DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 4488.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Sky Stripes Jacket

Prjónuð peysa fyrir börn með röndum úr DROPS Sky. Stykkið er prjónað ofan frá og niður með laskalínu og áferðamynstri. Stærð 2-12 ára.

DROPS Children 34-20
DROPS Design: Mynstur sk-009-bn
Garnflokkur B
-------------------------------------------------------

STÆRÐ: 2 - 3/4 - 5/6 - 7/8 - 9/10 - 11/12 ára
Stærðin jafngildir ca hæð á barni í cm:
92 - 98/104 - 110/116 - 122/128 - 134/140 - 146/152

EFNI:
DROPS SKY frá Garnstudio (tilheyrir garnflokki B)
100-100-100-100-100-150 g litur 13, ljós gallabuxnablár
50-50-50-100-100-100 g litur 01, hvítur

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4 fyrir sléttprjón.
DROPS HRINGPRJÓNAR NR 4: lengd 40 cm og 60 cm eða 80 cm fyrir sléttprjón.
DROPS SOKKAPRJÓNAR NR 3 fyrir stroff.
DROPS HRINGPRJÓNAR NR 3: lengd 40 cm og 60 cm eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS TRÉTALA, (Eik) NR 503: 5-5-6-6-7-7 st

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 4488.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

RENDUR OG MYNSTUR:
Stykkið er prjónað í mynstri A.1, A.2 og A.3 – JAFNFRAMT eru prjónaðar rendur þannig:
* Prjónið 3 cm með litnum ljós gallabuxnablár (meðtalinn kragi í hálsmáli) og síðan 2 cm með litnum hvítur * - endurtakið þessa litaröð þar til prjónaðar hafa verið 5-5-6-7-8-9 rendur með litnum hvítur á berustykki/fram- og bakstykki og 6-7-8-9-10-10 rendur með litnum hvítur á berustykki/ermi. Prjónið síðan áfram með litnum ljós gallabuxnablár til loka.

ÚTAUKNING (á við um jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 141 lykkjur), mínus kanta að framan (= 131 lykkjur) og deilið með fjölda útaukninga sem á að gera (= 27) = 4,8. Í þessu dæmi er aukið út eftir ca 5. hverja lykkju með því að slá 1 sinni uppá prjóninn, ekki er aukið út yfir kanta að framan. Í næstu umferð er uppslátturinn prjónaður snúinn svo ekki myndist gat.

LASKALÍNA:
Aukið út hvoru megin við 4 lykkjur með prjónamerki í hverri umferð frá réttu þannig: Sláið 1 sinni uppá prjóninn, prjónið 1 lykkju sléttprjón (= lykkja með prjónamerki), sláið 1 sinni uppá prjóninn. Í næstu umferð er uppslátturinn prjónaður snúinn brugðið svo ekki myndist gat.
Útauknar lykkjur eru prjónaðar inn í mynstur jafnóðum og aukið er út.

ÚRTAKA (á við um ermi):
Fækkið um 1 lykkju hvoru megin við lykkju með prjónamerki þannig: Prjónið þar til 2 lykkjur eru eftir á undan prjónamerki, lyftið 1 lykkju af prjóni eins og prjóna eigi slétt, prjónið 1 lykkju slétt og steypið lyftu lykkjunni yfir lykkjuna sem var prjónuð, prjónið 1 lykkju slétt (prjónamerki situr í þessari lykkju), prjónið 2 lykkjur slétt saman.

HNAPPAGAT:
Fellið af fyrir hnappagötum í hægri kant að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð er uppslátturinn prjónaður slétt svo að það myndist gat.
Fellið af fyrir fyrsta hnappagatinu þegar stroff í hálsi mælist ca 1 cm. Fellið síðan af fyrir 4-4-5-5-6-6 næstu hnappagötum með ca 6 -7-6½-7-7-7½ cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Berustykki og fram- og bakstykki er prjónað fram og til baka, ofan frá og niður. Ermar eru prjónaðar í hring á sokkaprjóna.

BERUSTYKKI:
Fitjið upp 88-92-96-100-104-108 lykkjur (meðtaldar 5 kantlykkjur í hvorri hlið á stykki) á hringprjón 3 með litnum ljós gallabuxnablár. Prjónið 5 kantlykkjur GARÐAPRJÓN – sjá útskýringu að ofan, prjónið stroff með 2 lykkjur slétt og 2 lykkjur brugðið þar til 7 lykkjur eru eftir, endið með 2 lykkjur slétt og 5 kantlykkjur að framan í garðaprjóni. Þegar stykkið mælist ca 1 cm, skiptið yfir í hringprjón 4 og fellið af fyrir HNAPPAGAT – sjá útskýringu að ofan.
Prjónið 1 umferð slétt frá réttu þar sem auknar eru út 7-5-7-5-7-5 lykkjur jafnt yfir = 95-97-103-105-111-113 lykkjur. Prjónið 1 umferð slétt frá röngu.

Setjið nú 4 prjónamerki fyrir LASKALÍNA í stykkið, án þess að prjóna þannig: Setjið 1. prjónamerki í 18.-18.-20.-20.-22.-22. lykkju, setjið 2. prjónamerki í 32.-32.-34.-34.-36.-36. lykkju, setjið 3. prjónamerki í 64.-66.-70.-72.-76.-78. lykkju, setjið 4. prjónamerki í 78.-80.-84.-86.-90.-92. lykkju.
Prjónið síðan RENDUR OG MYNSTUR með 5 kantlykkjur í garðaprjóni í hvorri hlið – sjá útskýringu að ofan og lesið allan næsta kafla áður en prjónað er áfram!

Prjónið síðan frá réttu þannig: Prjónið 5 kantlykkjur að framan í garðaprjóni, prjónið A.1 yfir 1 lykkju, prjónið A.2 yfir næstu 10-10-12-12-14-14 lykkjur, prjónið A.3 yfir 1 lykkju, sláið 1 sinni uppá prjóninn, 1 lykkja sléttprjón, sláið 1 sinni uppá prjóninn (= útaukning fyrir laskalínu). Prjónið A.2 yfir næstu 12 lykkjur, prjónið A.3 yfir 1 lykkju, sláið 1 sinni uppá prjóninn, 1 lykkja sléttprjón, sláið 1 sinni uppá prjóninn (= útaukning fyrir laskalínu). Prjónið A.2 yfir næstu 30-32-34-36-38-40 lykkjur, prjónið A.3 yfir 1 lykkju, sláið 1 sinni uppá prjóninn, 1 lykkja sléttprjón, sláið 1 sinni uppá prjóninn (= útaukning fyrir laskalínu). Prjónið A.2 yfir næstu 12 lykkjur, prjónið A.3 yfir 1 lykkju, sláið 1 sinni uppá prjóninn, 1 lykkja sléttprjón, sláið 1 sinni uppá prjóninn (= útaukning fyrir laskalínu). Prjónið A.2 yfir næstu 12-12-14-14-16-16 lykkjur og prjónið 5 kantlykkjur að framan í garðaprjóni. Fyrsta útaukningin fyrir laskalínu er nú lokið (= 8 lykkjur fleiri).
Frá röngu er prjónað þannig: 5 kantlykkjur að framan í garðaprjóni, prjónið mynstur eftir mynsturteikningu A.1/A.2/A.3 (allar umferðir frá röngu í mynsturteikningu eru prjónaðar brugið) þar til 5 lykkjur eru eftir og prjónið 5 kantlykkjur að framan í garðaprjóni. ATHUGIÐ PRJÓNFESTUNA! Haldið áfram með rendur og mynstur og aukið út fyrir laskalínu þar til aukið hefur verið út alls 15-16-17-18-19-20 sinnum = 215-225-239-249-263-273 lykkjur.
Haldið áfram með mynstur og rendur þar til stykkið mælist 13-14-15-16-17-18 cm frá uppfitjunarkanti.
Í næstu umferð skiptist stykkið fyrir fram- og bakstykki og ermar þannig:
Prjónið 5 kantlykkjur að framan í garðaprjóni, prjónið 28-29-32-33-36-37 lykkjur mynstur eins og áður (= framstykki), setjið næstu 43-45-47-49-51-53 lykkjur á þráð fyrir ermi og fitjið upp 6 lykkjur í hlið undir ermi, prjónið 63-67-71-75-79-83 lykkjur mynstur eins og áður (= bakstykki), setið næstu 43-45-47-49-51-53 lykkjur á þráð fyrir ermi og fitjið upp 6 lykkjur undir ermi, prjónið 28-29-32-33-36-37 lykkjur mynstur eins og áður og endið með 5 kantlykkjum að framan í garðaprjóni (= framstykki) = 141-147-157-163-173-179 lykkjur.

FRAM- OG BAKSTYKKI:
Prjónið síðan mynstur, rendur og kantlykkjur að framan eins og áður. ATH! Þegar prjónaðar hafa verið alls 5-5-6-7-8-9 rendur með litnum hvítur á að prjóna afganginn af stykkinu með litnum ljós gallabuxnablár. Þegar stykkið mælist 17-19-22-25-28-31 cm frá skiptingu, prjónið 1 umferð slétt frá réttu þar sem aukið er út um 27-33-31-37-39-41 lykkjur jafnt yfir – sjá ÚTAUKNING = 168-180-188-200-212-220 lykkjur. Skiptið yfir á hringprjón 3. Næsta umferð frá röngu er prjónuð þannig: Prjónið 5 kantlykkjur að framan í garðaprjóni, prjónið stroff með 2 lykkjur brugðið og 2 lykkjur slétt þar til 7 lykkjur eru eftir, endið með 2 lykkjur brugðið og 5 kantlykkjum að framan í garðaprjóni. Fellið af með sléttum lykkjum frá réttu þegar stykkið mælist 19-21-24-27-30-33 cm frá skiptingu – notið e.t.v. grófari prjón til að fella af, svo að kanturinn verði ekki stífur. Peysan mælist ca 33-36-40-44-48-52 cm, mælt frá öxl og niður.

ERMI:
Setjið 43-45-47-49-51-53 lykkjur af þræði í annarri hlið á stykki á sokkaprjóna 4 og prjónið upp 1 lykkju í hverja af 6 lykkjum sem fitjaðar voru upp undir ermi = 49-51-53-55-57-59 lykkjur. Setjið 1 prjónamerki í fyrstu lykkju í umferð (mitt undir ermi). Prjónið hringinn og haldið áfram með mynstur A.1 og rendur eins og áður (lykkja með prjónamerki er prjónuð slétt í hverri umferð áfram).
Þegar ermin mælist 2 cm frá þar sem ermin skiptist frá fram- og bakstykki, fækkið um af 1 lykkju hvoru megin við prjónamerki (= 2 lykkjur færri) - lesið ÚRTAKA.
Fækkið lykkjum svona með 4-4-5-5-7-6 cm millibili alls 5-6-5-6-5-6 sinnum = 39-39-43-43-47-47 lykkjur. ATH! Þegar prjónaðar hafa verið alls 6-7-8-9-10-10 rendur með litnum hvítur á að prjóna afganginn af stykkinu með litnum ljós gallabuxnablár. Prjónið þar til stykkið mælist 19-23-27-31-35-38 cm frá skiptingu. Prjónið 1 umferð slétt og fækkið um 3-3-3-3-3-3 lykkjur jafnt yfir = 36-36-40-40-44-44 lykkjur. Skiptið yfir á sokkaprjón 3 og prjónið stroff með 2 lykkjur slétt og 2 lykkjur brugðið. Fellið af með sléttum lykkjum þegar ermin mælist 23-27-31-35-39-42 cm frá skiptingu – notið e.t.v. grófari prjóna til að fella af, svo að kanturinn verði ekki stífur.

Prjónið hina ermina á sama hátt.

FRÁGANGUR:
Saumið tölur í vinstri kant að framan.

Þetta mynstur hefur verið leiðrétt.

Yfirfarið á vefsvæði: 25.08.2023
Leiðrétting í ÚRTAKA (á við um ermar) + ERMI.

Mynstur

symbols = slétt frá réttu, brugðið frá röngu
symbols = brugðið frá réttu
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS Children 34-20

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (44)

country flag Sylvie Macias wrote:

Bonjour J'ai commencé le point fantaisie du Sky Stripes Jacket et j'obtiens tout simplement des côtes 1/ 1 . Est-ce que je n'ai pas compris le diagramme? Merci

05.03.2024 - 19:43

DROPS Design answered:

Bonjour Mme Macias, les côtes que vous devez avoir doivent être des côtes 1 maille jersey, 1 maille point mousse; A.1 = 1 maille jersey endroit; A.2 = 1 maille point mousse, 1 maille jersey endroit; A.3 = 1 maille point mousse. Notez que le point noir se tricote' à l'envers sur l'endroit et à l'envers sur l'envers, on obtient ainsi un point mousse (un peu plus serré que lorsque l'on tricote toujours à l'endroit). Bon tricot!

06.03.2024 - 08:07

country flag Hannah wrote:

Hello! I am knitting the first RS row following division of the sleeves. I’m having a problem around the first underarm section where I have cast on 6 new stitches for the side. Here are what my stitches look like - K (raglan stitch), p, k, p, k, p, k, K (raglan stitch) Is this correct to have 2 K sts side by side? I have checked my stitch count and it is correct (163, size 4) Thank you. Apologies for the repost, wasn’t sure I had posted under the right category!

06.07.2023 - 12:46

DROPS Design answered:

Dear Hannah, your question has been forwarded to our Design team, but due to summer holiday, it might take time - if you want to continue, I would then recommand pick up one extra stitch under each sleeve to let the pattern working over all stitches on body. Happy knitting!

06.07.2023 - 15:09

country flag Hannah wrote:

Hello! I am knitting the first RS row following division of the sleeves. I’m having a problem around the first underarm section where I have cast on 6 new stitches for the side. Here are what my stitches look like - K (raglan stitch), p, k, p, k, p, k, K (raglan stitch) Is this correct to have 2 K sts side by side? I have checked my stitch count and it is correct (163, size 4) Any help with this would be very much appreciated. Thank you.

29.06.2023 - 14:42

country flag Josephine wrote:

And where, exactly am I placing the markers? Is that after 19 stitches including the 5 garter stitches? Then 36 stitches after that marker or 36 stitches from the beginning? Similarly with the other 2 markers, where do I place them? Something is lost on the translation here.

12.11.2022 - 00:27

DROPS Design answered:

Dear Josephine, you insert the markers inside a stitch, not between them. The first one is in the 18....22nd stitch (depending on the size), 32....36th stitch (counting from the beginning of the row, not the previous one) and the other 2 are inserted similarly. These stitches with markers form the raglan stitches and are always knitted. The increases for the raglan are worked on each side of these stitches with markers. Happy knitting!

13.11.2022 - 23:42

country flag Josephine wrote:

What does this mean: work A.1 over 1 stitch, work A.2 over the next 10-10-12-12-14-14 stitches, work A.3 over 1 stitch, make 1 yarn over, 1 stitch in stockinette stitch, make 1 yarn over (= increase for raglan). Work A.2 over the next 12 stitches, work A.3 over 1 stitch, make 1 yarn over, 1 stitch in stockinette stitch, make 1 yarn over (= increase for raglan). Work A.2 over the next 30-32-34-36-38-40 stitches, work A.3 over 1 stitch, make 1 yarn over, 1 stitch in stockinette stitch, make 1 yarn

12.11.2022 - 00:12

DROPS Design answered:

Dear Josephine, work as follows: 5 sts in garter stitch (knitted), A.1 over 1 stitch ( knit from the RS and purl from the WS), A.2 (= 2 sts which are repeated 5...7 times depending on the size), A,3 (= 1 st, purl from the RS and purl from the WS), 1 yarn over, 1 st in stocking stitch, 1 yarn over, A.2 (worked as before), A.3 (as before), yarn over, 1 st in stocking stitch), yarn over, A.2 (as before), A.3 (as before), yarn over, 1 stitch in stocking stitch, yarn over. You can see the charts A.1, A.2 and A.3 under the sleeve in the measurements schematic. Happy knitting!

13.11.2022 - 23:48

country flag Christine wrote:

Zu meiner vorherigen Frage noch vollgende Anmerkung. In Summe geht es zwar mit dem Muster auf, unter dem ersten Ärmel gibt es für das Rückenteil jedoch eine Verschiebung des Muster, welches sich erst unter dem zweiten Ärmel wieder ausgleicht.

13.06.2022 - 08:58

DROPS Design answered:

Liebe Christine, die Raglanmasche wird jetzt im Muster gestrickt (und nicht mehr glatt rechts), so wird das Muster wie zuvor passen. Viel Spaß beim stricken!

13.06.2022 - 11:45

country flag Christine wrote:

Hallo, Wie verfahren ich im Muster nach Stillleben der Maschen für Ärmel fort, wenn die Stillgelegten Zahl ungerade ist, für den Ärmel jedoch 6 Maschen (gerade Anzahl) aufgenommen werden müssen. Da geht das Muster nicht auf?

10.06.2022 - 14:05

DROPS Design answered:

Liebe Christine, das Muster stricken Sie genau so wie zuvor, die Maschenanzahl ist jezt ungerade und muss zwischen den Blenden-Maschen passen. Viel Spaß beim stricken!

13.06.2022 - 08:14

country flag Amy wrote:

How can a 1x1 rib be worked correctly over an odd number of stitches in the sleeves? And to maintain the same pattern as the body of the sweater, now that I am knitting in the round, shouldn’t every other round be to knit every stitch? That is not mentioned in the pattern.

12.05.2022 - 16:16

DROPS Design answered:

Dear Amy, do you mean when working sleeve separately? adjust the beg/end of the round so that all sts in pattern are worked as before; when working A.2 /A.3 in the round repeat on row 1 (P1, K1) and on row 2 knit all stitches. The pattern may just not fit mid under sleeve. Happy knitting!

12.05.2022 - 16:44

country flag Eva-Marie Wulff wrote:

När jag ökar för raglan och får fler maskor ska jag tex vid andra ökningen börja med en rät maska vid A2 istället för en avig?

03.05.2022 - 14:12

DROPS Design answered:

Hej Eva-Marie, hvis du tænker på det mønster som du allerede danner, så skal den nye maske være en fortsættelse til det (og altså IKKE passe som mønster i/mod raglan overgangen) :)

04.05.2022 - 10:17

country flag Marianne LIMANTOUR wrote:

Bonjour, Où puis-je trouver les explications des points fantaisies A1, A2, A3 ? Je ne les trouves pas dans le modèle. Merci d'avance Marianne

05.03.2022 - 11:57

DROPS Design answered:

Bonjour Marianne, vous trouverez les diagrammes A.1 (= 1 m)=, A.2 (= 2 m) et A.3 (= 1 m) à côté du schéma des mesures, sous la manche; la légende des symboles se trouve juste au-dessus du schéma. Bon tricot!

07.03.2022 - 08:32