Little Miss Daisy by DROPS Design

Prjónaður kjóll fyrir börn úr DROPS Cotton Merino. Stykkið er prjónað með laskalínu, ofan frá og niður með gatamynstri. Stærð 0 – 4 ára.

  • Little Miss Daisy / DROPS Baby & Children 38-2 - Prjónaður kjóll fyrir börn úr DROPS Cotton Merino. Stykkið er prjónað með laskalínu, ofan frá og niður með gatamynstri. Stærð 0 – 4 ára.
  • Little Miss Daisy / DROPS Baby & Children 38-2 - Prjónaður kjóll fyrir börn úr DROPS Cotton Merino. Stykkið er prjónað með laskalínu, ofan frá og niður með gatamynstri. Stærð 0 – 4 ára.
  • Little Miss Daisy / DROPS Baby & Children 38-2 - Prjónaður kjóll fyrir börn úr DROPS Cotton Merino. Stykkið er prjónað með laskalínu, ofan frá og niður með gatamynstri. Stærð 0 – 4 ára.
  • Little Miss Daisy / DROPS Baby & Children 38-2 - Prjónaður kjóll fyrir börn úr DROPS Cotton Merino. Stykkið er prjónað með laskalínu, ofan frá og niður með gatamynstri. Stærð 0 – 4 ára.
DROPS Design: Mynstur cm-004-by
Garnflokkur B
-----------------------------------------------------------

STÆRÐ:
0/1 - 1/3 - 6/9 - 12/18 mánaða (2 - 3/4) ára
Stærðin jafngildir ca hæð á barni í cm:
48/52 - 56/62 - 68/74 - 80/86 (92 - 98/104)

EFNI:
DROPS COTTON MERINO frá Garnstudio (tilheyrir garnflokki B)
200-200-200-250 (250-300) g litur 05, púðurbleikur

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 60 cm eða 80 cm fyrir sléttprjón og gatamynstur.
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 80 cm fyrir kanta í garðaprjóni og gataumferð.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS HEKLUNÁL NR 3: Fyrir picotkanta.

DROPS PERLUTALA, Bogalaga (hvít) NR 521: 3 stykki í allar stærðir.

-------------------------------------------------------
Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------


50% Ull, 50% Bómull
frá 662.00 kr /50g
DROPS Cotton Merino uni colour DROPS Cotton Merino uni colour 662.00 kr /50g
Gallery Spuni
Panta
needles Prjónar & Heklunálar Panta
Þú færð garn sem þarf í að gera þetta mynstur frá 2648kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.5.

ÚRTAKA (á við um mitt undir ermi):
Fækkið lykkjum hvoru megin við prjónamerki mitt undir ermi þannig:
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki situr mitt á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 2 lykkjur færri).

LASKALÍNA:
Öll útaukning er gerð í umferð frá réttu.
Aukið út fyrir laskalínu hvoru megin við lykkju með prjónamerki í.
Aukið út þannig: Byrjið strax á undan lykkju með prjónamerki í, sláið 1 sinni uppá prjóninn, 1 lykkja slétt (= lykkja með prjónamerki), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn brugðið svo ekki myndist gat.

HNAPPAGAT:
Fellið af fyrir hnappagötum í hægri kanti að aftan (þegar flíkin er mátuð).
1 hnappagat = prjónið aðra og þriðju lykkju frá kanti slétt saman og sláið 1 sinni uppá prjóninn. Í næstu umferð er uppslátturinn prjónaður slétt svo það myndist gat.
Fellið af fyrir hnappagötum þegar stykkið mælist:
0/1: 2, 5 og 8 cm.
1/3: 2, 5 og 8 cm.
6/9: 2, 5 og 8 cm.
12/18: 2, 6 og 10 cm.
2: 2, 6 og 10 cm.
3/4: 2, 6 og 10 cm.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

KJÓLL - STUTT ÚTSKÝRING Á STYKKI:
Stykkið er prjónað ofan frá og niður. Prjónað er fram og til baka frá miðju að aftan þar til kantur að aftan hefur verið prjónaður til loka, síðan er stykkið prjónað áfram í hring.

KANTUR Í HÁLSI:
Fitjið upp 62-66-70-74 (78-84) lykkjur á hringprjón 3 með Cotton Merino.
Prjónið 4 umferðir GARÐAPRJÓN fram og til baka – sjá útskýringu að ofan.
Setjið nú 4 prjónamerki í stykkið þannig (byrjið mitt að aftan – ATH: Prjónið EKKI þegar prjónamerkin eru sett):
Hoppið yfir fyrstu 11-12-12-13 (13-14) lykkjur (= hægra bakstykki), setjið 1 prjónamerki í næstu lykkju, hoppið yfir næstu 9-9-11-11 (13-14) lykkjur (= ermi), setjið 1 prjónamerki í næstu lykkju, hoppið yfir næstu 18-20-20-22 (22-24) lykkjur (= framstykki), setjið 1 prjónamerki í næstu lykkju, hoppið yfir næstu 9-9-11-11 (13-14) lykkjur (= ermi) og setjið síðasta prjónamerki í næstu lykkju, nú eru 11-12-12-13 (13-14) lykkjur á prjóninn á eftir síðasta prjónamerki (= vinstra framstykki).

BERUSTYKKI:
LESTU ALLAN NÆSTA KAFLA ÁÐUR EN ÞÚ PRJÓNAR ÁFRAM!
Skiptið yfir á hringprjón 4 og prjónið sléttprjón fram og til baka frá miðju að aftan, en 3 ystu lykkjur í hvorri hlið eru prjónaðar í garðaprjóni (= kantur fyrir tölur).
ATHUGIÐ PRJÓNFESTUNA og munið eftir HNAPPAGAT í hægri kanti að framan – sjá útskýringu að ofan.
JAFNFRAMT í fyrstu umferð frá réttu er aukið út fyrir LASKALÍNA hvoru megin við 4 prjónamerkin – sjá útskýringu að ofan (= 8 lykkjur fleiri).
Aukið út í hverri umferð frá réttu alls 11-13-13-14 (16-17) sinnum = 150-170-174-186 (206-220) lykkjur.
Prjónið sléttprjón með 3 lykkjur fyrir tölukant í hvorri hlið í garðaprjóni þar til stykkið mælist 10-11-11-12 (13-14) cm.
Í næstu umferð skiptist stykkið fyrir fram- og bakstykki og ermar þannig:
Prjónið 23-26-26-28 (32-34) lykkjur eins og áður (= hálft bakstykki), setjið næstu 32-36-38-40 (42-44) lykkjur á þráð fyrir ermi, fitjið upp 6-6-8-8 (8-8) nýjar lykkjur á prjóninn (= undir ermi), prjónið næstu 40-46-46-50 (58-64) lykkjur eins og áður (= framstykki), setjið næstu 32-36-38-40 (42-44) lykkjur á þráð fyrir ermi, fitjið upp 6-6-8-8 (8-8) nýjar lykkjur á prjóninn (= undir ermi) og prjónið þær 23-26-26-28 (32-34) lykkjur sem eftir eru eins og áður (= hálft bakstykki).
Fram- og bakstykki og ermar er nú prjónað áfram hvert fyrir sig.

FRAM- OG BAKSTYKKI:
= 98-110-114-122 (138-148) lykkjur.
Setjið 1 prjónamerki í stykkið – HÉÐAN ER NÚ STYKKIÐ MÆLT!
Byrjið mitt að aftan, fitjið upp 3 kantlykkjur að framan frá vinstra bakstykki undir 3 kantlykkjum frá hægra bakstykki (þannig að kanturinn með hnappagati liggi efst).
Prjónið 1 umferð slétt hringinn yfir allar lykkjur og prjónið JAFNFRAMT lykkjur frá tveimur köntunum slétt saman 2 og 2 = 95-107-111-119 (135-145) lykkjur.
Prjónið síðan sléttprjón hringinn í 1-2-2-3 (3-3) cm. Í næstu umferð er lykkjufjöldinn jafnaður út til 96-108-112-120 (136-144) lykkjur.
Skiptið yfir á hringprjón 3 og prjónið mynstur hringinn eftir A.1.
Þegar A.1 hefur verið prjónað til loka, skiptið yfir á hringprjón 4.
Prjónið 1 umferð slétt og aukið út 13-13-21-25 (21-25) lykkjur jafnt yfir = 109-121-133-145 (157-169) lykkjur.
Prjónið síðan mynstur hringinn þannig:
Prjónið A.2a (= 2 lykkjur), A.2b (= 12 lykkjur) yfir 96-108-120-132 (144-156) lykkjur (= alls 8-9-10-11 (12-13) sinnum) og endið með A.2c (= 11 lykkjur).
Haldið svona áfram með mynstur.
Þegar A.2 hefur verið prjónað 1 sinni á hæðina, hafa verið auknar út 2 lykkjur í hverri mynstureiningu með gataumferð = 127-141-155-169 (183-197) lykkjur.
Prjónið síðan mynstur eins og áður, en nú er prjónað A.3 yfir A.2 þannig:
Prjónið A.3a (= 2 lykkjur), A.3b (= 14 lykkjur) yfir 112-126-140-154 (168-182) lykkjur (= alls 8-9-10-11 (12-13) sinnum) og endið með A.3c (= 13 lykkjur).
Haldið svona áfram með mynstur.
Þegar A.3 hefur verið prjónað 1-1-1-1 (2-2) sinnum á hæðina (e.t.v. að óskaðri lengd), prjónið A.4 yfir A.3 þannig:
Prjónið A.4a (= 1 lykkja), A.4b (= 14 lykkjur) yfir 112-126-140-154 (168-182) lykkjur (= alls 8-9-10-11 (12-13) sinnum) og endið með A.4c (= 14 lykkjur).
Eftir A.4 eru 145-161-177-193 (209-225) lykkjur í umferð.
Prjónið nú A.5 þannig:
Prjónið A.5a (= 1 lykkja), A.5b (= 16 lykkjur) yfir 128-144-160-176 (192-208) lykkjur (= alls 8-9-10-11 (12-13) sinnum) og endið með A.5c (= 16 lykkjur).
Þegar A.5 hefur verið prjónað í 3-3-4-7 (3-4) cm, prjónið 4 umferðir sléttprjón yfir allar lykkjur.
Skiptið yfir á hringprjón 4 og prjónið A.1 hringinn yfir allar lykkjur (ATH: Í 5. umferð í A.1 er síðasta lykkjan í umferð prjónuð slétt).
Fellið af þegar A.1 hefur verið prjónað 1 sinni á hæðina – sjá AFFELLING!
Kjóllinn mælist ca 37-39-41-46 (51-53) cm frá öxl og niður.

KANTUR Á ERMUM:
Setjið 32-36-38-40 (42-44) lykkjur af þræði í annarri hlið á stykki á sokkaprjóna 4 og prjónið að auki upp 1 lykkju í hverja og eina af 6-6-8-8 (8-8) lykkjum sem fitjaðar voru upp undir ermi = 38-42-46-48 (50-52) lykkjur.
Setjið 1 prjónamerki mitt í nýjar lykkjur (= byrjun á umferð og mitt undir ermi) – HÉÐAN ER NÚ STYKKIÐ MÆLT!
Prjónið sléttprjón hringinn.
Þegar stykkið mælist 1½ cm, fækkið um 2 lykkjur mitt undir ermi – sjá ÚRTAKA. Fækkið lykkjum svona með 2 cm millibili alls 2 sinnum = 34-38-42-44 (46-48) lykkjur.
Prjónið áfram þar til ermin mælist 4 cm. Skiptið yfir á sokkaprjóna 3 og prjónið 4 umferðir GARÐAPRJÓN – sjá útskýringu að ofan, áður en fellt er af með sléttum lykkjum.
Prjónið hinn kant á ermi alveg eins.

PICOTKANTUR:
Heklið picotkant neðst í kringum báðar ermar með heklunál 3 þannig: Heklið 1 fastalykkju í fyrstu lykkju, * 3 loftlykkjur, 1 stuðull í fyrstu loftlykkju sem var hekluð, hoppið yfir 2 lykkjur á ermi, 1 fastalykkja í næstu lykkju *, heklið frá *-*, en endið umferð með 1 keðjulykkju í fastalykkju í byrjun á umferð (í stað 1 fastalykkju í næstu lykkju).
Heklið alveg eins picotkant meðfram kanti í hálsi í skiptinguna á milli kants í garðaprjóni og sléttprjóni á berustykki – ATH: Kanturinn er heklaður ofan frá og niður.

FRÁGANGUR:
Saumið 3 tölur í vinstri tölukant að aftan.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu

symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = á milli 2 lykkja er slegið 1 sinni uppá prjóninn
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð
diagram
diagram
diagram
signature

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby & Children 38-2) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (12)

country flag HA 10.09.2021 - 12:21:

Hallo, Muss ich am Ende des Kleides beim Stricken von A.1 zu Rundnadel Nr.3 wechseln ? Weil man vorher mit Rundnadel Nr.4 gestrickt hat. Vielen Dank

country flag Marylou Kaly 18.08.2021 - 10:09:

Bonjour; Je ne pense pas que TOUTE LA SUISSE par UNIQUEMENT ALLEMAND, donc pensez qu'il y a toute la Suisse Romande qui parle Français( dont je fait partie) En Suisse nous parlons 4 langues / Français-Allemand-Italien / Romanche... Voilà maintenant vous savez alors de grâce n'oubliez pas le Français .....

user icon DROPS Design 18.08.2021 kl. 14:42:

Bonjour Marylou, nous n'oublions pas :) Retrouvez la liste de tous les magasins en Suisse ici. Bon tricot!

country flag Sandra 26.06.2021 - 18:47:

Leuk patroon, maar hoe brei ik de vermeerderde steken mee bij patroon 2?

user icon DROPS Design 28.06.2021 kl. 12:48:

Dag Sandra,

Als je klaar bent met A.1 brei je 1 naald recht en meerder je steken in jouw maat zoals aangegeven. Daarna ga je verder met A.2 in de rondte. Als het goed is passen de herhalingen nu precies op het aantal steken. M.a.w. je kunt gewoon het telpatroon volgen.

country flag Sabine Decke 22.06.2021 - 18:26:

Welche Größe trägt das Kind auf dem Bild?

user icon DROPS Design 23.06.2021 kl. 08:17:

Liebe Frau Decke, das Kleid im Foto sollte eine Größe 12/18 Monate sein. Viel Spaß beim stricken!

country flag Heidrun 08.06.2021 - 09:49:

In der Anleitung muss im Diagramm A.2a und später A.3a jeweils am Rundenbeginn zwei Maschen rechts zusammen gestrickt wo nehme ich im Muster die zweite Masche zu damit ich in der dritten Runde wieder zwei Maschen rechts zusammen Stricken kann ?

user icon DROPS Design 08.06.2021 kl. 11:35:

Liebe Heidrun, wenn man A.2a /A.3a am Anfang der Runde strickt, wird man die 2 ersten Maschen der Runde zusammen rechts stricken, dann A.2b (= 12 M)/A.3b (= 14M) wiederholen und Runde mit A.2c/A.3c enden. Viel Spaß beim stricken!

country flag Sigurveig Hreinsdóttir 04.06.2021 - 18:03:

Finnst munstrið ekki stemma við lykkjufjölda, það fækkar um 6 lykkjur í hverjum hring og það gengur ekki upp.

country flag Eline Schön 18.05.2021 - 16:05:

Hej! Jag stickar just nu DROPS Baby 38-2 och har stött på problem. Jag stickar just nu fram och bakstycke för strlk 80/86 och har kommit till mönster A2.. då har jag 145 maskor på min rundsticka och skall sticka A2a och A2b över 132 maskor totalt 11 gånger? Vad innebär detta? Vad gör jag med de resterande 13 maskorna och ska jag inte göra A2c förens jag gjort 11 vändor av A2a & A2b. Är helt snurrig...

user icon DROPS Design 19.05.2021 kl. 11:05:

Hei Eline. Du har 145 masker, så strikker du A.2a 1 gang (= 2 masker), deretter strikker du A.2b 11 ganger (= 132 masker). Du har nå 11 masker igjen som du strikker A.2c over (2 + 132 +11 = 145 masker). mvh DROPS design

country flag Nicole 14.04.2021 - 00:35:

Muss ich die Umschläge auch rechts stricken? Ich finde, dass ergibt riesengroße Löcher , zumindest bei mir

user icon DROPS Design 14.04.2021 kl. 07:35:

Liebe Nicole, die Raglanzunahmen werden bei den Rückreihen links verschränkt gestrickt, um Löcher zu vermeiden; bei dem Lochmuster (Diagrammen) werden sie rechts gestrickt, damit Löcher entstehen. Viel Spaß beim stricken!

country flag Vigdis Johansen 13.04.2021 - 09:42:

Har dere drops katalog 38 baby kan jeg få kjøpe en

country flag Vigdis Johansen 12.04.2021 - 16:42:

Finnes katalog 38 baby

user icon DROPS Design 13.04.2021 kl. 07:30:

Hej Vigdis. DROPS Baby & Children 38 innehåller både barn och baby oppskrifter. Mvh DROPS Design

Skrifaðu athugasemd um DROPS Baby & Children 38-2

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.