Petit Lutin by DROPS Design

Sett með prjónuðum galla, sokkum og húfu / jólasveinahúfu úr DROPS Cotton Merino. Stærð börn 1-18 mánaða

DROPS Design: Mynstur nr cm-006-bn
Garnflokkur B
-----------------------------------------------------------
DRESS:
Stærð: 1/3 - 6/9 - 12/18 mán
Stærð í cm: 56/62 - 68/74 - 80/86
Efni:
DROPS COTTON MERINO frá Garnstudio
100-150-150 gr litur nr 06, rauður

DROPS HRINGPRJÓNAR (40 cm) NR 3,5 – eða þá stærð sem þarf til að 22 l og 30 umf með sléttprjóni verði 10 x 10 cm.
DROPS HRINGPRJÓNAR (40 cm) NR 3 – fyrir stroff.
DROPS TALA: Bogalaga (hvít) NR 521: 2 stk í allar stærðir

HÚFA:
Stærð: 1/3 - 6/9 - 12/18 mán (2 - 3/4) ára.
Höfuðmál:
Ca: 40/42 - 42/44 - 44/46 (48/50 - 50/52) cm.
Efni:
DROPS COTTON MERINO frá Garnstudio
50-50-50 (100-100) gr litur nr 6, rauður

DROPS HRINGPRJÓNAR (40 cm) NR 3,5 – eða sú stærð sem þarf til að 22 l og 30 umf með sléttprjóni verði 10 x 10 cm.
DROPS HRINGPRJÓNAR (40 cm) NR 3 – fyrir stroff.

SOKKAR:
Stærð: 15/17 - 18/19 - 20/21 (22/23 - 24/25 - 26/28)
Lengd fótar: 10-11-12 (13-15-17) cm
Efni:
DROPS COTTON MERINO frá Garnstudio
50-50-50 (100-100-100) gr litur nr 06, rauður

DROPS SOKKAPRJÓNAR NR 3 – eða sú stærð sem þarf til að 23 l og 32 umf með sléttprjóni verði 10 x 10 cm.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


50% Ull, 50% Bómull
frá 814.00 kr /50g
DROPS Cotton Merino uni colour DROPS Cotton Merino uni colour 814.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2442kr. Sjá hér.

Leiðbeiningar um mynstur

GALLI:
ÚRTAKA-1:
Prjónið þar til 3 l eru eftir á undan prjónamerki og fellið af þannig: 2 l slétt saman, 2 l sl (prjónamerki er staðsett mitt á milli þessa 2 l), takið 1 l óprjónaða eins og prjóna eigi hana sl, 1 l sl, steypið óprjónuðu l yfir.

ÚRTAKA-2:
Öll úrtaka er gerð frá réttu!
Fellið af á eftir 3 kantlykkjum með garðaprjóni: Takið 1 l óprjónaða eins og prjóna eigi hana sl, 1 l sl, steypið óprjónuðu l yfir.
Fellið af á undan 3 kantlykkjum með garðaprjóni: Byrjið 2 l á undan 3 kantlykkjum og prjónið 2 l slétt saman.

GARÐAPRJÓN (prjónið fram og til baka):
Lykkjurnar prjónast slétt í öllum umf.

MYNSTUR:
Sjá teikningu A.1. Teikning sýnir allar umf í mynstri séð frá réttu.
----------------------------------------------------------

DRESS:
Stykkið er prjónað fram og til baka í 2 hlutum neðan frá og upp eftir opi fyrir fætur. Síðan er stykkið prjónað í hring áður en það skiptist aftur upp við mitti og framstykki er prjónað til loka fram og til baka.

BAKSTYKKI:
Fitjið upp 14-16-18 l á hringprjóna nr 3,5 með Cotton Merino og prjónið sléttprjón fram og til baka. JAFNFRAMT eru fitjaðar upp 2 nýjar l í lok hverrar umf alls 9 sinnum á hvorri hlið = 50-52-54 l í umf og stykkið mælist ca 6 cm. Geymið stykkið og prjónið framstykki.

FRAMSTYKKI:
Fitjið upp 14-16-18 l á hringprjóna nr 3,5 með Cotton Merino og prjónið sléttprjón fram og til baka í 5 cm. Fitjið nú upp 6 nýjar l í lok hverrar umf alls 3 sinnum á hvorri hlið = 50-52-54 l í umf og stykkið mælist ca 7 cm.

FRAM- OG BAKSTYKKI:
Setjið l frá fram- og bakstykki á sama hringprjón = 100-104-108 l á prjóni. Setjið 1 prjónamerki í hvora hlið (= 50-52-54 l á milli prjónamerkja) – HÉÐAN ER NÚ MÆLT! Prjónið sléttprjón hringinn – byrjun umf = hlið. Þegar stykkið mælist 2-3-5 cm er fækkað um 1 l hvoru megin við bæði prjónamerkin – LESIÐ ÚRTAKA-1 (= 4 l færri). Endurtakið úrtöku með 2 cm millibili alls 4 sinnum = 84-88-92 l á prjóni. Þegar stykkið mælist 10-11-14 cm frá prjónamerki (stykkið mælist ca 17-18-21 cm frá uppfitjunarkanti) prjónið upphækkun að aftan þannig: Prjónið sl eins og áður yfir fyrstu 42-44-46 l þ.e.a.s. fram að 2. Prjónamerki (= framstykki – ATH: Ekki er prjónuð upphækkun yfir þessar l), prjónið sl þar til 5 l eru eftir á undan prjónamerki í byrjun umf, snúið við og prjónið br til baka þar til 5 l eru eftir á undan prjónamerki á hinni hliðinni, snúið við. Prjónið sl þar til 10 l eru eftir á undan prjónamerki, snúið við og prjónið br til baka þar til 10 l eru eftir á undan prjónamerki á hinni hliðinni, snúið við. Prjónið sl þar til 15 l eru eftir á undan prjónamerki, snúið við og prjónið br til baka þar til 15 l eru eftir á undan prjónamerki á hinni hliðinni. Snúið við og prjónið sl til baka í byrjun umf (= hlið). Skiptið yfir á hringprjóna nr 3 og prjónið 1 umf slétt yfir allar l JAFNFRAMT er lykkjufjöldinn jafnaður til 80-88-96 l – ATH: Til þess að koma í veg fyrir göt þegar snúið er við er lykkjan sótt á milli 2 l upp og prjónað er áfram slétt með næstu l á prjóni. Prjónið síðan stroff í hring þannig: 1 l sl, * 2 l br, 2 l sl *, endurtakið frá *-* þar til 3 l eru eftir í umf, endið á 2 l br og 1 l sl. Þegar stroffið mælist 1½ cm prjónið kant með gatamynstri þannig: 1 l sl, * 2 l br saman, sláið uppá prjóninn, 2 l sl *, endurtakið frá *-* þar til 3 l eru eftir í umf, endið á 2 l br saman, sláið uppá prjóninn og 1 l sl. Prjónið síðan áfram þar til 1 umf er eftir áður en stroffið mælist 3 cm. Næsta umf er prjónuð þannig: Prjónið stroff eins og áður yfir fyrstu 40-44-48 l (= framstykki), fellið LAUST af næstu 40-44-48 l með sl yfir sl og br yfir br (= bakstykki).

FRAMSTYKKI:
Setjið 1 prjónamerki – HÉÐAN ER NÚ MÆLT!
Skiptið yfir á hringprjóna nr 3,5 og prjónið fyrstu umf frá réttu þannig: 3 kantlykkjur með GARÐAPRJÓN – sjá skýringu að ofan, 9-11-13 l sléttprjón, prjónið mynstur eftir teikningu A.1 (= 16 l) 9-11-13 l sléttprjón og 3 kantlykkjur með GARÐAPRJÓN. Haldið áfram með mynstur svona fram og til baka. JAFNFRAMT eftir 1-1-0 cm er fækkað um 1 l á hvorri hlið – LESIÐ ÚRTAKA-2. Endurtakið úrtöku í 2.- 4.- 6. Hverri umf alls 7-7-6 sinnum = 26-30-36 l eftir á prjóni. Þegar stykkið mælist 7-9-11 cm frá prjónamerki – stillið af þannig að næsta umf er prjónuð frá réttu, prjónið 6 umf garðaprjón fram og til baka yfir allar l. Næsta umf er prjónuð frá réttu þannig: Prjónið 8 l sl og setjið þessar l á 1 band fyrir axlaband, fellið af næstu 10-14-20 l og prjónið sl yfir síðustu 8 l (= axlaband).

AXLABAND:
Haldið áfram með garðaprjón fram og til baka þar til bandið mælist ca 18-20 cm (eða að óskaðri lengd). Fellið af og endurtakið á hinni hliðinni.

FRÁGANGUR:

STROFF:
Prjónið upp frá réttu ca 50 til 56 l meðfram öðru fótaropinu á hringprjóna nr 3 með Cotton Merino. Prjónið 1 umf br frá röngu JAFNFRAMT er aukið út jafnt yfir til 58-62-66 l. Prjónið síðan stroff (= 2 l sl, 2 l br) fram og til baka með 1 kantlykkju með garðaprjóni á hvorri hlið. Þegar kanturinn mælist 2 cm er fellt laust af með sl yfir sl og br yfir br.
Endurtakið meðfram hinu opinu.

Saumið saman op í klofbótinni innan við 1 kantlykkju – þ.e.a.s. saumið saman annan stroff kantinn, síðan er saumað saman í klofi og að lokum hitt stroffið.

Saumið tölu neðst í hvort axlaband. Tölurnar eru hnepptar í gegnum gat á gataumferð í stroffi.

SNÚRA:
Klippið 2 þræði Cotton Merino ca 3 metra. Tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút á hvorn enda. Byrjið við miðju að framan og þræðið snúruna upp og niður í gegnum göt í gataumferð á stroffi í mitti.
----------------------------------------------------------

HÚFA:
Stykkið er prjónað fram og til baka. Fitjið upp 75-81-85 (91-91) l (meðtalin 1 kantlykkja á hvorri hlið) á hringprjóna nr 3 með Cotton Merino. Prjónið 1 umf br frá röngu, síðan er prjónað stroff (= 1 l sl, 1 l br) með 1 kantlykkju með GARÐAPRJÓN – sjá skýringu að ofan – og 1 l sl innan við kantlykkju á hvorri hlið (séð frá réttu). Þegar stykkið mælist 3 cm er prjónuð 1 umf sléttprjón JAFNFRAMT er fækkað um 10-10-10 (8-8) l jafnt yfir = 65-71-75 (83-83) l. Skiptið yfir á hringprjóna nr 3,5 og prjónið sléttprjón með 1 kantlykkju með garðaprjóni á hvorri hlið. ATHUGIÐ PRJÓNFESTUNA! Þegar stykkið mælist 11-12-13 (14-15) cm setjið 3 l í byrjun á hverri umf á band (prjónið l fyrst). Haldið áfram með sléttprjón, í hverri umf eru settar 3 nýjar l á bandið. Haldið svona áfram þar til 30-33-33-39-39 l eru á bandi á hvorri hlið (= 5-5-9-5-5 l á prjóni.) Klippið frá og setjið til baka allar l á prjóninn. Prjónið 1 umf slétt frá réttu yfir allar l, í næstu umf er fellt af. Stykkið mælist ca 19-20-21-24-25 cm.

FRÁGANGUR:
Saumið saman húfuna fyrir miðju að aftan með lykkjuspori.
Prjónið upp frá réttu ca 44-60 l meðfram kanti að neðan á húfunni á hringprjóna nr 3,5. Prjónið 1 umf br frá röngu þar sem aukið er jafnt út til 55-59-65-69-75 l. Prjónið 2 umf sléttprjón með 1 kantlykkju með garðaprjóni á hvorri hlið. Næsta umf er prjónuð þannig (frá réttu): 1 l sl, * 2 l slétt saman, sláið uppá prjóninn * endurtakið frá *-* þar til 2 l eru eftir, þær eru prjónaðar slétt. Prjónið nú 3 umf sléttprjón með 1 l garðaprjón á hvorri hlið, fellið síðan af.
Brjótið kantinn tvöfaldan að röngu við gataumferð og saumið niður.

SNÚRA:
Klippið 3 þræði af Cotton Merino ca 2 metra, tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman, hnýtið hnút á hvorn enda. Þræðið snúruna í faldinn.
----------------------------------------------------------

SOCKOR:

MYNSTUR:
Sjá teikningu A.1.

ÚRTAKA:
Fellið afá eftir prjónamerki þannig: Byrjið 2 l á undan prjónamerki og prjónið 2 l slétt saman.
Fellið af á eftir prjónamerki þannig: Takið 1 l óprjónaða eins og prjóna eigi hana sl, 1 l sl, steypið óprjónuðu l yfir.

HÆLÚRTAKA:
UMFERÐ 1 (= rétta): Prjónið þar til 5-5-5 (5-5-5) l eru eftir, takið 1 l óprjónaða, 1 l sl, steypið óprjónuðu l yfir, snúið við.
UMFERÐ 2 (= ranga): Prjónið þar til 5-5-5 (5-5-5) l eru eftir, takið 1 l óprjónaða, 1 l br, steypið óprjónuðu l yfir, snúið við.
UMFERÐ 3 (= rétta): Prjónið þar til 4-4-4 (4-4-4) l eru eftir, takið 1 l óprjónaða, 1 l sl, steypið óprjónuðu l yfir, snúið við.
UMFERÐ 4 (= ranga): Prjónið þar til 4-4-4 (4-4-4) l eru eftir, takið 1 l óprjónaða, 1 l br, steypið óprjónuðu l yfir, snúið við.
Haldið áfram á sama hátt með því það fækki um 1 l áður en 1 l er steypt yfir þar til 8-8-10 (10-12-12) l eru eftir á prjóni.
----------------------------------------------------------

SOKKUR:

Stykkið er prjónað í hring á sokkaprjóna. Fitjið upp 36-36-40 (40-44-44) l á sokkaprjóna nr 3 með Cotton Merino og prjónið stroff = 2 l sl, 2 l br í 2-2-2 (3-3-3) cm. Setjið 1 prjónamerki í byrjun umf (= miðja að aftan). Næsta umf er prjónuðu þannig: 10-10-12 (12-14-14 ) l sléttprjón, prjónið mynstur eftir teikningu A.1 (= 16 l) og 10-10-12 (12-14-14) l sléttprjón. Haldið svona áfram með mynstur. Jafnframt þegar stykkið mælist 3-3-4 (4-5-6) cm fellið af 2 l fyrir miðju að aftan – LESIÐ ÚRTAKA. Endurtakið úrtöku með 4-4-3 (3-3-3) cm millibili alls 2-2-3 (3-4-4) sinnum = 32-32-34 (34-36-36) l. Þegar stykkið mælist 9-10-12 (13-16-19) cm haldið eftir miðju 16-16-18 (18-20-20) l fyrir miðju að aftan fyrir hæl og miðju 16 l eru settar á 1 band (= ofan á rist). Prjónið sléttprjón fram og til baka yfir hæl-l í 3-3½-4 (4½-5-5) cm. Setjið 1 prjónamerki mitt í stykkið. Prjónið síðan HÆLÚRTAKA – sjá skýringu að ofan. Prjónið síðan upp 7-8-9 (10-11-11) l hvoru megin við hæl og l af bandi ofan á rist eru settar til baka á prjóninn = 38-40-44 (46-50-50) l á prjóni. Haldið áfram hringinn með sléttprjóni og A.1 yfir miðju-l ofan á rist eins og áður – JAFNFRAMT er fellt af hvoru megin við 16 l ofan á rist þannig: Þær 2 síðustu l á undan 16 l eru prjónaðar slétt saman og 2 fyrstu l á eftir 16 l eru prjónaðar snúnar slétt saman. Fellið af í annarri hverri umf alls 6-6-7 (7-7-7) sinnum = 26-28-30 (32-36-36) l.
Prjónið síðan áfram þar til stykkið mælist ca 8-9-9½ (10½-11½-13) cm frá prjónamerki á hæl (nú eru eftir ca 2-2-2½ (2½-3½-4) cm).
Setjið 1 prjónamerki í hvora hlið þannig að það verða 13-14-15 (16-18-18) l bæði ofan á rist og undir il. Fellið síðan af fyrir tá hvoru megin við bæði prjónamerkin – LESIÐ ÚRTAKA. Fellið af í annarri hverri umf: 2-2-3 (3-5-6) sinnum og síðan í hverri umf: 3-3-3 (3-2-1) sinnum = 6-8-6 (8-8-8) l eftir á prjóni. Klippið frá og dragið bandið í gegnum þær l sem eftir eru, herðið að og festið vel. Sokkurinn mælist ca 10-11-12 (13-15-18) cm. Prjónið annan sokk alveg eins.

Mynstur

= sl frá réttu, br frá röngu
= br frá réttu, sl frá röngu
= sláið uppá prjóninn á milli 2 l
= 2 l slétt saman
= takið 1 l óprjónaða eins og prjóna eigi hana sl, 1 l sl, steypið óprjónuðu l yfir


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Children 26-17) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (9)

Anna Sharp 07.07.2019 - 06:47:

What is the Edge St that is used in the bonnet? The pattern says See Explanation Above but I’m unable to find it the instruction. Thanks

DROPS Design 07.07.2019 kl. 17:15:

Dear Anna, the bonnet starts with a K1, P1 rib pattern, and an edge stitch on both sides, which are knitted in garted stitch (knitted in every row). Happy Knitting!

Ana 07.01.2019 - 22:49:

Se puede obtener el patrón del pantalón pero con agujas rectas? Muchas gracias

DROPS Design 03.02.2019 kl. 18:45:

Hola Ana. No hacemos patrones personalizados.

Paulina Fernández 16.04.2018 - 19:58:

Muchas gracias equipo Drops por responder tan pronto. Terminé la labor y quedó estupendo!! Buena semana!!

Paulina Fernández 16.04.2018 - 02:46:

Hola equipo Drops. Estoy tejiendo el gorro y no entiendo como es la parte de ir juntando los tres (3) puntos en aguja auxiliar al inicio de cada vuelta: ¿Son en todas las vueltas (derecho y revés),? Cómo se le da la forma en punta, no se hacen disminuciones? Y al finalizar el tejido, cuando tengo que cortar el hilo, si también tejo los puntos centrales junto a los del gancho auxiliar, cuál es la finalidad de separarlos antes? Estaré atenta a su respuesta. Gracias.

DROPS Design 17.04.2018 kl. 08:11:

Ver la respuesta abajo

Paulina Fernández 15.04.2018 - 13:59:

Hola equipo Drops. Estoy tejiendo el gorro y no entiendo como es la parte de ir juntando los tres (3) puntos en aguja auxiliar al inicio de cada vuelta: ¿Son en todas las vueltas (derecho y revés),? Cómo se le da la forma en punta, no se hacen disminuciones? Y al finalizar el tejido, cuando tengo que cortar el hilo, si también tejo los puntos centrales junto a los del gancho auxiliar, cuál es la finalidad de separarlos antes? Estaré atenta a su respuesta. Gracias.

DROPS Design 15.04.2018 kl. 20:20:

Hola Paulina, el método de deslizar los puntos a una aguja auxiliar en vez de cerrarlos para disminuir es un método para dar forma curvada a una labor, al igual que las filas acortadas y las disminuciones. Se trabaja por el lado derecho en un extremo y por el lado revés en el otro extremo.

Sara Tome 26.02.2018 - 20:57:

I'm sorry but I'm not understanding how to start the jumpsuit... Can you please let me know what part of the text comes first? Thank you very much

DROPS Design 27.02.2018 kl. 08:44:

Dear Mrs Tome, start reading with PLAYSUIT, working first BACK PIECE, then FRONT PIECE, then BODY slipping all sts from back and front piece together on the same circular needle, then finish front piece separately. Happy knitting!

Narda Van Leeuwen 26.10.2016 - 11:34:

Beste Drops design, ik heb een vraag over de laatste zin van de ronding in het achterpand: 'Keer het werk en brei recht terug tot het begin van de nld (= de zijkant).' Moet je hier ook rekening houden met gaatjes bij de keerpunten? En je eindigt dan bij de linker zijkant van het achterpand, toch?

DROPS Design 26.10.2016 kl. 12:31:

Hoi Narda. Als je vindt dat je gaatjes te groot zijn bij de keerpunten, dan kan je eventueel een st opnemen van de overgang en deze samenbreien met de eerstvolgende st om de gaatjes kleiner te maken. En je breit aan het eind terug naar het begin van de nld (markeerder linker zijkant).

Ida 18.02.2016 - 09:33:

Hei! ER det mulig å strikke denne i et reint babyullgarn i stedet for blandinggsgarnet Merino Cotton? Jeg skal strikke den største størrelsen. Mvh Ida

DROPS Design 19.02.2016 kl. 13:50:

Hej. Denna är stickad i ett garn ur garngrupp B så du kan byta ut garnet mot ett annat i samma garngrupp, läs mer om detta här. Lycka till!

Rehan 18.01.2016 - 11:55:

The diagram has problem with symbols. Please recheck the diagram

DROPS Design 18.01.2016 kl. 15:22:

Dear Mrs Rehan, can you please explain more so that we can check? Thank you!

Skrifaðu athugasemd um DROPS Children 26-17

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.