Fish Fables by DROPS Design

Prjónað eyrnaband og handstúkur úr DROPS BabyMerino. Allt settið er prjónað í gatamynstri og litlum köðlum.

DROPS 214-37
DROPS Design: Mynstur bm-082
Garnflokkur A
-------------------------------------------------------

ALLT SETTIÐ:

STÆRÐ:
S/M – M/L
Höfuðmál: 54/56 - 56/58 cm

EFNI:
DROPS BABYMERINO frá Garnstudio (tilheyrir garnflokki A)
100-100 g litur 42, bensín

EYRNABAND:

STÆRÐ:
S/M – M/L
Höfuðmál: 54/56 - 56/58 cm

EFNI:
DROPS BABYMERINO frá Garnstudio (tilheyrir garnflokki A)
50-50 g litur 42, bensín

PRJÓNFESTA:
22 lykkjur á breidd og 34 umferðir á hæð með sléttprjóni = 10 x 10 cm.

PRJÓNAR:
DROPS PRJÓNAR NR 2,5: Fyrir áferðamynstur.
DROPS KAÐLAPRJÓNN: Fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

HANDSTÚKUR:

S/M – M/L
Mál: Ummál: Ca 18-20 cm. Lengd: 24-26 cm.

EFNI:
DROPS BABYMERINO frá Garnstudio (tilheyrir garnflokki A)
50-50 g litur 42, bensín

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 3: Fyrir áferðamynstur.
DROPS SOKKAPRJÓNAR NR 2,5: Fyrir stroff.
DROPS KAÐLAPRJÓNN: Fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------


100% Ull
frá 924.00 kr /50g
DROPS Baby Merino uni colour DROPS Baby Merino uni colour 924.00 kr /50g
Gallery Spuni
Panta
DROPS Baby Merino mix DROPS Baby Merino mix 924.00 kr /50g
Gallery Spuni
Panta
needles Prjónar & Heklunálar Panta
Þú færð garn sem þarf í að gera þetta mynstur frá 1848kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

ÚTAUKNING/ÚRTAKA (jafnt yfir):
Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 30 lykkjur), mínus kantlykkjur að framan (t.d. 4 lykkjur) og deilið þeim lykkjum sem eftir eru með fjölda útaukninga/úrtöku sem á að gera (t.d. 5) = 5,2.
Í þessu dæmi er aukið út með því að slá 1 sinni uppá prjóninn eftir ca 5. hverja lykkju.
Í næstu umferð er uppslátturinn prjónaður snúinn svo ekki myndist gat.
Ef fækka á lykkjum þá er prjónuð í þessu dæmi ca 4. og 5. hver lykkja slétt saman.

MYNSTUR:
Eyrnaband: Sjá mynsturteikningu A.1.
Handstúkur: Sjá mynsturteikningu A.2 og A.3. Veldu mynsturteikningu fyrir þína stærð (á við um A.2).
Mynsturteikning sýnir allar umferðir í mynstri séð frá réttu.

ÚTAUKNING-1 (á við um op fyrir þumal):
Aukið út um 1 lykkju á eftir prjónamerki á hægri handstúku og á undan prjónamerki á vinstri handstúku.
Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn.
Útauknar lykkjur eru prjónaðar jafnóðum inn í stroff, þ.e.a.s. fyrsta lykkjan er prjónuð slétt, 2. lykkjan er prjónuð brugðið o.s.frv.
Hver útaukning er gerð strax eftir/strax á undan prjónamerki svo að það myndist falleg lína meðfram útaukningunni.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

EYRNABAND – STUTT ÚTSKÝRING Á STYKKI:
Stykkið er prjónað fram og til baka á hringprjóna og saumað saman við miðju að aftan.

EYRNABAND:
Fitjið upp 30-30 lykkjur á hringprjón 2,5 með BabyMerino. Prjónið 3 umferðir slétt (1. umferð = ranga). Prjónið 1 umferð slétt frá réttu, þar sem auknar er út um 5 lykkjur jafnt yfir – sjá ÚTAUKNING/ÚRTAKA = 35-35 lykkjur. Næsta umferð er prjónuð frá röngu þannig: Prjónið 2 kantlykkjur slétt, 31-31 lykkja brugðið og 2 kantlykkjur slétt.
Prjónið síðan A.1 fram og til baka yfir allar lykkjurnar þar til stykkið mælist ca 48-50 cm.
ATHUGIÐ PRJÓNFESTUNA!
Nú eru eftir ca 1 cm til loka, mátið e.t.v. eyrnabandið og prjónið að óskaðri lengd.
Prjónið 1 umferð slétt frá réttu þar sem fækkað var um 5 lykkjur jafnt yfir – munið eftir ÚTAUKNING/ÚRTAKA = 30-30 lykkjur. Prjónið 3 sléttar umferðir yfir allar lykkjurnar. Fellið af með sléttum lykkjum frá réttu.

FRÁGANGUR:
Saumið stykkið saman mitt að aftan innan við affellingarkantinn/uppfitjunarkantinn.

------------------------------------------------------

HANDSTÚKUR – STUTT ÚTSKÝRING Á STYKKI:
Stykkið er prjónað í hring á sokkaprjóna, neðan frá og upp.

HÆGRI HANDSTÚKA:
Fitjið upp 52-56 lykkjur á sokkaprjóna 2,5 með BabyMerino. Prjónið 1 umferð slétt.
Prjónið síðan stroff hringinn (= 1 lykkja slétt, 1 lykkja brugðið).
Þegar prjónaðar hafa verið 5 umferðir með stroffi er skipt yfir á sokkaprjóna 3.
Næsta umferð er prjónuð þannig: Prjónið A.2 yfir fyrstu 29-33 lykkjur (= innan í hönd) og prjónið sléttar lykkjur yfir þær 23-23 lykkjur sem eftir eru.
Prjónið síðan þannig: Haldið áfram með A.2 yfir fyrstu 29-33 lykkjur og prjónið A.3 yfir þær 23-23 lykkjur sem eftir eru. ATHUGIÐ PRJÓNFESTUNA!
Þegar stykkið mælist 8-8 cm, byrjar útaukning fyrir þumal. Byrjið á að setja 1 prjónamerki eftir fyrstu 5-7 lykkjur í umferð, þ.e.a.s. á eftir sléttri lykkju.
Prjónið síðan eins og áður, en í fyrstu umferð er aukið út um 1 lykkju á eftir prjónamerki – sjá ÚTAUKNING-1. Aukið svona út í annarri hverri umferð alls 12-14 sinnum – útauknar lykkjur eru prjónaðar janóðum inn í stroff eins og útskýrt er í útaukningu.
Þegar útaukningu er lokið, mælist stykkið ca 15-16 cm frá uppfitjunarkanti – ATH: Ef stykkið mælist minna en þetta er haldið áfram hringinn án útaukningar að réttu máli.
Mátið e.t.v. handstúkuna og prjónið að óskaðri lengd áður en þumallykkjurnar eru settar á þráð.
Setjið nú 12-14 lykkjur sem auknar voru út fyrir þumal á þráð = 52-56 lykkjur eftir á prjóni. Haldið áfram hringinn með stroffi innan í hönd og A.3 ofan á hönd.
Þegar stykkið mælist ca 19½-20½ cm, prjónið næstu umferð þannig: Prjónið stroff eins og áður yfir fyrstu 29-33 lykkjur og prjónið sléttar lykkjur yfir þær 23-23 lykkjur sem eftir eru.
Skiptið yfir á sokkaprjóna 2,5. Í næstu umferð er prjónað stroff hringinn yfir allar lykkjur – passið uppá að stroffið haldi fallega áfram yfir lykkjur innan í hönd.
Þegar prjónaðar hafa verið alls 5 umferðir í stroffi yfir allar lykkjurnar er fellt laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING!
Handstúkan mælist ca 21-22 cm ofan frá og niður.

ÞUMALL:
Setjið 12-14 lykkjur af þræði á sokkaprjóna 3 og prjónið að auki upp 6-6 lykkjur á bakhlið á þumli = 18-20 lykkjur. Prjónið stroff hringinn (= 1 lykkja slétt, 1 lykkja brugðið) í 2-2½ cm. Prjónið 1 umferð slétt yfir allar lykkjur og fellið síðan laust af með sléttum lykkjum.

VINSTRI HANDSTÚKA:
Fitjið upp 52-56 lykkjur á sokkaprjóna 2,5 með BabyMerino. Prjónið 1 umferð slétt.
Prjónið síðan stroff hringinn (= 1 lykkja slétt, 1 lykkja brugðið).
Þegar prjónaðar hafa verið 5 umferðir með stroffi er skipt yfir á sokkaprjóna 3.
Færið umerðina til um 1 lykkju til hægri, þannig að umferðin byrji með 1 lykkju brugðið og prjónið þannig: Prjónið 23-23 lykkjur slétt (= ofan á hönd) og prjónið A.2 yfir þær 29-33 lykkjur sem eftir eru (= innan í hönd).
Prjónið síðan þannig: Prjónið A.3 yfir fyrstu 23-23 lykkjur og haldið síðan áfram með A.2 yfir þær 29-33 lykkjur sem eftir eru.
Þegar stykkið mælist 8-8 cm, byrjar útaukning fyrir þumal. Byrjið á að setja 1 prjónamerki eftir síðustu 5-7 lykkjur í umferð, þ.e.a.s. á undan sléttri lykkju.
Prjónið síðan eins og áður, en í fyrstu umferð er aukið út um 1 lykkju á undan prjónamerki – sjá ÚTAUKNING-1. Aukið svona út í annarri hverri umferð alls 12-14 sinnum – útauknar lykkjur eru prjónaðar janóðum inn í stroff eins og útskýrt er í útaukningu.
Þegar útaukningu er lokið, mælist stykkið ca 15-16 cm frá uppfitjunarkanti – stillið lengdina eftir hægri handstúku.
Setjið nú 12-14 lykkjur sem auknar voru út fyrir þumal á þráð = 52-56 lykkjur eftir á prjóni. Haldið áfram hringinn með A.3 ofan á hönd og stroffi innan í hönd.
Þegar stykkið mælist ca 19½-20½ cm, prjónið næstu umferð þannig: Prjónið sléttar lykkjur yfir fyrstu 23-23 lykkjur og haldið áfram með stroff eins og áður yfir þær 29-33 lykkjur sem eftir eru
Skiptið yfir á sokkaprjóna 2,5. Í næstu umferð er prjónað stroff hringinn yfir allar lykkjur – passið uppá að stroffið haldi fallega áfram yfir lykkjur innan í hönd.
Þegar prjónaðar hafa verið alls 5 umferðir í stroffi yfir allar lykkjurnar er fellt laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING!
Prjónið þumal alveg eins og á hægri handstúku.

Þetta mynstur hefur verið leiðrétt. .

Yfirfarið á vefsvæði: 27.01.2023
VINSTRI HANDSTÚKA: Færið umerðina til um 1 lykkju til hægri, þannig að umferðin byrji með 1 lykkju brugðið og prjónið þannig:

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður eins og útskýrt er í mynsturteikningu (það eiga að myndast göt)
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = í lykkju undir næstu lykkju er prjónuð 1 lykkja slétt, sláið 1 sinni uppá prjóninn, 1 lykkja slétt (= 2 lykkjur fleiri)
symbols = prjónið 3 lykkjur sléttprjón
symbols = lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri)
symbols = setjið 1 lykkju á kaðlaprjón framan við stykkið, prjónið 1 lykkju slétt, prjónið 1 lykkju slétt af kaðlaprjóni
symbols = setjið 1 lykkju á kaðlaprjón aftan við stykkið, prjónið 1 lykkju slétt, prjónið 1 lykkju slétt af kaðlaprjóni
diagram
diagram

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 214-37) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

signature-image signature

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Hvert mynstur okkar hefur sérstök kennslumyndbönd til að hjálpa þér.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (10)

country flag Matei Loredana wrote:

Bonjour. J'ai terminé la mitaine droite et j'ai commencé la gauche, au début de modèle, il faut faire 23 maille à l'endroit et continue A2 sur les dernières 29 mailles, mais âpres les 23 maille le A2 commence avec une maille endroit sur une maille envers, les côtés change (ça veut dire que les mailles de A2 ne continue pas comme "en côtes",comme pour la droite. Merci d'avance. Vous avez des très jolies modèle et facile à suivre. Tout mes félicitations !!

26.01.2023 - 22:04

DROPS Design answered:

Une correction a été faite - cf ci-dessous.

27.01.2023 kl. 16:14

country flag Loredana Matei wrote:

Bonjour. J'ai terminé la mitaine droite et j'ai commencé la gauche, au début de modèle, il faut faire 23 maille à l'endroit et continue A2 sur les dernières 29 mailles, mais âpres les 23 maille le A2 commence avec une maille endroit sur une maille envers, les côtés change (ça veut dire que les mailles de A2 ne continue pas comme "en côtes". Merci d'avance Vous avez des très jolies modèle et facile à suivre. Tout mes félicitations !

26.01.2023 - 21:59

DROPS Design answered:

Bonjour Mme Matei, effectivement, une correction a été faite ici, on va décaler le tour d'une maille à droite juste avant de tricoter les mailles endroit, ainsi, les côtes continueront comme avant. Merci pour votre retour, bon tricot!

27.01.2023 kl. 16:14

country flag Eva-Maria Dewes wrote:

Liebes drops Team, wenn ich beim linken Pulswärmer zuerst 23 M rechts stricke (A3) und dann die 33M Rippen, geht das nicht mit A2 auf, weil nach den 23M A3 eine linke Masche kommt und A2 aber mit einer rechten Masche beginnen soll. Ist da in der Anleitung ein Fehler oder habe ich es falsch verstanden? Viele Grüße, über einen Hinweis würde ich mich freuen. Eva- Maria Dewes

08.04.2022 - 19:08

DROPS Design answered:

Liebe Frau Dewes, über die 23 ersten Maschen stricken Sie zuerst rechts dann A.3, und die letzten 23 Maschen stricken Sie wie beim A.2, dh, (1 M links, 1 M rechts), von (bis) wiederholen und dann mit 1 M links enden, dh stricken Sie das Bündchen wie zuvor. Viel Spaß beim stricken!

19.04.2022 kl. 07:35

country flag Annelie Runesdotter wrote:

Fråga kring pannband A1 drops214-37 Vad betyder lägg upp 30-30 maskor och öka 35-35? Enligt mönster sticka fram och tillbaka diagram A1 stickas då från höger till vänster och sedan nästa diagramrad från vänster till höger ? I beskrivning stör att youtube mönster är diagram A1 men på youtube är det diagram A3 som visas. Finns det youtube klipp på A1 med eller ? Mvh Annelie

13.11.2021 - 11:16

DROPS Design answered:

Hei Annelie. Legg opp 30 masker (samme maskeantall i begge str). Strikk 3 pinner rett, strikk 1 pinne rett fra retten der det økes 5 masker jevnt fordelt = 35-35 masker (fremdeles samme maskeantall i begge str.). Neste pinne er fra vrangen og strikkes slik: 2 kantmasker rett, 31 masker vrang og 2 kantmasker rett. Neste pinne fra retten og nå strikkes du 1. rad av diagrammet (fra høyre til venstre), neste pinne vrangen og diag strikkes fra venstre til høyre. Det er ingen video til diagram A.1. Det skal være A.3 på videoteksten, dette er nå forandret. Takk for at du gjorde oss oppmerksom på det. mvh DROPS Design

15.11.2021 kl. 11:05

country flag Joyce Sierhuis wrote:

Hoe brei ik in a3 de driehoek over 4 steken dank goor uw antwoord mvg

09.04.2021 - 21:56

DROPS Design answered:

Dag Joyce,

De driehoek over 4 steken zijn de 2 laatste symbolen uit de lijst van symbolen, die je dus achter elkaar maakt.

11.04.2021 kl. 13:34

country flag Marina Romano wrote:

Hallo an das drops Team Wird das Stirnband (Drops 214-37) komplett mit Nadel 2,5 gestrickt?

25.10.2020 - 19:39

DROPS Design answered:

Liebe Frau Romano, ja genau, das Stirnband wird nur mit Nadeln 2,5 gestrickt (oder die benötige Größe um die Maschenprobe (= 26 M x 32 R = 10 x 10 cm) zu haben). Viel Spaß beim stricken!

26.10.2020 kl. 13:05

country flag Aila Koskinen wrote:

Kysyisin piirroksesta A1. Heti aloituksesta 2oikein 2 nurin. Mitä sitten tarkoittaa kolmio neljän silmukan kohdalla? En ymmärrä kuinka tehdään? Anteeksi! Olisin kiitollinen vastauksestanne. Siis silmukat 5-8?

16.10.2020 - 21:34

DROPS Design answered:

Tämä kolmio on oikeastaan 2 eri kahden ruudun merkkiä. Neulo ne seuraavasti: Ensimmäinen merkki (2 ruutua): Siirrä 1 silmukka apupuikolle työn eteen, neulo 1 silmukka oikein ja neulo apupuikon silmukka oikein. Toinen merkki (seuraavat 2 ruutua): Siirrä 1 silmukka apupuikolle työn taakse, neulo 1 silmukka oikein ja neulo apupuikon silmukka oikein.

19.10.2020 kl. 17:35

country flag Dea wrote:

Buongiorno, è possibile avere una foto dove viene mostrato il fatto che esiste il pollice? Inoltre un video che mostri come riprendere bene le maglie dal dietro del pollice visto che in questo modello non esistono maglie fatte a nuovo e in più è a coste. Grazie

08.10.2020 - 15:20

DROPS Design answered:

Buongiorno Dea, inoltriamo la sua richiesta al settore design. Buon lavoro!

12.10.2020 kl. 10:35

country flag Dea wrote:

Buongiorno. Sto lavorando lo scaldapolsi sx ed ho notato che si crea una sfalsatura nelle coste della parte interna seguendo la spiegazione, per evitare l'inconveniente bisogna fare una piccola modifica. Quando si iniziano le coste del bordino, invece di fare 1 dir/1 rov, bisogna fare 1 rov/1 dir così quando si divideranno le 23 e le 33 avremo un lavoro perfetto. Spero di essere d'aiuto.

07.10.2020 - 09:20

DROPS Design answered:

Buongiorno Dea. La ringraziamo per il suo contributo. Buon lavoro!

07.10.2020 kl. 13:23

country flag Dea wrote:

Buonasera, nella spiegazione degli scaldapolsi vi è scritto così "Quando il lavoro misura 8-8 cm, iniziare gli aumenti per il tassello del pollice...." , questi 8 cm sono da calcolare dal giro d'inizio o dall'inizio del diagramma A2 - A3? Grazie.

05.10.2020 - 18:23

DROPS Design answered:

Buonasera Dea, se non diversamente indicato, le misure si intendono dall'inizio del lavoro. Buon lavoro!

05.10.2020 kl. 19:17

Skrifaðu athugasemd um DROPS 214-37

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.