DROPS / 211 / 2

Barn Dance by DROPS Design

Prjónaður kjóll úr DROPS Cotton Light. Stykkið er prjónað ofan frá og niður með hringlaga berustykki, gatamynstri, köðlum og stuttum ermum. Stærð S - XXXL.

DROPS Design: Mynstur cl-106
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS COTTON LIGHT frá Garnstudio (tilheyrir garnflokki B)
650-700-800-850-950-1050 g litur 35, ryp

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 60 cm eða 80 cm fyrir sléttprjón.
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 80 cm fyrir stroff.
DROPS KAÐLAPRJÓNN – fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

50% Bómull, 50% Polyester
frá 224.00 kr /50g
DROPS Cotton Light uni colour DROPS Cotton Light uni colour 224.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2912kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

MYNSTUR:
Sjá mynsturteikningu A.1 til A.6.

LASKALÍNA:
Aukið út fyrir laskalínu hvoru megin við 4 prjónamerkin þannig: Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr á milli þessa 2 lykkja), sláið 1 sinni uppá prjóninn (= 2 lykkjur fleiri við prjónamerki og alls 8 lykkjur fleiri í umferð). Í næstu umferð er uppslátturinn prjónaður snúinn slétt svo ekki myndist gat.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 100 lykkjur) og deilið lykkjum með fjölda útaukninga sem á að gera (t.d. 28) = 3,6.
Í þessu dæmi er aukið út með því að slá 1 sinni uppá prjóninn til skiptis á eftir ca 3. og 4. hverja lykkju. Í næstu umferð er uppslátturinn prjónaður snúinn slétt svo að ekki myndist gat.

ÚTAUKNING-2 (á við um formið á fram- og bakstykki):
AUKIÐ ÚT Á EFTIR PRJÓNAMERKI Í HLIÐ ÞANNIG:
Prjónið 12-14-16-18-20-22 lykkjur sléttprjón á eftir prjónamerki í hlið, prjónið 1 lykkju slétt í lykkjuliðinn sem liggur utan um fyrstu lykkju á vinstri prjóni (þ.e.a.s. í lykkjuna frá fyrri umferð) = 1 lykkja fleiri.
AUKIÐ ÚT Á UNDAN PRJÓNAMERKI Í HLIÐ ÞANNIG:
Prjónið þar til 12-14-16-18-20-22 lykkjur eru eftir á undan prjónamerki í hlið, prjónið síðan 1 slétta lykkju í lykkjuna sem liggur utan um ystu lykkju á hægri prjóni (þ.e.a.s. í lykkjuna frá fyrri umferð) = 1 lykkja fleiri.

ÚRTAKA-1 (á við um formið á fram- og bakstykki):
FÆKKIÐ LYKKJUM Á EFTIR PRJÓNAMERKI Í HLIÐ ÞANNIG:
Prjónið 12-14-16-18-20-22 lykkjur sléttprjón á eftir prjónamerki í hlið, lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð = 1 lykkja færri.
FÆKKIÐ LYKKJUM Á UNDAN PRJÓNAMERKI ÞANNIG:
Prjónið þar til 14-16-18-20-22-24 lykkjur eru eftir á undan prjónamerki í hlið, prjónið 2 lykkjur slétt saman = 1 lykkja færri.

ÚRTAKA-2 (á við um mitt undir ermum):
Fækkið um 2 lykkjur mitt undir ermi þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri).

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá uppá einu sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

KJÓLL – STUTT ÚTSKÝRING Á STYKKI:
Kantur í hálsi og berustykki er prjónað á hringprjón, ofan frá og niður. Berustykki skiptist fyrir fram- og bakstykki og ermar. Fram- og bakstykki er prjónað í hring á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður.

KANTUR Í HÁLSI:
Fitjið upp 100-100-106-112-116-120 lykkjur á hringprjón 3 með Cotton Light. Prjónið 1 umferð slétt. Prjónið síðan stroff hringinn (= 1 lykkja slétt, 1 lykkja brugðið) í 3 cm. Prjónið 1 umferð slétt þar sem aukið er út um 28-28-30-40-44-48 lykkjur jafnt yfir – sjá ÚTAUKNING-1 = 128-128-136-152-160-168 lykkjur. Prjónið 1 umferð slétt þar sem uppslátturinn er prjónaður snúinn slétt. Setjið 1 prjónamerki mitt í umferð (= mitt að framan). Berustykkið er nú mælt frá þessu prjónamerki! Berustykkið er síðan prjónað eins og útskýrt er að neðan.

BERUSTYKKI:
Skiptið yfir á hringprjón 4 og prjónið A.1 hringinn (= 16-16-17-19-20-21 mynstureiningar með 8 lykkjum). Haldið svona áfram með mynstur og aukið út eins og útskýrt er í A.1. ATHUGIÐ PRJÓNFESTUNA!
Í umferð á undan umferð merktri með ör í A.1, aukið út 0-8-0-8-0-0 lykkjur jafnt yfir = 256-264-272-312-320-336 lykkjur.
Þegar A.1 hefur verið prjónað til loka, mælist berustykki ca 15-15-15-19-19-19 cm frá prjónamerki við háls.
Setjið nú 4 prjónamerki í stykkið eins og útskýrt er að neðan. Prjónamerkin eru notuð síðar þegar auka á út fyrir smá laskalínu.
Teljið 37-39-40-46-49-53 lykkjur (= ½ bakstykki), setjið 1 prjónamerki á undan næstu lykkju, teljið 54-54-56-64-62-62 lykkjur (= ermi), setjið 1 prjónamerki á undan næstu lykkju, teljið 74-78-80-92-98-106 lykkjur (= framstykki), setjið 1 prjónamerki á undan næstu lykkju, teljið 54-54-56-64-62-62 lykkjur (= ermi), setjið 1 prjónamerki á undan næstu lykkju. Nú eru 37-39-40-46-49-53 lykkjur eftir á bakstykki á eftir síðasta prjónamerki.
Prjónið sléttprjón hringinn og aukið út fyrir LASKALÍNA hvoru megin við 4 prjónamerkin – sjá útskýringu að ofan. Aukið svona út í annarri hverri umferð alls 2-4-6-6-8-10 sinnum á hæðina = 272-296-320-360-384-416 lykkjur í umferð.
Haldið áfram með sléttprjón án útaukningar þar til berustykkið mælist 18-20-22-24-26-28 cm frá prjónamerki við háls.
Nú skiptist stykkið fyrir fram- og bakstykki og ermar, þ.e.a.s. næsta umferð er prjónuð frá miðju að aftan þannig:
Prjónið 39-43-46-52-57-63 lykkjur sléttprjón (= ½ bakstykki), setjið næstu 58-62-68-76-78-82 lykkjur á 1 þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 78-86-92-104-114-126 lykkjur sléttprjón (= framstykki), setjið næstu 58-62-68-76-78-82 lykkjur á 1 þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi) og prjónið þær 39-43-46-52-57-63 lykkjur sem eftir eru í sléttprjóni (= ½ bakstykki). Klippið frá og takið frá öll prjónamerkin. Fram- og bakstykki og ermar er nú prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 168-184-200-224-248-272 lykkjur. Setjið 1 merkiþráð í hvora hlið á fram- og bakstykki, mitt í 6-6-8-8-10-10 lykkjur sem fitjaðar voru upp undir hvorri ermi. Byrjið umferð við annan merkiþráðinn í hlið á fram- og bakstykki og prjónið sléttprjón hringinn í 2 cm. Setjið 4 prjónamerki í stykkið þannig: Teljið 24-27-30-35-40-45 lykkjur, setjið 1. prjónamerki á undan næstu lykkju, teljið 36-38-40-42-44-46 lykkjur (= mitt að framan), setjið 2. prjónamerki á undan næstu lykkju, teljið 48-54-60-70-80-90 lykkjur, setjið 3. prjónamerki á undan næstu lykkju, teljið 36-38-40-42-44-46 lykkjur (= mitt að aftan) og setjið 4. prjónamerki á undan næstu lykkju = 24-27-30-35-40-45 lykkjur eftir í umferð á eftir síðasta prjónamerki.
Látið merkiþræðina og prjónamerkin fylgja með í stykkinu. Merkiþræðirnir eru notaðir síðar þegar fækka á lykkjum og auka út í hliðum á fram- og bakstykki, prjónamerkin eru notuð síðar þegar prjónað á kaðla á fram- og bakstykki á kjólnum.
Prjónið síðan aðsniðið jafnframt því sem kaðlarnir eru prjónaðir eins og útskýrt er að neðan – lesið bæði AÐSNIÐ og KAÐLAR áður en prjónað er áfram.

AÐSNIÐ:
Prjónið sléttprjón hringinn og fækkið um 1 lykkju þar sem sniðið dregst inn hvoru megin við báða merkiþræðina – sjá ÚRTAKA-1 (= 4 lykkjur færri). Fækkið lykkjum svona með 2½ cm millibili alls 4 sinnum á hæðina = 152-168-184-208-232-256 lykkjur.
Þegar stykkið mælist 16 cm frá skiptingu í öllum stærðum, aukið út um 1 lykkju við sniðið þar sem það dregst inn hvoru megin við báða merkiþræðina – sjá ÚTAUKNING-2 (= 4 lykkjur fleiri).
Aukið svona út í 4. hverri umferð alls 24-24-24-26-26-26 sinnum á hæðina = 248-264-280-312-336-360 lykkjur.

KAÐLAR:
JAFNFRAMT þegar stykkið mælist 2 cm frá skiptingu í öllum stærðum, prjónið kaðla þannig: Prjónið sléttprjón þar til 4 lykkjur eru eftir á undan 1. prjónamerki, prjónið A.2 (= 4 lykkjur), prjónið sléttprjón fram að 2. prjónamerki, prjónið A.3 (= 4 lykkjur), prjónið sléttprjón þar til 4 lykkjur eru eftir á undan 3. prjónamerki, prjónið A.2 (= 4 lykkjur), prjónið sléttprjón fram að 4. prjónamerki, prjónið A.3 (= 4 lykkjur), prjónið sléttprjón út umferðina.
Haldið svona áfram með mynstur.
Þegar A.2 og A.3 hefur verið prjónað til loka, prjónið A.4 yfir A.2 og A.5 yfir A.3. Þegar A.4 og A.5 hefur verið prjónað til loka, prjónið A.x yfir A.4 og A.y yfir A.5. Þegar A.x og A.y hefur verið prjónað til loka, prjónið sléttprjón hringinn yfir allar lykkjurnar þar til stykkið mælist 49-50-51-52-53-54 cm frá skiptingu (nú eru eftir ca 15 cm til loka, mátið e.t.v. kjólinn og prjónið að óskaðri lengd). Prjónið síðan kant eins og útskýrt er að neðan.

KANTUR MEÐ GATAMYNSTRI:
Prjónið 1 umferð slétt þar sem aukið er út um 4-0-8-0-0-0 lykkjur jafnt yfir = 252-264-288-312-336-360 lykkjur.
Prjónið síðan A.6 hringinn (= 21-22-24-26-28-30 mynstureiningar með 12 lykkjum). Þegar A.6 hefur verið prjónað til loka, eru 294-308-336-364-392-420 lykkjur í umferð.
Skiptið yfir á hringprjón 3. Prjónið 4 umferðir GARÐAPRJÓN hringinn yfir allar lykkjurnar – sjá útskýringu að ofan. Fellið af með sléttum lykkjum – sjá AFFELLING! Kjólinn mælist ca 86-89-92-95-98-101 cm frá öxl og niður.

ERMAR:
Setjið 58-62-68-76-78-82 lykkjur af þræði í annarri hlið á stykki á sokkaprjóna eða stuttan hringprjón 4 og prjónið að auki upp 1 nýja lykkju í hverja og eina af 6-6-8-8-10-10 lykkjum sem fitjaðar voru upp undir ermi = 64-68-76-84-88-92 lykkjur.
Setjið 1 prjónamerki mitt í 6-6-8-8-10-10 lykkjurnar og látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi.
Byrjið umferð við prjónamerki og prjónið sléttprjón hringinn.
Þegar ermin mælist 2 cm frá skiptingu, fækkið um 2 lykkjur mitt undir ermi – sjá ÚRTAKA-2. Fækkið lykkjum svona með 2-2-1-1-½-½ cm millibili alls 5 sinnum í öllum stærðum = 54-58-66-74-78-82 lykkjur.
Prjónið áfram þar til ermin mælist 13-12-10-8-7-5 cm frá skiptingu (nú eru eftir ca 3 cm til loka, mátið e.t.v. kjólinn og prjónið að óskaðri lengd). ATH: Það er styttra mál í stærri stærðum vegna víðari hálsmáls og lengra berustykkis.
Skiptið yfir á sokkaprjóna 3. Prjónið stroff hringinn (= 1 lykkja slétt, 1 lykkja brugðið) í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Þegar ermin mælist ca 16-15-13-11-10-8 cm frá skiptingu. Prjónið hina ermina alveg eins.

Mynstur

= slétt lykkja
= brugðin lykkja
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt eða brugðið eins og útskýrt er í mynsturteikningu (það eiga að myndast göt)
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn brugðið (það eiga ekki að myndast göt)
= 2 lykkjur slétt saman
= lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunniyfir lykkjuna sem var prjónuð
= lyftið 1 lykkju eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
= 2 lykkjur brugðið saman
= 2 lykkjur snúnar brugðið saman
= setjið 2 lykkjur á kaðlaprjón framan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= setjið 2 lykkjur á kaðlaprjón aftan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= útauknings umferð




Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 211-2) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (23)

Eileen Cowie 16.06.2020 - 13:06:

In the increases after the waist it says increase before and after the markers, which gives 8 stitches ( not 4, increased on the round, do you do this every 8 rows instead of 4 rows, to get 96 stitches added?

DROPS Design 16.06.2020 kl. 13:42:

Dear Mrs Cowie, you decfrease/increase for waist on each side of the marker threads (1 marker thread in each side of body, in the middle of the new sts cast on under sleeves) = there are only 2 thread markers, you decrease/increase 4 sts for waist. Happy knitting!

Elisa 05.06.2020 - 19:59:

Buonasera vorrei adattare lo schema del bordo utilizzando i ferri lineari, non circolari , lavorando quindi dal bordo inferiore al collo. Devo lavorare seguendo lo schema dall'alto verso il basso o secondo voi posso utilizzarlo tal quale? Spero di essere stata chiara Grazie

DROPS Design 05.06.2020 kl. 22:28:

Buonasera Elisa, questo modello è stato progettato per essere lavorato dall'alto in basso. Non è semplice riadattare la lavorazione dal basso verso l'alto e con i ferri dritti, ma può rivolgersi al suo rivenditore DROPS di fiducia per un aiuto personalizzato. Buon lavoro!

Yasmine 01.05.2020 - 19:54:

Pour les torsades, on ne devrait pas commencer par les A4 et A5 ? car si on commence par l'A2 et l'A3, ce n'est pas possible de décaler les torsades

DROPS Design 04.05.2020 kl. 11:09:

Bonjour Yasmine, les torsades et décalages de A.2 et A.3 vont permettre de décaler les torsades vers le milieu du devant et du dos (moins de mailles entre les deux), puis en tricotant A.4 et A.5 on va écarter les torsades l'une de l'autre en les rapprochant des côtés. Bon tricot!

Eva Roberg 24.04.2020 - 16:49:

Hei igjen. Da har jeg funnet svar på spørsmålet mitt selv! 2.avsnittet av BOL står det: På str L skal en sette merke først etter 30m, så sette et nytt merke etter 40m, så står det (=midt foran) . Det var forvirrende. Burde stå: Ved disse merkene strikkes fletter , dette blir da på hver side av forstykke. Og det samme på bakstykke. Ville forstått oppskriften bedre da. Mvh Eva

Eva Roberg 24.04.2020 - 12:01:

Hei. Jeg strikker str L og står nå fast da det under det andre avsnittet under BOL står at det er midt foran ved 2. Merke? Jeg teller fra merketråden ( under armen ) der jeg begynte Bol-arbeidet: 1.merke etter 30 m og 2.merke etter 40m står det. Dette blir da ikke i midten av kjolen? Midten blir da etter i alt 50m ( teller masker fra under armene der jeg har merke. Har lest mange ganger og telt og finner ikke ut av dette.

DROPS Design 29.04.2020 kl. 10:33:

Hej Eva, du sætter de 2 masker så du har 40 masker midt foran, mærkerne markerer der hvor du skal lave ind og udtagninger og dem kan du se på billedet at de er et stykke ind i hver side. God fornøjelse!

Rianne Oprel 15.04.2020 - 17:39:

In de legenda bij de teltekeningen staat bij het dichte bolletje dat de omslag gedraaid averecht gebreid moet worden (dat klopt), zodat er een gaatje ontstaat. Dit moet zijn, zodat er géén gaatje ontstaat!

Lucia Nascimento 15.04.2020 - 14:45:

Hei igjen Jeg er 156 høy og skal strikke størrelse M, DROPS Design: Modell cl-106 Garngruppe B . Hvor mange garn nøster av DROPS Cotton Light trenger jeg ? Mvh Lucia

DROPS Design 15.04.2020 kl. 15:38:

Hei Lucia. Garnmengden finner du under MATERIALER. Når det står slik: STØRRELSE: S - M - L - XL - XXL - XXXL MATERIALER: DROPS COTTON LIGHT fra Garnstudio (tilhører garngruppe B) 650-700-800-850-950-1050 g farge 35, rust. Størrelse M er nr. 2 og da trenger du garnmenden nr. 2, altså 700 gram. God Fornøyelse!

Lucia Nascimento 15.04.2020 - 11:21:

Hvilken størrelse bruker modellen på bildet? Medium??

DROPS Design 15.04.2020 kl. 11:31:

Hei Lucia. Modellen på bildet er ca 170 cm høy og bruker størrelse S eller M. Du finner en målskisse av det ferdige plagget (i cm) nederst i oppskriften. mvh DROPS design

Desiree Pierey 08.04.2020 - 00:24:

Volgens mij begint de kabel bij 5cm na de splitsing. Patroon komt niet uit. Op 2cm. Is te hoog. Misschien een fout bij de vertaling. Het Is dat ik geen foto kan plaatsen.

Desiree Pierey 08.04.2020 - 00:23:

Volgens mij begint de kabel bij 5cm na de splitsing. Patroon komt niet uit. Op 2cm. Is te hoog. Misschien een fout bij de vertaling. Het Is dat ik geen foto kan plaatsen.

Skrifaðu athugasemd um DROPS 211-2

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.