DROPS / 207 / 4

Marigold Sunshine by DROPS Design

Prjónuð peysa úr DROPS BabyMerino. Stykkið er prjónað með köðlum, gatamynstri og sjalkraga. Stærð S - XXXL.

DROPS Design: Mynstur bm-072
Garnflokkur A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS BABYMERINO frá Garnstudio (tilheyrir garnflokki A)
450-450-500-550-600-700 g litur 45, sítróna

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.
A.3 og A.4 (= 35-35-35-42-42-42 lykkjur) mælist ca 11-11-11-13-13-13 cm á breidd.

PRJÓNAR:
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 80 cm fyrir sléttprjón.
DROPS SOKKAPRJÓNAR NR 2,5.
DROPS HRINGPRJÓNAR NR 2,5: lengd 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS PERLUTALA, Bogalaga (hvít) NR 521: 5-5-5-6-6-6 st.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 748.00 kr /50g
DROPS Baby Merino uni colour DROPS Baby Merino uni colour 748.00 kr /50g
Gallery Spuni
Panta
DROPS Baby Merino mix DROPS Baby Merino mix 748.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 6732kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Veldu mynsturteikningu fyrir þína stærð (á við um A.3 og A.4). Mynsturteikning sýnir allar umferðir í mynstri séð frá réttu.
ATH: A.3 og A.4 sýna 1 mynsturteikningu á hæðina, en mynsturteikningin nær yfir mismunandi fjölda umferða á hæðina þar sem hver kaðall/gataumferð nær yfir mismunandi fjölda umferða á hæðina.
Minnsti kaðall með gataumferðum í A.3 og A.4 breytist á milli 3 og 2 lykkja.
Lykkjufjöldinn í uppskrift getur þess vegna verð með frávik um 1 lykkju eftir því hvar í kaðli þú ert.

ÚRTAKA-1 (jafnt yfir):
Öll úrtaka er gerð frá réttu!
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 252 lykkjur), mínus kanta að framan (t.d. 14 lykkjur) og deilið þessum 238 lykkjum sem eftir eru með fjölda úrtöku sem á að gera (t.d. 26) = 9,2. Í þessu dæmi þá er lykkjum fækkað með því að prjóna ca 8. og 9. hverja lykkju slétt saman. Fækkið ekki lykkjum yfir kanta að framan.

ÚRTAKA-2 (á við um handveg):
Öll úrtaka er gerð frá réttu!
Fækkið lykkjum fyrir handveg innan við 6 ystu lykkjurnar að handvegi eins og útskýrt er að neðan.
Fækkið lykkjum á eftir 6 ystu lykkjurnar við handveg þannig: Prjónið 1 kantlykkju í garðaprjóni, prjónið 5 lykkjur slétt, takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri).
Fækkið lykkjum á undan 6 ystu lykkjum við handveg þannig: Prjónið þar til 8 lykkjur eru eftir á prjóni, prjónið 2 lykkjur slétt saman, prjónið 5 lykkjur slétt og endið með 1 kantlykkju í garðaprjóni (= 1 lykkja færri).

ÚTAUKNING-1 (á við um hliðar á fram- og bakstykki og mitt undir ermum):
Öll útaukning er gerð frá réttu!
Prjónið þar til 3 lykkjur eru eftir á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki situr mitt á milli þessa 6 lykkja), sláið 1 sinni uppá prjóninn (= 2 lykkjur fleiri við prjónamerki). Í næstu umferð er uppslátturinn prjónaður snúinn svo að ekki myndist gat. Prjónið síðan nýjar lykkjur í sléttprjóni/áferðamynstri.

ÚTAUKNING-2 (á við um sjalkraga):
Öll útaukning er gerð frá réttu!
Aukið út fyrir kraga innan við ystu lykkju að miðju að framan (þ.e.a.s. innan við lykkju sem er steypt af). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn svo að ekki myndist gat. Útauknu lykkjurnar eru prjónaðar jafnóðum inn í A.1.

HNAPPAGAT:
Fellið af fyrir hnappagötum á hægri kant að framan. 1 HNAPPAGAT = Byrjið frá réttu og prjónið þriðju og fjórðu lykkju frá kanti slétt saman, sláið síðan 1 sinni uppá prjóninn. Í næstu umferð (ranga) er uppslátturinn prjónaður slétt (= gat).
Fellið af fyrir hnappagötum þegar stykkið mælist:
S: 2, 9, 15, 22 og 28 cm
M: 2, 9, 16, 23 og 29 cm
L: 2, 9, 16, 23 og 30 cm
XL: 2, 8, 14, 20, 26 og 31 cm
XXL: 2, 8, 14, 20, 26 og 32 cm
XXXL: 2, 9, 15, 21, 27 og 33 cm

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fram- og bakstykki er prjónað fram og til baka á hringprjón frá miðju að framan, neðan frá og upp að handveg. Prjónið síðan bakstykki og framstykki til loka hvort fyrir sig. Ermar eru prjónaðar í hring á sokkaprjóna/stuttan hringprjón, neðan frá og upp.

FRAM- OG BAKSTYKKI:
Fitjið upp 252-276-296-328-364-396 lykkjur (meðtaldar 7 kantlykkjur að framan í hvorri hlið við miðju að framan) á hringprjón 2,5 með BabyMerino. Prjónið 1 umferð brugðið (= ranga).
Næsta umferð er prjónuð frá réttu þannig: Prjónið A.1 yfir 7 fyrstu lykkjurnar (= kantur að framan), * prjónið 2 lykkjur slétt, 2 lykkjur brugðið *, prjónið frá *-* þar til 9 lykkjur eru eftir á prjóni, prjónið 2 lykkjur slétt og endið með A.2 yfir 7 lykkjur sem eftir eru (= kantur að framan). Haldið svona áfram með stroff í 4 cm – munið eftir HNAPPAGAT á hægri kanti að framan – sjá útskýringu að ofan. Prjónið 1 umferð brugðið frá röngu (kantur að framan er prjónaður í A.1/A.2) – JAFNFRAMT er fækkað um 26-30-34-36-40-44 lykkjur jafnt yfir – sjá ÚRTAKA-1 = 226-246-262-292-324-352 lykkjur.
Skiptið yfir á hringprjón 3. Setjið 1 prjónamerki 64-69-73-82-90-97 lykkjur inn frá hvorri hlið (= 98-108-116-128-144-158 lykkjur á milli prjónamerkja á bakstykki).
Sjá MYNSTUR og prjónið næstu umferð frá réttu þannig: 7 kantlykkjur að framan í A.1, prjónið A.3 (= 35-35-35-42-42-42 lykkjur), prjónið sléttprjón þar til 42-42-42-49-49-49 lykkjur eru eftir á prjóni, prjónið A.4 (= 35-35-35-42-42-42 lykkjur) og endið með 7 kantlykkjum að framan í garðaprjóni. Haldið svona áfram með mynstur.
ATHUGIÐ PRJÓNFESTUNA!
Aukið síðan út í hliðum, aukið út fyrir sjalkraga og fellið af fyrir handveg eins og útskýrt er að neðan (útaukning fyrir sjalkraga og úrtaka fyrir handveg kemur í einhverjum stærðum að gerast á sama stað):
ÚTAUKNING Í HLIÐUM:
Þegar stykkið mælist 10 cm í öllum stærðum, aukið út um 1 lykkju hvoru megin við bæði prjónamerkin – sjá ÚTAUKNING-1 (= 4 lykkjur fleiri). Aukið svona út með 7-7-7-8-8-8 cm millibili alls 4 sinnum í hvorri hlið (= alls 16 lykkjur fleiri).
SJALKRAGI:
Þegar stykkið mælist ca 29-30-31-32-33-34 cm (á að prjóna nokkrar umferðir eftir síðasta hnappagati), aukið út um 1 lykkju í hvorri hlið við miðju að framan fyrir sjalkraga – sjá ÚTAUKNING-2.
Aukið út fyrir sjalkraga í annarri hverri umferð þannig (þ.e.a.s. í hverri umferð frá réttu) alls 8-8-10-10-12-12 sinnum (þ.e.a.s. eftir síðustu útaukningu fyrir kraga eru 15-15-17-17-19-19 lykkjur í kanti að framan/sjalkraga).
HANDVEGUR:
Þegar stykkið mælist 35-36-37-38-39-40 cm, fellið af fyrir handvegi í hvorri hlið á fram- og bakstykki. Þ.e.a.s. í næstu umferð er prjónað frá röngu þannig: Prjónið eins og áður þar til eftir eru 3-5-7-9-11-13 lykkjur á undan fyrsta prjónamerki, fellið af 6-10-14-18-22-26 lykkjur fyrir handvegi, prjónið eins og áður þar til eftir eru 3-5-7-9-11-13 lykkjur á undan næsta prjónamerki, fellið af 6-10-14-18-22-26 lykkjur fyrir handveg og prjónið eins og áður út umferðina. Prjónið síðan framstykkin og bakstykkið til loka hvert fyrir sig.

HÆGRA FRAMSTYKKI (þegar flíkin er mátuð):
Haldið áfram fram og til baka eins og áður með A.1 yfir kanti að framan/sjalkraga, A.3 (= 35-35-35-42-42-42 lykkjur) og sléttprjóni yfir þær lykkjur sem eftir eru.
JAFNFRAMT í fyrstu umferð frá réttu er fækkað um 1 lykkju í hlið fyrir handveg – sjá ÚRTAKA-2. Fækkið lykkjum fyrir handveg svona í annarri hverri umferð (þ.e.a.s. í hverri umferð frá réttu) alls 6-7-8-11-15-17 sinnum.
Eftir allar útaukningar og úrtökur eru 67-69-72-76-80-83 lykkjur eftir í umferð. Haldið áfram með mynstur.
Þegar stykkið mælist ca 53-55-57-59-61-63 cm, prjónið 1 umferð frá réttu eins og áður – JAFNFRAMT í þessari umferð er fækkað um 8-8-8-11-11-11 lykkjur jafnt yfir 35-35-35-42-42-42 lykkjur í A.3 = 59-61-64-65-69-72 lykkjur eftir. Prjónið 1 umferð slétt frá röngu yfir allar lykkjur.
Næsta umferð er prjónuð frá réttu þannig: Prjónið 26-26-29-29-32-32 lykkjur slétt (= sjalkragi) og fellið af 33-35-35-36-37-40 lykkjur sem eftir eru á öxl. Klippið frá. Prjónið síðan HÆGRI KRAGI eins og útskýrt er að neðan.

HÆGRI KRAGI:
Haldið eftir 26-26-29-29-32-32 lykkjum á hringprjón 3. Það á að prjóna kragann í garðaprjóni með stuttum umferðum út að hálsi. Byrjið frá röngu og prjónið 1 umferð slétt frá röngu. Prjónið síðan garðaprjón fram og til baka þannig: * prjónið 2 umferðir garðaprjón fram og til baka yfir allar 26-26-29-29-32-32 lykkjurnar, prjónið 2 umferðir garðaprjón fram og til baka yfri fyrstu 20-20-23-23-26-26 lykkjur *, prjónið frá *-* þar til kraginn mælist ca 7-7-7-7-8-8 cm lengst inn þar sem stykkið er styst (kraginn mælist ca 14-14-14-14-16-16 cm lengst út þar sem stykkið er breiðast). Fellið af með sléttum lykkjum frá réttu:

VINSTRA FRAMSTYKKI (þegar flíkin er mátuð):
Haldið áfram fram og til baka eins og áður með sléttprjóni, A.4 (= 35-35-35-42-42-42 lykkjur) og A.2 yfir kant að framan/sjalkraga.
JAFNFRAMT í fyrstu umferð frá réttu er fækkað um 1 lykkju í hlið fyrir handveg – sjá ÚRTAKA-2. Fækkið lykkjum fyrir handveg svona í annarri hverri umferð (þ.e.a.s. í hverri umferð frá réttu) alls 6-7-8-11-15-17 sinnum.
Eftir allar útaukningar og úrtökur eru 67-69-72-76-80-83 lykkjur eftir í umferð. Haldið áfram með mynstur.
Þegar stykkið mælist ca 53-55-57-59-61-63 cm, prjónið 1 umferð frá réttu eins og áður – JAFNFRAMT í þessari umferð er fækkað um 8-8-8-11-11-11 lykkjur jafnt yfir 35-35-35-42-42-42 lykkjur í A.3 = 59-61-64-65-69-72 lykkjur eftir. Prjónið 1 umferð slétt frá röngu yfir allar lykkjur.
Næsta umferð er prjónuð frá réttu þannig: Fellið af 33-35-35-36-37-40 lykkjur fyrir öxl og prjónið sléttar lykkjur yfir 26-26-29-29-32-32 lykkjur sem eftir eru (= sjalkragi). Prjónið síðan VINSTRI KRAGI eins og útskýrt er að neðan.

VINSTRI KRAGI:
= 26-26-29-29-32-32 lykkjur. Byrjið frá röng og prjónið garðaprjón fram og til baka þannig: * prjónið 2 umferðir garðaprjón fram og til baka yfir allar 26-26-29-29-32-32 maskorna, prjónið 2 umferðir garðaprjón fram og til baka yfri fyrstu 20-20-23-23-26-26 lykkjur *, prjónið frá *-* þar til kraginn mælist ca 7-7-7-7-8-8 cm lengst inn þar sem stykkið er styst (kraginn mælist ca 14-14-14-14-16-16 cm lengst út þar sem stykkið er breiðast). Fellið af með sléttum lykkjum frá réttu:

BAKSTYKKI:
= 100-106-110-118-130-140 lykkjur. Prjónið síðan sléttprjón. JAFNFRAMT í fyrstu umferð frá réttu er fækkað um 1 lykkju í hvorri hlið fyrir handveg – sjá ÚRTAKA-2. Fækkið lykkjum fyrir handveg svona í annarri hverri umferð alls 6-7-8-11-15-17 sinnum = 88-92-94-96-100-106 lykkjur.
Prjónið þar til stykkið mælist 52-54-56-58-60-62 cm. Fellið nú af miðju 18-18-20-20-22-22 lykkjurnar fyrir hálsmáli og hvor öxl er prjónuð til loka fyrir sig. Haldið áfram með sléttprjón og fellið af fyrir hálsmáli í byrjun á hverri umferð frá hálsi þannig: Fellið af 1 lykkju 2 sinnum = 33-35-35-36-37-40 lykkjur. Prjónið þar til stykkið mælist 54-56-58-60-62-64 cm. Prjónið 1 umferð slétt frá réttu. Fellið af með sléttum lykkjum frá réttu.

ERMI:
Fitjið upp 64-72-72-76-76-80 lykkjur á sokkaprjóna 2,5 með BabyMerino. Prjónið 1 umferð slétt. Prjónið síðan stroff hringinn (= 2 lykkjur slétt, 2 lykkjur brugðið) í 8 cm. Skiptið yfir á sokkaprjón 3 og prjónið 1 umferð slétt þar sem fækkað er um 12-14-12-14-12-12 lykkjur jafnt yfir = 56-58-60-62-64-68 lykkjur. Setjið 1 prjónamerki í byrjun á umferð = mitt undir ermi. Látið prjónamerkið fylgja með í stykkinu, það á að nota það aðeins síðar þegar auka á út mitt undir ermi. Prjónið sléttprjón hringinn.
Þegar ermin mælist 9-9-9-9-10-10 cm frá uppfitjunarkanti, aukið út um 2 lykkjur mitt undir ermi – sjá ÚTAUKNING-1. Aukið svona út með 3½-3-2½-2-1½-1½ cm millibili alls 11-13-15-18-21-22 sinnum = 78-84-90-98-106-112 lykkjur. Prjónið áfram þar til ermin mælist 47-46-46-45-44-43 cm (nú eru eftir 9-10-11-12-13-14 cm ermakúpa að loka máli, prjónið e.t.v. að óskaðri lengd). ATH: Það er styttra mál í stærri stærðum vegna breiðari axla og lengri ermakúpu.
Næsta umferð er prjónuð þannig: Byrjið 3 lykkjum á undan prjónamerki, fellið af 6 lykkjur, prjónið sléttprjón út umferðina = 72-78-84-92-100-106 lykkjur eftir. Prjónið nú sléttprjón fram og til baka. JAFNFRAMT er fellt af fyrir ermakúpu í byrjun á hverri umferð í hvorri hlið þannig: Fellið af 3 lykkjur 1 sinni í hvorri hlið, 2 lykkjur 2-2-2-3-3-3 sinnum í hvorri hlið og 1 lykkja 5-7-9-9-11-12 sinnum í hvorri hlið.
Fellið síðan af 2 lykkjur í hvorri hlið þar til ermin mælist ca 55-55-56-56-56-56 cm. Fellið af 3 lykkjur 1 sinni í hvorri hlið og fellið síðan af þær lykkjur sem eftir eru. Ermin mælist ca 56-56-57-57-57-57 cm ofan frá og niður. Prjónið hina ermina alveg eins.

FRÁGANGUR:
Saumið axlasaum innan við affellingarkantinn. Saumið ermar í innan við 1 kantlykkju. Saumið kragann saman við miðju að aftan (passið uppá að saumurinn snúi inn þegar kraginn er brotinn niður). Saumið kragann við hálsmál aftan í hnakka með sauminn inn að röngu.

Mynstur

= slétt lykkja frá réttu, brugðin lykkja frá röngu
= brugðin lykkja frá réttu, slétt lykkja frá röngu
= þessi rúða sýnir enga lykkju þar sem búið er að fækka um þessa lykkju áður, farðu beint áfram í næsta tákn í mynsturteikningu
= á milli 2 lykkja er slegið 1 sinni uppá prjóninn. Í næstu umferð (ranga) er uppslátturinn prjónaður brugðinn (það eiga að myndast göt).
= setjið 1 lykkju á kaðlaprjón framan við stykkið, prjónið 1 lykkju slétt, prjónið 1 lykkju slétt af kaðlaprjóni
= setjið 1 lykkju á kaðlaprjón aftan við stykkið, prjónið 1 lykkju slétt, prjónið 1 lykkju slétt af kaðlaprjóni
= setjið 1 lykkju á kaðlaprjón aftan við stykkið, prjónið 1 lykkju slétt, prjónið 1 lykkju brugðið af kaðlaprjóni
= setjið 1 lykkju á kaðlaprjón framan við stykkið, prjónið 1 lykkju brugðið, prjónið 1 lykkju slétt af kaðlaprjóni
= takið 1 lykkju óprjónaða eins og prjóna eigi slétt, prjónið 2 lykkjur slétt saman, steypið óprjónuðu lykkjunni yfir lykkjurnar sem prjónaðar voru saman
= prjónið 3 lykkjur slétt, steypið fyrstu lykkjunni sem var prjónuð yfir hinar tvær þannig að þessi lykkja liggi utan um hinar tvær
= setjið 2 lykkjur á kaðlaprjón framan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= setjið 2 lykkjur á kaðlaprjón aftan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= takið 1 lykkju óprjónaða eins og prjóna eigi hana slétt






Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 207-4) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (15)

Charo 13.10.2019 - 00:16:

Como se puede acceder al patrón de este modelo?

DROPS Design 13.10.2019 kl. 22:37:

Hola Charo. Este patrón será publicado en español esta semana.

Jeanne 19.08.2019 - 09:15:

Bij rugpand worden voor de hals 20 steken afgekant. Waar worden deze steken bij de voorpanden geminderd ?

DROPS Design 01.09.2019 kl. 13:48:

Dag Jeanne,

Deze minderingen zijn op de voorpanden verwerkt in de v-hals/sjaalkraag.

Jeanne 18.08.2019 - 20:48:

Ik ben nu bij het meerderen van de kraag. Worden er dan geen steken geminderd om een mooie kraag te krijgen?

DROPS Design 16.10.2019 kl. 10:03:

Dag Jeanne,

Er wordt inderdaad niet geminderd voor de hals. De kabels lopen ook recht door naar boven op de voorpanden. Er wordt dus alleen gemeerderd voor de kraag.

Maschefuermasche 16.08.2019 - 08:54:

Guten Morgen Bei der Strickschrift A.3 neunte Reihe bekomme ich mit der 4-6. Masche weniger Maschen ... Das sollte doch nicht sein? Muss ich jeweils 2 Umschläge arbeiten? Danke für die schnelle Antwort

DROPS Design 16.08.2019 kl. 09:37:

Liebe Maschefuermasche, in A.3 wird die Maschenanzhal um 1 Masche unterschiedlich sein, wegen den schmallen Zopf (am Ende A.3), dh bei der 1. und 4. Reihe im Zopf haben Sie 35-42 M in A.3, und bei der 2. und 3. Reihe im Zopf haben Sie 34-41 M in A.3. Viel Spaß beim stricken!

Jeanne 14.08.2019 - 07:44:

Hoe kan ik het patroon aanpassen dat de schouder niet afhangend wordt? Is mi ook veel mooier

DROPS Design 17.10.2019 kl. 10:03:

Dag Jeanne,

Helaas is het voor ons niet mogelijk om patronen aan te passen naar persoonlijke wens. Eventueel kun je hulp vragen bij de winkel waar je het garen hebt gekocht.

Martina 12.08.2019 - 18:32:

Ein wirklich wunderschönes tragbares Modell, werde demnächst die Anleitung genau durcharbeiten und nachstricken. Vielen Dank an Ihr Team....tolle Arbeit..die Ihr da leistet.

Masche Für Masche 13.07.2019 - 09:42:

Tolles Modell für jeden Tag! Werde ich gleich für mein Geschäft Nachstricken, DANKE

Gabriele 10.07.2019 - 12:36:

Sehr schön,möchte ich gerne stricken.

Christine 05.07.2019 - 10:10:

Wunderschön, die Farbe ist ein Traum,

Hillevi 04.07.2019 - 15:27:

Delikat og lekker, ikke for tjukk- ikke for tynn! denne skal jeg strikke!

Skrifaðu athugasemd um DROPS 207-4

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.