DROPS Nepal
DROPS Nepal
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 8448.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Northern Exposure

Prjónuð poncho peysa með laskalínu úr DROPS Nepal. Stykkið er prjónað ofan frá og niður með köðlum og háum kraga. Stærð S - XXXL.

DROPS 205-2
DROPS Design: Mynstur ne-305
Garnflokkur C eða A + A
-------------------------------------------------------

STÆRÐ:
S - M - L - XL - XXL – XXXL

EFNI:
DROPS NEPAL frá Garnstudio (tilheyrir garnflokki C)
600-700-750-800-900-1000 g litur 0501, grár

PRJÓNFESTA:
15 lykkjur á breidd og 19 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 6.
DROPS HRINGPRJÓNAR NR 6: lengd 40 cm og 80 cm fyrir sléttprjón.
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm og 80 cm fyrir stroff.
DROPS KAÐLAPRJÓNN – fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Nepal
DROPS Nepal
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 8448.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1.

ÚRTAKA/ÚTAUKNING (jafnt yfir):
Til þess að reikna út hvernig fækka/fjölga eigi jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 88 lykkjur), deilið þessum lykkjufjölda með fjölda úrtöku/útaukninga sem á að gera (t.d. 12) = 7,3.
Í þessu dæmi er lykkjum fækkað með því að prjóna 6. og 7. hverja lykkju slétt saman.
Ef auka á út þá er slegið 1 sinni uppá prjóninn á eftir ca 7. hverja lykkju. Í næstu umferð er uppslátturinn prjónaður snúinn slétt svo ekki myndist gat.

LASKALÍNA:
Aukið út alls 8 lykkjur í umferð.
Aukið út á ermum þannig: Prjónið fram að fyrsta prjónamerki á ermi, sláið 1 sinni uppá prjóninn á eftir prjónamerki, prjónið sléttar lykkjur fram að næsta prjónamerki, sláið 1 sinni uppá prjóninn á undan prjónamerki (= 1 lykkja fleiri hvoru megin á ermi). Endurtakið á hinni erminni (= 4 lykkjur fleiri í umferð).
Aukið út á fram- og bakstykki þannig: Aukið út um 1 lykkju hvoru megin við A.1 með því að slá 1 sinni uppá prjóninn (= 4 lykkjur fleiri í umferð).
Í næstu umferð eru allir uppslættirnir prjónaðir snúnir slétt svo ekki myndist gat. Prjónið síðan nýjar lykkjur inn í sléttprjón.

ÚRTAKA:
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PONCHO PEYSA – STUTT ÚTSKÝRING Á STYKKI:
Stykkið er prjónað í hring á hringprjón ofan frá og niður. Ermar eru prjónaðar í hring á stuttan hringprjón/sokkaprjóna.

KRAGI:
Fitjið upp 88-92-96-96-100-108 lykkjur á stuttan hringprjón 4,5 með Nepal. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið) í 8 cm. Prjónið 1 umferð slétt þar sem fækkað er um 12-12-12-12-12-16 lykkjur jafnt yfir – sjá ÚRTAKA/ÚTAUKNING = 76-80-84-84-88-92 lykkjur.

BERUSTYKKI:
Skiptið yfir á stuttan hringprjón 6. Prjónið nú mynstur þannig: Setjið eitt prjónamerki í byrjun á umferð (= í skiptinguna á milli vinstri ermi og bakstykkis), 3-4-5-5-6-7 lykkjur slétt, sláið 1 sinni uppá prjóninn, A.1 yfir næstu 20 lykkjur, sláið 1 sinni uppá prjóninn, 3-4-5-5-6-7 lykkjur slétt, setjið eitt prjónamerki hér (= í skiptinguna á milli bakstykkis og hægri ermi), sláið 1 sinni uppá prjóninn, prjónið 12 lykkjur slétt, sláið 1 sinni uppá prjóninn, setjið eitt prjónamerki hér (= í skiptinguna á milli hægri ermi og framstykkis), 3-4-5-5-6-7 lykkjur slétt, sláið 1 sinni uppá prjóninn, prjónið A.1 yfir næstu 20 lykkjur, sláið 1 sinni uppá prjóninn, 3-4-5-5-6-7 lykkjur slétt, setjið eitt prjónamerki hér (= í skiptinguna á milli framstykkis og vinstri ermi), sláið 1 sinni uppá prjóninn, prjónið 12 lykkjur slétt, sláið 1 sinni uppá prjóninn. ATHUGIÐ PRJÓNFESTUNA! Nú hefur verið aukið út um 8 lykkjur í umferð fyrir LASKALÍNA – sjá útskýringu að ofan. Aukið svona út í annarri hverri umferð alls 27-29-31-33-35-37 sinnum = 292-312-332-348-368-388 lykkjur. Haldið nú áfram með mynstur eins og áður, jafnframt heldur útaukning áfram hvoru megin við A.1 á framstykki og bakstykki (= 4 lykkjur fleiri í umferð) 5 sinnum til viðbótar = 312-332-352-368-388-408 lykkjur. Stykkið mælist ca 34-36-38-40-42-44 cm. Næsta umferð er prjónuð þannig: Prjónið fyrstu 90-96-102-106-112-118 lykkjur (= bakstykki), setjið næstu 66-70-74-78-82-86 lykkjur á þráð fyrir ermi og fitjið upp 8-8-10-10-12-12 nýjar lykkjur á prjóninn (= í hlið undir ermi), prjónið næstu 90-96-102-106-112-118 lykkjur (= framstykki), setjið næstu 66-70-74-78-82-86 lykkjur á þráð fyrir ermi og fitjið upp 8-8-10-10-12-12 nýjar lykkjur á prjóninn (= í hlið undir ermi). Prjónið nú fram- og bakstykki og ermar áfram hvort fyrir sig. HÉÐAN ER NÚ MÆLT.

FRAM- OG BAKSTYKKI:
= 196-208-224-232-248-260 lykkjur. Setjið eitt prjónamerki mitt í nýjar 8-8-10-10-12-12 lykkjur undir ermum (= 4-4-5-5-6-6 nýjar lykkjur hvoru megin við prjónamerki). Haldið áfram hringinn í sléttprjóni og mynstri A.1 eins og áður, JAFNFRAMT heldur útaukningin áfram hvoru megin við A.1 (= 4 lykkjur fleiri í umferð) í annarri hverri umferð 17 sinnum og þegar stykkið mælist 4 cm byrjar úrtaka í hvorri hlið – sjá ÚRTAKA. Fækkið lykkjum svona með ca 3 cm millibili alls 5 sinnum = 244-256-272-280-296-308 lykkjur. Haldið áfram þar til stykkið mælist 18 cm. Prjónið 1 umferð slétt þar sem aukið er út um 48-52-56-60-64-68 lykkjur jafnt yfir – munið eftir ÚRTAKA/ÚTAUKNING = 292-308-328-340-360-376 lykkjur. Skiptið yfir á hringprjón 4,5. Prjónið stroff (= 2 lykkjur slétt, 2 lykkjur brugðið) hringinn í 5 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 61-63-65-67-69-71 cm frá öxl og niður meðfram hlið.

ERMI:
Setjið til baka 66-70-74-78-82-86 lykkjur af þræði í annarri hlið á stykki á stuttan hringprjón 6 og prjónið að auki upp 1 lykkju í hverja af 8-8-10-10-12-12 nýjum lykkjum sem fitjaðar voru upp í hlið undir ermi = 74-78-84-88-94-98 lykkjur. Setjið eitt prjónamerki mitt í nýjar lykkjur undir ermi (= 4-4-5-5-6-6 nýjar lykkjur hvoru megin við prjónamerki). Prjónið sléttprjón hringinn. Þegar stykkið mælist 2 cm byrjar úrtaka undir ermi – munið eftir ÚRTAKA. Fækkið lykkjum svona í annarri hverri umferð alls 6 sinnum, síðan með 5-4½-2½-1½-1½-1 cm millibili 4-4-6-7-8-8 sinnum = 54-58-60-62-66-70 lykkjur. Þegar stykkið mælist 28-26-25-23-22-20 cm aukið út um 10-14-12-14-14-14 lykkjur jafnt yfir = 64-72-72-76-80-84 lykkjur. Skiptið yfir á hringprjón 4,5. Prjónið stroff (= 2 lykkjur slétt, 2 lykkjur brugðið) hringinn í 5 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 33-31-30-28-27-25 cm.
Prjónið hina ermina á sama hátt.

Mynstur

symbols = slétt
symbols = brugðið
symbols = setjið 3 lykkjur á kaðlaprjón framan við stykkið, 3 lykkjur slétt, 3 lykkjur slétt af kaðlaprjóni
symbols = setjið 3 lykkjur á kaðlaprjón aftan við stykkið, 3 lykkjur slétt, 3 lykkjur slétt af kaðlaprjóni
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 205-2

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (97)

country flag Fanny wrote:

Salve, cortesemente vorrei un chiarimento nella parte che inizia il corpo. Aumentare per 17 ripetizioni a ogni lato del diagramma A1 è chiaro, ma quando il lavoro misura 4cm iniziare le diminuzioni ad ogni lato, (quale lati?) sempre del diagramma A1? Dopo 17 ripetizioni degli aumenti, non corrispondono 4cm. Grazie!

22.01.2024 - 11:21

DROPS Design answered:

Buonasera Fanny, per le diminuzioni deve seguire quanto riportato nel paragrafo "SUGGERIMENTO PER LE DIMINUZIONI" ed iniziare le diminuzioni quando il lavoro misura 4 cm. Buon lavoro!

24.01.2024 - 16:59

country flag Fanny wrote:

Salve, cortesemente vorrei un chiarimento, quando dice che dopo le 17 ripetizioni di aumento ai lati dello schema A1 e dopo 4 cm iniziare le diminuzioni ai lati Quali lati?dallo stesso schemaA1? Ma dopo le 17 ripetizioni penso il lavoro misuri più di 4cm per iniziare le diminuzioni agli stessi lati?

21.01.2024 - 23:21

DROPS Design answered:

Buonasera Fanny, per le diminuzioni deve seguire quanto riportato nel paragrafo "SUGGERIMENTO PER LE DIMINUZIONI" ed iniziare le diminuzioni quando il lavoro misura 4 cm. Buon lavoro!

24.01.2024 - 16:59

country flag MYRIAM DEVAUCHELLE wrote:

J'ai envie de faire ce pull, mais avec le fil A, dans ce cas si j'ai bien compris je tricote deux fils ensemble, combien me faut il alors de pelotes pour la taille M, faut il doubler et prendre 1400 grammes, soit 28 pelotes de 50 grammes? merci d'avance

10.12.2023 - 14:14

DROPS Design answered:

Bonjour Mme Devauchelle, la nouvelle quantité se fera en fonction du métrage; utilisez le convertisseur pour avoir la nouvelle quantité correspondante des alternatives possibles du groupe A et tricoter avec 2 fils (au lieu d'1 fil du groupe C). Bon Tricot!

11.12.2023 - 09:04

country flag Lizelle wrote:

Hi, I would like to know how can I get the pattern please in English or Afrikaans.

30.10.2023 - 09:20

DROPS Design answered:

Dear Lizelle, sure you can click on the scroll down menu below the picture to edit language into English, choose either UK or US English. Happy knitting!

30.10.2023 - 17:51

country flag Anna wrote:

Non capisco le istruzioni x il corpo: quando dice “continuare ad aumentare da ciascun lato del diagramma A.1(=quattro maglie aumentate sul giro) ogni due giri in tutto 17 volte e, quando il lavoro misura 4 cm“: come fa a misurare 4 cm se devo diminuire quattro maglie ogni due giri per 17 volte? \r\nE anche nelle diminuzioni dice di diminuire 4 maglie ogni 3 cm per 5 e che alla fine di tutto questo il lavoro misura 18 cm: come è possibile solo 18 cm? C’è qualcosa che non capisco grazie

24.10.2023 - 17:03

DROPS Design answered:

Buonasera Anna, le diminuzioni sono lavorate in contemporanea agli aumenti. Buon lavoro!

29.10.2023 - 23:21

country flag Brunni Sahl wrote:

Hallo, das Diagramm zeigt nur die Hinreihen an und in der Rückrunde die Maschen so stricken wie sie erscheinen?? Das Muster geht insgesamt über 16Reihen, ist das richtig? Gruß B.Sahl

07.10.2023 - 11:28

DROPS Design answered:

Liebe Frau Sahl, also nein, das Diagram zeigt alle Reihen, dh die Hin- sowie die Rückreihen, das bedeutet A.1 wird über 8 Reihen gestrickt. Viel spaß beim stricken!

09.10.2023 - 08:29

country flag Elize wrote:

I'm confused. I'm doing the XL size, I'm at this piont....AT THE SAME TIME continue to increase on each side of A.1 (= 4 stitches increased on the round) every 2nd round a total of 17 times and when the piece measures 4 cm start to decrease on each side – read DECREASE TIP. Decrease like this every 3 cm a total of 5 times = 244-256-272-280-296-308 stitches. Must I first do the 17x increase before I start the decrease section. Where does the 4cm comes in. please help. Thank you

09.05.2023 - 10:31

DROPS Design answered:

Dear Elize, you continue increasing on each side of A.1 as before from body, and when piece measures 4 cm from division, start now to decrease on each side (to avoid number of stitches being too large). This means you will then increase and decrease at the same time but not at the same rythm: increase on every 2nd round a total of 17 times and decrease 5 times on every 3rd cm starting after the first 4 cm on body. Happy knitting!

09.05.2023 - 16:16

country flag Gail Dickson wrote:

I love the pattern I am to the 7 inch area passed bottom of the armhole. The picture looks like a v'd front and back. My pattern is telling me to do ribbing and bind off, how is the v being made??? Thanks Gail

20.02.2023 - 18:09

DROPS Design answered:

Dear Mrs Dickson, the V is created thanks to the yarn overs/increased worked on each side of A.1 as you made from the beginning - the decreases on the sides help to avoid the piece being then too large. Happy knitting!

21.02.2023 - 10:00

country flag LEEN VANDE VELDE wrote:

Beste, heb dit model niet in het rond gebreid maar ieder stuk afzonderlijk (geprobeerd). Echter, met m'n mouw heb ik een probleem, weet niet hoe ik die moet inzetten, als het mag wil ik foto doorsturen maar hoe ? hartelijk dank

29.12.2022 - 09:54

DROPS Design answered:

Dag Leen,

Het is helaas niet mogelijk om foto's in te sturen via dit forum. Misschien lukt het om hulp te krijgen via social media of via een verkooppunt bij je in de buurt waar je langs kunt gaan.

01.01.2023 - 10:46

country flag Pily wrote:

Muy lindo modelo. Gracias

27.07.2022 - 10:09