Moonrise Cardigan |
|
|
|
Prjónuð peysa úr 3 þráðum DROPS Kid-Silk. Stykkið er prjónað neðan frá og upp, með axlarsæti, tvöföldum kanti í hálsmáli, klauf í hliðum og I-cord. Stærð XS - XXL.
DROPS 249-30 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. HÆGRI KANTUR AÐ FRAMAN MEÐ I-CORD: RÉTTA: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 6 lykkjur í garðaprjóni. RANGA: Prjónið 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. VINSTRI KANTUR AÐ FRAMAN MEÐ I-CORD: RÉTTA: Prjónið 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. RANGA: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 6 lykkjur í garðaprjóni. HNAPPAGAT: Fellið af fyrir hnappagötum í hægri kanti að framan frá réttu (kantur að framan = 8 lykkjur). UMFERÐ 1: Prjónið 3 fyrstu kantlykkjur að framan eins og áður, prjónið 4. og 5. kantlykkjur að framan slétt saman, sláið 1 sinni uppá prjóninn, prjónið út umferðina eins og áður. UMFERÐ 2: Prjónið uppsláttinn slétt, svo það myndist hnappagat. Fellið af fyrir fyrsta hnappagatinu þegar kantur að framan mælist 9-9-10-8-10-9½ cm, síðan er fellt af fyrir hnappagötum þegar stykkið mælist: XS: 17½-26-34½-43 cm. S: 18-27-36-45 cm. M: 18½-28-37½-47 cm. L: 16-24-32-40-48 cm. XL: 18-26-34-42-50 cm. XXL: 18-26½-35-43½-52 cm. (= fellt er af fyrir síðasta hnappagatinu í fyrstu umferð frá kanti í hálsmáli). ÚRTAKA-1 (á við um úrtöku á ermum og úrtöku á axlarsæti): Öll úrtaka er gerð frá réttu! Á UNDAN PRJÓNAMERKI: Prjónið þar til 3 lykkjur eru eftir á undan prjónamerki, prjónið 3 lykkjur slétt saman (= 2 lykkjur færri). Á EFTIR PRJÓNAMERKI: Lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman (= 2 lykkjur færri). ÚRTAKA-2 (á við úrtöku á ermum): Öll úrtaka er gerð frá réttu! Á UNDAN PRJÓNAMERKI: Prjónið þar til 2 lykkjur eru eftir á undan prjónamerki, prjónið 2 lykkjur slétt saman (= 1 lykkja færri). Á EFTIR PRJÓNAMERKI: Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri). ÚTAUKNING (á við mitt undir ermum): Byrjið 1 lykkju á undan merkiþræði, sláið 1 sinni uppá prjóninn, prjónið 2 lykkjur slétt (merkiþráðurinn situr á milli þessa 2 lykkja), sláið 1 sinni uppá prjóninn. Í næstu umferð er uppslátturinn prjónaður snúinn slétt – svo ekki myndist gat (= 2 lykkjur fleiri). Síðan eru nýjar lykkjur prjónaðar í sléttprjóni. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Stykkið er prjónað neðan frá og upp. Fyrst eru framstykkin og bakstykkið prjónað fram og til baka á hringprjóna hvert fyrir sig upp að handvegi þannig að það myndist klauf í hvorri hlið, við handveg er stykkið lagt til hliðar. Ermar eru síðan prjónaðar í hring upp að handvegi, síðan eru stykkin sett inn á sama hringprjón. Á berustykki er lykkjum fækkað fyrir ermar og axlarsæti. Prjónaður er tvöfaldur kantur í hálsmáli í stroffprjóni. Í lokin er stykkið saumað saman í hliðum eins og útskýrt er í mynstri. HÆGRA FRAMSTYKKI: Fitjið upp 62-66-70-78-82-86 lykkjur á hringprjón 3,5 með 3 þráðum DROPS Kid-Silk. Prjónið 1 umferð brugðið frá röngu. Næsta umferð er prjónuð frá réttu þannig: Prjónið HÆGRI KANTUR AÐ FRAMAN MEÐ I-CORD – lesið útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 6 lykkjur eru eftir í umferð, prjónið 2 lykkjur slétt og endið með 4 kantlykkjur í garðaprjóni. Haldið svona áfram með stroff fram og til baka í 8 cm – lesið HNAPPAGAT í útskýringu að ofan. Skiptið yfir á hringprjón 5,5 og prjónið 1 umferð frá röngu þar sem fækkað er um 17-17-18-22-21-21 lykkjur jafnt yfir – lykkjum er ekki fækkað yfir kant að framan og kantlykkjur) = 45-49-52-56-61-65 lykkjur. Prjónið síðan sléttprjón með 4 kantlykjum í garðaprjóni að hlið og 8 kantlykkjum að framan við miðju að framan. ATHUGIÐ PRJÓNFESTUNA! Prjónið þar til stykkið mælist 25 cm, næsta umferð er frá röngu og felldar eru af fyrstu 3-3-4-4-5-5 lykkjur fyrir handveg = 42-46-48-52-56-60 lykkjur eftir. Prjónið út umferðina eins og áður. Klippið þráðinn. Geymið stykkið. VINSTRA FRAMSTYKKI: Fitjið upp 62-66-70-78-82-86 lykkjur á hringprjón 3,5 með 3 þráðum DROPS Kid-Silk. Prjónið 1 umferð brugðið frá röngu. Næsta umferð er prjónuð frá réttu þannig: Prjónið 4 kantlykkjur í garðaprjóni, * 2 lykkjur slétt, 2 lykkjur brugðið *, prjónið frá *-* þar til 10 lykkjur eru eftir í umferð, prjónið 2 lykkjur slétt og VINSTRI KANTUR AÐ FRAMAN MEÐ I-CORD – lesið útskýringu að ofan. Haldið svona áfram með stroff fram og til baka í 8 cm. Skiptið yfir á hringprjón 5,5 og prjónið 1 umferð frá röngu þar sem fækkað er um 17-17-18-22-21-21 lykkjur jafnt yfir – lykkjum er ekki fækkað yfir kant að framan og kantlykkjur) = 45-49-52-56-61-65 lykkjur. Prjónið síðan sléttprjón með 4 kantlykjum í garðaprjóni að hlið og 8 kantlykkjum að framan við miðju að framan. Prjónið þar til stykkið mælist 25 cm, næsta umferð er frá röngu og felldar eru af síðustu 3-3-4-4-5-5 lykkjur fyrir handveg = 42-46-48-52-56-60 lykkjur eftir. Klippið þráðinn. Geymið stykkið. BAKSTYKKI. Fitjið upp 106-118-126-134-150-162 lykkjur á hringprjón 3,5 með 3 þráðum DROPS Kid-Silk. Prjónið 1 umferð brugðið frá röngu. Næsta umferð er prjónuð frá réttu þannig: Prjónið 4 kantlykkjur í garðaprjóni (= 2 lykkjur slétt, 2 lykkjur brugðið), þar til 6 lykkjur eru eftir í umferð, prjónið 2 lykkjur slétt og endið með 4 kantlykkjum í garðaprjóni. Haldið svona áfram með stroff fram og til baka í 8 cm. Skiptið yfir á hringprjón 5,5 og prjónið 1 umferð frá röngu þar sem fækkað er um 30-34-36-36-42-46 lykkjur jafnt yfir – lykkjum er ekki fækkað yfir kantlykkjur = 76-84-90-98-108-116 lykkjur. Síðan er prjónað sléttprjón með 4 kantlykkjum í garðaprjóni í hvorir hlið. ATHUGIÐ PRJÓNFESTUNA! Prjónið þar til stykkið mælist 25 cm, stillið af að næsta umferð sé frá réttu og fellið af 3-3-4-4-5-5 lykkjur fyrir handveg í byrjun á næstu 2 umferðum = 70-78-82-90-98-106 lykkjur. Klippið þráðinn. Geymið stykkið. ERMAR: Ermin er prjónuð í hring. Fitjið upp 56-60-60-64-64-68 lykkjur á sokkaprjóna 3,5 með 3 þráðum DROPS Kid-Silk. Prjónið stroff (= 2 lykkjur slétt / 2 lykkjur brugðið) í 8 cm. Prjónið 1 umferð slétt þar sem fækkað er um 14-16-14-18-16-18 lykkjur jafnt yfir = 42-44-46-46-48-50 lykkjur. Setjið einn merkiþráð í byrjun umferðar (= mitt undir ermi). Látið merkiþráðinn fylgja áfram með í stykkinu, merkiþráðurinn er notaður þegar auka á út mitt undir ermi. Skiptið yfir á sokkaprjóna 5,5 og prjónið sléttprjón. Þegar ermin mælist 11-10-11-11-12-11 cm, aukið út 1 lykkju hvoru megin við merkiþráðinn – lesið ÚTAUKNING og endurtakið útaukningu í hverjum 4½-4-2½-2-1½-1½ cm alls 6-7-9-12-13-13 sinnum = 54-58-64-70-74-76 lykkjur. Prjónið þar til ermin mælist 37-36-35-35-34-32 cm. Það eru eftir ca 25-27-29-30-32-34 cm að kanti í hálsmáli – mátið e.t.v. ermina og prjónið að óskaðri lengd. Fellið af 6-6-8-8-10-10 lykkjur fyrir handveg mitt undir ermi (fellið af 3-3-4-4-5-5 lykkjur hvoru megin við merkiþráðinn) = 48-52-56-62-64-66 lykkjur. Klippið þráðinn. Geymið stykkið. BERUSTYKKI: Nú er prjónað í sléttprjóni (kantar að framan eru prjónaðir eins og áður) jafnframt því sem í fyrstu umferð eru sett 4 merki í stykkið, merkin eru sett á milli 2 lykkja og merkin eru notuð þegar fækka á lykkjum fyrir ermar og axlarsæti. Byrjið frá réttu í hægra framstykki, síðan er prjónuð ermi, bakstykki, ermi og vinstra framstykki. Prjónið þannig: Prjónið 46-48-50-51-52-54 lykkjur (= þessar lykkjur tilheyra nú hægra framstykki), setjið 1. merki hér, prjónið 40-48-52-64-72-78 lykkjur (= þessar lykkjur tilheyra nú ermi), setjið 2. merki hér, prjónið 78-82-86-88-90-94 lykkjur (= þessar lykkjur tilheyra nú bakstykki), setjið 3. merki hér, prjónið 40-48-52-64-72-78 lykkjur (= þessar lykkjur tilheyra nú ermi), setjið 4. merki hér, prjónið 46-48-50-51-52-54 lykkjur (= þessar lykkjur tilheyra nú vinstra framstykki) = 250-274-290-318-338-358 lykkjur. Látið 4 merkin fylgja áfram með, þau eru notuð þegar fækka á lykkjum við hvert og eitt þessara merkja. Prjónið 1-0-0-1-0-0 cm sléttprjón fram og til baka með 8 kantlykjum að framan í hvorri hlið við miðju að framan. Nú á að prjóna úrtaka á ermi eins og útskýrt er að neðan. ÚRTAKA ERMI-1: Lestu allan kaflann áður en prjónað er áfram! ATH: Úrtakan er ekki gerð með þessum hætti í stærð S, prjónið frá ÚRTAKA ERMI-2 í þessari stærð. Í næstu umferð frá réttu er fækkað um 8 lykkjur á ermum eins og útskýrt er að neðan. Fækkið um 2 lykkjur á EFTIR 1. og 3. merki og fækkið um 2 lykkjur á UNDAN 2. og 4. merki – lesið ÚRTAKA-1. Lykkjum er einungis fækkað á ermum (fjöldi lykkja á framstykkjum og bakstykki verður sá sami). Fækkið lykkjum svona í annarri hverri umferð (þ.e.a.s. í hverri umferð frá réttu) alls 0-1-2-7-8-9 sinnum = 250-266-274-262-274-286 lykkjur. ÚRTAKA ERMI-2: Í næstu umferð frá réttu er fækkað um 4 lykkjur fyrir ermi eins og útskýrt er að neðan. Fækkið um 1 lykkju á EFTIR 1. og 3. merki og fækkið um 1 lykkju á UNDAN 2. og 4. merki – lesið ÚRTAKA-2. Lykkjum er einungis fækkað á ermum (fjöldi lykkja á framstykki og bakstykki verður sá sami). Fækkið lykkjum svona í annarri hverri umferð (þ.e.a.s. í hverri umferð frá réttu) alls 13-15-15-10-12-13 sinnum = 198-206-214-222-226-234 lykkjur (það eru 14-14-14-16-16-16 lykkjur eftir á ermi). Eftir úrtöku fyrir ermi mælist ca 14-16-17-18-20-22 cm frá þar sem stykkin voru sett saman við handveg. Síðan er lykkjum fækkað fyrir axlarsæti eins og útskýrt er að neðan. AXLARSÆTI-1: Í næstu umferð frá réttu er fækkað um 8 lykkjur fyrir axlarsæti þannig: Fækkið um 2 lykkjur á UNDAN 1. og 3. merki og fækkið um 2 lykkjur á EFTIR 2. og 4. merki – munið eftir ÚRTAKA-1. Lykkjum er einungis fækkað á framstykkjum og bakstykki (fjöldi lykkja á ermum verður sá sami). Fækkið lykkjum í annarri hverri umferð (þ.e.a.s. í hverri umferð frá réttu) alls 4-4-5-5-5-5 sinnum = 166-174-174-182-186-194 lykkjur og síðasta umferð er prjónuð frá röngu. Stykkið mælist ca 44-46-47-48-50-52 cm frá uppfitjunarkanti. Klippið þráðinn, setjið 8 kantlykkjur að framan í hvorri hlið á sitt hvorn þráðinn þar til síðar = 150-158-158-166-170-178 lykkjur. Nú byrjar úrtaka fyrir hálsmál, JAFNFRAMT heldur úrtaka fyrir axlarsæti áfram, lestu því ÚRTAKA HÁLSMÁL og AXLARSÆTI-2 áður en þú prjónar áfram! ÚRTAKA HÁLSMÁL: Byrjið frá réttu, fellið af lykkjur fyrir hálsmáli í byrjun hverrar umferðar í hvorri hlið þannig: Fellið af 8-10-10-11-12-14 lykkjur 1 sinni, fellið af 3 lykkjur 1 sinni og fellið af 2 lykkjur 1 sinni og fellið af 1 lykkju 3 sinnum. AXLARSÆTI-2: Haldið áfram að fækka um 8 lykkjur fyrir axlarsæti í annarri hverri umferð 7-7-7-7-7-7 sinnum til viðbótar (það hefur verið fækkað alls 11-11-12-12-12-12 sinnum fyrir axlarsæti) og næsta umferð er prjónuð frá röngu. Á EFTIR SÍÐUSTU ÚRTÖKU: Það eru 62-66-66-72-74-78 lykkjur í umferð (14-14-14-16-16-16 lykkjur á hvorri ermi, engar lykkjur á framstykkjum og 34-38-38-40-42-46 lykkjur á bakstykki). Berustykkið mælist ca 25-27-29-30-32-34 cm frá þar sem stykkin voru sett saman við handveg og peysan mælist ca 54-56-58-60-62-64 cm frá öxl og niður. Klippið þráðinn, nú á að prjóna frá réttu á hægri kanti að framan. Byrjið frá réttu mitt að framan. Prjónið HÆGRI KANTUR AÐ FRAMAN yfir 8 kantlykkjur að framan af þræði, prjónið upp ca 16-18-18-19-20-22 lykkjur meðfram hægri kanti í hálsmáli, prjónið slétta lykkju út umferðina, prjónið upp ca 16-18-18-19-20-22 lykkjur meðfram vinstri kanti í hálsmáli, prjónið VINSTRI KANTUR AÐ FRAMAN yfir 8 kantlykkjur að framan af þræði = ca 110-118-118-126-130-138 lykkjur. Prjónið 1 umferð brugðið frá röngu (kantar að framan eru prjónaðir eins og áður), jafnframt er fækkað um 0-4-4-4-4-8 lykkjur jafnt yfir lykkjur í brugðnu prjóni = 110-114-114-122-126-130 lykkjur. TVÖFALDUR KANTUR Í HÁLSMÁLI: Notið hringprjón 3,5 og prjónið stroff frá réttu þannig: Prjónið 8 kantlykkjur að framan eins og áður, prjónið stroff (= 2 lykkjur slétt / 2 lykkjur brugðið) þar til 10 lykkjur eru eftir, prjónið 2 lykkjur slétt og 8 kantlykkjur að framan eins og áður. Haldið svona áfram með stroff í 5 cm. Í byrjun á næstu 2 umferðum er fækkað um 7 ystu kantlykkjur að framan í hvorri hlið og stroffið heldur áfram eins og áður með 1 kantlykkju í garðaprjóni í hvorri hlið. Fellið aðeins laust af þegar kantur í hálsmáli mælist ca 10 cm. Brjótið uppá stroffið að innanverðu á stykki og saumið niður. Saumið saman op við miðju að framan í kanti að framan með smáu spori. FRÁGANGUR: Saumið hliðarsaumana – byrjið efst við handveg og saumið í ysta lið á ystu lykkju þannig að saumurinn verði flatur, þar til eftir er sú lengd að óskaðri klauf í hvorri hlið (það verður sýnilegur kantur með 8 lykkjum í garðaprjóni í hvorri hlið á fram- og bakstykki). Saumið op undir ermum við fram- og bakstykki. Saumið tölur í vinstri kant að framan. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (5)
Valérie wrote:
Bonjour combien me faut de laine pour le tricoter en daisy + kid silk? merci pour la réponse
10.03.2024 - 19:00DROPS Design answered:
Bonjour Valérie, calculez le métrage total nécessaire pour votre taille et divisez-le en 3, le tiers de ce métrage correspond à la quantité kid-Silk (= à rediviser par le métrage d'une pelote Kid-Silk pour avoir le nombre de pelotes), et divisez le métrage restant (les 2/3) par le métrage d'une pelote Daisy. Pensez ensuite à bien vérifier et à bien conserver la bonne tension. Bon tricot!
11.03.2024 - 09:39Samia Shafqaat wrote:
Cloud cardigan
20.01.2024 - 08:37Marlies Van Dijk wrote:
Lekker fluffy
18.01.2024 - 21:51Karin wrote:
White summer
18.01.2024 - 21:15Michèle wrote:
Nuage coton
18.01.2024 - 16:21