Silver Birch |
|||||||
|
|
||||||
Prjónað eyrnaband með kaðli og hálsskjól úr DROPS Alpaca og DROPS Kid-Silk eða DROPS Flora og DROPS Kid-Silk. Stykkið er prjónað í stroffprjóni og sléttprjóni.
DROPS 226-56 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR (á við um eyrnaband): Sjá mynsturteikningu A.1 til A.6. Mynsturteikning A.1 til A.5 er notuð við frágang á eyrnabandi. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- EYRNABAND - STUTT ÚTSKÝRING Á STYKKI: Stykkið er prjónað í hring á sokkaprjóna eins og hólkur. Endarnir eru síðan saumaðir saman þannig að það myndast kaðall fyrir miðju framann á eyrnabandinu. EYRNABAND: Fitjið upp 40-44-48 lykkjur á sokkaprjóna 5 með 1 þræði DROPS Alpaca og 1 þræði DROPS Kid-Silk. Eða 1 þræði DROPS Flora og 1 þræði DROPS Kid-Silk (= 2 þræðir). Prjónið hringinn þannig: Prjónið 12-14-16 lykkjur sléttprjón, prjónið mynsturteikningu A.6 (= 15 lykkjur) og prjónið 13-15-17 lykkjur sléttprjón. ATHUGIÐ PRJÓNFESTUNA! Prjónið þar til stykkið mælist ca 49-51-53 cm, eða að óskaðri lengd – eyrnabandi á að sitja aðeins þétt. Fellið af með sléttum lykkjum. FRÁGANGUR: Stykkið er nú hólkur með opi í hvorum enda, leggið hólkinn flatan – passið uppá að hólkurinn sé ekki snúinn. Nú á að loka opum í endum með saumi í hvorri hlið, saumið í ystu lykkjubogana þannig að saumurinn verði ekki þykkur – sjá strikaðar línur í mynsturteikningu A.1. Stykkið er núna flatur rétthyrningur, brjótið rétthyrninginn á lengdina þannig að hann liggi tvöfaldur – sjá mynsturteikningu A.2. Nú á að leggja löngu hliðarnar á eyrnabandinu inn í hvora aðra í lögum án þess að snúa stykkinu – sjá mynsturteikningu A.3. Endarnir á eyrnabandinu liggja nú til skiptis innan í og utan á hvorum öðrum og endarnir liggja kant í kant – sjá mynsturteikningu A.4. Nú á að sauma í gegnum öll lögin þannig: Saumið meðfram strikuðu línunni í mynsturteikningu A.5 (þ.e.a.s. yfir endana á stykkinu), saumið með þéttu spori með 1 spori í hverja lykkju – það er mikilvægt að sauma í gegnum öll lögin þannig að saumurinn sjáist ekki þegar stykkinu er snúið við. Klippið þráðinn frá og festið. Snúið stykkinu þannig að saumurinn sé að innanverðu á eyrnabandinu. ------------------------------------------------------- HÁLSSKJÓL - STUTT ÚTSKÝRING Á STYKKI: Stykkið er prjónað fram og til baka, neðan frá og upp. Stykkið byrja neðst niðri á framstykki. Lykkjur eru felldar af fyrir hálsmáli og hvor öxl er prjónuð til loka fyrir sig yfir axlir. Síðan eru lykkjur auknar út við hálsmál áður en axlalykkjur eru settar saman og bakstykkið er prjónað áfram. Að lokum eru lykkjur prjónaðar upp í kringum hálsmál og prjónað er stroff. FRAMSTYKKI: Fitjið upp 44-48-52 lykkjur á hringprjón 5 með 1 þræði DROPS Alpaca og 1 þræði DROPS Kid-Silk eða 1 þræði DROPS Flora og 1 þræði DROPS Kid-Silk (= 2 þræðir). Prjónið 1 umferð brugðið og næsta umferð er prjónuð frá réttu þannig: Prjónið 3 kantlykkjur í GARÐAPRJÓN – sjá útskýringu að ofan, prjónið stroff (= 2 lykkjur brugðið, 2 lykkjur slétt) þar til 5 lykkjur eru eftir í umferð, prjónið 2 lykkjur brugðið og 3 kantlykkjur í garðaprjóni. Prjónið síðan með 3 kantlykkjur í garðaprjóni í hvorri hlið og sléttar lykkjur yfir sléttar lykkjur og brugðnar lykkjur yfir brugðnar lykkjur þar til stykkið mælist ca 4 cm og næsta umferð er frá réttu. Prjónið eins og áður yfir fyrstu 9 lykkjur, prjónið sléttprjón yfir næstu 26-30-34 lykkjur, prjónið eins og áður yfir síðustu 9 lykkjur. Þegar stykkið mælist 6 cm er aukið út frá réttu þannig: Prjónið eins og áður yfir fyrstu 10 lykkjur, sláið 1 sinni uppá prjóninn, prjónið eins og áður þar til 10 lykkjur eru eftir í umferð, sláið 1 sinni uppá prjóninn, prjónið eins og áður út umferðina. Í næstu umferð er prjónað eins og áður, en uppslátturinn er prjónaður snúinn brugðið. Endurtakið útaukningu með ca 2½ cm millibili þar til aukið hefur verið út alls 4-4-5 sinnum í hvorri hlið = 52-56-62 lykkjur. ATHUGIÐ PRJÓNFESTUNA! Prjónið þar til stykkið mælist 17-18-19 cm, nú á að taka lykkjur frá fyrir hálsmáli og í næstu umferð er prjónað frá réttu þannig: Prjónið yfir fyrstu 21-22-24 lykkjur eins og áður og setjið þær síðan á þráð fyrir vinstri öxl, fellið af næstu 10-12-14 lykkjur fyrir hálsmáli og prjónið út umferðina. Axlir eru prjónaðar til loka hvor fyrir sig. HÆGRI ÖXL: = 21-22-24 lykkjur. Byrjið frá röngu og fellið af fyrir hálsmáli í byrjun á hverri umferð frá réttu þannig: Fellið af 2 lykkjur 2 sinnum og 1 lykkju 2 sinnum = 15-16-18 lykkjur. Prjónið síðan þar til stykkið mælist 24-26-28 cm frá uppfitjunarkanti. Setjið eitt prjónamerki í stykkið til að mæla frá (= mitt ofan á öxl). Prjónið þar til stykkið mælist 3-4-5 cm frá prjónamerki á öxl og næst aumferð er frá röngu, nú eru fitjaðar upp lykkjur við hálsmál í lok hverrar umferðar frá röngu þannig: Fitjið upp 1 lykkju 2 sinnum og 2 lykkjur 2 sinnum = 21-22-24 lykkjur. Stykkið mælist 7-8-9 cm frá prjónamerki á öxl. Klippið þráðinn og setjið lykkjurnar á nýjan þráð / hjálparprjón, nú er vinstri öxl prjónuð. VINSTRI ÖXL: Setjið til baka fyrstu 21-22-24 lykkjur af þræði á prjóninn. Byrjið frá réttu og fellið af fyrir hálsmáli í byrjun á hverri umferð frá röngu þannig: Fellið af 2 lykkjur 2 sinnum og fellið af 1 lykkju 2 sinnum = 15-16-18 lykkjur. Prjónið þar til stykkið mælist 24-26-28 cm frá uppfitjunarkanti. Setjið eitt prjónamerki í stykkið til að mæla frá (= mitt ofan á öxl). Prjónið þar til stykkið mælist 3-4-5 cm frá prjónamerki á öxl og næst aumferð er frá réttu, nú eru fitjaðar upp lykkjur við hálsmál í lok hverrar umferðar frá réttu þannig: Fitjið upp 1 lykkju 2 sinnum og 2 lykkjur 2 sinnum og fitjið upp 10-12-14 lykkjur í lok næstu umferðar frá réttu = 31-34-38 lykkjur. Stykkið mælist ca 7-8-9 cm frá prjónamerki á öxl. Nú er vinstri og hægri öxl sett saman og bakstykkið er prjónað áfram héðan. Setjið til baka lykkjur frá hægri öxl á prjón 5 og prjónið yfir þessar lykkjur frá réttu = 52-56-62 lykkjur. BAKSTYKKI: Haldið áfram í sléttprjóni og mynstri eins og áður, JAFNFRAMT þegar stykkið mælist 10½-12-12 cm frá prjónamerki á öxl og fækkið lykkjum innan við ystu 10 lykkjur í hvorri hlið frá réttu þannig: Prjónið mynstur eins og áður yfir ystu 10 lykkjur, prjónið 2 lykkjur slétt saman, prjónið þar til 12 lykkjur eru eftir í umferð, lyftið 1 lykkju af prjóni eins og prjóna eigi slétt, prjónið 1 lykkju slétt og dragið lyftu lykkjunni yfir, prjónið eins og áður yfir síðustu 10 lykkjur. Endurtakið úrtöku að innanverðu við 10 ystu lykkjur í hvorri hlið með ca 2½ cm millibili þar til fækkað hefur verið alls 4-4-5 sinnum í hvorri hlið = 44-48-52 lykkjur. Prjónið þar til stykkið mælist 20-22-24 cm frá prjónamerki á öxl – stillið af að bakstykkið verði jafn langt og framstykkið (fyrir utan stroff). Prjónið næstu umferð frá réttu þannig: Prjónið 3 kantlykkjur í garðaprjóni, prjónið stroff (= 2 lykkjur brugðið, 2 lykkjur slétt) þar til 5 lykkjur eru eftir í umferð, prjónið 2 lykkjur brugðið og 3 kantlykkjur í garðaprjóni. Prjónið áfram með 3 kantlykkjur í garðaprjóni í hvorri hlið og sléttar lykkjur yfir sléttar lykkjur og brugðnar lykkjur yfir brugðnar lykkjur þar til stroffið mælist ca 4 cm og næsta umferð er frá réttu. Stykkið mælist ca 24-26-28 cm frá prjónamerki á öxl. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! KANTUR Í HÁLSMÁLI: Notið hringprjón 4 og 1 þráð í hvorri tegund (= 2 þræðir). Byrjið við prjónamerki á öxl og prjónið upp ca 96-102-110 lykkjur. Prjónið 1 umferð brugðið og jafnið lykkjufjöldann út til 100-104-108 lykkjur – lykkjufjöldinn verður að vera deilanlegur með 4. Prjónið stroff (= 2 lykkjur slétt, 2 lykkjur brugðið). Prjónið þar til stroffið mælist ca 24 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (9)
Maria wrote:
Hei! tarvitseeko puikkokokoa vaihtaa jos korvaa kid silkin alpaca silkilla?
18.11.2023 - 11:43DROPS Design answered:
Tarkoitatko DROPS Brushed Alpaca Silk -lankaa? Tämä lanka on Kid-Silk -lankaa paksumpi lanka, joten neuletiheys muuttuu ja sinun tulee vaihtaa ohuempiin puikkoihin.
21.11.2023 - 18:15Janneke Arts wrote:
Het patroon voor de hoofdband beschrijft 40-44-48 steken rond breien op een rondbreinaald van 80 cm. Het lukt me dan niet de uiteinden te verbinden en rond te breien, wat doe ik fout? Ook met een kortere naald lukt het niet. Kan de hoofdband misschien alleen met losse naalden gebreid worden?
29.12.2022 - 11:55DROPS Design answered:
Dag Janneke,
Je zou dit ook met sokkenbreinaalden kunnen doen of de 'MAGIC LOOP' techniek kunnen gebruiken zoals uitgelegd in deze video.
01.01.2023 - 11:40Gina wrote:
Sehr schön. Ich stricke gleich ein zweites Set.
13.11.2022 - 18:12Anette wrote:
Något är fel på beskrivningen, plocka upp 110 m, öka sedan till 108 m.Hur många maskor skall det totalt vara på kragen i halsvärmaren? Mvh Anette
20.09.2022 - 21:39DROPS Design answered:
Hej Anette, det skall stå justera til 100-104-108 maskor. Tack för info :)
22.09.2022 - 14:31Elena wrote:
Schalkragen: Wenn man den Umschlag auf der Rückseite links verschränkt strickt, ensteht ein ziemlich grosses Loch. Auf dem Bild ist dies nicht zu sehen. Handelt es sich hierbei eventuell um einen Fehler in der Anleitung? Ich habe es jetzt 4x probiert und komme immer zum gleichen Ergebniss.
22.05.2022 - 00:34DROPS Design answered:
Liebe Elena, versuchen Sie, Ihre Umschläge nicth zu locker zu stricken, ein kleines Loch kann immer entstehen, das aber nach Waschen immer noch kleiner aussehen soll. Sonnst können Sie auch eine andere Technick benutzen: aus dem Querfaden z.B. oder Ihre Lieblingstechnik. Viel Spaß beim stricken!
23.05.2022 - 08:13Kitty Neijssel wrote:
Deze vraag gaat over de halswarmer. Ik heb 110 steken opgenomen langs de hals. Volgens de beschrijving zou ik nu 108 steken moeten meerderen. Dus alle steken verdubbelen. Dan zijn er 220 steken (moet door 4 deelbaar zijn) Zijn dat niet heel erg veel steken? De col op de foto lijkt wel ruim maar zó wijd? Klopt dit?
25.12.2021 - 12:26DROPS Design answered:
Dag Kitty,
Dat klopt inderdaad niet. Er moet staan meerder verdeeld naar... Het is nu aangepast. Je hoeft dus maar een paar steken te meerderen.
28.12.2021 - 19:49Carmen Maria Garcia Diaz wrote:
Perfecto
24.08.2021 - 12:58Ina wrote:
Winter love
04.08.2021 - 15:56Emily wrote:
Frosty feelings
03.08.2021 - 19:57