05.2023 - 22:40

DROPS Design answered:

Bonjour Josette, l'échantillon se tricote en côtes anglaises avec les aiguilles 4,5. Nous n'utilisons pas la notion d'aisance; pour trouver votre taille (et l'aisance souhaitée), mesurez un vêtement similaire que vous avez et dont vous aimez la forme et comparez ces mesures à celles du schéma du bas de page. Bon tricot!

30.05.2023 - 10:20

country flag Verena wrote:

Hallo Drops-Team, ich würde dieses Modell gerne im zweifarbigen Patent Stricken. Brauche ich dann jeweil 300 g pro Farbe oder mehr?

04.01.2023 - 08:45

DROPS Design answered:

Liebe Verena, da wir diesen Pullover nur einfarbig gestrickt haben, haben wir dafür keine Erfahrung für zweifarbigen Patent - gerne kann Ihnen aber Ihr DROPS Händler damit - auch per Telefon oder per E-Mail - weiterhelfen. Viel Spaß beim stricken!

04.01.2023 - 09:26

country flag Magali wrote:

Bonjour J'ai réalisé ce modèle avec la laine Drops air et l'ai offert à Noël à mon mari. Le pull s'est considérablement détendu surtout en longueur, alors qu'il n'a été porté qu'une journée. Comment faire en sorte de le remettre à la bonne taille? Je l'ai lavé après réalisation, à ma main et essorage doux dans une serviette et séchage à plat sur tapis de blocage.

31.12.2022 - 17:44

DROPS Design answered:

Bonjour Magali, suivez toujours très attentivement les instructions de lavage sur l'étiquette de la laine et sur son nuancier - vous trouverez ici d'autres astuces - n'hésitez pas à contacter votre magasin DROPS, même par mail ou téléphone, on pourra vous aider et vous conseiller au mieux. Bon tricot!

02.01.2023 - 13:51