DROPS Baby / 29 / 2

My Fairy Booties by DROPS Design

Prjónaðir sokkar með gatamynstri fyrir skírn eða nafnagjöf úr DROPS Cotton Merino. Stærð 15-23

Leitarorð: gatamynstur, sokkar,
DROPS Design: Mynstur cm-002-by
Garnflokkur B
----------------------------------------------------------
Stærð: 15/17 - 18/19 - 20/21 - 22/23
Lengd á fót: 10-11-12-13 cm
Efni:
DROPS COTTON MERINO frá Garnstudio (tilheyrir garnflokki B)
50-50-50-100 g litur 01, natur

DROPS SOKKAPRJÓNAR NR 3 – eða þá stærð sem þarf til að 23 lykkjur og 34 umferðir með gatamynstri verði 10 cm á breidd og 10 cm á hæð.
DROPS HEKLUNÁL NR 3 – fyrir picot kant.
FYLGIHLUTIR: Ca 1 meter af silkiborða (ca 15 mm breiður).
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


50% Ull, 50% Bómull
frá 946.00 kr /50g
DROPS Cotton Merino uni colour DROPS Cotton Merino uni colour 946.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 946kr. Sjá hér.

Leiðbeiningar um mynstur

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

GARÐAPRJÓN (prjónað fram og til baka):
Lykkjurnar prjónast slétt í öllum umferðum.

MYNSTUR:
Sjá mynsturteikningu A.1.
----------------------------------------------------------

SOKKUR:
Stykkið er prjónað í hring á sokkaprjóna, ofan frá og niður.
Fitjið upp 42 lykkjur í öllum stærðum á sokkaprjón 3 með Cotton Merino. Prjónið 4 umferðir GARÐAPRJÓN – sjá útskýringu að ofan. Prjónið 1 umferð slétt þar sem fækkað er um 5 lykkjur jafnt yfir í öllum stærðum = 37 lykkjur. Næsta umferð er prjónuð þannig: Prjónið mynstur eftir mynsturteikningu A.1A (= 2 lykkjur), A.1B (= 12 lykkjur) alls 2 sinnum í öllum stærðum og endið með A.1 (= 11 lykkjur). Haldið svona áfram með mynstur. ATHUGIÐ PRJÓNFESTUNA!
Þegar A.1 hefur verið prjónað 1-1-1-2 sinnum á hæðina er prjónuð 1 umferð slétt þar sem fækkað er um 5-5-1-1 lykkjur jafnt yfir = 32-32-36-36 lykkjur. Prjónið 1 umferð brugðna og 1 umferð slétt. Næsta umferð er prjónuð þannig: * 2 lykkjur slétt saman, sláið 1 sinni uppá prjóninn *, endurtakið frá *-* umferðina hringinn (= gataumferð fyrir silkiborða). Prjónið 1 umferð slétt og 1 umferð brugðna. Prjónið síðan 1 umferð þar sem fækkað er um 2-0-2-0 lykkjur jafnt yfir = 30-32-34-36 lykkjur. Klippið frá.

FÓTUR:
Setjið fyrstu 11-12-12-13 lykkjurnar í byrjun umferðar og síðustu 11-12-12-13 lykkjurnar í lok umferðar á band = 8-8-10-10 lykkjur eftir á prjóni (= miðja ofan á rist). Prjónið 20-20-24-28 umferðir með garðaprjóni fram og til baka yfir þessar lykkjur (= ca 4-4-5-6 cm með garðaprjóni). Klippið frá. Næsta umferð er prjónuð frá réttu þannig: Prjónið 11-12-12-13 lykkjur af bandi í byrjun umferðar, prjónið upp 1 lykkju í hverja rönd með garðaprjóni meðfram hlið á miðjustykki (= 10-10-12-14 lykkjur), prjónið 8-8-10-10 lykkjur framan á fæti, prjónið upp 1 lykkju í hverja rönd með garðaprjóni meðfram hinni hlið á miðjustykki (= 10-10-12-14 lykkjur) og prjónið 11-12-12-13 lykkjur af bandi í lok umferðar = 50-52-58-64 lykkjur. Prjónið 1 umferð brugðna. Setjið 1 prjónamerki hvoru megin við miðju 8-8-10-10 lykkjurnar að framan. Prjónið síðan garðaprjón hringinn JAFNFRAMT í 1. umferð er aukið út um 1 lykkju hvoru megin að innanverðu við 2 prjónamerkin þannig að það verða 10-10-12-12 lykkjur á miðjustykki = 52-54-60-66 lykkjur. Þegar prjónaðar hafa verið 3-3½-4-5 cm frá prjónamerki að framan (endið eftir eina brugðna umferð), prjónið áfram þannig:
UMFERÐ 1: 3 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið 14-15-17-20 lykkjur slétt, 3 lykkjur slétt saman, 6-6-8-8 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið sléttar lykkjur þar til 6 lykkjur eru eftir í umferð, prjónið 3 lykkjur slétt saman og endið með 3 lykkjur slétt (= 8 lykkjur færri og 44-46-52-58 lykkjur í umferð).
UMFERÐ 2: Prjónið brugðið.
UMFERÐ 3. 2 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið 12-13-15-18 lykkjur slétt, 3 lykkjur slétt saman, 4-4-6-6 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið sléttar lykkjur þar til 5 lykkjur eru eftir í umferð, prjónið 3 lykkjur slétt saman og endið með 2 lykkjum slétt (= 8 lykkjur færri og 36-38-44-50 lykkjur í umferð).
UMFERÐ 4: Prjónið brugðið.
UMFERÐ 5: 1 lykkja slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið 10-11-13-16 lykkjur slétt, 3 lykkjur slétt saman, 2-2-4-4 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið sléttar lykkjur þar til eftir eru 4 lykkjur í umferð, prjónið 3 lykkjur slétt saman og endið með 1 lykkju slétt (= 8 lykkjur færri og 28-30-36-42 lykkjur í umferð).
UMFERÐ 6: Prjónið brugðið.
Endið hér í stærð 15/17 + 18/19.

STÆRÐ 20/21 + 22/23:
UMFERÐ 7: Takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið 11-14 lykkjur slétt, 3 lykkjur slétt saman, 2-2 lykkjur slétt, takið 1 lykkju óprjónaða eins og prjóna eigi hana slétt, 2 lykkjur slétt saman, steypið óprjónuðu lykkjunni yfir, prjónið sléttar lykkjur þar til eftir eru 3 lykkjur í umferð, prjónið 3 lykkjur slétt saman (= 8 lykkjur færri og 28-34 lykkjur í umferð).
UMFERÐ 8: Prjónið brugðið.

ALLAR STÆRÐIR:
Prjónið 2 umferðir garðaprjón yfir allar lykkjur.

FRÁGANGUR:
Skiptið lykkjunum niður á 2 prjóna með jafnmargar lykkjur á hvorum prjóni (= miðja undir il). Leggið stykkið saman tvöfalt og saumið saman á lengdina með lykkjuspori – saumið með einu spori í hverja lykkju. Prjónið annan sokk alveg eins.

PICOT KANTUR:
Heklið kant efst á öðrum sokknum. Byrjið frá miðju að aftan og heklið með heklunál 3 þannig: 1 fastalykkja í fyrstu lykkju, * 3 loftlykkjur, 1 stuðull í fyrstu lofltykkju sem var hekluð, hoppið yfir 2 lykkjur á sokknum, 1 fastalykkja í næstu lykkju *, endurtakið frá *-* umferðina hringinn, en endið eftir umferð með 1 keðjulykkju í fastalykkju í byrjun umferðar (í stað 1 fastalykkju í næstu lykkju). Klippið frá og festið enda. Heklið alveg eins kant efst á hinum sokknum.

SILKIBORÐI:
Klippið silkiborða í tvo alveg eins hluta. Byrjið við miðju að framan á öðrum sokknum og þræðið silkiborðann upp og niður í gegnum gataumferðina. Hnýtið slaufu við miðju að framan. Gerið alveg eins á hinum sokknum.

Mynstur

= slétt
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
= á milli 2 lykkja er slegið 1 sinni uppá prjóninn
= takið 1 lykkju óprjónaða eins og prjóna eigi hana slétt, prjónið 2 lykkjur slétt saman, steypið óprjónuðu lykkjunni yfir lykkjurnar sem prjónaðar voru saman

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 29-2) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (10)

Christine Jørgensen 18.02.2020 - 17:54:

Hvorfor passer de 2 første mønster ikke ovenpå hinanden når jeg strikker det som mønstret viser

DROPS Design 19.02.2020 kl. 10:28:

Hej Christine, det gør de også om du strikker ifølge diagrammerne. Se her: Strik efter diagram

Sarianne 23.06.2019 - 08:05:

Hey! I dont understand this. Do I knit first A(2 stitches) then B 12 two times, then C 11 one time. But there is 36 stiches, how I knit that one (37)?

DROPS Design 23.06.2019 kl. 12:03:

Hello Sarianne. You work A on the first 2 sts, B on the next 24 sts, and then C on the last 11 sts. In total, you have worked on all of the 37 sts: 2 + 24 + 11 = 37. Happy knitting!

Sarianne 15.05.2019 - 18:14:

Hey! I try to knit these but i dont know how many stitches put per needle? I knit smallest size. Hope you answer fast!

DROPS Design 15.05.2019 kl. 18:51:

Dear Sarianne, you start with 42 sts, so you can divide it at 4 needles for example like this: 10 sts at 1 needle, 11 sts at second needle, 10 sts at third needle and 11 sts at fourth needle. Happy knitting!

Puigrenier 02.03.2019 - 00:12:

Merci beaucoup pour votre réponse . Je viens de comprendre le diagramme . Cordialement Anniep

Puigrenier A 01.03.2019 - 00:30:

Bonjour, Je ne comprends pas le diagramme du motif ajourée ? Au moment des points avec les jetées , je comprends qu’il faut faire 2 jetés côté à côté ??! Si oui moments faire ces 2 jetés car quand on tricote sur l’envers ces jetés ne tiennent pas . Merci de m’eclairer , car je n’y arrive pas . Merci beaucoup pour votre aide Bien cordialement Anniep

DROPS Design 01.03.2019 kl. 10:00:

Bonjour Anniep, on aura toujorus 1 maille entre chaque jeté, par ex dans A.2B, on tricote 2 m end, 1 jeté, 1 diminution, 1 jeté, 1 m end, 1 jeté, 1 diminution, 1 jeté, 2 m end, 1 double diminution. Bon tricot!

Ruth Dijkman 24.02.2019 - 12:25:

Als ik patroon B1 brei tot C kom ik op een halve steek samenbreien of eindig met een omslag. War moet ik dan breien?

DROPS Design 26.02.2019 kl. 09:22:

Dag Ruth,

Omdat je A.1b in de breedte herhaalt, en dus weer aan het begin van een patroonherhaling van A.1b begint, lopen de steken op de juiste wijze door. (m.a.w. als je een kopie maakt van A.1b en die naast A.1b plakt, loopt het patroon gewoon door.)Dus als je bij de steek bent waar je moet samenbreien, begin je weer aan het begin van a.1b.

Marianne Kirsten Nielsen 14.02.2019 - 16:54:

Jeg vil gerne vide om der er problemer med opskriften før jeg går igang med at lave dem?

DROPS Design 18.02.2019 kl. 12:04:

Hei Marianne. Det er ingen rettelser til denne oppskriften, hadde det vært det ville det stått rett over diagrammene. Du kunne da ha trykket deg inn og sett hva som hadde blitt rettet. Når det er sagt så blir disse rettelsene gjort fortløpende, slik at oppskriften som ligger online er den helt nyeste versjonen. Er det noe spesifikt du lurer på eller mener er feil så si gjerne ifra så skal vi ta en ekstra titt på det. God fornøyelse

Marit Myhre Sandal 01.10.2018 - 09:55:

Får ikke omg. 7 og videre til å stemme. B =12 skal strikkes 2 ggr. Det går jo ikke. Mønsteret går jo over i C=11.

Kaja 28.09.2017 - 19:23:

Üritasin neid armsaid papusid teha, aga mustri lugemisel tekis küll raskusi. kuidas lugeda neid A.1A ja A.1B ja A.1C. Tegin kõige väiksemaid.

DROPS Design 12.01.2018 kl. 13:19:

Tere Kaja! Keskmist mustrikordust (B) tuleb korrata 2 korda ja siis jätkata C osaga. Head kudumist!

Elena 30.05.2017 - 04:11:

Hello. On the main page of DROPS baby patterns this pattern is marked with a "hook" sign. Was pleasantly surprised to find out that it's a knitted model!

DROPS Design 30.05.2017 kl. 08:24:

Dear Elena, thanks for noticing, this has been updated. Happy knitting!

Skrifaðu athugasemd um DROPS Baby 29-2

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.