DROPS Polaris
DROPS Polaris
100% Ull
frá 1188.00 kr /100g
Þú færð garn sem þarf í að gera þetta mynstur frá 14256.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Frosted Cathedral

Prjónuð peysa með laskalínu úr DROSP Polaris. Stykkið er prjónað ofan frá og niður með köðlum og perluprjóni. Stærð S - XXXL.

DROPS 206-23
DROPS Design: Mynstur po-107
Garnflokkur F eða E + E
-------------------------------------------------------

STÆRÐ:
S - M - L - XL - XXL - XXXL

EFNI:
DROPS POLARIS frá Garnstudio (tilheyrir garnflokki F)
1200-1300-1500-1600-1800-1900 g litur 01, natur

PRJÓNFESTA:
8 lykkjur á breidd og 10 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNN NR 12: lengd 60 cm og 80 cm.
DROPS SOKKAPRJÓNAR NR 10.
DROPS HRINGPRJÓNN NR 10: lengd 80 cm fyrir stroff.
DROPS KAÐLAPRJÓNAR – fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Polaris
DROPS Polaris
100% Ull
frá 1188.00 kr /100g
Þú færð garn sem þarf í að gera þetta mynstur frá 14256.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

BYRJUN Á NÝJUM ÞRÆÐI (á við þegar prjónað er með Polaris):
Þegar skipt er um dokku af Polaris þá er endanum skipt í tvo hluta á þræðinum sem er að ljúka ca 15 cm. Klippið af annan endann og það sama er gert við nýja þráðinn. Leggið endana saman yfir hvorn annan svo að þykktin verði sú sama og áður. Prjónið áfram. Með þessu er komið í veg fyrir að samskeytin sjáist.

MYNSTUR:
Sjá mynsturteikningu A.1 til A.3. Veldu mynsturteikningu fyrir þína stærð. Mynsturteikning sýnir allar umferðir í mynstri séð frá réttu.

LASKALÍNA:
Aukið út fyrir laskalínu hvoru megin við hverja mynstureiningu A.1 (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn svo að ekki myndist gat. Prjónið síðan nýjar lykkjur inn í mynstur A.3 á ermum og prjónið inn mynstur A.2a á fram- og bakstykki.
ATH: Fyrsta útaukningin er útskýrð í uppskrift að neðan.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Kraginn og berustykkið er prjónað í hring á sokkaprjóna/hringprjón, ofan frá og niður. Berustykkið skiptist fyrir fram- og bakstykki og ermar. Fram- og baksykki er síðan prjónað í hring á hringprjón, ofan frá og niður. Ermar eru prjónaðar fram og til baka á hringprjón, ofan frá og niður.
Lesið BYRJUN Á NÝJUM ÞRÆÐI.

KRAGI:
Fitjið upp 44-44-48-48-52-52 lykkjur á sokkaprjóna 10 með Polaris. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið) í 8 cm. Prjónið 1 umferð slétt þar sem fækkað er um 4 lykkjur jafnt yfir = 40-40-44-44-48-48 lykkjur. Prjónið 1 umferð brugðið. Prjónið 1 umferð slétt þar sem aukið er út um 4-4-4-4-8-8 lykkjur jafnt yfir = 44-44-48-48-56-56 lykkjur. Setjið 1 prjónamerki hér – HÉÐAN ER NÚ MÆLT!

BERUSTYKKI:
Skiptið yfir á hringprjón 12.
Prjónið mynstur og aukið út fyrir LASKALÍNA – sjá útskýringu að ofan, þannig: Prjónið 2 síðustu lykkjur í A.1 (= 1 lykkja slétt, 1 lykkja brugðið), sláið 1 sinni uppá prjóninn, prjónið A.2a yfir næstu 12-12-14-14-14-14 lykkjur (= bakstykki), sláið 1 sinni uppá prjóninn, prjónið A.1 (= 4 lykkjur), sláið 1 sinni uppá prjóninn, prjónið A.3 yfir næstu 2-2-2-2-6-6 lykkjur (= ermi), sláið 1 sinni uppá prjóninn, prjónið A.1 (= 4 lykkjur), sláið 1 sinni uppá prjóninn, prjónið A.2a yfir næstu 12-12-14-14-14-14 lykkjur (= framstykki), sláið 1 sinni uppá prjóninn, prjónið A.1 (= 4 lykkjur), sláið 1 sinni uppá prjóninn, prjónið A.3 yfir næstu 2-2-2-2-6-6 lykkjur (= ermi), sláið 1 sinni uppá prjóninn og prjónið 2 fyrstu lykkjur í A.1 (= 1 lykkja brugðið, 1 lykkja slétt).
Haldið svona áfram með mynstur hringinn og aukið út fyrir laskalínu í annarri hverri umferð alls 11-12-13-14-15-16 sinnum (meðtalin fyrsta útaukning sem útskýrð er að ofan).
Þegar allar útaukningar hafa verið gerðar til loka eru 136-144-156-164-180-188 lykkjur í umferð og stykkið mælist ca 22-24-26-28-30-32 cm frá prjónamerki í hálsmáli. Í næstu umferð (þ.e.a.s. síðasta umferð í þinni stærð, umferð merktri með ör í A.2), skiptist stykkið fyrir fram- og bakstykki og ermar, þ.e.a.s. næsta umferð er prjónuð þannig:
Prjónið fyrstu 38-42-46-48-52-55 lykkjur (= á bakstykki), setjið næstu 30-30-32-34-36-36 lykkjur á þráð fyrir ermi, fitjið upp 6 nýjar lykkjur á prjóninn (= í hlið undir ermi), prjónið næstu 38-42-46-48-54-58 lykkjur (= framstykki), setjið næstu 30-30-32-34-36-36 lykkjur á þráð fyrir ermi, fitjið upp 6 nýjar lykkjur á prjóninn (= í hlið undir ermi) og prjónið 0-0-0-0-2-3 lykkjur sem eftir eru (= á bakstykki).
Prjónið síðan fram- og bakstykki og ermar til loka hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 88-96-104-108-120-128 lykkjur. Nú er mynstur A.2 prjónað yfir miðju 24-24-26-26-28-28 lykkjur í A.2a – byrjið á fyrstu umferð sem er merkt með ör í þinni stærð, þær lykkjur sem eftir eru, eru prjónaðar í sléttprjóni. Þegar allt A.2b hefur verið prjónað til loka á hæðina, mælist fram- og bakstykki ca 18 cm frá skiptingu í öllum stærðum.
Ef stykkið mælist minna en þetta, prjónið A.2c yfir A.2b að loka máli.
Skiptið yfir á hringprjón 10. Prjónið 1 umferð slétt, 1 umferð brugðið. Prjónið síðan stroff (= 2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Passið uppá að affellingarkanturinn verði ekki stífur. Peysan mælist ca 50-52-54-56-58-60 cm frá öxl og niður.

ERMI:
Ermin er prjónuð fram og til baka á hringprjón og saumuð saman í lokin. Setjið til baka 30-30-32-34-36-36 lykkjur af þræði í annarri hliðinni á hringprjón 12 og fitjið upp 3 nýjar lykkjur í hvorri hlið í öllum stærðum = 36-36-38-40-42-42 lykkjur. Haldið áfram fram og til baka eftir mynstri A.3. Prjónið þar til ermin mælist ca 35-34-33-31-29-28 cm frá skiptingu (mátið e.t.v. peysuna og prjónið að óskaðri lengd) – stillið af þannig að endað sé eftir umferð frá röngu. ATH: Það er styttra mál í stærri stærðum vegna víðari hálsmáls og lengra berustykkis. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Prjónið hina ermina á sama hátt.

FRÁGANGUR:
Saumið saum undir ermum í ystu lykkjubogana þannig að saumurinn verði ekki þykkur.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu

symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn svo að ekki myndist gat
symbols = setjið 1 lykkju á kaðlaprjón aftan við stykkið, 3 lykkjur slétt, prjónið 1 lykkju brugðið af kaðlaprjóni
symbols = setjið 3 lykkjur á kaðlaprjón framan við stykkið, 1 lykkja brugðið, prjónið 3 lykkjur slétt af kaðlaprjóni
symbols = setjið 1 lykkju á kaðlaprjón aftan við stykkið, 3 lykkjur slétt, prjónið 1 lykkju slétt af kaðlaprjóni
symbols = setjið 3 lykkjur á kaðlaprjón framan við stykkið, 1 lykkja slétt, prjónið 3 lykkjur slétt af kaðlaprjóni
symbols = setjið 3 lykkjur á kaðlaprjón framan við stykkið, 3 lykkjur slétt, prjónið 3 lykkjur slétt af kaðlaprjóni
symbols = fyrsta/síðasta umferð í mynsturteikningu fyrir þína stærð
diagram
diagram
diagram
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Frosted Cathedral

L'atelier De Mia, France

Frosted Cathedral

Maria, Ukraine

Skrifaðu athugasemd um DROPS 206-23

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (38)

country flag Alvia Bhat wrote:

Hi lovely pattern. im intermediate knitter and I can read pattern I normally use King cole pattern so this one is really baffling me. my size is xxl so using A.2a diagram ive done neck and on yoke can you simplify it for me. thank you.

04.01.2024 - 16:11

DROPS Design answered:

Dear Mrs Bhat, we only have diagrams to this pattern but this lesson should help you to understand how to read diagrams. Happy knitting!

05.01.2024 - 07:57

country flag Margherita wrote:

Buongiorno! Nella versione italiana non viene spiegato come eseguire il bordo inferiore a coste.

16.12.2022 - 20:56

DROPS Design answered:

Buonasera Margherita, grazie per la segnalazione: abbiamo aggiunto la parte mancante. Buon lavoro!

17.12.2022 - 21:30

country flag Eciepecie wrote:

Witam, mam problem z reglanem rozmiar M: \r\nZaczynam z 44 oczkami. Pierwszy rządek dodaje 12 oczek. Mam więc 56 oczek. Kiedy jednak robię kolejny to zawsze zostają mi 4 nieprzerobione oczka.\r\nGdzie popełniam błąd? Drugi rządek robię następująco:\r\nPrawe o, lewe o, 16.(a2),4o(a1), 2o (a3), 4o (a1), 16o(a2), 4o (a1), 2o (a3), lewe o. Prawe o. Lacznie 52o….

13.12.2022 - 14:44

DROPS Design answered:

Witaj, w każdym okrążeniu z dodawaniem oczek, dodajesz 8 oczek na reglan. Wyjątkiem jest pierwsze okrążenie z dodawaniem oczek, w którym dodajesz 12 oczek (8+4 dodane oczka w schematach A.2 a). 1-sze okrążenie z dodawaniem oczek: 44+12=56 oczek. Kolejne okrążenia z dodawaniem oczek 11x 8=88 > 56 + 88 = 144 oczka w rozmiarze M. Zobacz jeszcze fragment REGLAN. Pozdrawiamy!

13.12.2022 - 17:16

country flag Eugenia wrote:

Nie zgadza mi się liczba oczek. Na koniec wykończenia dekoltu mam 44 oczka (rozmiar S). Robiąc karczek dodaję 8 oczek (narzutów) na reglan w jednym okrążeniu. Dodawanie tych oczek powtarzam 11 razy. 8 x 11 = 88 dodanych oczek, było 44, więc 88+44 = 132 oczka. W opisie jest 136. Gdzie są te brakujące 4 oczka?

19.09.2022 - 16:54

DROPS Design answered:

Witaj Eugenio, w 2 schematach A.2a (na tyle i przodzie) w pierwszym rzędzie są dodane 2 oczka (patrz czarne owalne symbole w schemacie) poza oczkami dodanymi na reglan. Tutaj są nasze brakujące oczka. Miłej pracy!

20.09.2022 - 08:24

country flag Monika wrote:

Dzień dobry, a można zrobić rękawy na przerabiając na okrągło?

13.12.2021 - 07:29

DROPS Design answered:

Witaj Moniko, oczywiście że można. Pozdrawiamy!

13.12.2021 - 08:23

country flag Emma wrote:

Hei! Kastene på bærestykket skal strikkes vridd, men vil ikke disse da bli rett? Eller er det mulig å strikke kast vrang? På bildet ser det ut som om alle kastene er vrangmasker siden de skal blandes inn i ytterkantene av A2a, eller ser jeg feil?

23.12.2020 - 00:11

DROPS Design answered:

Hej Emma. I denna video ser du hur du stickar en maske vridd vrang. Mvh DROPS Design

05.01.2021 - 11:52

country flag Jill wrote:

Hei, Jeg strikker i størrelse L. Når jeg starter på bærstykket har jeg 48 masker. Slik jeg leser oppskriften skal det økes med 8 masker i raglan + 4 masker på A.2a på runde en - med andre ord blir det 60 masker. På runde 2 skal det strikkes 56 masker så vidt jeg kan forstå - hva skjer med de fire ekstra maskene fra runde 1?

14.11.2020 - 21:46

DROPS Design answered:

Hej Jill. De maskorna är inritade i diagrammet så följ bara diagrammet så blir det riktigt. Mvh DROPS Design

17.11.2020 - 11:36

country flag Drika wrote:

Eu traduzi o comentário anterior do Baaj e descobri o meu erro: há 2 aumentos na 1ª carreira do gráfico 2a, feito na frente e nas costas... E por isso dá diferença de 4 pontos. Obrigada mesmo assim. Tô empolgada com essa receita! S2

24.07.2020 - 15:28

DROPS Design answered:

Recebemos resposta da equipa de design e há esses 2 aumentos. Parabéns pelo seu projecto! Se quiser parilhar fotos quando terminar, pode partilhar na nossa Drops Gallery ou nas suas redes sociais usando a hashtag #dropsfan. Bom Tricô!

29.07.2020 - 11:04

country flag Drika wrote:

Estou tricotando essa peça, porém a quantidade de pontos APÓS O AUMENTO DO RAGLAN não estão iguais: \r\nTamanho XL, começa com 48 pontos. \r\nAumentam 8 pontos por carreira, por 14 vezes. \r\nTotal de aumentos: 112 + 48 pontos do início = um total de 160 PONTOS. Na receita diz 164. \r\nOnde estou errando?🤔\r\nNo aguardo. Abraços!🤗💕

23.07.2020 - 17:16

DROPS Design answered:

Bom dia, Também fiz as contas e deu 160 pontos. Vou encaminhar para a equipa de design para que confiram e vejam se temos de fazer uma correcção. Obrigado!

24.07.2020 - 11:31

country flag Baaj wrote:

J'ai trouve dans A2,, ma question est inutile !désolee!

20.02.2020 - 22:53