DROPS Baby Merino
DROPS Baby Merino
100% Ull
frá 924.00 kr /50g
Þú færð garn sem þarf í að gera þetta mynstur frá 2772.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Stroll in the Park

Peysa fyrir börn með hringlaga berustykki og áferðamynstri, prjónuð ofan frá og niður. Stuttar buxur á börn með snúru og stroffi. Stykkin eru prjónuð úr DROPS BabyMerino eða DROPS Alpaca. Stærð fyrirburar til 2 ára.

DROPS Baby 33-26
DROPS Design: Mynstur bm-105-by
Garnflokkur A
----------------------------------------------------------

ALLT SETTIÐ:

STÆRÐ:
PEYSA: (<0) 0/1 - 1/3 - 6/9 - 12/18 mán (2) ára
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)
BUXUR: (<0) 0/1 - 1/3 - 6/9 - 12/18 mán (2) ára
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABYMERINO frá Garnstudio (tilheyrir garnflokki A)
(150) 150-200-200-250 (250) g litur 11, ísblár

eða notiði:
DROPS ALPACA frá Garnstudio (tilheyrir garnflokki A)
(150) 150-200-200-250 (250) g litur 9026, blush

-----------------------------------------------------------

PEYSA:

STÆRÐ: (<0) 0/1 - 1/3 - 6/9 - 12/18 mán (2) ár
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABY MERINO frá Garnstudio (tilheyrir garnflokki A)
(100) 100-100-150-150 (150) g litur 11, ísblár

eða notið:
DROPS ALPACA frá Garnstudio (tilheyrir garnflokki A)
(100) 100-100-150-150 (150) g litur 9026, blush

PRJÓNFESTA:
24 lykkjur á breidd og 32 umferðir á hæð með
sléttprjóni = 10 x 10 cm.

PRJÓNAR:
DROPS HRINGPRJÓNN NR 3: lengd 60 cm.
DROPS SOKKAPRJÓNAR NR 3.
DROPS HRINGPRJÓNN NR 2,5: lengd 60 cm fyrir kanta með garðaprjóni.
DROPS SOKKAPRJÓNAR NR 2,5.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.
DROPS PERLUTALA, Bogalaga (hvít) NR 521: 5 stykki í allar stærðir.

----------------------------------------------------------

BUXUR:

STÆRÐ: (<0) 0/1 - 1/3 - 6/9 - 12/18 mán (2) ár
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABY MERINO frá Garnstudio (tilheyrir garnflokki A)
(50) 100-100-100-100 (100) g litur 11, ísblár

eða notið:
DROPS ALPACA frá Garnstudio (tilheyrir garnflokki A)
(50) 100-100-100-100 (100) g litur 9026, blush

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 3.
DROPS SOKKAPRJÓNAR NR 2,5.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Baby Merino
DROPS Baby Merino
100% Ull
frá 924.00 kr /50g
Þú færð garn sem þarf í að gera þetta mynstur frá 2772.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Sjá mynsturteikningu A.1. Mynsturteikning sýnir allar umferðir í mynstri séð frá réttu.

ÚTAUKNING (jafnt yfir á peysu):
Til þess að reikna út hvernig auka eigi jafnt út, teljið fjölda lykkja í umferð (t.d. 68 lykkjur) mínus kanta að framan (t.d. 10 lykkjur) og deilið lykkjum með fjölda útaukninga sem á að gera (t.d. 11 lykkjur) = 5,2.
Í þessu dæmi er aukið út með því að slá 1 sinni uppá prjóninn á eftir ca 5. hverja lykkju. Í næstu umferð er uppslátturinn prjónaður snúinn svo að ekki myndist gat.
Lykkjur eru ekki auknar út yfir kanta að framan.

LASKALÍNA (á við um stærð 12/18 mán og 2 ára):
Aukið út fyrir laskalínu hvoru megin við 4 prjónamerki í hverri skiptingu á milli fram- og bakstykkis og erma (= 8 lykkjur fleiri í hverri útauknings umferð). Öll útaukning er gerð frá réttu!
Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerkið situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) er uppslátturinn prjónaður snúinn brugðið, svo ekki myndist gat.

ÚRTAKA (á við um mitt undir ermi á peysu og innan á skálmum á buxum):
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki situr mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

HNAPPAGAT:
Fellið af fyrir hnappagötum í hægri kanti að framan (þegar flíkin er mátuð). 1 hnappagat = Prjónið frá réttu þar til 3 lykkjur eru eftir á prjóni, sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo að það myndist gat.
Fellið af fyrir fyrsta hnappagati í fyrstu umferð frá réttu eftir kant í hálsi. Fellið síðan af fyrir 4 næstu hnappagötum með ca 5 cm millibili.

ÚTAUKNING (á við um mitt að framan og mitt að aftan á buxum):
Byrjið á 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerkið situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo ekki myndist gat.

-------------------------------------------------------

BYRJIÐ Á PEYSU HÉR:

-------------------------------------------------------

PEYSA – STUTT ÚTSKÝRING Á STYKKI:
Berustykki og fram- og bakstykki er prjónað fram og til baka á hringprjón frá miðju að framan, ofan frá og niður. Ermar eru prjónaðar í hring á sokkaprjóna, ofan frá og niður.

KANTUR Í HÁLSMÁLI:
Fitjið upp (68) 72-78-82-84 (86) lykkjur (meðtaldar 5 kantlykkjur að framan í hvorri hlið við miðju að framan) á hringprjón 2,5 með Baby Merino eða Alpaca. Prjónið 4 umferðir GARÐAPRJÓN – sjá útskýringu að ofan. Prjónið 1 umferð slétt frá réttu þar sem aukið er út um (11) 16-16-18-19 (20) lykkjur jafnt yfir – sjá ÚTAUKNING og fellið af fyrir HNAPPAGAT í hægri kanti að framan – sjá útskýringu að ofan = (79) 88-94-100-103 (106) lykkjur. Prjónið 1 umferð brugðið frá röngu (kantar að framan eru prjónaðir slétt). Skiptið yfir á hringprjón 3 og prjónið berustykki eins og útskýrt er að neðan.

BERUSTYKKI:
Fyrsta umferð er prjónuð frá réttu þannig: 5 kantlykkjur að framan í garðaprjóni, A.1A (= 2 lykkjur), prjónið A.1B þar til 9 lykkjur eru eftir í umferð (= (21) 24-26-28-29 (30) mynstureiningar með 3 lykkjum), prjónið A.1C (= 4 lykkjur) og endið með 5 kantlykkjum að framan í garðaprjóni. Haldið svona áfram með mynstur og aukið út eins og mynsturteikning sýnir. ATHUGIÐ PRJÓNFESTUNA!
Þegar A.1 hefur verið prjónað til loka á hæðina eru (148) 166-178-190-196 (202) lykkjur í umferð og stykkið mælist ca 7 cm frá uppfitjunarkanti. Prjónið 2 umferðir sléttprjón með 5 kantlykkjur að framan í garðaprjóni í hvorri hlið og aukið JAFNFRAMT út (10) 16-20-24-14 (12) lykkjur jafnt yfir í fyrstu umferð = (158) 182-198-214-210 (214) lykkjur. Prjónið 4 umferðir GARÐAPRJÓN – sjá útskýringu að ofan. Prjónið síðan eins og útskýrt er að neðan mismunandi eftir stærðum.

FYRIRBURAR, 0/1 MÁNAÐA, 1/3 MÁNAÐA, 6/9 MÁNAÐA:
Haldið áfram með sléttprjón og 5 kantlykkjur að framan í garðaprjóni í hvorri hlið við miðju að framan þar til stykkið mælist (9) 9-10-11 cm frá uppfitjunarkanti mitt að framan.
Næsta umferð er prjónuð í sléttprjóni með 5 kantlykkjur að framan í garðaprjóni í hvorri hlið þannig: Prjónið (25) 28-31-33 lykkjur (= framstykki), setjið næstu (34) 40-42-46 lykkjur á þráð fyrir ermi, fitjið upp (4) 4-6-6 nýjar lykkjur á prjóninn (= í hlið undir ermi), prjónið (40) 46-52-56 lykkjur eins og áður (= bakstykki), setjið næstu (34) 40-42-46 lykkjur á þráð fyrir ermi, fitjið upp (4) 4-6-6 nýjar lykkjur á prjóninn (= í hlið undir ermi) og prjónið (25) 28-31-33 lykkjur sem eftir eru (= framstykki). Prjónið síðan fram- og bakstykki eins og útskýrt er að neðan. HÉÐAN ER NÚ MÆLT!

12/18 MÁNAÐA, 2 ÁRA:
Setjið nú 4 prjónamerki í stykkið (án þess að prjóna lykkjurnar) þannig: Fyrsta prjónamerki er sett eftir fyrstu 33 (34) lykkjurnar (= framstykki), 2. prjónamerki er sett eftir næstu 44 (44) lykkjur (= ermi), 3. prjónamerki er sett eftir næstu 56 (58)
lykkjur (= bakstykki) og 4. prjónamerki er sett eftir næstu 44-44 lykkjur (= ermi).
Nú eru 33 (34) lykkjur eftir í umferð á eftir síðasta prjónamerki (= framstykki).
Haldið áfram með sléttprjón fram og til baka með 5 kantlykkjum að framan í garðaprjóni í hvorri hlið við miðju að framan. Þegar prjónaðar hafa verið 2 umferðir er aukið út fyrir LASKALÍNA í næstu umferð frá réttu – sjá útskýringu að ofan. Aukið svona út í 4. hverri umferð (þ.e.a.s. í annarri hverri umferð frá réttu) alls 2 (3) sinnum. Á eftir síðustu útaukningu fyrir laskalínu eru 226 (238) lykkjur í umferð. Prjónið áfram þar til stykkið mælist 12 (13) cm frá uppfitjunarkanti.
Næsta umferð er prjónuð í sléttprjóni með 5 kantlykkjum að framan í garðaprjóni í hvorri hlið þannig: Prjónið 35 (37) lykkjur (= framstykki), setjið næstu 48 (50) lykkjur á þráð fyrir ermi, fitjið upp 8 (8) nýjar lykkjur á prjóninn (= í hlið undir ermi), prjónið 60 (64) lykkjur eins og áður (= bakstykki), setjið næstu 48 (50) lykkjur á þráð fyrir ermi, fitjið upp 8 (8) nýjar lykkjur á prjóninn (= í hlið undir ermi) og prjónið 35 (37) lykkjur sem eftir eru (= framstykki). Prjónið síðan fram- og bakstykki eins og útskýrt er að neðan. HÉÐAN ER NÚ MÆLT!

FRAM- OG BAKSTYKKI:
= (98) 110-126-134-146 (154) lykkjur. Haldið áfram fram og til baka með sléttprjóni og 5 kantlykkjum að framan í garðaprjóni í hvorri hlið við miðju að framan. Þegar stykkið mælist (7) 11-14-15-17 (19) cm frá skiptingu er skipt yfir á hringprjón 2,5. Prjónið 6 umferðir garðaprjón fram og til baka yfir allar lykkjur. Skiptið til baka yfir á hringprjón 3. Fellið laust af með sléttum lykkjum frá réttu. Peysan mælist ca (20) 24-28-30-33 (36) cm frá öxl og niður.

ERMI:
Setjið (34) 40-42-46-48 (50) lykkjur af þræði í annarri hlið á stykki á sokkaprjón 3 og prjónið að auki upp 1 lykkju í hverja og eina af (4) 4-6-6-8 (8) lykkjum sem fitjaðar voru upp undir ermi = (38) 44-48-52-56 (58) lykkjur. Setjið 1 prjónamerki mitt í (4) 4-6-6-8 (8) lykkjur undir ermi og látið prjónamerkið fylgja með í stykkinu. Prjónið sléttprjón hringinn. Þegar stykkið mælist 2 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona með (3) 2-2-1½-1½ (1½) cm millibili alls (2) 4-6-7-9 (9) sinnum = (34) 36-36-38-38 (40) lykkjur. Prjónið áfram þar til stykkið mælist (7) 11-14-15-18 (19) cm frá skiptingu. Skiptið yfir á sokkaprjóna 2,5. Prjónið 6 umferðir GARÐAPRJÓN hringinn – sjá útskýringu að ofan. Skiptið til baka yfir á sokkaprjón 3 og fellið laust af með sléttum lykkjum. Stykkið mælist ca (8) 12-15-16-19 (20) cm frá skiptingu.
Prjónið hina ermina á sama hátt.

FRÁGANGUR:
Saumið tölur í vinstri kanti að framan.

-------------------------------------------------------

STUTTAR BUXUR – STUTT ÚTSKÝRING Á STYKKI:
Stykkið er prjónað í hring á hringprjón / sokkaprjóna, ofan frá og niður.

Fitjið upp (96) 106-116-132-144 (152) lykkjur á hringprjón 2,5 með Baby Merino eða Alpaca.
Prjónið 1 umferð slétt. Prjónið síðan stroff hringinn (= 1 lykkja slétt, 1 lykkja brugðið). Þegar stroffið mælist 2½ cm prjónið gataumferð fyrir snúru þannig: * 1 lykkja slétt, 1 lykkja brugðið, sláið 1 sinni uppá prjóninn, prjónið 2 lykkjur brugðið saman *, prjónið frá *-* umferðina hringinn (= (24) 26-29-33-36 (38) gat í umferð). Haldið síðan áfram með stroff með 1 lykkju slétt, 1 lykkja brugðið þar til stykkið mælist 4 cm frá uppfitjunarkanti. Skiptið yfir á hringprjón 3 og prjónið 1 umferð slétt þar sem fækkað er um (10) 10-10-12-14 (18) lykkjur jafnt yfir – sjá ÚRTAKA-1 = (86) 96-106-120-130 (134) lykkjur. Prjónið nú upphækkun aftan á buxum eins og útskýrt er að neðan.

UPPHÆKKUN AÐ AFTAN:
Til að flíkin passi betur eru buxurnar prjónaðar hærri að aftan en að framan. Þetta er gert með því að prjóna stuttar umferðir fram og til baka þannig: Setjið 1 prjónamerki í byrjun á umferð = mitt að aftan. Byrjið frá réttu og prjónið 8 lykkjur fram hjá prjónamerki, snúið stykki, herðið á þræði og prjónið 16 lykkjur brugðið. Snúið, herðið á þræði og prjónið 24 lykkjur slétt, snúið, herðið á þræði og prjónið 32 lykkjur brugðið. Snúið, herðið á þræði og prjónið 40 lykkjur slétt, snúið, herðið á þræði og prjónið 48 lykkjur brugðið. Snúið herðið á þræði og prjónið sléttar lykkjur til baka að miðju að aftan

STUTTAR BUXUR:
Haldið áfram hringinn í sléttprjóni yfir allar lykkjur. ATHUGIÐ PRJÓNFESTUNA! Þegar buxurnar mælast (14) 16-17-20-21 (22) cm frá uppfitjunarkanti mitt að framan er sett 1 prjónamerki mitt að framan og 1 prjónamerki mitt að aftan. Í næstu umferð er aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Aukið svona út í annarri hverri umferð alls 6 sinnum = (110) 120-130-144-154 (158) lykkjur. Prjónið áfram þar til stykkið mælist (18) 20-21-24-25 (26) cm frá uppfitjunarkanti mitt að framan. Nú skiptist stykkið fyrir skálmar við bæði prjónamerkin. Setjið helming af lykkjum á þráð eða á hjálparprjón og prjónið skálm yfir þær lykkjur sem eftir eru eins og útskýrt er að neðan. HÉÐAN ER NÚ MÆLT!

SKÁLM:
= (55) 60-65-72-77 (79) lykkjur. Skiptið lykkjunum á sokkaprjóna 3 og prjónið sléttprjón hringinn. JAFNFRAMT eftir 1 umferð er fækkað um 2 lykkjur innan á skálm – sjá ÚRTAKA. Fækkið lykkjum svona í annarri hverri umferð alls (2) 2-2-2-3 (3) sinnum = (51) 56-61-68-71 (73) lykkjur. Skiptið yfir á sokkaprjón 2,5. Prjónið 1 umferð slétt þar sem aukið er út um (5) 6-7-8-9 (9) lykkjur jafnt yfir = (56) 62-68-76-80 (82) lykkjur. Prjónið stroff hringinn (= 1 lykkja slétt, 1 lykkja brugðið) í 2 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Prjónið hina skálmina á sama hátt.

TVINNUÐ SNÚRA:
Klippið 2 þræði ca 3 metra. Tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút í hvorn enda. Þræðið snúruna upp og niður í gataumferðina á buxunum og hnýtið slaufu mitt að framan.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = stingið prjóninum á milli 4. og 5. lykkju á vinstri prjón, dragið þráðinn í gegn (= 1 ný lykkja), prjónið 1 lykkju slétt, 2 lykkjur brugðið, 1 lykkja slétt
symbols = prjónið nýja lykkju frá fyrri umferð og næstu lykkju (= 2 lykkjur) brugðið saman (= 1 lykkja færri)
symbols = á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður snúinn slétt
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Stroll in the Park

Sifpetrea, Denmark

Stroll in the Park

Giada Simonetti, United Kingdom

Stroll in the Park

Franmade, Italy

Stroll in the Park

IntreccidiCeci, Italy

Stroll in the Park

IntreccidiCeci, Italy

Stroll in the Park

Franmade, Italy

Stroll in the Park

JoeJ5, France

Stroll in the Park

Vainmummutvirkkaa, Finland

Skrifaðu athugasemd um DROPS Baby 33-26

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (45)

country flag Ulrika wrote:

Hej, Finns det något liknande mönster i större storlekar? Eller går det att justera mönstret?

29.02.2024 - 20:40

DROPS Design answered:

Hei Ulrika. For voksne kan du ta en titt på DROPS 179-2. For større barn, nei, men du kan fint justere oppskriften til større barn (design avd. har dessverre ikke mulighet til å regne det ut). mvh DROPS Design

04.03.2024 - 13:37

country flag Valérie Questroy wrote:

Re, Oui c'est bien au niveau du diagramme Au rang 15 il faut faire la nouvelle m et la suivante à l'envers, ce qui veut dire qu'au rg 16, j'ai 5 endroit. Mais au rg 17, il faut faire 2 envers, 1 endroit ... Donc ma question est est ce qu'au rg 16, je dois faire l'inverse du 15 donc 5 endroit ou préparer le rg 17 en faisant 2 endroit, 1 envers, 2 endroit Merci

20.02.2024 - 16:16

DROPS Design answered:

Bonjour Mme Questroy, autant 15, vus tricotez simplement les mailles comme elles se présentent, soit sur l'envers: A.1C - 1 m end, 1 m env, 2 m end, 1 m env, A.1B: 2 m env, 1 m end, 2 m env, 1 m end et A.11: 2 m end, 2 m env, 2 m end, 1 m env, 1 m end. Bon tricot!

21.02.2024 - 08:12

country flag Valérie Questroy wrote:

Bonjour, Je suis bloqué au rang 16 et ou 17. Au rang 15, Il est dit qu'il faut tricoter ensemble, à l'envers la nouvelle maille et la maille suivante, ce qui veut dire qu'au rang 16, il faut faire 5 points endroit. Ma question est donc; est-ce qu'il faut suivre le rang 15 avec 5 mailles endroit ou suivre le rang 17 et faire 2 point endroits , 1 point envers, 2 points endroit, ...... Merci beaucoup

20.02.2024 - 15:45

DROPS Design answered:

Bonjour Mme Questroy, je ne suis pas bien sûre de votre question, le rang 15 se tricote en côtes, mais dans cette vidéo, nous montrons comment tricoter les rangs 7 et 8 + les rangs 13 et 14, peut-être que cela pourra vous aider? C'est probablement la partie du diagramme qui vous pose problème si j'ai bien compris. Sinon n'hésitez pas à revenir, merci pour votre compréhension. Bon tricot!

20.02.2024 - 15:56

country flag Mina Emilie Vøllestad Ødeli wrote:

Hei! Når man skal legge opp 68 masker på halsen til prematur, og generelt så blir jeg forvirret når det står inkludert 5 på hver side til maskestolpe. Er de 10 maskene en del av de 68 eller skal man legge opp til 78 masker?

07.07.2023 - 21:49

DROPS Design answered:

Hei Mina Emilie Når det står at stolpemaskene er inkludert i maskeantallet vil det si at maskestolpene er medregnet med de 68 maskene. Hadde det f.eks stått: Legg opp 68 masker + 5 stolpemasker i hver side ville det ha blitt 78 masker. mvh DROPS Design

24.07.2023 - 11:23

country flag Daniela Zerosi wrote:

La lavorazione dello sprone mi piace molto! Sarebbe bello se le misure del cardigan potessero arrivare ai 4 anni!

29.06.2023 - 07:18

country flag Pia Knudsen wrote:

Strikker trøjen i prematur og skal dele til ærmer, ryg og forstykker jeg har 158 masker. der deles således: 5 m ( forkant), 25 m (forstykke), 34 m (ærme) 40 m (ryg) 34 m (ærme) 25 m (forstykke) 5 m (forkant) = 168 m hvor skal jeg finde de 10 ekstra masker??

21.04.2023 - 20:58

DROPS Design answered:

Hej Pia, 5m rille 20m (= forstykke), 34 erme, strikk 40m (= bakstykke), 34m erme, 20 m (= forstykke) 5m rille = 158m.

25.04.2023 - 13:37

country flag Karin Jessen wrote:

Jeg er nået til udtagning efter mønster. Kan det passe, at der skal tages færre masker i str 12-18 mdr. end str 6-9 md

18.03.2023 - 10:01

country flag Micocoule wrote:

Bonjour dans l'explication des manches, à propos du fil marqueur, ne faudrait - il pas lire "faire suivre le fil marqueur" plutôt que "faire le fil" ? Joli modèle je me suis bien régalée avec le point fantaisie.

18.02.2023 - 11:43

DROPS Design answered:

Bonjour Micocoule et merci, c'est ajouté :) Bonne continuation!

20.02.2023 - 09:23

country flag Hege Flusund Beddari wrote:

Hva har jeg misforstått her... Hos meg har jakken blitt mye større foran enn bak... Strikker 1/3 mnd, og det står at bakstykke skal ha 52 masker, mens framstykkene er 31m + 31 m + knappestolpe. Jeg har ett kjempeoverlapp! Bruker baby merino.

04.01.2023 - 21:36

DROPS Design answered:

Hei Hege, Forstykkene skal ha 31 masker hver (med stolpene inkludert i masketallet), 42 masker på hvert erme og 52 masker på bakstykket. Med 5 masker på hver stolpe har du 26 masker på begge forstykkene og stolpene som overlapper. Håper dette hjelper og god fornøyelse!

05.01.2023 - 07:58

country flag María Teresa Ureta wrote:

PATRÓN: Ver diagrama A.1. Los diagramas muestran todas las hileras del patrón vistas por el lado derecho. Hay un error en alemán está bien explicado

15.12.2022 - 22:46