DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 6820.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Bardu

Prjónuð peysa með hringlaga berustykki úr DROPS Air. Stykkið er prjónað ofan frá og niður með norrænu mynstri. Stærð S - XXXL.

DROPS 196-9
DROPS Design: Mynstur ai-152
Garnflokkur C eða A + A
-------------------------------------------------------

Stærð: S - M - L - XL - XXL - XXXL

Efni:
DROPS AIR frá Garnstudio (tilheyrir garnflokki C)
150-150-200-200-200-250 g litur 12, mosagrænn
50-100-100-100-100-100 g litur 19, skógargrænn
50-50-100-100-100-100 litur 03, perlugrár

PRJÓNFESTA:
16 lykkjur á breidd og 20 umferðir á hæð með sléttprjóni og norrænu mynstri = 10 x 10 cm.

PRJÓNAR:
DROPS SOKKAPRJÓNAR NR 5,5: fyrir sléttprjóni og norrænt mynstur.
DROPS HRINGPRJÓNAR NR 5,5: lengd 40 cm og 80 cm fyrir sléttprjón og norrænt mynstur.
DROPS SOKKAPRJÓNAR NR 4,5 – fyrir stroff.
DROPS HRINGPRJÓNAR NR 4,5: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 6820.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.3. Veldu mynsturteikningu fyrir þína stærð.
Allt mynstrið er prjónað í sléttprjóni.

LEIÐBEININGAR-1:
Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykki. Skiptið e.t.v. yfir á grófari prjóna þegar mynstrið er prjónað.

LEIÐBEININGAR-2:
Mikilvægt er að prjónfestan haldist einnig á hæðina, annars kemur berustykkið til með að verða of stutt og handvegur of þröngur! Athugið prjónfestuna jafnóðum, ef prjónfestan passar á breiddina en ekki á hæðina er hægt að prjóna auka umferð með skógargrænn á eftir 2. og/eða 3. umferð með útaukningu (umferð með ör) til að fá rétt mál fyrir þína stærð.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 84 lykkjur) og deilið með fjölda útaukninga sem á að gera (t.d. 20) = 4,2.
Í þessu dæmi er aukið út með því að slá 1 sinni uppá prjóninn á eftir ca 4. hverja lykkju. Í næstu umferð er uppslátturinn prjónaður snúinn slétt svo ekki myndist gat.

ÚTAUKNING-2 (á við um hliðar á fram- og bakstykki):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir slétt svo ekki myndist gat.

ÚRTAKA-1 (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 54 lykkjur), deilið þessum lykkjufjölda með fjölda úrtöku sem á að gera (t.d. 2) = 27. Í þessu dæmi þá er lykkjum fækkað með því að prjóna 26. og 27. hverja lykkju slétt saman.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hring á hringprjón frá miðju að aftan og prjónað er ofan frá og niður.
Ermar eru prjónaðar í hring á sokkaprjóna/stuttan hringprjón ofan frá og niður.

KANTUR Í HÁLSMÁLI:
Fitjið upp 84-88-92-100-104-108 lykkjur á stuttan hringprjón 4,5 með litnum skógargrænn. Prjónið 1 umferð slétt. Prjónið nú stroff (2 lykkjur slétt, 2 lykkjur brugðið) þar til stroffið mælist 4 cm.

BERUSTYKKI:
Skiptið yfirá stuttan hringprjón 5,5. Prjónið nú 1 umferð slétt þar sem aukið er út um 20-20-24-24-28-28 lykkjur jafnt yfir – sjá ÚTAUKNING-1= 104-108-116-124-132-136 lykkjur. Prjónið 1 umferð slétt.

Prjónið nú mynstur A.1 (sjá þína stærð í mynsturteikningu) hringinn í umferð og aukið út um lykkjur jafnt yfir í umferð með ör í mynsturteikningu: ATHUGIÐ PRJÓNFESTUNA! Sjá LEIÐBEININGAR-1 og LEIÐBEININGAR-2!
ÖR-1: Aukið út um 24-28-32-32-32-32 lykkjur jafnt yfir = 128-136-148-156-164-168 lykkjur.
ÖR-2: Aukið út um 32-32-36-36-36-40 lykkjur jafnt yfir = 160-168-184-192-200-208 lykkjur.
ÖR-3: Aukið út um 32-36-38-36-40-44 lykkjur jafnt yfir = 192-204-222-228-240-252 lykkjur.
ÖR-4: Aukið út um 24-30-30-30-30-36 lykkjur jafnt yfir = 216-234-252-258-270-288 lykkjur.
ÖR-5: Aukið út um 6-12-24-30-30-36 lykkjur jafnt yfir = 222-246-276-288-300-324 lykkjur. Þegar útauking í umferð með ör-5 er lokið, prjónið áfram eftir mismunandi stærðum þannig:

Stærð S, M, L og XL:
Prjónið áfram þar til 1 umferð er eftir í mynsturteikningu. Stykkið á nú að mælast 25-27-27-30 cm frá uppfitjunarkanti og niður.

Stærð XXL og XXXL:
Haldið áfram með mynstur eins og áður og útaukningu þannig:
ÖR-6: Aukið út um 28-28 lykkjur jafnt yfir = 328-352 lykkjur. Þegar útaukning í umferð með ör-6 er lokið er prjónað áfram þar til eftir er 1 umferð í mynsturteikningu. Stykkið á nú að mælast 33-34 cm frá uppfitjunarkanti og niður.

ALLAR STÆRÐIR:
Prjónið síðustu umferð í mynsturteikningu þannig: Prjónið fyrstu 31-34-39-42-48-52 lykkjur (= hálft bakstykki), setjið næstu 48-54-60-60-68-72 lykkjur á þráð (= ermi) og fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið næstu 63-69-78-84-96-104 lykkjur (= framstykki), setjið næstu 48-54-60-60-68-72 lykkjur á þráð (= ermi) og fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið þær 32-35-39-42-48-52 lykkjur sem eftir eru (= hálft bakstykki). HÉÐAN ER NÚ MÆLT!

FRAM- OG BAKSTYKKI:
= 138-150-168-184-208-224 lykkjur. Prjónið nú mynstur þannig: Prjónið A.2 (sjá þína stærð í mynsturteikningu) hringinn í umferð. Mynstur á fram- og bakstykki á að passa yfir mynstur á berustykki þannig að prjónuð sé ein mynstureining A.2 yfir hverja mynstureiningu A.1! Í stærð S og M er aukið út um 6-2 lykkjur, jafnt yfir í umferð með svörtum punkti í A.2 (ekki er aukið út yfir lykkjur í stærð L, XL, XXL og XXXL) = 144-152-168-184-208-224 lykkjur. Þegar allt A.2 hefur verið prjónað til loka á hæðina er haldið áfram með mosagrænn og sléttprjón. Setjið nú 1 prjónamerki í hvora hlið þannig: setjið fyrsta prjónamerkið eftir fyrstu 36-38-42-46-52-56 lykkjur, setjið nú eitt nýtt prjónamerki eftir nýjar 72-76-84-92-104-112 lykkjur. Nú eru 36-38-42-46-52-56 lykkjur eftir í umferð á eftir síðasta prjónamerki. Í næstu umferð er aukið út um 2 lykkjur í hvorri hlið – sjá ÚTAUKNING-2. Aukið svona út með ca 4-2-3-4-5-6 cm millibili alls 2-4-4-4-3-3 sinnum = 152-168-184-200-220-236 lykkjur. Þegar stykkið mælist 24-24-26-25-24-25 cm aukið út um 24-28-28-32-36-36 lykkjur jafnt yfir = 176-196-212-232-256-272 lykkjur. Skiptið yfir á hringprjón 4,5. Prjónið stroff (2 lykkjur slétt, 2 lykkjur brugðið). Þegar stroffið mælist 6 cm fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturin verði stífur er hægt að slá 1 sinni uppá prjóninn á eftir 4. hverja lykkju (uppslátturinn er felldur af eins og venjuleg lykkja). Stykkið mælist ca 58-60-62-64-66-68 cm frá öxl og niður.

ERMI:
Setjið 48-54-60-60-68-72 lykkjur af þræði í annarri hlið á stykki á sokkaprjóna/stuttan hringprjón 5,5 og prjónið að auki upp 1 lykkju í hverja af 6-6-6-8-8-8 nýjar lykkjur sem fitjaðar voru upp undir ermi = 54-60-66-68-76-80 lykkjur. Setjið eitt prjónamerki mitt undir ermi, þ.e.a.s. mitt í 6-6-6-8-8-8 lykkjur sem fitjaðar voru upp undir ermi. Prjónamerkið fylgir með í stykkinu og á að nota það í úrtöku undir ermi.
Haldið áfram hringinn með mynstri A.3 (sjá þína stærð í mynsturteikningu). ATH: (á við um stærð S, M og L): Þar sem berustykki er lokið mitt í mynstureiningu er mikilvægt að mynstrið á ermi passi yfir mynstur á berustykki þannig að prjónuð sé ein mynstureining A.3 yfir hverja mynstureiningu A.2!
Passið þess vegna uppá að byrjað sé í réttri lykkju í mynstureiningu þannig að mynstrið gangi jafnt upp ermina allan hringinn.
Prjónið nú eftir mismunandi stærðum þannig:

Stærð S, M og L:
Í fyrstu umferð með stjörnu í A.3 er fækkað um 2-4-2 lykkjur jafnt yfir – sjá ÚRTAKA-1 og í annarri umferð með stjörnu er fækkað um 4-8-8 lykkjur jafnt yfir = 48-48-56 lykkjur.

Stærð XL, XXL og XXXL:
Í umferð með stjörnu í A.3 er fækkað um 4-4-0 lykkjur jafnt yfir – sjá ÚRTAKA-1 = 64-72-80 lykkjur.

Þegar allt A.3 hefur verið prjónað til oka er prjónað áfram í sléttprjóni með litnum mosagrænn. Í næstu umferð byrjar úrtaka undir ermi – sjá ÚRTAKA-2. Fækkið lykkjum svona með ca 2-2-1-1-1-1 cm millibili alls 7-7-10-13-16-19 sinnum = 34-34-36-38-40-42 lykkjur. Þegar ermin mælist 34-32-33-30-27-27 cm frá skiptingu er prjónuð 1 umferð slétt þar sem aukið er út um 6-6-8-6-8-10 lykkjur jafnt yfir = 40-40-44-44-48-52 lykkjur. Skiptið yfir á sokkaprjón 4,5. Prjónið stroff (2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 40-38-39-36-33-33 cm.
Prjónið hina ermina á sama hátt.

Mynstur

symbols = mosagrænn
symbols = skógargrænn
symbols = ljós perlugrár
symbols = útauknings umferð - sjá útskýringu í uppskrift
symbols = úrtöku umferð (á við um ermar) – sjá útskýringu í uppskrift
symbols = útauknings umferð (á við um fram- og bakstykki í stærð S og M) – sjá útskýringu í uppskrift
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Bardu

Johanna, Finland

Bardu

Véronique Bach, France

Bardu

Leabrook

Bardu

gabriellejaques, United States

Bardu

Viki, Canada

Bardu

Marta, Poland

Bardu

@sukkaisjuttuja, Finland

Bardu

@sukkaisjuttuja, Finland

Skrifaðu athugasemd um DROPS 196-9

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (46)

country flag Heather wrote:

I am confused about when to mark out the sleeves. I am doing the large size, and I am reading the pattern to start the sleeves after the A.2 chart is completed in height. But looking at the photos, that's the end of colour work. Help please? Thanks!

21.01.2024 - 19:15

DROPS Design answered:

Dear Heather, you divide yoke on last round in A.1 then work A.2 on body but work A.3 on sleeves. Then after diagrams have been worked, just continue in stocking stitch. Happy knitting!

22.01.2024 - 10:27

country flag Petra Magdlung wrote:

Hallo,ich habe Probleme,die Anleitung zu drucken,die Diagramme werden nicht gedruckt,ich kann die Anleitung auch nicht in meinen Datein speichern

28.12.2023 - 17:50

DROPS Design answered:

Liebe Frau Maglung, beachten Sie, daß alle Seiten gedruckt werden; und auch daß Sie nicht schon zuviele Favorite haben. Viel Spaß beim stricken!

02.01.2024 - 09:41

country flag Fiona McB wrote:

Hi Have started knitting the Bardu sweater pattern. I’m confused as to how to align the pattern when are increasing stitches in the yoke - means can either align the design horizontally or vertically. If vertically would mean that there will be gaps in the pattern horizontally where stitches were increased. If horizontally the crosses will not sit in same place above the diamonds, for example. I guess must seek to align it horizontally, except when get to lining up A2 above A1 (?) Thank you

09.09.2022 - 09:59

DROPS Design answered:

Dear Fiona, when working the diagrams, the different stripes won't be lined up as in diagram because of the increases worked evenly, but you have enough stitches to repeat the new stripe over the new number of sts. Happy knitting!

09.09.2022 - 15:33

country flag Karoline wrote:

Heisann! Jeg strikker Bardu genseren i størrelse M og er nesten ferdig med bolen, men målene på genseren min stemmer ikke overens med størrelsesdiagrammet. Målet over bolen skal ifølge diagrammet være på 47 cm, men hos meg er den 36. Jeg mener at jeg har fulgt oppskriften til punkt og prikke, kan dette være en feil i oppskriften, eller har jeg gjort noe galt på veien? Dette er første gang jeg strikker en genser.

18.04.2022 - 21:32

DROPS Design answered:

Hei Karoline. Hvordan er strikkefastheten din? Når du strikker skal du få at 16 masker i bredden = 10 cm. Når man strikker mønster er det fort å strikke for stramt og noen ganger kan det hjelpe å strikke med en pinne større. Husk at den oppgitte pinne str. er kun veilledene. Får du for mange masker på 10 cm, bytt til tykkere pinner. Får du for få masker på 10 cm, bytt til tynnere pinner. mvh DROPS Design

19.04.2022 - 13:58

country flag Judy wrote:

I am choosing my next project from your wonderful selection. I would like to make a traditional yolk sweater in yarn group C and I have found three possibles. The yarn requirements for Lillehammer and Gemstone are about 17/18 balls whereas for Bardu I am getting 6 balls. Such a discrepancy does not seen likely . Thank you.

15.03.2022 - 11:33

DROPS Design answered:

Dear Judy, Lillehammer is worked with DROPS Nepal / 50 g = approx. 75 m; while this jumper is worked with DROPS Air which is approx. 150 m (= double in length), reason why the total number of balls required is different for these 2 jumpers. Happy knitting!

15.03.2022 - 13:45

country flag Lis wrote:

50 g skovgrøn er ikke helt nok i str S, så måtte desværre købe 1 ekstra nøgle.

11.03.2022 - 18:53

country flag Cecile Lovigny wrote:

Hvordan forandrer jeg oppskrift fra S til XS

10.02.2022 - 14:00

DROPS Design answered:

Hej Cecile, brystmålet på den mindste er 86 cm. Vi kan ikke hjælpe med at skrive opskriften om, men hvis du strikker den med en tyndere pind og får 17 masker på 10 cm (i stedet for de 16 m på 10 cm vi skriver i opskriften), så vil den blive lidt mindre...

11.02.2022 - 08:04

country flag Lieu wrote:

Hi Garnstudio, Is the amount of materials correct? I was looking at 2 different designs with the same yarn group-group C. This one needs 300g for size M for a jumper. While the blue pine shore needs 350g for size M and it’s a sleeveless top. I’m a beginner so I just wanted to make sure that I’ll get enough yarns. Thank you

30.12.2021 - 11:36

DROPS Design answered:

Hi Lieu, it is correct, DROPS Air is much more lighter and longer than DROPS Paris. Air -weight/length: 50 g = approx 150 m, Paris - weight/length: 50 g = approx 75 m. Happy knitting!

30.12.2021 - 13:48

country flag Yvette wrote:

Liebes Drops Team, ich stricke das Model Bardu in M und habe eine Frage zum Rumpfteil. Ich habe 34 M gestrickt (passend A2 über A1 = 6M). 34 ist nicht durch 6 teilbar, wenn ich nach den 6 aufgenommenen Ärmelmaschen im Vorderteil weiterstricke verschiebt sich das Muster. Jetzt frage ich mich, wie ich weiterstricke, zumal ich das gesamte A2 Diagramm noch vor mir habe.

11.12.2021 - 13:48

DROPS Design answered:

Liebe Yvette, stricken Sie weiter mit A.2 wie zuvor, aber sollte das Muster nicht in Runden passen, dann stricken Sie das Muster soviel möglich ist bis unter den Ärmel, damit A.2 in der Höhe wie zuvor gestrickt wird (wird nur nicht auf jeder Seite dann anpassen). Viel Spaß beim stricken!

13.12.2021 - 09:08

country flag Elvira wrote:

Ho comprato da voi la kana x realizzare questo modello ma vorrei utilizzare ferri 3.5 come posso ricalcolare la quantità di maglie da mettere?

02.05.2021 - 12:05

DROPS Design answered:

Buonasera Elvira, per questo modello deve utilizzare il numero di ferri che le consente di ottenere il campione indicato. Buon lavoro!

02.05.2021 - 20:04