Pearlescent Cardigan |
||||||||||||||||||||||
|
|
|||||||||||||||||||||
Prjónuð peysa úr DROPS Alpaca og DROPS Kid-Silk. Stykkið er prjónað ofan frá og niður með köðlum og pífu á ermum. Stærð S - XXXL.
DROPS 230-26 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.3. Mynsturteikning sýnir allar umferðir í mynstri séð frá réttu. LASKALÍNA: Allar útaukningar eru gerðar frá réttu og allar útaukningar eru gerðar á framstykki og bakstykki (ekki er aukið út yfir ermar). Fyrst eru auknar út 2 lykkjur við hverja laskalínu á framstykki og bakstykki (= 8 lykkjur fleiri í umferð), síðan er aukið út um 1 lykkju við hverja laskalínu á framstykki og bakstykki (= 4 lykkjur fleiri í umferð). Aukið út um 2 lykkjur á undan 1. og 3. prjónamerki þannig: Prjónið þar til 2 lykkjur eru eftir á undan prjónamerki: Sláið 1 sinni uppá prjóninn, prjónið 1 lykkju slétt, sláið 1 sinni uppá prjóninn, prjónið 1 lykkju slétt, prjónamerkið situr hér. Aukið út um 2 lykkjur eftir 2. og 4. prjónamerki þannig: Prjónið 1 lykkju slétt, sláið 1 sinni uppá prjóninn, prjónið 1 lykkju slétt, sláið 1 sinni uppá prjóninn. Aukið út um 1 lykkju á undan 1. og 3. prjónamerki þannig: Prjónið þar til 1 lykkja er eftir á undan prjónamerki: Sláið 1 sinni uppá prjóninn, prjónið 1 lykkju slétt, prjónamerkið situr hér. Aukið út um 1 lykkju á eftir 2. og 4. prjónamerki þannig: Prjónið 1 lykkju slétt, sláið 1 sinni uppá prjóninn. Í næstu umferð er uppslátturinn prjónaður snúinn brugðið, svo ekki myndist gat. Prjónið síðan nýjar lykkjur í sléttprjóni. ÚRTAKA: Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 2 lykkjur færri). Endurtakið við hitt prjónamerkið (= 4 lykkjur færri í umferð). ÚTAUKNING-1 (á við um hliðar á fram- og bakstykki): Öll útaukning er gerð frá réttu! Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt á milli þessa lykkja), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir, svo ekki myndist gat. Prjónið síðan nýjar lykkjur í sléttprjóni. ÚTAUKNING-2 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 148 lykkjur) og deilið lykkjum með fjölda útaukninga sem á að gera (t.d. 28) = 5,2. Í þessu dæmi er aukið út jafnt yfir með því að slá 1 sinni uppá prjóninn á eftir ca 5. hverja lykkju. Í næstu umferð er uppslátturinn prjónaður snúinn, svo ekki myndist gat. HNAPPAGAT: Fellið af fyrir hnappagötum í hægri kanti að framan (þegar flíkin er mátuð). Fellið af frá réttu þegar 4 lykkjur eru eftir í umferð þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu 2 lykkjur slétt. Í næstu umferð (ranga) er uppslátturinn prjónaður slétt, svo það myndist gat. Fellið af fyrir fyrsta hnappagatinu þegar stroff í hálsmáli mælist ca 3 cm. Fellið síðan af fyrir 5-5-5-5-6-6 næstu hnappagötum með ca 8½-9-9½-9½-8-8½ cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka á hringprjón ca frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. KANTUR Í HÁLSMÁLI: Fitjið upp 112-118-130-136-142-142 lykkjur (meðtaldar 7 kantlykkjur að framan í hvorri hlið) á hringprjón 3,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið stroff þannig: Prjónið 7 kantlykkjur að framan í GARÐAPRJÓN – sjá útskýringu að ofan, (2 lykkjur slétt, 2 lykkjur brugðið) yfir næstu 8-8-12-12-12-12 lykkjur, setjið 1. prjónamerki hér, prjónið A.1 yfir næstu 30-33-33-36-39-39 lykkjur, prjónið fyrstu 2 lykkjur í A.1, setjið 2. prjónamerki hér, prjónið (2 lykkjur brugðið, 2 lykkjur slétt) yfir næstu 16-16-20-20-20-20 lykkjur, prjónið 2 lykkjur brugðið, setjið 3. prjónamerki hér, prjónið A.1 yfir næstu 30-33-33-36-39-39 lykkjur, prjónið fyrstu 2 lykkjur í A.1, setjið 4. prjónamerki hér, prjónið (2 lykkjur brugðið, 2 lykkjur slétt) yfir næstu 8-8-12-12-12-12 lykkjur, 7 kantlykkjur að framan í garðaprjóni. Haldið svona áfram með stroff fram og til baka og endurtakið fyrstu 2 umferðir í A.1 þar til stykkið mælist 3 cm. Munið eftir HNAPPAGAT í hægri kanti að framan – sjá útskýringu að ofan. Skiptið yfir á hringprjón 4. Næsta umferð er prjónuð frá réttu þannig: Prjónið 7 kantlykkjur að framan í garðaprjóni, sléttprjón fram að 1. Prjónamerki og jafnið út lykkjufjöldann til 9-9-11-11-11-11 lykkjur (þ.e.a.s. það er aukin út 1 lykkja í stærð S og M og fækkað um 1 lykkju í stærð L, XL, XXL og XXXL) prjónið 3. umferð í A.1 fram að 2. prjónamerki (= 10-11-11-12-13-13 lykkjur fleiri), prjónið sléttprjón fram að 3. prjónamerki, prjónið 3. umferð í A.1 fram að 4. prjónamerki (= 10-11-11-12-13-13 lykkjur fleiri), prjónið sléttprjón þar til 7 lykkjur eru eftir og jafnið út lykkjufjöldann til 9-9-11-11-11-11 lykkjur (þ.e.a.s. það er aukin út 1 lykkja í stærð S og M og fækkað um 1 lykkju í stærð L, XL, XXL og XXXL) prjónið 7 kantlykkjur að framan í garðaprjóni. Nú eru 134-142-150-158-166-166 lykkjur í umferð. Prjónið 1 umferð til baka frá röngu með síðustu umferð í A.1 og sléttprjón yfir þær lykkjur sem eftir eru. Setjið eitt prjónamerki innan við kant við miðju að framan. Héðan er nú stykkið mælt! BERUSTYKKI: Skiptið yfir á hringprjón 5. Prjónið nú mynstur, jafnframt því sem aukið er út fyrir laksalínu. Lestu MYNSTUR og LASKALÍNA áður en þú prjónar áfram. MYNSTUR: Prjónið 7 kantlykkjur að framan í garðaprjóni, prjónið sléttprjón fram að 1. prjónamerki, prjónið A.2 yfir næstu 40-44-44-48-52-52 lykkjur (= 10-11-11-12-13-13 mynstureiningar), prjónið fyrstu 2 lykkjur í A.2, 2. prjónamerki situr hér, prjónið sléttprjón fram að 3. prjónamerki, prjónið A.2 yfir næstu 40-44-44-48-52-52 lykkjur (= 10-11-11-12-13-13 mynstureiningar), prjónið fyrstu 2 lykkjur í A.2, 4. prjónamerki situr hér, prjónið sléttprjón þar til 7 kantlykkju að framan í garðaprjóni. ATHUGIÐ PRJÓNFESTUNA! LASKALÍNA: Jafnframt í fyrstu umferð frá réttu byrjar útaukning fyrir LASKALÍNA – sjá útskýringu að ofan. Aukið út um 2 lykkjur í annarri hverri umferð alls 8-11-12-14-15-20 sinnum, síðan er aukið út um 1 lykkju í annarri hverri umferð alls 7-5-4-4-8-3 sinnum = 23-27-28-32-38-43 lykkjur fleiri í hvorri hlið á framstykki og bakstykki. Þegar allar útaukningar fyrir laskalínu hafa verið gerðar til loka eru 226-250-262-286-318-338 lykkjur í umferð. Prjónið áfram þar til stykkið mælist 15-16-18-19-20-22 cm frá prjónamerki – stillið af að endað sé eftir 3. umferð í A.2 – þ.e.a.s. næsta umferð sem á að prjóna er 4. umferð í A.2. Nú skiptist stykkið fyrir fram- og bakstykki og kanta á ermum þannig: Prjónið eins og áður yfir fyrstu 39-43-46-50-56-61 lykkjur (= framstykki), setjið næstu 42-46-46-50-54-54 lykkjur á þráð fyrir ermi, fitjið upp 10 nýjar lykkjur á prjóninn (= í hlið undir ermi), prjónið eins og áður yfir næstu 64-72-78-86-98-108 lykkjur (= bakstykki), setjið næstu 42-46-46-50-54-54 lykkjur á þráð fyrir ermi, fitjið upp 10 nýjar lykkjur á prjóninn (= í hlið undir ermi), prjónið eins og áður yfir síðustu 39-43-46-50-56-61 lykkjur (= framstykki). Prjónið síðan fram- og bakstykki og ermar til loka hvert fyrir sig. HÉÐAN ER NÚ STYKKIÐ MÆLT! FRAM- OG BAKSTYKKI: = 148-164-176-192-216-236 lykkjur. Setjið 1 prjónamerki í hvora hlið, mitt í nýjar lykkjur sem fitjaðar voru upp undir ermi (= 5 nýjar lykkjur hvoru megin við prjónamerki). Látið prjónamerkin fylgja með í stykkinu, það á að nota þau síðar þegar fækka á lykkjum og auka út í hliðum. Prjónið sléttprjón með 7 kantlykkjur að framan í garðaprjóni í hvorri hlið. Þegar stykkið mælist 4 cm frá skiptingu, fækkið um 1 lykkju hvoru megin við bæði prjónamerkin – sjá ÚRTAKA. Fækkið lykkjum svona með ca 3 cm millibili alls 2 sinnum = 154-170-182-198-222-242 lykkjur. Þegar stykkið mælist 12 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-1. Aukið svona út með ca 3 cm millibili alls 4 sinnum = 170-186-198-214-238-258 lykkjur. Prjónið áfram þar til stykkið mælist ca 29-29-29-29-30-30 cm frá skiptingu. Nú er eftir ca 3 cm stroff að loka máli. Mátið e.t.v. peysuna og prjónið að óskaðri lengd fyrir stroff. Til að stroffið komi ekki til með að draga stykkið saman, aukið út um 34-34-38-42-46-50 lykkjur jafnt yfir – sjá ÚTAUKNING-2 = 204-220-236-256-284-308 lykkjur. Skiptið yfir á hringprjón 4. Prjónið stroff þannig: 7 kantlykkjur að framan í garðaprjóni, prjónið (2 lykkjur slétt, 2 lykkjur brugðið) þar til 9 lykkjur eru eftir, prjónið 2 lykkjur slétt, 7 kantlykkjur að framan í garðaprjóni. Haldið svona áfram með stroff í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING. Peysan mælist ca 54-56-58-60-62-64 cm frá öxl og niður. ERMI: Setjið 42-46-46-50-54-54 lykkjur af þræði í annarri hlið á stykki á sokkaprjóna/stuttan hringprjón 5 og prjónið upp 1 lykkju í hverja af 10 lykkjum sem fitjaðar voru upp undir ermi = 52-56-56-60-64-64 lykkjur. Prjónið A.2 hringinn í umferð – stillið af að mynstrið haldi áfram yfir lykkjur frá berustykki eins og áður. Þegar ermin mælist 12-12-10-10-10-9 cm frá skiptingu – stillið af að endað sé eftir heila mynstureiningu á hæðina, það á að prjóna pífukant. Nú eru eftir 4 cm að loka máli. Mátið e.t.v. peysuna og prjónið síðan að óskaðri lengd á ermi. Prjónið A.3 yfir A.2. Þegar öll útaukning í A.3 hefur verið gerð til loka, eru 117-126-126-135-144-144 lykkjur. Þegar A.3 hefur verið prjónað til loka, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING. Ermin mælist ca 16-16-14-14-14-13 cm. Prjónið hina ermina á sama hátt. FRÁGANGUR: Saumið tölur í vinstri kant að framan. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (2)
Janneke wrote:
Wat wordt, in patroon z962, onder de uitleg van de mouw, bedoelt met ‘brei A3 over A2? Alvast bedankt!
23.08.2022 - 08:18DROPS Design answered:
Dag Janneke,
Over de steken waar je eerst A.2 breide, brei je nu A.3, zodat A.3 boven A.2 komt.
23.08.2022 - 19:11Helle Eriksen wrote:
På hvilke pinde er den anbefalede strikkefasthed lavet? Der står ikke en pindestørrelse som udgangspunkt. Skal jeg regne med, at det er pinde nr. 5, som jo er den størrelse, der anbefales til det meste af blusen?
24.05.2022 - 07:49DROPS Design answered:
Hej Helle, ja det stemmer, vi strikker alt det glatstrikkede på pind nr 5. God fornøjelse!
25.05.2022 - 13:27