DROPS / 195 / 28

Forward by DROPS Design

Prjónuð peysa með laskalínu úr 2 þráðum DROPS Sky. Stykkið er prjónað ofan frá og niður með áferð. Stærð S – XXXL.

DROPS Design: Mynstur sk-007
Garnflokkur B + B
-------------------------------------------------------

Stærð: S - M - L - XL - XXL - XXXL
Efni:
DROPS SKY frá Garnstudio (tilheyrir garnflokki B)
350-400-450-450-500-550 g litur 03, ljós beige

-------------------------------------------------------
FYLGIHLUTIR FYRIR STYKKIÐ:

PRJÓNFESTA:
13 lykkjur á breidd og 15 umferðir á hæð með sléttprjóni og 2 þráðum = 10 x 10 cm.

PRJÓNAR:
DROPS SOKKAPRJÓNAR NR 7: fyrir áferð/sléttprjón.
DROPS HRINGPRJÓNAR NR 7: lengd 40 cm og 80 cm fyrir áferð/sléttprjón.
DROPS SOKKAPRJÓNAR NR 6: fyrir stroff.
DROPS HRINGPRJÓNAR NR 6: lengd 40 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

-------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

74% Alpakka, 18% Polyamide, 8% Ull
frá 1496.00 kr /50g
DROPS Sky uni colour DROPS Sky uni colour 1496.00 kr /50g
Panta
DROPS Sky mix DROPS Sky mix 1496.00 kr /50g
Panta
Prjónar & Heklunálar
Þú færð garn sem þarf í að gera þetta mynstur frá 10472kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.3. Veldu mynsturteikningu fyrir þína stærð (á við um mynsturteikningu A.1 og A.2).

LASKALÍNA (á ermum):
Aukið út um 1 lykkju á undan/eftir prjónamerki á ermum þannig: Prjónið fram að fyrsta prjónamerki á ermi, 1 lykkja slétt, sláið 1 sinni uppá prjóninn, prjónið fram þar til 1 lykkja er eftir á undan næsta prjónamerki, sláið 1 sinni uppá prjóninn, 1 lykkja slétt. Endurtakið á hinni erminni (= 4 lykkjur fleiri í umferð). Í næstu umferð er uppslátturinn prjónaður slétt, svo að það myndist gat. Prjónið síðan nýjar lykkjur með sléttprjóni.

ÚRTAKA (á við um ermar):
Fækkið um 1 lykkju hvoru megin við lykkju með prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki er staðsett mitt á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hring á hringprjón ofan frá og niður. Ermar eru prjónaðar í hring á stuttan hringprjón/sokkaprjóna.

KANTUR Í HÁLSI:
Fitjið upp 60-60-64-68-72-72 lykkjur á hringprjón 6 með 2 þráðum Sky. Prjónið 1 umferð slétt. Setjið 1 prjónamerki í byrjun á umferð (merkir skiptingu á milli vinstri ermi og bakstykkis). Prjónamerkið fylgir með í stykkinu. Nú er prjónað stroff (1 lykkja slétt, 1 lykkja brugðin) í hring í 4 cm. Næsta umferð er prjónuð þannig: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir fyrstu 25-25-25-29-29-29 lykkjurnar, setjið eitt prjónamerki hér (merkir skiptingu á milli bakstykkis og hægri ermi), prjónið sléttar lykkjur yfir næstu 5-5-7-5-7-7 lykkjurnar og aukið jafnframt út um 1-2-2-2-1-2 lykkjur jafnt yfir, setjið eitt prjónamerki hér (merkir skiptingu á milli hægri ermi og framstykkis), prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 25-25-25-29-29-29 lykkjur, setjið eitt prjónamerki hér (merkir skiptingu á milli framstykkis og vinstri ermi), prjónið sléttar lykkjur yfir næstu 5-5-7-5-7-7 lykkjur og aukið jafnframt út um 1-2-2-2-1-2 lykkjur jafnt yfir = 62-64-68-72-74-76 lykkjur.

BERUSTYKKI:
Skiptið yfir á hringprjón 7. Prjónið nú mynstur þannig: * Prjónið A.1 (veldu mynsturteikningu fyrir þína stærð) yfir fyrstu 12-12-12-14-14-14 lykkjurnar, prjónið 1 lykkju slétt (= miðju lykkja á bakstykki/framstykki), prjónið A.2 (veldu mynsturteikningu fyrir þína stærð) yfir næstu 12-12-12-14-14-14 lykkjurnar, (prjónamerki er staðsett hér), prjónið 1 lykkju slétt, sláið 1 sinni uppá prjóninn (= útaukning fyrir laskalínu), prjónið sléttar lykkjur yfir næstu 4-5-7-5-6-7 lykkjurnar, sláið 1 sinni uppá prjóninn (= útaukning fyrir laskalínu), 1 lykkja slétt, (prjónamerki er staðsett hér) *, prjónið frá *-* 1 sinni til viðbótar í umferð. Haldið áfram hringinn með mynstur svona og aukið út fyrir LASKALÍNA (á ermum) – sjá útskýringu að ofan, í annarri hveri umferð þar til A.1 og A.2 hefur verið prjónað til loka á hæðina. Nú hefur verið aukið út um 2 lykkjur í A.1 og 2 lykkjur í A.2 (= 8 lykkjur fleiri) og auknar hafa verið út 2 lykkjur fyrir laskalínu hvoru megin við ermar (= 8 lykkjur fleiri) = 78-80-84-88-90-92 lykkjur.
Prjónið nú mynstur þannig: * Prjónið áferð eins og áður yfir 14-14-14-16-16-16 lykkjur í A.1, prjónið A.3 (= 1 lykkja) yfir miðju lykkju á bakstykki/framstykki, prjónið áferð eins og áður yfir 14-14-14-16-16-16 lykkjur í A.2 (prjónamerki er staðsett hér), prjónið 1 lykkju slétt, sláið 1 sinni uppá prjóninn (= útaukning fyrir laskalínu), prjónið sléttar lykkjur þar til eftir er 1 lykkja slétt á undan næsta prjónamerki, sláið 1 sinni uppá prjóninn (= útaukning fyrir laskalínu), 1 lykkja slétt, (prjónamerki er staðsett hér) *, prjónið frá *-* 1 sinni til viðbótar í umferð. Nú hafa verið auknar út 2 lykkjur í A.3 á framstykki/bakstykki (= 4 lykkjur fleiri) og aukið hefur verið út um 1 lykkju fyrir laskalínu hvoru megin við hvora ermi (= 4 lykkjur fleiri) = 86-88-92-96-98-100 lykkjur.
Haldið áfram hringinn með mynstur svona og aukið út fyrir laskalína (á ermum) í annarri hverri umferð 12 -14-15-18-19-20 sinnum til viðbótar (= alls 15-17-18-21-22-23 lykkjur fleiri hvoru megin við ermi frá byrjun á berustykki) og haldið áfram með A.3 og aukið út hvoru megin við A.3 í annarri hverri umferð þar til aukið hefur verið út 13-13-15-17-21-25 sinnum til viðbótar (= alls 14-14-16-18-22-26 sinnum frá fyrstu umferð í A.3). ATH: Í hvert skipti sem aukið er út hvoru megin við A.3 eru prjónaðar 2 lykkjur fleiri í áferð á milli uppslátta.
Þegar allar útaukningar hafa verið gerðar eru 186-196-212-236-258-280 lykkjur í umferð. Haldið síðan áfram með áferð á fram- og bakstykki og sléttum lykkjum á ermum þar til stykkið mælist 25-27-29-31-33-35 cm.
Næsta umferð er prjónuð þannig: Prjónið eins og áður yfir fyrstu 57-57-61-69-77-85 lykkjurnar (= bakstykki), setjið næstu 36-41-45-49-52-55 lykkjur á band (= ermi), fitjið upp 9 lykkjur á prjóninn (= í hlið undir ermi), prjónið næstu 57-57-61-69-77-85 lykkjur eins og áður (= framstykki), setjið næstu 36-41-45-49-52-55 lykkjur á band (= ermi), fitjið upp 9 nýjar lykkjur á prjóninn (= í hlið undir ermi). HÉÐAN ER NÚ MÆLT!

FRAM- OG BAKSTYKKI:
= 132-132-140-156-172-188 lykkjur. Haldið síðan áfram hringinn með áferð. Yfir nýjar lykkjur sem fitjaðar voru upp á hvorri hlið undir ermum er einnig prjónað með áferð þannig að áferðamynstrið gangi jafnt upp alla leið hringinn á fram- og bakstykki. Þegar stykkið mælist 30 cm í öllum stærðum er fellt af með sléttum lykkjum. Til að koma í veg fyrir að affellingarkanturinn verði stífur er hægt að slá einu sinni uppá prjóninn á eftir ca 6. hverri lykkju, uppslátturinn er felldur af eins og venjuleg lykkja. Peysan mælist alls 58-60-62-64-66-68 cm frá öxl og niður.

ERMI:
Setjið 36-41-45-49-52-55 lykkjur af bandi á annarri hlið á stykki á stuttan hringprjón/sokkaprjón 7 og prjónið að auki upp 1 lykkju í hverja og eina af 9 lykkjum sem fitjaðar voru upp undir ermi = 45-50-54-58-61-64 lykkjur. Setjið 1 prjónamerki í miðju 9 lykkjurnar undir ermi. Haldið áfram með sléttar lykkjur hringinn. Þegar stykkið mælist 4-4-4-4-3-2 cm frá skiptingu er fækkað um 2 lykkjur mitt undir ermi – lesið ÚRTAKA. Fækkið lykkjum svona í ca 6.-4.-4.-3.-3.-3. hverri umferð alls 8-10-11-12-13-14 sinnum = 29-30-32-34-35-36 lykkjur. Prjónið síðan áfram þar til ermin mælist 36-35-34-32-30-29 cm frá skiptingu (styttra mál í stærri stærðum víðara hálsmáls og lengra berustykkis). Prjónið 1 umferð slétt þar sem aukið er út um 3-4-4-6-7-8 lykkjur jafnt yfir = 32-34-36-40-42-44 lykkjur. Skiptið yfir á sokkaprjón 6 og prjónið stroff hringinn (= 1 lykkja slétt, 1 lykkja brugðin) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur er hægt að slá 1 sinni uppá prjóninn á eftir 6. hverja lykkju jafnframt því sem fellt er af (uppslátturinn er felldur af eins og venjuleg lykkja). Ermin mælist ca 40-39-38-36-34-33 cm frá skiptingu. Prjónið hina ermina alveg eins.

Þetta mynstur hefur verið leiðrétt. .

Yfirfarið á vefsvæði: 01.10.2018
Leiðrétting: Ermi:..lesið ÚRTAKA. Fækkið lykkjum svona í ca 6.-4.-4.-3.-3.-3. hverri umferð alls 8-10-11-12-13-14 sinnum = 29-30-32-34-35-36 lykkjur.

Mynstur

= slétt
= brugðið
= á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður slétt svo að það myndist gat


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 195-28) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (20)

Anna 21.01.2020 - 21:44:

Hej, jag vill använda ett garn som går att tvätta i maskin och som inte kliar. Vilket garn kan jag byta till och hur mycket av det garnet behövs? Jag får inte upp några alternativ i garnkonverteraren.

DROPS Design 27.01.2020 kl. 14:58:

Hei Anna. Om du bruker garnkalkulatoren kommer det opp 8 andre garnkvaliteter, f.eks klør ikke Muskat (bomull), Belle (bomull, lin, viscose), Merino Extra Fine (ull), Cotton Light (bomull) og Cotton Merino (bomull og ull). På vår side over garnkvaliteter kan du lese mer om hvordan disse kvalitetene skal vaskes. God Fornøyelse!

Simona Campus 02.01.2020 - 18:09:

Gentilissimi, Filati alternativi Drops con cui fare questo modello? Usandola vostra applicazione non vengono prospettate soluzioni. Grazie

DROPS Design 03.01.2020 kl. 08:52:

Buongiorno Simona. Può usare un filato del gruppo B, messo doppio. A questa pagina trova suggerimenti utili per la sostituzione dei filati. Verifichi sempre la correttezza del campione. Per ulteriori aiuti, può rivolgersi al suo rivenditore Drops di fiducia. Buon lavoro!

Joan 09.11.2019 - 21:48:

Hvorfor bliver mine ærmer så smalle?

DROPS Design 11.11.2019 kl. 13:28:

Hei Joan. Usikke på hvorfor dine ermer blir så smale. Sjekk om strikkefastheten din stemmer med det som står skrevet i oppskriften. mvh DROPS design

Sofie Johansson 09.09.2019 - 10:25:

Vilken storlek har modellen på bilden? Började sticka en M, ville ha den lös så valde större strl, är 167cm och ca 58kg, men den blev jätteliten och inte alls så vid i halsen som på bilden...

DROPS Design 10.09.2019 kl. 10:09:

Hej. Modellerna har vanligtvis storlek S eller M på sig, men det bästa är om du ser på måtten längst ner på måttskissen och jämför med dina egna mått för att få den storlek som passar dig bäst. Lycka till!

Lillian 03.09.2019 - 18:12:

Fra hvor skal jeg måle bærestykket, før jeg skiller til armer og bol?

DROPS Design 05.09.2019 kl. 09:32:

Hei Lillian, Du måler fra halskanten. God fornøyelse!

Josée 02.09.2019 - 10:15:

Bonjour Pourriez vous expliquer le < x > dans le patron ? Merci

DROPS Design 02.09.2019 kl. 11:34:

Bonjour Josée, pensez-vous au 2ème symbole du diagramme? C'est une maille que l'on va tricoter à l'envers (sur l'endroit car on tricote en rond), alors que le 1er symbole se tricote à l'endroit, ainsi, on tricote A.1 ainsi: Tour 1: 1 m end, 1 m env, ... Tour 2: tout à l'endroit, Tour 3 (et tous les tours impairs): 1 m end, 1 m env, etc.. on tricote ainsi la m jersey endroit à l'endroit et la maille point mousse à l'envers. On obtient ainsi des côtes 1 m endroit/1 maille point mousse. Bon tricot!

Maria Hyttel Meyer Schrøder 31.07.2019 - 20:22:

Er det muligt at strikke med enkel tråd?

DROPS Design 01.08.2019 kl. 15:03:

Hej Maria, Ja men da må du vælge et tykkere garn. 2 tråde fra garngruppe B = 1 tråd fra garngruppe D Se her: Garngrupper

Siv 26.05.2019 - 14:00:

Når eg gjør økningene(ragland og mønster i front og bak, får eg altfor mange masker (310).Skal det felles i mønsteret framme og bak?

DROPS Design 27.05.2019 kl. 12:09:

Hei Siv. Du øker til raglan i hver side av hvert erme totalt 15-17-18-21-22-23 ganger (= totalt 60-68-72-84-88-92 masker økt). Videre økte du totalt 2 masker i hver A.1 og A.2 (=total 8 masker økt - på både forstykket og bakstykket). Økningene i A.1 og A.2 er ferdig, og det økes som vist i A.3 isteden, totalt 14-14-16-18-22-26 ganger (= totalt 64-64-72-80-96-112 masker økt - på både forstykket og bakstykket). Du hadde 62-64-68-72-74-76 masker før økningn startet. Maskenatallet blir derfor: 62-64-68-72-74-76 + 60-68-72-84-88-92 (ermer) + 8 masker i alle størrelser + 64-64-72-80-96-112 (forstykket og bakstykket) = 186-196-212-236-258-280 masker. God fornøyelse

Pia 31.01.2019 - 16:49:

Vill gärna sticka tröjan utan hålmönstret mitt på framstycket. Hur gör jag på bästa sätt då? Går det att bara sticka struktur eller missar jag ngt då? Mvh

DROPS Design 01.02.2019 kl. 11:55:

Hei Pia. Du må følge diagrammene med alle økinger som er der, men om du ikke vil ha hull kan du strikke kastene vridd (altså i bakre maskeledd). God fornøyelse.

Rosa 03.01.2019 - 14:42:

El canesu tiene una nota sobre aumentar 2 puntos entre lazadas..dónde se haría ese aumento ?

DROPS Design 28.01.2019 kl. 20:53:

Hola Rosa. ¿Puedes citar en qué parte del patrón tienes problemas?

Skrifaðu athugasemd um DROPS 195-28

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.