Ísland

DROPS Nord
45% Alpakka, 30% Polyamide, 25% Ull
frá 570.00 kr /50g

Panta

Panta

Þú færð garn sem þarf í að gera þetta mynstur frá 3990.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Avalanche Sweater

Prjónuð peysa úr DROPS Nord. Stykkið er prjónað ofan frá og niður með tvöföldum kanti í hálsmáli, hringlaga berustykki, áferðamynstri og klauf í hliðum. Stærð S - XXXL.

Velja stærð:

DROPS 243-8
DROPS Design: Mynstur no-076
Garnflokkur A
-------------------------------------------------------

STÆRÐ:
S - M - L - XL - XXL - XXXL

GARN:
DROPS NORD frá Garnstudio (tilheyrir garnflokki A)
350-400-450-500-550-600 g litur 01, natur

PRJÓNAR:
DROPS HRINGPRJÓNAR NR 3: lengd 40 cm og 80 cm.
DROPS HRINGPRJÓNAR NR 2,5: lengd 40 cm og 80 cm.
DROPS SOKKAPRJÓNAR NR 3.
DROPS SOKKAPRJÓNAR NR 2,5.
DROPS KAÐLAPRJÓNN
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
26 lykkjur á breidd og 34 umferðir á hæð með sléttprjóni = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

Meira svona:
Dömur Peysur Klassísk áferðamynstur áferðamynstur engin samsetning hringlaga berustykki hringlaga hálsmál ofan frá og niður tvöfaldur kragi

DROPS Nord
45% Alpakka, 30% Polyamide, 25% Ull
frá 570.00 kr /50g

Panta

Prjónar & Heklunálar

Panta

Þú færð garn sem þarf í að gera þetta mynstur frá 3990.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

KANTLYKKJUR (á við um stroff neðst á fram- og bakstykki):
Prjónaðar eru 3 kantlykkjur í hvorri hlið á stykki. Kantlykkjurnar eru prjónaðar slétt frá réttu og slétt frá röngu (garðaprjón).

UPPHÆKKUN:
Til að peysan verði aðeins hærri að aftan í hnakka þegar berustykkið er prjónað, er hægt að prjóna upphækkun eins og útskýrt er að neðan. Hoppaðu yfir þennan kafla ef þig langar ekki til að hafa upphækkun.
Setjið 1 prjónamerki í byrjun á umferð (mitt að aftan).
Byrjið frá réttu og prjónið 16-17-18-19-20-21 lykkjur slétt fram hjá prjónamerki, snúið, herðið á þræði og prjónið 32-34-36-38-40-42 lykkjur brugðið.
Snúið, herðið á þræði og prjónið 48-51-54-57-60-63 lykkjur slétt, snúið, herðið á þræði og prjónið 64-68-72-76-80-84 lykkjur brugðið.
Snúið, herðið á þræði og prjónið 80-85-90-95-100-105 lykkjur slétt, snúið, herðið á þræði og prjónið 96-102-108-114-120-126 lykkjur brugðið.
Snúið, herðið á þræði og prjónið sléttar lykkjur til baka að miðju að aftan. Síðan er berustykkið prjónað eins og útskýrt er í uppskrift.

MYNSTUR:
Sjá mynsturteikningu A.1 til A.3. Veldu mynsturteikningu fyrir þína stærð (á við um A.2).

ÚTAUKNING (jafnt yfir):
Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat.

ÚRTAKA (á við um miðju undir ermum):
Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Tvöfaldur kantur í hálsmáli og berustykki er prjónað í hring á hringprjóna frá miðju að aftan, ofan frá og niður. Hægt er að prjóna upphækkun aftan í hnakka. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjóna niður að klauf í hvorri hlið. Síðan er framstykkið og bakstykkið prjónað fram og til baka á hringprjóna, hvort fyrir sig að loknu máli. Ermar eru prjónaðar í hring á sokkaprjóna / stuttan hringprjón.

TVÖFALDUR KANTUR Í HÁLSMÁLI:
Fitjið upp 136-140-146-150-156-166 lykkjur með DROPS Nord á stuttan hringprjón 2,5 og stuttan hringprjón 3 sem haldið er saman. Dragið út stutta hringprjón 3 og haldið lykkjum eftir á hringprjóni 2,5. (uppfitjunin er gerð svona til að uppfitjunarkanturinn verði teygjanlegur).
Prjónið stroffprjón (1 lykkja slétt, 1 lykkja brugðið) í 9-9-9-11-11-11 cm. Nú er stroffið brotið inn þannig að kanturinn verði tvöfaldur – síðan er næsta umferð prjónuð í stroffprjóni eins og áður JAFNFRAMT því sem ca 4. hver lykkja frá stroffi er prjónuð saman með 4. hverri lykkju frá uppfitjunarkanti. Nú hefur myndast tvöfaldur kantur í hálsmáli.

BERUSTYKKI:
Skiptið yfir á hringprjón 3. Prjónið 1 umferð slétt þar sem aukið er út um 34-36-36-38-40-42 lykkjur jafnt yfir – lesið ÚTAUKNING = 170-176-182-188-196-208 lykkjur.
Setjið 1 prjónamerki mitt í umferð (mitt að framan) – prjónamerkið er notað til að mæla frá.
Nú er hægt að prjóna UPPHÆKKUN aftan í hnakka – lesið útskýringu að ofan.
Ef þú vilt ekki hafa upphækkun þá er haldið áfram eins og útskýrt er að neðan.

Prjónið sléttprjón hringinn. ATHUGIÐ PRJÓNFESTUNA!
Þegar stykkið mælist 3-4-6-2-3-4 cm frá prjónamerki er aukið út um 38-40-42-40-40-42 lykkjur jafnt yfir – munið eftir ÚTAUKNING = 208-216-224-228-236-250 lykkjur.
Útaukningu fyrir áferðamynstur er nú lokið í stærð S, M og L.

STÆRÐ XL, XXL og XXXL:
Þegar stykkið mælist 4-6-8 cm frá prjónamerki, aukið út um 36-36-38 lykkjur jafnt yfir = 264-272-288 lykkjur.

ALLAR STÆRÐIR:
= 208-216-224-264-272-288 lykkjur. Prjónið sléttprjón þar til stykkið mælist 4-5-7-5-7-9 cm frá prjónamerki. Nú er prjónað A.1 alls 26-27-28-33-34-36 sinnum berustykkið hringinn. Haldið svona áfram með mynstur.
JAFNFRAMT í hverri umferð merktri með ör í A.1, aukið út lykkjur jafnt yfir eins og útskýrt er að neðan:
Ör-1: Aukið út 40-48-56-48-56-56 lykkjur jafnt yfir = 248-264-280-312-328-344 lykkjur.
Ör-2: Aukið út 40-48-56-38-50-48 lykkjur jafnt yfir = 288-312-336-350-378-392 lykkjur.

Þegar A.1 hefur verið prjónað til loka, mælist stykkið ca 10-11-13-11-13-15 cm frá prjónamerki mitt að framan. Nú er A.2 prjónað alls 24-26-28-25-27-28 sinnum berustykkið hringinn. Haldið svona áfram með mynstur og aukið út eins og útskýrt er í mynsturteikningu.
Þegar komið er að umferð merktri með ör-3 í mynsturteikningu eru 384-416-448-500-540-560 lykkjur í umferð. Haldið áfram með mynstur og aukið jafnframt út 12-4-6-0-6-18 lykkjur jafnt yfir í umferð merktri með ör-3 = 396-420-454-500-546-578 lykkjur.

Þegar A.2 hefur verið prjónað til loka, mælist berustykkið ca 21-22-24-26-28-30 cm frá prjónamerki.
Nú skiptist berustykkið fyrir fram- og bakstykki og ermar þannig: Prjónið fyrstu umferð í A.3 yfir fyrstu 59-65-69-75-82-90 lykkjur og aukið jafnframt út 6-6-7-7-8-9 lykkjur jafnt yfir þessar lykkjur (= 65-71-76-82-90-99 lykkjur á hálfu bakstykki), setjið næstu 80-80-89-100-109-109 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (í hlið undir ermi), prjónið fyrstu umferð í A.3 yfir næstu 118-130-138-150-164-180 lykkjur og aukið jafnframt út 12-12-14-14-16-18 lykkjur jafnt yfir þessar lykkjur (= 130-142-152-164-180-198 lykkjur á framstykki), setjið næstu 80-80-89-100-109-109 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (í hlið undir ermi), prjónið fyrstu umferð í A.3 yfir síðustu 59-65-69-75-82-90 lykkjur og aukið jafnframt út 6-6-7-7-8-9 lykkjur jafnt yfir þessar lykkjur (= 65-71-76-82-90-99 lykkjur á hálfu bakstykki). Klippið þráðinn.
Fram- og bakstykki og ermar er síðan prjónað hvert fyrir sig. Héðan er nú stykkið mælt!

FRAM- OG BAKSTYKKI:
= 276-300-324-348-384-420 lykkjur. Setjið 1 prjónamerki í aðra hliðina á stykkinu – mitt í 8-8-10-10-12-12 lykkjur sem fitjaðar voru upp undir ermi.
Byrjið umferð við prjónamerkið og prjónið A.3 alls 23-25-27-29-32-35 sinnum hringinn á fram- og bakstykki. Haldið svona áfram með mynstur.
Þegar A.3 hefur verið prjónað til loka, hefur fækkað um 1 lykkju í hverri mynstureiningu (23-25-27-29-32-35 lykkjur færri) = 253-275-297-319-352-385 lykkjur í umferð.
Síðan er prjónað sléttprjón hringinn jafnframt því sem lykkjufjöldinn er jafnaður út til 254-276-296-318-354-384 lykkjur í fyrstu umferð.

Þegar stykkið mælist 14-15-15-15-15-15 cm frá skiptingu, skiptist stykkið fyrir klauf í hvorri hlið. Setjið fyrstu 127-138-148-159-177-192 lykkjur á hringprjón 2,5 (framstykki). Látið þær 127-138-148-159-177-192 lykkjur sem eftir eru hvíla á hringprjóni 3.
Framstykkið og bakstykkið er síðan prjónað hvort fyrir sig.

FRAMSTYKKI:
Prjónið 1 umferð slétt frá réttu þar sem aukið er út um 46-49-53-58-64-71 lykkjur jafnt yfir = 173-187-201-217-241-263 lykkjur.
Næsta umferð er prjónuð frá röngu þannig: 3 KANTLYKKJUR – lesið útskýringu að ofan, * 1 lykkja brugðið, 1 lykkja slétt *, prjónið frá *-* þar til 4 lykkjur eru eftir, prjónið 1 lykkju brugðið og 3 lykkjur í garðaprjóni. Haldið svona áfram með stroff fram og til baka í 8 cm. Fellið af – e.t.v. með ítalskri affellingu. Peysan mælist ca 48-50-52-54-56-58 cm frá öxl.

BAKSTYKKI:
Setjið 127-138-148-159-177-192 lykkjur sem hvíla yfir á hringprjón 2,5 og prjónið á sama hátt og framstykki.

ERMI:
Byrjið mitt undir annarri erminni, prjónið upp 1 lykkju í hverja af 4-4-5-5-6-6 lykkjum sem fitjaðar voru upp undir ermi, setjið 80-80-89-100-109-109 lykkjur af þræði á sokkaprjóna eða stuttan hringprjón 3 og prjónið fyrstu umferð í A.3 yfir þessar lykkjur jafnframt því sem aukið er út um 8-8-9-10-11-11 lykkjur jafnt yfir, prjónið að lokum upp 1 lykkju í hverja af síðustu 4-4-5-5-6-6 lykkjur mitt undir ermi = 96-96-108-120-132-132 lykkjur. Ermin er núna prjónuð í hring.
Setjið 1 merkiþráði í byrjun á umferð mitt í 8-8-10-10-12-12 lykkjur undir ermi – látið merkiþráðinn fylgja með í stykkinu, það á að nota hann þegar fækka á lykkjum mitt undir ermi. Prjónið A.3 alls 8-8-9-10-11-11 sinnum í kringum ermi. Þegar A.3 hefur verið prjónað til loka, hefur fækkað um 1 lykkju í hverri mynstureiningu (8-8-9-10-11-11 lykkjur færri). Prjónið áfram í sléttprjóni.
JAFNFRAMT þegar ermin mælist 2 cm frá skiptingu, fækkið um 2 lykkjur mitt undir ermi – lesið ÚRTAKA. Fækkið lykkjum svona í annarri hverri umferð alls 2-0-3-7-10-10 sinnum og síðan í 4. hverri umferð alls 6-6-8-8-8-8 sinnum = 72-76-77-80-85-85 lykkjur.
Prjónið þar til ermin mælist 36-35-34-32-31-29 cm frá skiptingu. Nú eru eftir ca 8 cm að loka máli. Mátið e.t.v. peysuna og prjónið að óskaðri lengd fyrir stroff.
Prjónið 1 umferð slétt þar sem aukið er út um 26-26-29-30-31-31 lykkjur jafnt yfir = 98-102-106-110-116-116 lykkjur.
Skiptið yfir á sokkaprjóna 2,5. Prjónið stroffprjón (1 lykkja slétt, 1 lykkja brugðið) í 8 cm. Fellið af á sama hátt og á fram- og bakstykki.
Prjónið hina ermina á sama hátt.

Mynstur

	= slétt lykkja
	= brugðin lykkja
	= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt (það á að myndast gat)
	= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn brugðið (það á ekki að myndast gat)
	= 2 lykkjur slétt saman
	= setjið 1 lykkju á kaðlaprjón framan við stykkið, prjónið 1 lykkju slétt, prjónið 1 lykkju slétt af kaðlaprjóni
	= setjið 1 lykkju á kaðlaprjón aftan við stykkið, prjónið 1 lykkju slétt, prjónið 1 lykkju brugðið af kaðlaprjóni
	= setjið 1 lykkju á kaðlaprjón framan við stykkið, prjónið 1 lykkju brugðið, prjónið 1 lykkju slétt af kaðlaprjóni
	= prjónið 3 lykkjur slétt, lyftið síðan fyrstu lykkju sem var prjónuð yfir hinar 2 þannig að þessi lykkja liggi utan um hinar 2 lykkjurnar
	= lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjuna sem var prjónuð
	= þetta er engin lykkja þar sem búið er að fækka um þessa lykkju eða hún er ekki til, farðu beint áfram í næsta tákn í mynsturteikningu

© 1982-2024 DROPS Design A/S Öll réttindi áskilin. Þetta skjal ásamt öllum undirskjölum eru með höfundarétti.
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.

Hvert mynstur okkar hefur sérstök kennslumyndbönd til að hjálpa þér.

Þessi skref - fyrir - skref kennslumyndbönd gætu aðstoðað þig:

Ertu með spurningu? Sjá lista yfir algengar spurningar (FAQ)

Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Hvaða stærð á ég að prjóna?

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Af hverju hnökrar flíkin mín?

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Athugasemdir / Spurningar (37)

Christina Rønnow skrifaði:

Jeg kan ikke finde ud af jeres størrelsesguide. Jeg er 126 cm over brystet. Ud fra målene over hoften skal jeg have en xl (2x61=122 cm) eller en xxl (2x68=136cm). Er det korrekt?

23.07.2024 - 01:01

DROPS Design svaraði:

Hej Christina, ja det stemmer :)

01.08.2024 - 08:15

Breuil skrifaði:

Bonjour.\r\nJe tricote le modele \"Avalanche\r\n Sweater\" , et je ne comprends pas ou placer les augmentations dans le diagramme A1.\r\nPourriez vous s\'il vous plaît, m\'éclairer sur ce point ?\r\nMerci d\'avance.\r\nCordialement.

02.05.2024 - 13:28

Bonjour Mme Breuil, les augmentations pendant le diagramme A.1 (flèches -1 et -2) doivent être placées à intervalles réguliers aux rangs marqués par les flèches; cette leçon explique comment calculer où augmenter (ou diminuer) en fonction du nombre de mailles. Bon tricot!

02.05.2024 - 15:36

Seidy skrifaði:

Hut menar ni att man ska sticka diagrammet A2 och B2 när man stickar fram o tillbaka. Börjar med 388 m och ska sticka 26 rapporter a 14 m + 14 kantmaskor = 378 m Ska jag sticka först A2 och fortsätta med B2 (rapport 10 m) och hur stickar jag de aviga varven ? Tacksam för snabbt och lätt förstående svar

28.01.2024 - 22:45

Hei Seidy. Vi skal hjelpe deg så godt vi kan, men hvilken str. strikker du og hva mener du med "+ 14 kantmaskor". I oppskriften ser jeg kun 3 kantmasker. Skriv gjerne nøyaktig hvor du er i oppskriften. mvh DROPS Design

05.02.2024 - 12:46

Joëlle SABINE skrifaði:

Bonjour, pensez-vous que je puisse tricoter le sweater avalanche avec le fil alpaca au lieu de nord. Merci pour votre aide

26.12.2023 - 21:01

Bonjour Mme Sabine, tout à fait, utilisez notre convertisseur pour connaître la nouvelle quantité correspondante. Bon tricot!

02.01.2024 - 08:35

Camilla Starke skrifaði:

Enligt mönstret stickas 15 cm + 8 från delning, dvs där ärmen börjar det blir 23 cm för hela bålen, kort. På bilden ser det ut som 15 cm + 8 från där mönstret slutar, kan det vara så det ska vara?

13.10.2023 - 09:16

Hej Camilla, Hvilken størrelse strikker du? Du finder målene i de forskellige størrelser i måleskitsen nederst i opskriften :)

18.10.2023 - 10:31

Jag kan inte hitta diagram A2?

26.09.2023 - 22:21

Hej Camilla, diagrammet ligger under diagramtexten nederst i mönstret :)

27.09.2023 - 07:48

Maria Cristina skrifaði:

Complimenti, il modello è molto bello. È possibile lavorarlo con il vs. filato alpaca ? Forse con tale filato può perdere definizione e compattezza? Grazie Saluti

16.09.2023 - 23:11

Buonasera Maria Cristina, il filato Nord contiene una parte di merino e una parte di poliammide che gli permettono di mantenere la struttura del capo. Buon lavoro!

17.09.2023 - 22:42

Savita Khurana skrifaði:

Beautiful design with little lace work, looking elegant and stylish.

07.08.2023 - 02:46

Åsa Abrahamsson skrifaði:

Stars from heaven

06.08.2023 - 20:19

Marita Løken skrifaði:

Frost sweater

06.08.2023 - 09:58

Avalanche Sweater

Prjónuð peysa úr DROPS Nord. Stykkið er prjónað ofan frá og niður með tvöföldum kanti í hálsmáli, hringlaga berustykki, áferðamynstri og klauf í hliðum. Stærð S - XXXL.

Leiðbeiningar um mynstur

Mynstur

Hvernig á að prjóna peysu ofan frá og niður

Hvernig á að lesa úr stærðarteikningu

Hvernig á að lesa prjón mynsturteikningu

Hvernig á að mæla prjónfestu og hvernig á að reikna út mynstur.

Hvernig á að auka út lykkjum / fækka lykkjum jafnt yfir

Hvernig á að prjóna uppskrift sem prjóna á í hring og prjóna hana fram og til baka

Hvernig get ég fengið aðstoð með DROPS mynstur?

Hvernig á að skipta út garni og efnismagni

Hvernig á að velja garn

Hvernig á að fitja upp

Hvernig á að prjóna slétta lykkju

Hvernig á að prjóna brugðna lykkju

Hvernig á að fækka lykkjum

Hvernig á að fella af frá réttu

Hvernig á að fella af frá röngu

Þú gætir líka haft gaman af...

Skrifaðu athugasemd um DROPS 243-8

Athugasemdir / Spurningar (37)

Avalanche Sweater

Prjónuð peysa úr DROPS Nord. Stykkið er prjónað ofan frá og niður með tvöföldum kanti í hálsmáli, hringlaga berustykki, áferðamynstri og klauf í hliðum. Stærð S - XXXL.

Skýringar á teikningu

Vantar þig aðstoð með þetta mynstur?

@dropsdesign on Instagram

	DROPS Nord uni colour 45% Alpakka, 30% Polyamide, 25% Ull	570.00 kr /50g	Panta
	DROPS Nord mix 45% Alpakka, 30% Polyamide, 25% Ull	585.00 kr /50g	Panta

	DROPS Nord uni colour 45% Alpakka, 30% Polyamide, 25% Ull 570.00 kr /50g Panta
	DROPS Nord mix 45% Alpakka, 30% Polyamide, 25% Ull 585.00 kr /50g Panta