DROPS / 196 / 10

Bardu Jacket by DROPS Design

Prjónuð peysa með hringlaga berustykki úr DROPS Air. Stykkið er prjónað ofan frá og niður með norrænu mynstri. Stærð S - XXXL.

DROPS Design: Mynstur ai-151
Garnflokkur C eða A + A
-------------------------------------------------------

Stærð: S - M - L - XL - XXL - XXXL
Efni:
DROPS AIR frá Garnstudio (tilheyrir garnflokki C)
150-150-200-200-200-250 g litur 12, mosagrænn
50-100-100-100-100-100 g litur 19, skógargrænn
50-50-100-100-100-100 litur 03, perlugrár

-------------------------------------------------------

FYLGIHLUTIR FYRIR STYKKIÐ:

PRJÓNFESTA:
16 lykkjur á breidd og 20 umferðir á hæð með sléttprjóni og norrænu mynstri = 10 x 10 cm.

PRJÓNAR:
DROPS SOKKAPRJÓNAR NR 5,5: fyrir sléttprjóni og norrænt mynstur.
DROPS HRINGPRJÓNAR NR 5,5: lengd 40 cm og 80 cm fyrir sléttprjón og norrænt mynstur.
DROPS SOKKAPRJÓNAR NR 4,5 – fyrir stroff.
DROPS HRINGPRJÓNAR NR 4,5: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

DROPS PERLUTALA, Bogalaga (hvít) NR 522: 6-6-6-6-7-7 st.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

65% Alpakka, 28% Polyamide, 7% Ull
frá 1188.00 kr /50g
DROPS Air mix DROPS Air mix 1188.00 kr /50g
Gallery Spuni
Panta
DROPS Air uni colour DROPS Air uni colour 1188.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 5940kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.5. Veldu mynsturteikningu fyrir þína stærð.
Allt mynstrið er prjónað með sléttprjóni.

LEIÐBEININGAR-1:
Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðunum á bakhlið á stykkinu. Skiptið e.t.v. yfir á grófari prjóna þegar mynstrið er prjónað. Kantlykkjur að framan eru prjónaðar með grunnlit í mynsturumferðum.

LEIÐBEININGAR-2:
Mikilvægt er að prjónfestan haldist einnig á hæðina, annars kemur berustykkið til með að verða of stutt og handvegur of þröngur! Athugið prjónfestuna jafnóðum, ef prjónfestan passar á breiddina en ekki á hæðina er hægt að prjóna auka umferð með skógargrænum á eftir 2. og/eða 3. umferð með útaukningu (umferð með ör) til að fá rétt mál fyrir þína stærð. Það verður að prjóna jafnan fjölda umferða (2, 4, 6, o.s.frv.) til að útaukningar með afgang af umferðum með ör komi í umferð frá réttu.

ÚTAUKNING-1 (jafnt yfir):
Öll útaukning er gerð frá réttu!
Til þess að reikna út hvernig auka eigi jafnt út, teljið fjölda lykkja í umferð (t.d. 92 lykkjur), mínus kanta að framan (t.d. 10 lykkjur) og deilið með fjölda útaukninga sem á að gera (t.d. 23) = 3,5.
Í þessu dæmi er aukið út með því að slá 1 sinni uppá prjóninn til skiptis á eftir ca 3. og 4. hverja lykkju. Í næstu umferð (ranga) er uppslátturinn prjónaður snúinn brugðinn svo að ekki myndist gat.

ÚTAUKNING-2 (á við um hliðar á fram- og bakstykki):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir brugðinn svo að ekki myndist gat.

ÚRTAKA-1 (jafnt yfir):
Öll úrtaka er gerð frá réttu!
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 54 lykkjur), deilið þessum lykkjufjölda með fjölda úrtöku sem á að gera (t.d. 2) = 27. Í þessu dæmi þá er lykkjum fækkað með því að prjóna 26. og 27. hverja lykkju slétt saman.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

HNAPPAGAT:
Fellið af fyrir hnappagati á hægri kant að framan (þegar flíkin er mátuð). Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð er uppslátturinn prjónaður slétt svo að það myndist gat.
Fellið af fyrir fyrsta hnappagatinu þegar stroffið í kraga mælist ca 2½-3 cm. Fellið síðan af fyrir 5-5-5-5-6-6 næstu með ca 9-9-9½-9½-9-9 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka á hringprjón frá miðju að framan og prjónað er ofan frá og niður.
Ermar eru prjónaðar í hring á sokkaprjóna/stuttan hringprjón ofan frá og niður.

PEYSA:
KANTUR Í HÁLSI:
Fitjið upp 92-96-100-108-112-116 lykkjur (meðtaldar 5 kantlykkjur að framan á hvorri hlið við miðju að framan) á hringprjón 4,5 með skógargrænn. Prjónið 1 umferð brugðna (= ranga). Prjónið nú stroff þannig: 5 kantlykkjur að framan með GARÐAPRJÓN – sjá útskýringu að ofan, (2 lykkjur slétt, 2 lykkjur brugðnar) þar til 7 lykkjur eru eftir á prjóni, 2 lykkjur slétt, 5 kantlykkjur að framan með garðaprjóni. Haldið áfram fram og til baka þar til stroffið mælist 4 cm – munið eftir HNAPPAGAT – sjá útskýringu að ofna og stillið af að síðasta umferð í stroffi er prjónað frá röngu.

BERUSTYKKI:
Skiptið yfir á hringprjón 5,5. Prjónið nú frá réttu þannig: 5 kantlykkjur að framan með garðaprjóni, sléttar lykkjur þar til 5 lykkjur eru eftir á prjóni jafnframt því sem aukið er út um 23-23-27-27-31-31 lykkjur jafnt yfir þessar sléttu lykkjur – sjá ÚTAUKNING-1, 5 kantlykkjur að framan með garðaprjóni = 115-119-127-135-143-147 lykkjur. Prjónið 1 umferð brugðna, en þær 5 kantlykkjur að framan á hvorri hlið eru prjónaðar með garðaprjóni.
Prjónið nú mynstur og aukið út lykkjum jafnt yfir í umferð með ör í mynsturteikningu: Prjónið 5 kantlykkjur að framan með garðaprjóni, prjónið A.1 (sjá þína stærð í mynsturteikningu) yfir næstu lykkjur, prjónið A.2 (sjá þína stærð í mynsturteikningu) þar til 5 lykkjur eru eftir á prjóni, 5 kantlykkjur með garðaprjóni. ATHUGIÐ PRJÓNFESTUNA! Sjá LEIÐBEININGAR-1 og LEIÐBEININGAR-2!

ÖR-1: Aukið út um 24-28-32-32-32-32 lykkjur jafnt yfir = 139-147-159-167-175-179 lykkjur.
ÖR-2: Aukið út um 32-32-36-36-36-40 lykkjur jafnt yfir = 171-179-195-203-211-219 lykkjur.
ÖR-3: Aukið út um 32-36-38-36-40-44 lykkjur jafnt yfir = 203-215-233-239-251-263 lykkjur.
ÖR-4: Aukið út um 24-30-30-30-30-36 lykkjur jafnt yfir = 227-245-263-269-281-299 lykkjur.
ÖR-5: Aukið út um 6-12-24-30-30-36 lykkjur jafnt yfir = 233-257-287-299-311-335 lykkjur. Þegar útauking í umferð með ör-5 er lokið, prjónið áfram eftir mismunandi stærðum þannig:

Stærð S, M, L og XL:
Prjónið áfram þar til 1 umferð er eftir í mynsturteikningu. Stykkið á nú að mælast 25-27-27-30 cm frá uppfitjunarkanti og niður.

Stærð XXL og XXXL:
Haldið áfram með mynstur eins og áður og útaukningu þannig:
ÖR-6: Aukið út um 28-28 lykkjur jafnt yfir = 339-393 lykkjur. Þegar útaukning í umferð með ör-6 er lokið er prjónað áfram þar til eftir er 1 umferð í mynsturteikningu. Stykkið á nú að mælast 33-34 cm frá uppfitjunarkanti og niður. Prjónið síðan frá næsta kafla.

ALLAR STÆRÐIR:
Prjónið síðustu umferð í mynsturteikningu þannig: Prjónið fyrstu 37-40-44-47-53-57 lykkjur (= framstykki), setjið næstu 48-54-60-60-68-72 lykkjur á band (= ermi) og fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið næstu 63-69-79-85-97-105 lykkjur (= bakstykki), setjið næstu 48-54-60-60-68-72 lykkjur á band (= ermi) og fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið þær 37-40-44-47-53-57 lykkjur sem eftir eru (= framstykki). HÉÐAN ER NÚ MÆLT!

FRAM- OG BAKSTYKKI:
= 149-161-179-195-219-235 lykkjur. Prjónið nú mynstur þannig (fyrsta umferð = ranga): Prjónið 5 kantlykkjur að framan með garðaprjóni, prjónið A.4 (sjá þína stærð í mynsturteikningu) yfir næstu lykkju, 5 kantlykkjur að framan með garðaprjóni. Mynstur á fram- og bakstykki á að passa yfir mynstur á berustykki þannig að prjónuð sé ein mynstureining A.4 yfir hverja mynstureiningu A.2! Í stærð S og M er aukið út um 6-2 lykkjur, jafnt yfir í umferð með svörtum punkti í A.4 (ekki er aukið út yfir lykkjur í stærð L, XL, XXL og XXXL) = 155-163-179-195-219-235 lykkjur. Þegar allt A.3 og A.4 hefur verið prjónað til loka á hæðina er haldið áfram með mosagrænn, sléttprjón og 5 kantlykkjur að framan með garðaprjóni á hvorri hlið við miðju að framan. Í næstu umferð frá réttu er lykkjufjöldinn jafnaður út til 152-164-180-196-218-238 lykkjur. Setjið nú 1 prjónamerki í 42-45-48-52-57-63 lykkjur inn frá hvorri hlið (= 68-74-84-92-104-112 lykkjur fyrir bakstykki á milli 2 prjónamerkja).

Í næstu umferð frá réttu er aukið út um 2 lykkjur á hvorri hlið (= 4 lykkjur fleiri í umferð) – sjá ÚTAUKNING-2. Aukið svona út með ca 4-2-2-5-7-0 cm millibili alls 2-3-3-3-3-2-1 sinnum = 160-176-192-208-226-242 lykkjur. Þegar stykkið mælist 24-24-26-25-24-25 cm aukið út um 24-28-28-32-36-36 lykkjur jafnt yfir innan við 5 kantlykkjur að framan með garðaprjóni á hvorri hlið = 184-204-220-240-262-278 lykkjur. Skiptið yfir á hringprjón 4,5. Prjónið stroff þannig: 5 kantlykkjur að framan með garðaprjóni, (2 lykkjur slétt, 2 lykkjur brugðnar) þar til eftir eru 7 lykkjur á prjóni, 2 lykkjur slétt, 5 kantlykkjur að framan með garðaprjóni. Þegar stroffið mælist 6 cm fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturin verði stífur er hægt að slá 1 sinni uppá prjóninn á eftir 4. hverja lykkju (uppslátturinn er felldur af eins og venjuleg lykkja). Stykkið mælist ca 58-60-62-64-66-68 cm frá öxl og niður.

ERMAR:
Setjið 48-54-60-60-68-72 lykkjur af bandi á annarri hlið á stykki á sokkaprjóna/stuttan hringprjón 5,5 og prjónið að auki upp 1 lykkju í hverja og eina af 6-6-6-8-8-8 nýjar lykkjur sem fitjaðar voru upp undir ermi = 54-60-66-68-76-80 lykkjur. Setjið eitt prjónamerki mitt undir ermi, þ.e.a.s. mitt í 6-6-6-8-8-8 lykkjurnar sem fitjaðar voru upp undir ermi. Prjónamerkið fylgir með í stykkinu og á að nota það í úrtöku undir ermi.
Haldið áfram hringinn með mynstri A.5 (sjá þína stærð í mynsturteikningu). ATH: (á við um stærð S, M og L): Þar sem berustykki er lokið mitt í mynstureiningu er mikilvægt að mynstrið á ermi passi yfir mynstur á berustykki þannig að prjónuð sé ein mynstureining A.5 yfir hverja mynstureiningu A.2!
Passið þess vegna uppá að byrjað sé í réttri lykkju í mynstureiningu þannig að mynstrið gangi jafnt upp ermina allan hringinn.
Prjónið nú eftir mismunandi stærðum þannig:

Stærð S, M og L:
Í fyrstu umferð með stjörnu í A.5 er fækkað um 2-4-2 lykkjur jafnt yfir – sjá ÚRTAKA-1 og í annarri umferð með stjörnu er fækkað um 4-8-8 lykkjur jafnt yfir = 48-48-56 lykkjur.

Stærð XL, XXL og XXXL:
Í umferð með stjörnu í A.5 er fækkað um 4-4-0 lykkjur jafnt yfir – sjá ÚRTAKA-1 = 64-72-80 lykkjur.

Þegar allt A.5 hefur verið prjónað til oka er prjónað áfram með sléttprjóni og mosagrænn. Í næstu umferð byrjar úrtaka undir ermi – sjá ÚRTAKA-2. Fækkið lykkjum svona með ca 2-2-1-1-1-1 cm millibili alls 7-7-10-13-16-19 sinnum = 34-34-36-38-40-42 lykkjur. Þegar ermin mælist 34-32-33-30-27-27 cm frá skiptingu er prjónuð 1 umferð slétt þar sem aukið er út um 6-6-8-6-8-10 lykkjur jafnt yfir = 40-40-44-44-48-52 lykkjur. Skiptið yfir á sokkaprjón 4,5. Prjónið stroff (2 lykkjur slétt, 2 lykkjur brugðnar) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 40-38-39-36-33-33 cm.
Prjónið hina ermina alveg eins.

FRÁGANGUR:
Saumið tölur í vinstri kant að framan.

Mynstur

= mosagrænn
= skógargrænn
= ljós perlugrár
= útauknings umferð - sjá útskýringu í uppskrift
= úrtöku umferð (á við um ermar) – sjá útskýringu í uppskrift
= útauknings umferð (á við um fram- og bakstykki í stærð S og M) – sjá útskýringu í uppskrift





Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 196-10) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (18)

Helene Hansen 31.10.2019 - 20:57:

Jeg får ikke mænster og antall masker til å gå opp. Jeg begynte med møster beskrivelse A2 str. L. Er usikker på hvordan mønsteret A.1 skal brukes i forhold til mønster A2. Lurer på om feilen ligger der.

Lotta Sjöholm 09.08.2019 - 17:52:

Hello, I got problems with getting the pattern to fit with the amount of stitches for a size M jacket. After increasing at the first arrow on A.1-2 i got 147 stitches + 5 garter stitches on each side. However, when i repeat the 7th row on A.2, after knitting the stitche on A.1 once, i get an incomplete figure at the end. The figure is 2 stitches short. Am i doing something wrong?

DROPS Design 12.08.2019 kl. 07:17:

Dear Mrs Sjöholm, you start yoke with 119 sts in size M then increase evenly 28 sts on first row with an arrow in A.2 = 147 sts; work then (seen from RS): 5 sts in garter st, A.1 (= 1 st), repeat A.2 (= 4 sts on row 4) a total of 34 times and finish with 5 sts in garter st = 5 + 1 + 4x34 + 5 = 147 sts. On row 7 you should have 2 sts in forest green inside the front band sts before the st in moss green. Happy knitting!

Sabine Fournier 28.07.2019 - 18:13:

Beste, de vraag is opgelost. Mijn excuses. Ik heb het niet goed gelezen, had het verkeerde cijfer omcirkeld en daardoor kwam het niet uit. :)

Sabine Fournier 27.07.2019 - 23:12:

Beste, ik ben inmiddels aan het lijf en moet nu 52 steken breien (de 5 van de bies inbegrepen denk ik toch), markeerdraad toevoegen, 84 steken breien en dan heb ik er maar 44 meer over? ? Ik begrijp eigenlijk niet goed wat ik moet doen?Is dat dan niet meer voorkanten en achterlijf in 1 stuk? en het stekenaantal klopt toch niet, of begrijp ik het niet?Kunt u verduidelijken aub? Ik zou anders een foto sturen van wat ik heb, maar weet niet hoe ik dit moet/ kan doen?

DROPS Design 10.08.2019 kl. 17:50:

Dag Sabine,

Ja, dit is met de 5 biessteken inbegrepen. Als het goed is heb je 196 steken op de naald (Je breit xl toch?) Je plaatst vanaf het begin vanaf elke kant een markeerdraad, dus 52 steken (incl. bies) op het ene voorpand, 92 steken op het achterpand en dan weer 52 steken op het andere voorpand). Deze markeerdraden geven de zijnaad aan en aan beide zijden van de markeerdraden ga je meerderen voor de taillering in de zijkanten.

Sabine Fournier 27.07.2019 - 23:06:

Boord inbegrepen (denk ik) dan markeerdraad, dan brei ik weer 84 steken en dan.. heb ik maar44 steken meer over. Klopt toch niet? Ik kan hier niet verder want begrijp het niet goed wat ik moet doen. Is dat dan niet meer voorkanten en achterlijf in 1 stuk? Kunt u verduidelijken aub? Ik zou anders een foto sturen van wat ik heb, maar weet niet hoe ik dit moet/ kan doen?

Alessia Natili 22.10.2018 - 14:51:

Buonasera, questo cardigan è bellissimo, ma purtroppo non ci sono le istruzioni per la mia taglia (xs). Se provassi a farlo di taglia s/m per poi farlo restringere funzionerebbe? Grazie

DROPS Design 22.10.2018 kl. 15:14:

Buongiorno Alessia, lavorare una taglia più grande e poi restringerlo non è una soluzione adatta: può in alternativa calcolare le dovute proporzioni per lavorare una taglia più piccola, affidandosi anche al suo rivenditore DROPS di fiducia. Buon lavoro!

Thouvenin 24.09.2018 - 14:23:

Bonjour, Bonjour, je ne comprends pas comment on commence l'empiècement : comment se lient le diagramme A1 et A2, je ne comprends pas A1 "au dessus de la maille suivante, répéter A2". Je ne vois pas à quoi correspond le A1. Merci pour votre réponse et pour votre site Marie Thouvenin

DROPS Design 24.09.2018 kl. 14:44:

Bonjour Mme Thouvenin, les diagrammes se lisent en commençant en bas à droite, de droite à gauche sur l'endroit et de gauche à droite sur l'envers. Tricotez ainsi sur l'endroit: 5 m point mousse, A.1 (= 1 maille), répétez A.2 tout le rang et terminez par 5 m point mousse. Sur l'envers, tricotez 5 m end, répétez A.2 (en lisant de gauche à droite) et terminez par A.1 et 5 m end. Bon tricot!

Marieke 23.09.2018 - 16:13:

Goedemiddag, Ik ben inmiddels aangekomen bij t lijf. Steken voor de mouw staan op de hulpnaald. Ik brei dit vest in een S. Volgens patroon, 1e naald averechts A4 breien, dit zou betekenen dat de meerdering bij de stip in een averechtse naald valt. Moet ik eerst een hele naald averechts zonder patroon breien en t patroon in de volgende naald op recht starten, of moet de meerdering een naald eerder of later, aangezien dit altijd in een rechte naald moet? Graag verneem ik van u?

DROPS Design 26.09.2018 kl. 14:40:

Dag Marieke, Je hebt inderdaad gelijk, het komt er dan op neer dat je op een naald averecht verdeeld moet meerderen. Ik zal dit even navragen, want ik denk dat er een foutje in zit. In ieder geval niet een extra naald averecht zonder patroon, anders loopt het patroon niet mooi door.

Marieke 18.09.2018 - 15:21:

Goedemiddag, Mijn vorige vraag heeft zichzelf opgelost😊. Heb nu een vraag over tips voor t breien 2; Als t werk te strak is in de breedte, kun je extra naalden breien. Dit levert toch allleen maar lengte op en geen breedte? Graag verneem ik van u. Vriendelijke groet Marieke

DROPS Design 19.09.2018 kl. 16:12:

Dag Marieke, Fijn dat het gelukt is w.b.t. je vorige vraag. Wat de breitip aangaat: het stond verkeerd in het patroon en ik heb het zonet aangepast. Het gaat inderdaad allen over de stekenverhouding in de hoogte.

Marieke 13.09.2018 - 13:51:

Ik ben net begonnen met dit vest. Ik ben aangekomen bij t patroon. Moet ik A1 1 keer breien en dan A2 blijven herhalen, of moet A1 en A2 beide herhaald worden?

Skrifaðu athugasemd um DROPS 196-10

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.