DROPS Baby / 36 / 14

Little Fox by DROPS Design

Prjónuð peysa fyrir börn með laskalínu úr DROPS Sky. Stykkið er prjónað ofan frá og niður með refamynstri. Stærð 1 mánaða – 8 ára.

  • Little Fox / DROPS Baby 36-14 - Prjónuð peysa fyrir börn með laskalínu úr DROPS Sky. Stykkið er prjónað ofan frá og niður með refamynstri. Stærð 1 mánaða – 8 ára.
  • Little Fox / DROPS Baby 36-14 - Prjónuð peysa fyrir börn með laskalínu úr DROPS Sky. Stykkið er prjónað ofan frá og niður með refamynstri. Stærð 1 mánaða – 8 ára.
  • Little Fox / DROPS Baby 36-14 - Prjónuð peysa fyrir börn með laskalínu úr DROPS Sky. Stykkið er prjónað ofan frá og niður með refamynstri. Stærð 1 mánaða – 8 ára.
  • Little Fox / DROPS Baby 36-14 - Prjónuð peysa fyrir börn með laskalínu úr DROPS Sky. Stykkið er prjónað ofan frá og niður með refamynstri. Stærð 1 mánaða – 8 ára.
DROPS Design: Mynstur sk-001-by
Garnflokkur B
-----------------------------------------------------------

STÆRÐ:
1/3 - 6/9 - 12/18 mánaða (2 - 3/4 - 5/6 - 7/8) ára
Stærðin jafngildir ca hæð á barni í cm:
56/62 - 68/74 - 80/86 (92 - 98/104 - 110/116 - 122/128)

EFNI:
DROPS SKY frá Garnstudio (tilheyrir garnflokki B)
100-100-100 (150-150-150-150) g litur 11, heslihneta
50-50-50 (50-50-50-50) g färg 03, ljós beige
Afgangur af lit 05, svartur fyrir augu.

PRJÓNFESTA:
20 lykkjur á breidd og 26 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm, 60cm eða 80 cm fyrir sléttprjón.
DROPS SOKKAPRJÓNAR NR 3,5.
DROPS HRINGPRJÓNAR NR 3,5: lengd 40 cm, 60 cm eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS TALA, trét NR 513: 4 stykki í allar stærðir.

-------------------------------------------------------
Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------


74% Alpakka, 18% Polyamide, 8% Ull
frá 1496.00 kr /50g
DROPS Sky uni colour DROPS Sky uni colour 1496.00 kr /50g
Panta
DROPS Sky mix DROPS Sky mix 1496.00 kr /50g
Panta
needles Prjónar & Heklunálar Panta
Þú færð garn sem þarf í að gera þetta mynstur frá 4488kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.3 - veldu mynsturteikningu fyrir þína stærð.
Öll mynsturteikningin A.1 er prjónuð í sléttprjóni. Mynsturteikningin sýnir allar umferðir í mynstri séð frá réttu.
Þegar prjónað er með 2 litum, prjónað er með nokkrum þráðum í hvorum lit, þá sleppur maður við löng hopp á röngu. Prjónið e.t.v. með þráðum bæði innan úr og utan með sömu dokkunni. Þ.e.a.s. í fyrsta hluta í A.1 er prjónað með 5 þráðum (1 þræði heslihneta, 1 þráður ljós beige, 1 þráður heslihneta, 1 þráðu ljós beige, 1 þráður heslihneta), síðan er prjónað 3 þráðum (1 þráður heslihneta, 1 þráður ljós beige, 1 þráður heslihneta).

ATH: Til að koma í veg fyrir göt við litaskiptin, þá verður að tvinna þræðina um hvorn annan. Mynsturteikning A.2 og A.3 sýnir hvar á að sauma augun með lykkjuspori í lokin.

ÚTAUKNING:
Öll útaukning er gerð frá réttu!
Aukið út um 1 lykkju á eftir 1. prjónamerki, prjónið þar til 1 lykkja er eftir á undan 2.-3. og 4. prjónamerki, sláið 1 sinni uppá prjóninn, prjónið 2 lykkjur (prjónamerki situr á milli þessa lykkja), sláið 1 sinni uppá prjóninn og aukið út um 1 lykkju á undan 5. prjónamerki (= 8 lykkjur fleiri).
Aukið út með því að slá 1 sinni uppá prjóninn á milli 2 lykkja. Uppslátturinn er prjónaður snúinn í næstu umferð, það eiga ekki að myndast göt.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá uppá einu sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað ofan frá og niður. Berustykkið er prjónað fram- og til baka á hringprjón, áður en það skiptist upp fyrir ermar og fram- og bakstykki. Fram- og bakstykki heldur áfram fram og til baka á hringprjón. Ermar eru prjónaðar í hring á sokkaprjóna.

BERUSTYKKI:
Fitjið upp 56-60-60 (68-72-72-76) lykkjur (meðtalin 1 kantlykkja í hvorri hlið á stykki) á hringprjón 3,5 með heslihneta. Prjónið 1 umferð brugðið frá röngu. Prjónið síðan stroff þannig: Prjónið 1 kantlykkju GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir, 2 lykkjur slétt og 1 kantlykkja garðaprjón. Þegar stroffið mælist 1½ til 2 cm, skiptið yfir á hringprjón 4,5.
Setjið 5 prjónamerki í stykkið og aukið lykkjur jafnt yfir frá réttu þannig:
Prjónið 1 kantlykkju garðaprjón, 1 lykkja slétt, setjið 1. prjónamerki, prjónið 7 lykkjur slétt og aukið út 2-4-2 (2-2-2-2) lykkjur jafnt yfir, setjið 2. prjónamerki (= vinstri ermi), prjónið 21-23-23 (27-29-29-31) lykkjur slétt og aukið út 2-2-2 (1-1-2-1) lykkjur jafnt yfir, setjið 3. prjónamerki (= bakstykki), prjónið 8 lykkjur slétt og aukið út 2-4-2 (2-2-2-2) lykkjur jafnt yfir, setjið 4. prjónamerki (= hægri ermi), prjónið 16-18-18 (22-24-24-26) lykkjur slétt og aukið út 2-2-2 (1-1-2-1) lykkjur jafnt yfir, setjið 5. prjónamerki, prjónið 1 lykkju slétt og endið með 1 kantlykkju garðaprjón = 64-72-68 (74-78-80-82) lykkjur.
Haldið áfram með sléttprjón og 1 kantlykkju garðaprjón í hvorir hlið á stykki og aukið út fyrir laskalínu í hverri umferð frá réttu þannig:
Aukið út við hvert prjónamerki – sjá ÚTAUKNING, alls 13-14-15 (16-17-18-19) sinnum = 168-184-188 (202-214-224-234) lykkjur.
ATHUGIÐ PRJÓNFESTUNA!
Prjónið þar til stykkið mælist 12-13-15 (16-17-18-19) cm frá uppfitjunarkanti. Nú skiptist stykkið fyrir fram- og bakstykki og ermar í næstu umferð frá réttu þannig:
Prjónið 1 lykkju garðaprjón, setjið næstu 36-40-40 (42-44-46-48) lykkjur á þráð fyrir ermi og fitjið upp 4-4-6 (6-6-6-6) lykkjur undir ermi, prjónið sléttar lykkjur yfir 49-53-55 (60-64-67-70) lykkjur (= bakstykki), setjið næstu 36-40-40 (42-44-46-48) lykkjur á þráð fyrir ermi og fitjið upp 4-4-6 (6-6-6-6) lykkjur undir ermi, prjónið sléttar lykkjur yfir 45-49-51 (56-60-63-66) lykkjur, 1 lykkja garðaprjón og fitjið upp 4-4-4 (4-4-4-5) lykkjur í lok umferðar = 108-116-124 (134-142-148-155) lykkjur.

FRAM- OG BAKSTYKKI:
Haldið áfram fram og til baka í sléttprjóni með 1 kantlykkju garðaprjón í hvorri hlið þar til stykkið mælist 0-0-0 (0-1-2-3) cm frá skiptingu. Nú er prjónað A.1 á framstykki þannig:
Prjónið 1 kantlykkju garðaprjón, sléttprjón yfir 62-68-72 (76-82-84-89) lykkjur, A.1 (= 35-35-39 (46-46-51-51) lykkjur), 9-11-11 (10-12-11-13) lykkjur sléttprjón og 1 kantlykkja garðaprjón.
Haldið svona áfram með mynstur. Þegar A.1 hefur verið prjónað 1 sinni á hæðina, prjónið stykkið til loka með heslihneta. Prjónið sléttprjón með 1 kantlykkju garðaprjón í hvorri hlið þar til stykkið mælist 12-13-14 (17-20-22-25) cm frá skiptingu.
Í næstu umferð frá réttu er aukið út um 2-2-2 (0-0-2-3) lykkjur jafnt yfir = 110-118-126 (134-142-150-158) lykkjur.
Skiptið yfir á hringprjón 3,5. Í næstu umferð frá réttu er prjónað stroff þannig:
Prjónið 1 kantlykkju garðaprjón, * 2 lykkjur slétt, 2 lykkjur brugðið *, prjónið frá *-* þar til 1 lykkja er eftir, endið með 1 kantlykkju garðaprjón. Fellið af með sléttum lykkjum frá réttu þegar stroffið mælist ca 3 cm – sjá AFFELLING.
Peysan mælist ca 28-30-33 (36-40-44-48) cm frá öxl og niður.

ERMAR:
Setjið 36-40-40 (42-44-46-48) lykkjur af þræði í annarri hlið á stykki á sokkaprjóna 4,5 og prjónið upp 1 lykkju í hverja og eina af 4-4-6 (6-6-6-6) lykkjum sem fitjaðar voru upp undir ermi = 40-44-46 (48-50-52-54) lykkjur.
Setjið 1 prjónamerki mitt á milli 4-4-6 (6-6-6-6) lykkja sem prjónaðar voru upp mitt undir ermi. Látið prjónamerki fylgja með í stykkinu. Það á að nota það síðar þegar fækka á lykkjum hvoru megin við prjónamerki.
Prjónið sléttprjón hringinn. Þegar ermin mælist 2 cm frá skiptingu, fækkið um 1 lykkju hvoru megin við prjónamerki – sjá ÚRTAKA! Fækkið lykkjum svona með 2-2-1½ (2½-3½-4-5) cm millibili alls 3-4-5 (5-5-5-5) sinnum = 34-36-36 (38-40-42-44) lykkjur. Þegar ermin mælist 10-12-13 (16-21-25-28) cm frá skiptingu, fækkið um 2-0-0 (2-0-2-0) lykkjur jafnt yfir = 32-36-36 (36-40-40-44) lykkjur. Skiptið yfir á sokkaprjóna 3,5 og prjónið stroff (= 2 lykkjur slétt, 2 lykkjur brugðið). Fellið af með sléttum lykkjum þegar stroffið mælist 3 cm. Prjónið hina ermina alveg eins.

LASKALÍNUKANTUR AÐ FRAMAN:
Prjónið upp ca 28 til 36 lykkjur frá réttu (deilanlegt með 4) innan við 1 kantlykkju meðfram laskalínuopi á ermi á hringprjón 3,5 með heslihneta.
Prjónið stroff (= 2 lykkjur slétt, 2 lykkjur brugðið) með 1 kantlykkju garðaprjón og 2 lykkjur slétt í hvorri hlið (séð frá réttu).
Þegar kantur að framan mælist 2 cm, felli af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Endurtakið meðfram laskalínuopi á framstykki, en þegar kantur að framan mælist 1 cm fellið fyrir 4 hnappagötum á framstykki. 1 hnappagat = prjónið 2 lykkjur brugðið saman í brugðnu einingunum, (séð frá réttu) og sláið 1 sinni uppá prjóninn.

FRÁGANGUR:
Saumið hliðarsauma innan við 1 kantlykkju garðaprjón.
Saumið út augu á ref og nef með svartur.
Eyrun eru saumuð með lykkjuspori með ljós bege eftir mynsturteikningu A.2 og A.3.
Lykkjurnar eru saumaðar ofan frá og niður. Lykkja með ör og stjörnu í mynsturteikningu A.2 og A.3, á að sauma ca 2 umferðum neðan við lykkju með ör og stjörnu í A.1.
Saumið kanta að framan neðst í laskalínuopi (þar sem fram- og bakstykki byrjar) – kantur að framan á framstykki á að liggja yfir kant á ermi. Saumið tölur í kant að framan á ermi.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = lykkjan er saumuð með lykkjuspori fyrir eyra með ljós beige
symbols = örvar merkja hvar eyrun sitja miðað við mynstur
diagram
diagram
diagram
diagram
diagram
diagram
signature

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 36-14) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (33)

country flag Alyssa W 11.06.2021 - 15:22:

Hello! How exactly are the eyes and nose embroidered on? Do you have any video tutorials on that? Or is it also done duplicate stitched? It doesn’t look that way to me in the photo. I can’t quite figure out how to make it look right haha. Thats!

user icon DROPS Design 11.06.2021 kl. 17:20:

Dear Alyssa W, the eyes and the noise are here embroided with a black yarn over a few knitted sts (like a flat stitch) - but you can of course embroider them as you wish to. Hope this will help.

country flag Christa 07.05.2021 - 20:16:

In der StrickAnleitung steht: 1 Masche rechts, den 1. Markierer anbringen, 7 Maschen rechts stricken und dabei 2-4-2 (2-2-2-2) Maschen gleichmäßig verteilt zunehmen, Wie viele Maschen nehme ich in der Größe /9 Monate zu?

user icon DROPS Design 10.05.2021 kl. 10:39:

Liebe Christa, die Größe 6/9 Monate ist 2. Größe, dh Sie stricken diese 7 Maschen und gleichzeitig nehmen Sie 4 Maschen gleichmäßig verteilt (= jetzt sind es 11 M über diese 7 M). Viel Spaß beim stricken!

country flag Wanda 06.05.2021 - 13:19:

Ok. Jetzt habe ich es nach mehrmaligem nachrechnen verstanden - Verzeihung und dankeschön :)

country flag Wanda 06.05.2021 - 13:11:

Ich meine nicht die Raglanzunahmen sondern die Zunahmen beim Einsetzen der Marker. Dort steht: "... 7 Maschen rechts stricken und dabei 2-4-2 (2-2-2-2) Maschen gleichmäßig verteilt zunehmen..." Und am Ende der Runde steht: "...1 Masche rechts und enden mit 1 Rand-Masche kraus rechts = 64-72-68 (74-78-80-82) Maschen." Für Größe 2 werden mehr Maschen zugenommen als für Grösse 3?

user icon DROPS Design 06.05.2021 kl. 13:59:

Liebe Wanda, ja genau haben Sie die gewünschte 72 M für die 2. Grösse, deshalb werden 4 M hier zugenomen. Aber dann werden mehr Maschen für die 3. Grösse beim Raglan zugenomen. Viel Spaß beim stricken!

country flag Wanda 06.05.2021 - 10:25:

Guten Tag ich studiere gerade die Anleitung und bin in der Passe gestolpert: beim Anbringen der Marker nimmt man in den Ärmeln für Grösse 2 jeweils 4 Maschen zu für Grösse 3 jedoch nur 2 Maschen? Auch in der Gesamtzahl der Maschen nach Anbringen der Markierer sind in Grösse 2 mehr Maschen auf der Nadel angegeben als in Grösse 3 (=64-72-68). Ist das richtig so oder wurden die Grössen hier vertauscht?

user icon DROPS Design 06.05.2021 kl. 11:05:

Liebe Wanda, es ist so richtig, es wird 13-14-15 Mal für den Raglan zugonommen und wenn alle Zunahmen für Raglan fertig sind, haben Sie dann 168-184-188 Maschen. Viel Spaß beim stricken!

country flag Christa 29.04.2021 - 17:39:

Danke für die Antwort! Ich habe noch eine Frage: Wie kann ich die passenden Knöpfe bestellen? Mit freundlichen Grüßen Christa

user icon DROPS Design 30.04.2021 kl. 07:10:

Liebe Christa, bei der Liste von den DROPS Händlern finden Sie die jenigen, wo Sie die passende Knöpfe bestellen können. Viel Spaß beim stricken!

country flag Christa 29.04.2021 - 15:02:

Für den Little-Fox-Pullover werden die Farben Haselnuss, hellbeige und schwarz empfohlen. Entspricht die Farbe "heller Nebel" der Farbe hellbeige? Sieht in der Abbildung nicht so aus. Mit freundlichen Grüßen C

user icon DROPS Design 29.04.2021 kl. 16:16:

Liebe Christa, ja genau, Sky 03 wurde umbenannt, aber Farbe ist dieselbe. Viel Spaß beim stricken!

country flag Noortje Van Veller 17.02.2021 - 18:57:

Hi there, First of all: This sweater is really adorable! I just wonder: The pattern/ instruction says to embroider the ears, but that's not what I see in the pictures. Or am I wrong about that? Is there a way to knit the ears instead? Or is there a good reason not to? Many thanks in advance!

user icon DROPS Design 18.02.2021 kl. 00:09:

Dear Noortje, There is no particular reason not to knit the ears as intarsia, except that it is a relatively small piece and many find it easier to embroider it. But if you prefer knitted it with intarsia, then go ahead. Happy Knitting!

country flag Susanne Juhl Simonsen 17.01.2021 - 14:48:

Hvorfor er det så svært at finde strikkeopskrifter der er strikkede nedefra og op.

user icon DROPS Design 18.01.2021 kl. 15:16:

Hei Susanne. Mange av våre nye oppskrifter er strikket ovenifra og ned, men om du ser på modeller fra DROPS Baby katalog nr 21 og nedover og DROPS Children nr. 30 og nedover finner du mange oppskrifter der det er skrevet nedenifra og opp. mvh DROPS design

country flag Susanne Juhl Simonsen 17.01.2021 - 14:45:

Syntes det er rigtig svært at finde strikkeopskrifter til børn der er strikket nedefra. 😢😢

Skrifaðu athugasemd um DROPS Baby 36-14

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Frá #dropsfan gallery

Little Fox

Milja, Finland

Little Fox Sweater

Jing Zhang, United States

Little Fox

MSBlueberry, Germany

Sjá fleira