DROPS / 194 / 19

Casual Diamond by DROPS Design

Prjónuð poncho peysa með laskalínu úr DROPS Sky. Stykkið er prjónað ofan frá og niður með köðlum. Stærð S - XXXL.

DROPS Design: Mynstur sk-012
Garnflokkur B
-------------------------------------------------------

Stærð: S - M - L - XL - XXL - XXXL
Efni:
DROPS SKY frá Garnstudio (tilheyrir garnflokkur B)
400-450-500-550-600-650 g litur 13, ljós gallabuxnablár

-------------------------------------------------------
FYLGIHLUTIR FYRIR STYKKIÐ:

PRJÓNFESTA:
20 lykkjur á breidd og 26 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR OG HRINGPRJÓNAR NR 4,5: lengd 40 cm og 80 cm fyrir stykkið.
DROPS SOKKAPRJÓNAR OG HRINGPRJÓNAR NR 3,5: lengd 40 cm og 80 cm fyrir kanta.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

DROPS KAÐLAPRJÓNN – fyrir kaðla.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

74% Alpakka, 18% Polyamide, 8% Ull
frá 1496.00 kr /50g
DROPS Sky uni colour DROPS Sky uni colour 1496.00 kr /50g
Panta
DROPS Sky mix DROPS Sky mix 1496.00 kr /50g
Panta
Prjónar & Heklunálar
Þú færð garn sem þarf í að gera þetta mynstur frá 11968kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4.
Þar sem lykkjum fækkar og fjölgar í mynsturteikningu A.2b og A.3b, getur lykkjufjöldinn breyst miðað við þetta með 4 lykkjur, sérstaklega þar sem lykkjum hefur fækkað.

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 122 lykkjur) og deilið með fjölda útaukninga sem á að gera (t.d. 20) = 6,1.
Í þessu dæmi er aukið út með því að slá 1 sinni uppá prjóninn á eftir ca 6. hverja lykkju. Í næstu umferð er uppslátturinn prjónaður snúinn svo að ekki myndist gat.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki er staðsett mitt á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= alls 2 lykkjur færri).

-------------------------------------------------------

BYRJIÐ Á STYKKI HÉR:

-------------------------------------------------------

PONCHO PEYSA - STUTT ÚTSKÝRING Á STYKKI:
Stykkið er prjónað í hring á hringprjóna ofan frá og niður í vinkil niður að handveg. Berustykki skiptist fyrir fram- og bakstykki og ermar.
Fram- og bakstykki er síðan prjónað í hring, áður en það skiptist yfir í framstykki og bakstykki og það verður klauf í hliðum, stykkið er síðan prjónað áfram fram og til baka. Ermarnar eru prjónaðar í hring á sokkaprjóna.

BERUSTYKKI:
Fitjið upp 122-126-130-146-146-154 lykkjur á hringprjón 3,5 með Sky. Prjónið 4 umferðir GARÐAPRJÓN hringinn – sjá útskýringu að ofan. Prjónið 1 umferð slétt og aukið út um 20-20-20-24-24-24 lykkjur jafnt yfir – sjá ÚTAUKNING = 142-146-150-170-170-178 lykkjur. Prjónið 1 umferð brugðna.
Skiptið yfir á hringprjón 4,5.
Prjónið nú og aukið út lykkjur þannig:
Vinstri ermi: Prjónið 1 lykkju sléttprjón og setjið 1. prjónamerki í þessa lykkju, sláið 1 sinni uppá prjóninn (= 1 lykkja fleiri), 6-6-6-8-6-6 lykkjur sléttprjón, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 2. prjónamerki í þessa lykkju.
Bakstykki: Prjónið A.1a (= 11 lykkjur), A.2a (= 13 lykkjur), 1 lykkja sléttprjón og setjið 3. prjónamerki í þessa lykkju, sláið 1 sinni uppá prjóninn (= 1 lykkja fleiri), 6-7-8-12-13-15 lykkjur sléttprjón, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 4. prjónamerki í þessa lykkju (= miðju lykkja), sláið 1 sinni uppá prjóninn (= 1 lykkja fleiri), 6-7-8-12-13-15 lykkjur sléttprjón, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 5. prjónamerki í þessa lykkju, A.3a (= 13 lykkjur), A.4a (= 11 lykkjur).
Hægri ermi: Prjónið 1 lykkju með sléttprjóni og setjið 6. prjónamerki í þessa lykkju, sláið 1 sinni uppá prjóninn (= 1 lykkja fleiri), 6-6-6-8-6-6 lykkjur með sléttprjóni, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 7. prjónamerki í þessa lykkju.
Framstykki: Prjónið A.1a yfir 11 lykkjur, A.2a yfir 13 lykkjur, 1 lykkja sléttprjón og setjið 8. prjónamerki í þessa lykkju, sláið 1 sinni uppá prjóninn (= 1 lykkja fleiri), 6-7-8-12-13-15 lykkjur sléttprjón, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 9. prjónamerki í þessa lykkju (= miðju lykkja), sláið 1 sinni uppá prjóninn (= 1 lykkja fleiri), 6-7-8-12-13-15 lykkjur sléttprjón, sláið 1 sinni uppá prjóninn (= 1 lykkja fleiri), 1 lykkja sléttprjón og setjið 10. prjónamerkið í þessa lykkju, A.3a yfir 13 lykkjur, A.4a yfir 11 lykkjur.

Nú hafa verið auknar út 2 lykkjur á hvorri ermi og 14 lykkjur á hvoru framstykki/bakstykki (þ.e.a.s. 2 lykkjur fyrir laskalínu, 2 lykkjur við miðju lykkju og 10 lykkjur fleiri í mynstri A.1a til A.4a) = 174-178-182-202-202-210 lykkjur.
Uppslátturinn á ermum og hvoru megin við miðju lykkju eru EKKI prjónaðar snúnar (= gat), á meðan uppslættirnir á eftir A.2 og á undan A.3 eru prjónaðir snúnir (= ekki gat).
ATHUGIÐ PRJÓNFESTUNA!
Þegar A.1a til A.4a hefur verið prjónað 1 sinni á hæðina er prjónað A.1b til A.4b yfir A.1a til A.4a.
Útaukning heldur áfram þannig (fyrsta útaukningin hefur nú þegar verið útskýrð):
Sláið 1 sinni uppá prjóninná eftir 1.,4., 6. og 9. prjónamerki og á undan 2., 4., 7. og 9. prjónamerki í annarri hverri umferð alls 26-29-31-33-36-39 sinum (þ.e.a.s. 25-28-30-32-35-38 sinnum til viðbótar). Þessir uppslættir eru ekki prjónaðir snúnir = gat.
Aukið út með því að slá 1 sinni uppá prjóninn á eftir 3. og 8. prjónamerki og á undan 5. og 10. prjónamerki í 4. hverri umferð alls 9-11-14-12-16-19 sinnum (þ.e.a.s. 8-10-13-11-15-18 sinnum til viðbótar. Þessir uppslættir eru prjónaðir snúnir = ekki gat.

Þegar allar útaukningar hafa verið gerðar eru 60-66-70-76-80-86 lykkjur á hvorri ermi og 143-155-167-175-191-207 lykkjur á hvoru framstykki/bakstykki = alls 406-442-474-502-542-586 lykkjur.
Stykkið mælist ca 22-24-26-27-30-32 cm frá uppfitjunarkanti, mælt mitt ofan á ermi.
Í næstu umferð skiptist stykkið fyrir fram- og bakstykki og ermar þannig: (síðasta umferð sem er prjónuð er 1 umferð þar sem lykkjum er fjölgað).
Vinstri ermi: Setjið fyrstu 60-66-70-76-80-86 lykkjurnar á band fyrir ermi og fitjið upp 8-8-8-12-12-12 lykkjur undir ermi. Setjið 1 prjónamerki mitt á milli þessa lykkja.
Bakstykki: Prjónið mynstur og sléttprjón eins og áður (= 143-155-167-175-191-207 lykkjur).
Hægri ermi: Setjið lykkjurnar á band og fitjið upp lykkjur undir ermi eins og á vinstri ermi.
Framstykki: Prjónið mynstur og sléttprjón eins og áður (= 143-155-167-175-191-207 lykkjur).

FRAM- OG BAKSTYKKI:
= 302-326-350-374-406-438 lykkjur. Færið umferðina til þannig að hún byrjið við prjónamerki undir ermi. Lykkjurnar undir ermi eru prjónaðar með sléttprjóni. Prjónið síðan þannig:
UMFERÐ 1 (= frá réttu):
Bakstykki: Prjónið 2 lykkjur sléttprjón, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 1 lykkja færri), A.1b, A.2b og sléttprjón fram að miðju lykkju, sláið 1 sinni uppá prjóninn (= 1 lykkja fleiri), 1 lykkja sléttprjón (= miðju lykkja), sláið 1 sinni uppá prjóninn (= 1 lykkja fleiri), prjónið sléttprjón, A.3b og A.4b þar til 4 lykkjur eru eftir á undan prjónamerki, prjónið 2 lykkjur slétt saman (= 1 lykkja færri), 2 lykkjur sléttprjón.
Framstykki: Prjónið eins og bakstykki.
Þ.e.a.s. það fækkar um 4 lykkjur og aukið út um alls 4 lykkjur, þannig að lykkjufjöldinn verðu sá sami.
UMFERÐ 2 (= frá röngu):
Prjónið mynstur og sléttprjón eins og áður (uppslátturinn er ekki prjónaður snúinn = gat).
UMFERÐ 3:
Bakstykki: prjónið mynstur og sléttprjón eins og áður fram að miðju lykkju, sláið 1 sinni uppá prjóninn (= 1 lykkja fleiri), 1 lykkja sléttprjón (= miðju lykkja), sláið 1 sinni uppá prjóninn (= 1 lykkja fleiri), prjónið sléttprjón og mynstur að prjónamerki (= 2 lykkjur fleiri).
Framstykki: Prjónið eins og bakstykki.
Þ.e.a.s. það er aukið út um alls 4 lykkjur.
UMFERÐ 4:
Prjónið mynstur og sléttprjón eins og áður (uppslátturinn er ekki prjónaður snúinn = gat).
Endurtakið umferð 1 til 4. Þ.e.a.s. lykkjur í A.1b til A.4b fækkar og sléttar lykkjur aukast við miðju framan/aftan. Þegar það eru ekki nægilega margar lykkjur fyrir kaðal, prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir mynstur.
Haldið svona áfram þar til stykkið mælist 18-18-18-19-19-19 cm frá þar sem fram- og bakstykki skiptist frá ermum, stillið af að síðasta umferðin sé 2. eða 4. umferð. Nú skiptist framstykkið og bakstykkið við prjónamerkin og hvort stykki er prjónað til loka fyrir sig (= ca 12 cm klauf í hliðum).

BAKSTYKKI:
Haldið áfram með umferð 1 til 4 (fyrsta umferðin er prjónuð frá réttu) fram og til baka, en nú eru 2 ystu lykkjurnar á hvorri hlið prjónaðar með GARÐAPRJÓN – sjá útskýringu að ofan.
Haldið svona áfram þar til stykkið mælist 26-26-26-27-27-27 cm frá þar sem fram- og bakstykki skiptist frá ermum = ca 183-195-207-221-237-253 lykkjur. Prjónið 1 umferð frá röngu eins og áður, en jafnið lykkjufjöldann út þannig að það séu 92-100-104-112-120-128 lykkjur hvoru megin við miðju lykkju, þ.e.a.s. aukið út ca 1-3-1-2-2-2 lykkjur jafnt yfir hvoru megin við miðju lykkju (= alls 2-6-2-4-4-4 lykkjur fleiri) = 185-201-209-225-241-257 lykkjur. Skiptið yfir á hringprjón 3,5.
Prjónið nú stroffkant yfir allar lykkjur þannig:
UMFERÐ 1 (= frá réttu): Prjónið 2 lykkjur garðaprjón, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri), prjónið * 2 lykkjur sléttprjón, 2 lykkjur garðaprjón *, prjónið frá *-* fram að miðju lykkju, sláið 1 sinni uppá prjóninn (= 1 lykkja fleiri), 1 lykkja sléttprjón (= miðju lykkja), sláið 1 sinni uppá prjóninn (= 1 lykkja fleiri), prjónið * 2 lykkjur garðaprjón, 2 lykkjur sléttprjón *, prjónið frá *-* þar til 4 lykkjur eru eftir á prjóni, prjónið 2 lykkjur slétt saman (= 1 lykkja færri) og endið með 2 lykkjur garðaprjón.
UMFERÐ 2 (= frá röngu): Prjónið brugðið yfir sléttprjón og garðaprjón yfir garðaprjón, útaukni uppslátturinn er prjónaður inn í stroffi (það eiga að myndast göt).
Endurtakið umferð 1 og 2. Þ.e.a.s. í hverri umferð frá réttu er aukið út um 2 lykkjur og fækkað um 2 lykkjur, þannig að lykkjufjöldinn verði sá sami. Þegar stykkið mælist 30-30-30-31-31-31 cm, frá þar sem fram- og bakstykki skiptist við ermar, fellið af með sléttum lykkjum frá réttu. Stykkið mælist ca 54-56-58-60-63-65 cm frá öxl og niður þar sem stykkið er styst.

FRAMSTYKKI:
Prjónið eins og bakstykki

ERMI:
Ermarnar eru prjónaðar í hring á sokkaprjóna.
Setjið 60-66-70-76-80-86 lykkjur af bandi á annarri hlið á stykki á sokkaprjón 4,5 og takið upp 1 lykkju í hverja og eina af 8-8-8-12-12-12 lykkjum sem fitjaðar voru upp undir ermi = 68-74-78-88-92-98 lykkjur. Setjið 1 prjónamerki mitt á milli 8-8-8-12-12-12 lykkja (= mitt undir ermi). Prjónið sléttprjón hringinn. Þegar stykkið mælist 1 cm frá þar sem ermarnar skiptust frá fram- og bakstykki, fækkið um 1 lykkju hvoru megin við prjónamerki sjá ÚRTAKA.
Fækkið lykkjum svona með 2½-2½-2-1½-1½-1 cm millibili alls 12-13-15-18-20-21 sinnum = 44-48-48-52-52-56 lykkjur.
Þegar stykkið mælist 37-36-34-33-31-29 cm frá þar sem ermarnar skiptust frá fram- og bakstykki, skiptið yfir á sokkaprjón 3,5 og prjónið stroff (= 2 lykkjur slétt, 2 lykkjur brugðnar). Fellið af með sléttum lykkjum þegar stykkið mælist 41-40-38-37-35-33 cm frá þar sem ermin skiptist frá fram- og bakstykki. Prjónið hina ermina alveg eins.

Mynstur

= slétt frá réttu, brugðið frá röngu
= brugðið frá réttu, slétt frá röngu
= þessi rúða sýnir enga lykkju þar sem lykkjan var felld af áður, farðu beint áfram í næsta tákn í mynsturteikningu
= á milli 2 lykkja er slegið 1 sinni uppá prjóninn
= á milli 2 lykkja er slegið 1 sinni uppá prjóninn, uppslátturinn er prjónaður snúinn í næstu umferð, það eiga ekki að myndast göt
= prjónið 3 lykkjur, takið fyrstu lykkju sem var prjónuð yfir 2 síðustu lykkjurnar þannig að þessi lykkja liggi utan um hinar tvær lykkjurnar (= 1 lykkja færri)
= 2 lykkjur slétt saman
= takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð
= setjið 2 lykkjur á kaðlaprjón framan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= setjið 2 lykkjur á kaðlaprjón aftan við stykkið, prjónið 2 lykkjur slétt, prjónið 2 lykkjur slétt af kaðlaprjóni
= setjið 4 lykkjur á kaðlaprjón framan við stykkið, prjónið 4 lykkjur slétt, prjónið 4 lykkjur slétt af kaðlaprjóni
= setjið 4 lykkjur á kaðlaprjón aftan við stykkið, prjónið 4 lykkjur slétt, prjónið 4 lykkjur slétt af kaðlaprjóni
= prjónstefna



Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 194-19) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (8)

Mme PALIS 24.05.2019 - 19:02:

Bonjour. Est-il possible de faire ce modèle pour une taille 6 ans ? Je le trouve très joli et j'aimerais bien pouvoir le réaliser pour ma fille. Merci d'avance.

DROPS Design 27.05.2019 kl. 08:24:

Bonjour Mme Palis, ce modèle est uniquement disponible en taille adulte actuellement. Nous ne sommes malheureusement pas en mesure de pouvoir adapter chacun de nos modèles à chaque demande, pour toute assistance complémentaire, merci de bien vouloir contacter votre magasin DROPS et/ou un forum tricot. Bon tricot!

Tutti Kompletti 01.05.2019 - 11:29:

Sind im Diagramm nur die Hinreihen beschrieben?

DROPS Design 02.05.2019 kl. 09:36:

Liebe Frau Kompletti, alle Reihen sind in den Diagrammen gezeigt - hier lesen Sie mehr über Diagram. Viel Spaß beim stricken!

DUCHENE 03.03.2019 - 18:10:

Bonjour, je ne vois pas très bien comment se terminent les torsades sur les côtés de ce pull... Sont-elles arrêtées peu à peu au fil des diminutions sur les 4 mailles jersey en début et fin de rang ? J'ai arrêté mon travail quelques sous les bras.......en attendant votre réponse. Merci d'avance

DROPS Design 04.03.2019 kl. 10:59:

Bonjour Mme Duchene, tout à fait, quand on diminue sur les côtés (sous les manches), on a de moins en moins de mailles pour les torsades, on tricote alors ces mailles en jersey (on ne les croise plus car on n'en a plus suffisamment). Bon tricot!

Anne Blundell 08.02.2019 - 08:53:

I really love this pattern but do not like the v shaped hem would it be easy to finish the jumper with a straight hem?

DROPS Design 08.02.2019 kl. 09:56:

Dear Mrs Blundell, we are unfortunately not able to adapt every pattern to every single request, but you can take inspiration from this pattern (please note that the tension is different on this one). For any individual assistance you are welcome to request help from your DROPS store - even per mail or telephone. Happy knitting!

Henriette Welten 13.01.2019 - 16:34:

Skal man begynne å øke samtidig som man starter å strikke A2a-A2d?

DROPS Design 16.01.2019 kl. 14:40:

Hei Henriette. Første omgang med mønster strikker du etter diagram A.1a-A.4a, dette er også første omgang med økinger. Etter at A.1a-A.4a er strikket (2 omganger) strikker du A.1b-A.4b samtidig som du fortsetter å øke som forklart. God fornøyelse

Karin Jensen 07.08.2018 - 08:46:

Venter på opskrift.

Monique 13.07.2018 - 08:41:

Ein schöner Pullover mit aussergewöhnlicher Form!

SARDA 06.07.2018 - 09:35:

Très joli et original

Skrifaðu athugasemd um DROPS 194-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.