DROPS Paris
DROPS Paris
100% Bómull
frá 246.00 kr /50g
DROPS Safran
DROPS Safran
100% Bómull
frá 308.00 kr /50g
Þú færð garn sem þarf í að gera þetta mynstur frá 3140.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

College Campus Tote

Prjónuð taska úr DROPS Paris og DROPS Safran. Stykkið er prjónað í hring með röndum, hekluðum köntum, skúfum og axlaról.

DROPS 229-3
DROPS Design: Mynstur w-877
Garnflokkur C + A
-------------------------------------------------------

STÆRÐ:
Stykkið mælist ca: Breidd = 32 cm. Hæð = 36 cm.

EFNI:
DROPS PARIS frá Garnstudio (tilheyrir garnflokki C)
200 g litur 17, natur
Og notið:
DROPS SAFRAN frá Garnstudio (tilheyrir garnflokki A)
50 g litur 18, natur
50 g litur 01, eyðimerkurrós
50 g litur 12, ferskja
50 g litur 10, vanillukrem
50 g litur 04, salvíugrænn
50 g litur 50, mynta
50 g litur 31, eplagrænn

PRJÓNAR:
DROPS HRINGPRJÓNN NR 5,5: lengd 60 cm.

HEKLUNÁL:
DROPS HEKLUNÁL NR 4,5.

PRJÓNFESTA:
16 lykkjur á breidd og 25 umferðir á hæð með mynstri og 1 þræði í hvorri tegund = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

HEKLFESTA:
16 stuðlar á breidd og 18 umferðir á hæðina = 10 x 10 cm.
ATH: Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Paris
DROPS Paris
100% Bómull
frá 246.00 kr /50g
DROPS Safran
DROPS Safran
100% Bómull
frá 308.00 kr /50g
Þú færð garn sem þarf í að gera þetta mynstur frá 3140.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

RENDUR:
Allt stykkið er prjónað með 1 þræði DROPS Paris og 1 þræði DROPS Safran. Liturinn natur í Paris er notaður allan tíma, einungis litir í Safran er skipt út í stykkinu.
RÖND 1: notið litinn eyðimerkurrós og prjónið ca 5 cm.
RÖND 2: notið litinn ferskja og prjónið ca 4 cm.
RÖND 3: notið litinn vanillukrem og prjónið ca 4 cm.
RÖND 4: notið litinn salvíugrænn og prjónið ca 4 cm.
RÖND 5: notið litinn mynta og prjónið ca 4 cm.
RÖND 6: notið litinn eplagrænn og prjónið ca 4 cm.
RÖND 7: notið litinn natur og prjónið ca 4 cm.

MYNSTUR:
UMFERÐ 1-3: Prjónið slétt
UMFERÐ 4: Prjónið brugðið
Endurtakið umferð 1-4.

-------------------------------------------------------

BYRJIÐ Á STYKKI HÉR:

-------------------------------------------------------

TASKA - STUTT ÚTSKÝRING Á STYKKI:
Stykkið er prjónað í hring á hringprjón neðan frá og upp. Síðan er kantur heklaður í kringum opið á töskunni, botninn er heklaður saman og heklað er í loki axlaról efst á töskuna.

TASKA:
Fitjið upp 102 lykkjur á hringprjón 5,5 með 1 þræði DROPS Paris og 1 þræði DROPS Safran, bæði í litnum natur.
Prjónið 2 umferðir GARÐAPRJÓN hringinn – sjá útskýringu að ofan. Prjónið síðan hringinn í RENDUR og MYNSTUR – sjá útskýringu að ofan. ATHUGIÐ PRJÓNFESTUNA!
Prjónið rendur og mynstur þar til allar rendurnar hafa verið prjónaðar til loka. Prjónið 4 umferðir garðaprjón með 1 þræði í hvorri tegund í litnum natur. Fellið af með sléttum lykkjum.

FRÁGANGUR:
Notið heklunál 4,5 og 1 þráð í hvorri tegund í litnum natur.
Heklið 1 umferð meðfram affellingarkantinum þannig:
Festið þráðinn með 1 keðjulykkju í fyrstu lykkju í umferð, heklið 2 loftlykkjur, * hoppið yfir 1 lykkju, heklið 1 fastalykkju í næstu lykkju, heklið 1 loftlykkju *, heklið frá *-* umferðina hringinn, endið með 1 keðjulykkju í 2. loftlykkju í byrjun á umferð. Klippið þræðina og festið.
Leggið töskuna flata, þannig að byrjun á umferð liggur í hlið á töskunni.
Heklið að lokum saman botninn á töskunni þannig:
Festið þráðinn með 1 keðjulykkju í fyrstu lykkju í umferð, heklið síðan í gegnum ystu lykkjubogana á lykkjum þannig: Heklið 1 fastalykkju í hverja lykkju frá báðum hliðum samtímis = 51 fastalykkjur.
Heklið síðan fram og til baka yfir 51 fastalykkjur eftir mynsturteikningu A.1, A.2 og A.3 þannig: Heklið A.1, heklið A.2 þar til 9 lykkjur eru eftir og heklið A.3. Klippið þræðin og festið.

SKÚFUR:
Festið skúfa í loftlykkjubogana neðst á töskunni þannig:
Klippið 8 þræði Paris og 8 þræði Safran í litnum natur ca 20 cm. Leggið þræðina saman, þræðið þá hálfa leið í gegnum loftlykkjubogann. Vefjið þræði utan um toppinn á skúfnum og hnýtið fastan hnút. Gerið einn skúf í hvern loftlykkjuboga.

AXLARÓL:
Notið heklunál 4,5 og 1 þráð í hvorri tegund í litnum natur. Leggið töskuna flata, byrjið þannig að axlarólin komi í hlið á töskunni og heklið þannig:
Festið þráðinn með 1 keðjulykkju í loftlykkju, * heklið 1 fastalykkju í næstu fastalykkju, 1 fastalykkja um næstu loftlykkju *, heklið frá *-* 3 sinnum og heklið 1 fastalykkju í næstu fastalykkju = 7 fastalykkjur. Snúið stykkinu.
Heklið 1 loftlykkju (þessi kemur til viðbótar við lykkju í umferð), heklið 1 fastalykkju í hverja og eina af 7 fastalykkjum. Heklið svona fram og til baka þar til axlarólin mælist ca 64 cm – ATH! Axlarólin kemur til með að teygjast við notkun, þannig að betra er að gera hana aðeins of stutta en of langa. Klippið þræðina og látið þræðina vera ca 15 cm. Saumið axlarólina vel niður í gagnstæða hlið á opi.

Mynstur

symbols = fastalykkjur frá þar sem taskan var hekluð saman, byrjið í næstu umferð
symbols = byrjið í þessari umferð
symbols = 2 loftlykkjur
symbols = 2 loftlykkjur (loftlykkjubogi)
symbols = 1 keðjulykkja um loftlykkjubogann að neðan
symbols = 1 hálfur stuðull í lykkjuna fyrir neðan / um loftlykkjubogann fyrir neðan
symbols = um loftlykkjubogann fyrir neðan er heklað: 2 stuðlar, 1 tvíbrugðinn stuðull, 2 loftlykkjur, 1 tvíbrugðinn stuðull og 2 stuðlar

diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 229-3

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (11)

country flag Karen wrote:

Just finished the bag and it looks great. I love the fact that it uses both knit and crochet. I have to say that I found the instructions difficult to follow, particularly for the bottom of the bag. I’m not used to following charts and the crochet instructions were not clear without using the chart. I did sort it out buy by looking at the photo and figuring it out from there. Perhaps you could include written crochet instruction in future patterns rather than, or in addition to the chart.

20.03.2024 - 16:03

country flag Kiin Knowles wrote:

Hi. I love, LOVE this, but unfortunately, I can not knit, Is this by any chance have a crochet pattern? Kindly

23.09.2023 - 15:32

DROPS Design answered:

Dear Kiin, we don't make custom patterns, but you can see here all of our crochet bags: https://www.garnstudio.com/search.php?action=search&unsorted=bag&mt=2&lang=en. You could try working this bag with double/ single crochets or working relief pattern and changing colours as shown. Happy crocheting!

24.09.2023 - 23:16

country flag Lily wrote:

This looks beautiful

19.06.2022 - 07:46

country flag Marianne Juhler wrote:

Hej. I skriver naturhvid både som nr. 17 og 18, men den ene er hvid i farveskalaen, så hvad mener I hvor? De 200 g er det naturhvid eller hvid?

23.04.2022 - 11:37

DROPS Design answered:

Hei Marianne, Til denne vesken brukes det 2 kvaliteter, både DROPS Paris og DROPS Safran. Det brukes 200 gram DROPS PAris naturhvit farge nr 17 og det brukes 50 gram DROPS Safran naturhvit farge nr. 18 (denne fargen er litt lysere enn Paris nr. 17, men betegnes som naturhvit). Om du ser på fargekartet til både DROPS Paris og DROPS Safran vil du se at vi også har fargen hvit i begge kvalitetene (Safran farge nr. 17 hvit og Paris farge nr. 16 hvit, men disse brukes ikke i denne oppskriften). mvh DROPS Design

25.04.2022 - 11:01

country flag Anita wrote:

Her er det oppgitt for lite garn. Flere kunder og jeg har strikket denne og må supplere med 50 g Paris natur

28.03.2022 - 18:47

country flag Anna wrote:

Jakiego koloru powinna być jasna włóczka Muskat ? 18 biały czy 08 ecru? We wzorze jest pomylony numer z nazwą koloru.

05.03.2022 - 12:50

DROPS Design answered:

Witaj Aniu, używamy tutaj włóczki Paris kolor 17 ecru i Safran, kolor 18 ecru, nie używamy włóczki Muskat. Pozdrawiamy!

07.03.2022 - 08:48

country flag Christina wrote:

A piece of the rainbow

17.01.2022 - 14:15

country flag AD Knits wrote:

Ribs and Tassels

14.01.2022 - 20:15

country flag Kirsty wrote:

Happy Day

14.01.2022 - 15:47

country flag Pia wrote:

Spring Bag, would be a good name

13.01.2022 - 16:35