DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 5456.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Candy Bar Jumper

Prjónuð peysa fyrir börn með röndum úr DROPS Air, Nepal eða Paris. Stykkið er prjónað ofan frá og niður með hringlaga berustykki og laskalínu. Stærð 1 – 10 ára.

DROPS Children 34-23
DROPS Design: Mynstur ai-017-bn
Garnflokkur C eða A + A
-------------------------------------------------------

STÆRÐ:
(12/18 mánaða) – 2 – 3/4 – 5/6 – 7/8 – 9/10 ára
Stærðin jafngildir ca hæð á barni í cm:
(80/86) - 92 - 98/104 - 110/116 - 122/128 - 134/140

EFNI:
DROPS AIR frá Garnstudio (tilheyrir garnflokki C)
(50)-50-50-50-50-100 g nr 20, bleikur
(50)-50-50-50-50-100 g nr 08, ljós bleikur
(50)-50-50-100-100-100g nr 22, gulur
(50)-100-100-100-100-100 nr 27, sægrænn
Eða notið:
DROPS NEPAL / PARIS frá Garnstudio (tilheyrir garnflokki C)
(50)-50-50-100-100-100 g nr 8909, kórall / 38, hindber
(100)-100-100-100-100-150g nr 3720, millibleikur / 59, bleikfjólublár
(100)-100-100-100-150-150 g nr 2923, gulur / 41, sinnep
(100)-100-150-150-150-150 g nr 7120, ljós grágrænn / 62, salvíugrænn

PRJÓNFESTA:
17 lykkjur á breidd og 33 umferðir á hæð með garðaprjóni og 17 lykkjur á breidd og 22 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 5.
DROPS HRINGPRJÓNAR NR 5: Lengd 60 cm eða 80 cm.
DROPS SOKKAPRJÓNAR NR 4 fyrir stroff.
DROPS SOKKAPRJÓNAR NR 4: Lengd 60 cm eða 80 cm fyrir kant í hálsi og stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 5456.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

RENDUR:
Rendur eru prjónaðar í öllu stykkinu þannig:
Prjónið (10½)-11-12-13-14-15 cm með bleikur, (8½)- 9-10-11-12-13 cm gulur og (8½)- 9-10-11-12-13 cm sægrænn. Prjónið síðan stykkið til loka með ljós bleikur.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 46 lykkjur) og deilið lykkjum með fjölda útaukninga sem á að gera (t.d. 40) = 1,15.
Í þessu dæmi er aukið út næstum því á eftir hverri lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat.

LASKALÍNA:
Aukið er út fyrir laskalínu í hverri skiptingu á milli fram- og bakstykkis og erma. Öll útaukning er gerð frá réttu! Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr á milli þessa lykkja) og sláið 1 sinni uppá prjóninn. Í næstu umferð er uppslátturinn prjónaður snúinn brugðinn svo að ekki myndist gat.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Berustykki er prjónað í hring á hringprjón, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjón. Ermar eru prjónaðar í hring á sokkaprjóna.

BERUSTYKKI:
Fitjið upp (46)-52-54-56-60-60 lykkjur á hringprjón 4 með Air – allt stykkið er prjónað í RENDUR – sjá útskýringu að ofan. Prjónið 6 umferðir garðaprjón. Skiptið yfir á hringprjón 5 og setjið 1 prjónamerki í stykkið hér, HÉÐAN ER NÚ MÆLT. Í næstu umferð er aukið út um (40)-42-42-44-48-50 lykkjur jafnt yfir – SJÁ ÚTAUKNING í útskýringu að ofan = (86)-94-96-100-108-110 lykkjur. Prjónið garðaprjón þar til stykkið mælist (3)-3-3-3-3-3 cm.
ATHUGRIÐ PRJÓNFESTUNA! Í næstu umferð er aukið út jafnt yfir (36)-38-38-40-46-48 lykkjur = (122)-132-134-140-154-158 lykkjur. Prjónið garðaprjón þar til stykkið mælist (7)-7-7-7-7-7 cm. Í næstu umferð er aukið út um 30-32-38-40-42-42 lykkjur jafnt yfir = (152)-164-172-180-196-200 lykkjur. Prjónið garðaprjón þar til stykkið mælist (11)-11-12-12-13-13 cm – munið eftir röndunum.
Setjið nú 4 prjónamerki í stykkið án þess að prjóna þannig:
Setjið 1 prjónamerki eftir (45)-47-49-51-55-57 lykkjur (= bakstykki), setjið næsta prjónamerki eftir (31)-35-37-39-43-43 lykkjur (= ermi), setjið næsta prjónamerki eftir (45)-47-49-51-55-57 lykkjur (= framstykki) og setjið síðasta prjónamerki eftir (31)-35-37-39-43-43 lykkjur (= ermi).
Prjónið síðan í sléttprjóni og í fyrstu umferð á að auka út lykkjur fyrir LASKALÍNA – sjá útskýringu að ofan (8 lykkjur fleiri í hverri útaukningu). Aukið út í annarri hverri umferð alls (2)-3-3-4-4-5 sinnum = (168)-188-196-212-228-240 lykkjur. Prjónið þar til stykkið mælist (13)-14-15-16-17-18 cm frá prjónamerki. Berustykki skiptist nú fyrir fram- og bakstykki og ermar þannig: Prjónið (49)-53-55-59-63-67 lykkjur (= bakstykki), setjið næstu (35)-41-43-47-51-53 lykkjur á þráð fyrir ermi, fitjið upp 6 nýjar lykkjur á prjóninn (= í hlið undir ermi), prjónið (49)-53-55-59-63-67 lykkjur (= framstykki), setjið næstu (35)-41-43-47-51-53 lykkjur á þráð fyrir ermi, fitjið upp 6 nýjar lykkjur á prjóninn (= í hlið undir ermi). Fram- og bakstykki og ermar er nú prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= (110)-118-122-130-138-146 lykkjur. Prjónið áfram í sléttprjóni og röndum eins og áður þar til stykkið mælist (12)-14-16-19-22-25 cm frá skiptingu (eða að óskaðri lengd, nú eru eftir ca 2 cm til loka). Skiptið yfir á hringprjón 4. Prjónið stroff með 1 lykkja slétt og 1 lykkja brugðið þar til stroffið mælist ca 2 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca (30)-33-36-40-44-48 cm frá öxl og niður.

ERMI:
Setjið (35)-41-43-47-51-53 lykkjur af þræði í annarri hliðinni á stykki á sokkaprjóna 5, prjónið að auki upp 1 lykkju í hverja og eina af 6 lykkjum sem fitjaðar voru upp undir ermi = (41)-47-49-53-57-59 lykkjur. Setjið eitt prjónamerki mitt í 6 lykkjurnar undir ermi, þetta verður byrjun á umferð. Prjónið í hring í sléttprjóni og röndum þar til stykkið mælist ca (12)-16-21-24-27-31 cm (eða að óskaðri lengd, nú eru eftir ca (4)-4-4-4-5-5 cm til loka). Í næstu umferð er fækkað um (13)-17-17-21-23-25 lykkjur jafnt yfir í umferð = (28)-30-32-32-34-34 lykkjur.
Skiptið yfir á sokkaprjón 4 og prjónið stroff hringinn með 1 lykkju slétt og 1 lykkju brugðið þar til stykkið mælist ca (4)-4-4-4-5-5 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur.

Prjónið hina ermina alveg eins.

Þetta mynstur hefur verið leiðrétt.

Yfirfarið á vefsvæði: 09.09.2020
ERMI:..Í næstu umferð er fækkað um (13)-17-17-21-23-25 lykkjur jafnt yfir í umferð = (28)-30-32-32-34-34 lykkjur.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS Children 34-23

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (25)

country flag Marcella wrote:

Buongiorno, non capisco per il raglan cosa si intende per : 1 maglia prima del segnapunti, 1 gettato, 2 maglie diritto . Devo fare 1 aumento sia prima che dopo il segnapunti ?

24.09.2023 - 07:30

DROPS Design answered:

Buonasera Marcella, si esatto, deve aumentare 1 maglia prima e 1 maglia dopo il segnapunti. Buon lavoro!

25.09.2023 - 23:06

country flag Anette Pettersson wrote:

Hej! Mitt barnbarn älskar denna tröja som jag stickat till henne. Nu vill hon ha en till i andra färger och är nu 10 år. Min fråga är hur många maskor behöver jag lägga till om jag räknar med en storlek 11/12 år och skall sticka din i Air? Tacksam för lite hjälp.

15.06.2023 - 09:28

DROPS Design answered:

Hej Anette, tror inte du behöver sticka den bredare.... men längre vilket är enkelt då du stickar uppifrån och ner :)

15.06.2023 - 14:21

country flag Annika wrote:

Ökningar ska göras efter 3 och 7 cm, är det mätt från början eller från märket efter halskanten? Står inte tydligt .

06.06.2023 - 13:03

DROPS Design answered:

Hej Annika, du måler fra hvor der står "HERFRA MÅLES ARBEJDET VIDERE" :)

08.06.2023 - 14:45

country flag Lis wrote:

Jeg kan ikke finde farve 20, rose på farvekortet, Air

30.04.2023 - 12:23

DROPS Design answered:

Hei Lis. Denne fargen er dessverre utgått fra vårt sortiment. Men det er godt mulig at noen butikker / nettbutikker har igjen av denne fargen (men denne opplysningen har ikke vi). Eller du kan ta en titt på farge 25, kanskje den vil falle i smak. mvh DROPS Design

02.05.2023 - 13:19

country flag Stephan wrote:

Bonjour, Je ne comprend pas comment on démarre le tricot. J’ai monté mes mailles et ensuite il est indiqué « Tricoter 3 côtes mousse ». Qu’est ce que ça veut dire ? Merci beaucoup !

10.11.2022 - 09:38

DROPS Design answered:

Bonjour Mme Stephan, 1 côte mousse correspond à 2 tours tricotés (cf POINT MOUSSE au tout début des explications); autrement dit, vous allez tricoter *1 tour endroit, 1 tour envers*, et répétez ces 2 tours encore 2 fois. Bon tricot!

10.11.2022 - 10:40

country flag Étincelle wrote:

Bonjour, ma question concerne les 6 mailles sous la manche. En effet après avoir mise les mailles en attente sur les aiguilles circulaire 5 on relève les les 6 mailles sous la manche( donc le fil de pelote sera placé à la fin des 6 mailles relevés). Selon les explications il faut placer un marqueur au milieu de ces 6 mailles=début du rang. Alors comment commencer un rang si le fil se trouve 3 mailles plus loin? Merci d’avance

04.05.2022 - 22:24

DROPS Design answered:

Bonjour Étincelle, ce n'est pas un souci, vous placez votre marqueur au milieu de ces 6 mailles, la transition des tours doit être ici. Bon tricot!

05.05.2022 - 09:20

country flag Mary Searle wrote:

Please can you tell me total weight ofyarn used for age 5/6. I have lots of leftover drops air from other patterns but I don't know if it will be enough. Thank you, mary

03.10.2021 - 18:21

DROPS Design answered:

Dear Mary, you'd need approx. 300gr of DROPS Air, but you may need less, since the amount is given approximately, taking into consideration full balls of yarn. Happy knitting!

03.10.2021 - 22:43

country flag Christine Dove wrote:

Under the yoke heading of the pattern it says to work until piece measures (13)-14-15-16-17-18 from the marker. Which marker are you referring to ?

07.07.2021 - 20:25

DROPS Design answered:

Dear Christine, after casting on on work 3 ridges. Change to circular needle size 5 mm and insert 1 marker; THE PIECE IS NOW MEASURED FROM HERE. Happy Stitching!

08.07.2021 - 02:11

country flag Patenaude wrote:

Dites-moi puis-je le faire en aiguilles régulières avec des coutures

06.07.2021 - 13:32

DROPS Design answered:

Bonjour Patenaude, cette leçon vous explique comment adapter un modèle sur aiguilles droites. Bon tricot!

06.07.2021 - 16:28

country flag Sara Katarina wrote:

Hej Jeg strikker blusen i str. 7/8 år. Jeg har delt arbejdet i for- og bagstykke. I den forbindelse har jeg slået 6 masker op i siden af hvert ærme. Jeg forstår, at de 6 masker skal bruges, når jeg skal strikke ærmer. Derfor undrer det mig, at der under overskriften for for- og bagstykke, står at jeg skal have 138 masker. Her har man talt de 6x2 masker med, som om de skal strikkes med i for- og bagstykke. Det skal de vel ikke? Venligst Sara

30.06.2021 - 15:27

DROPS Design answered:

Hei Sara. Jo, de nye maskene (6 x 2) skal telles med. Disse maskene er nye masker i sidene på genseren. Når du skal strikke ermene, skal du strikke opp 6 nye masker i disse 6 maskene, slik at ermene får 6 masker ekstra i hver erm. Ta evnt en titt på denne videoen, og rundt tiden 07:48 legges det opp nye masker til bolen, mens ved tiden 11:16 legges det opp nye masker til ermene (i denne oppskriften strikkes det opp masker under ermene istedenfor): Bluse strikket ovenfra og ned mvh DROPS design

05.07.2021 - 11:21