DROPS Delight
DROPS Delight
75% Ull, 25% Polyamide
Hætt í framleiðslu
finna valmöguleika
DROPS Alpaca
DROPS Alpaca
100% Alpakka
frá 990.00 kr /50g
DROPS Super Sale

Sand Tickles Jacket

Prjónuð peysa með laskalínu úr DROPS Delight og DROPS Alpaca. Stykkið er prjónað ofan frá og niður með röndum og klukkuprjóni. Stærð S - XXXL.

DROPS 210-24
DROPS Design: Mynstur de-209
Garnflokkur A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS ALPACA frá Garnstudio (tilheyrir garnflokki A)
200-200-250-250-300-300 g litur 100, natur
Og notið:
DROPS DELIGHT frá Garnstudio (tilheyrir garnflokki A)
150-150-150-200-200-200 g litur 07, beige/blár

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 3.
DROPS HRINGPRJÓNN NR 3: lengd 80 cm fyrir sléttprjón.
DROPS SOKKAPRJÓNAR NR 2,5.
DROPS HRINGPRJÓNN NR 2,5: lengd 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS KOKOSHNETUTALA NR 516: 7-7-7-8-8-8 st.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Delight
DROPS Delight
75% Ull, 25% Polyamide
Hætt í framleiðslu
finna valmöguleika
DROPS Alpaca
DROPS Alpaca
100% Alpakka
frá 990.00 kr /50g

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Mynsturteikning A.1 er prjónuð yfir kantlykkjur að framan, A.2 er prjónað í laskalínu, A.3 er prjónað í hlið á fram- og bakstykki og A.4 er prjónað mitt undir ermi. Mynsturteikning sýnir allar umferðir í mynstri séð frá réttu.

RENDUR (fram og til baka):
Laskalína og kantar að framan er prjónað í klukkuprjóni eins og útskýrt er í mynsturteikningu A.1 til A.4. Þær lykkjur sem eftir eru, eru prjónaðar brugðið frá réttu og slétt frá röngu.
Til að fá tvöföldu áhrifin, prjónið rendur með til skiptis 1 umferð með Alpaca og 1 umferð með Delight þannig:
* Prjónið 1 umferð frá réttu með Alpaca, færið síðan lykkjurnar til baka á hringprjóninn, þannig að næsta umferð sé einnig prjónuð frá réttu. Prjónið síðan 1 umferð frá réttu með Delight.
Prjónið 1 umferð frá röngu með Alpaca, færið síðan lykkjurnar til baka á hringprjóninn, þannig að næsta umferð sé einnig prjónuð frá röngu. Prjónið síðan 1 umferð frá röngu með Delight *, prjónið frá *-*.
Þegar prjónað er í hring á ermi er prjónuð * 1 umferð með Delight, síðan 1 umferð með Alpaca *, prjónið frá *-*.

ÚTAUKNING-1 (á við um laskalínu útaukningu):
Aukið út í hverri umferð með Alpaca. Þ.e.a.s. aukið er út í annarri hverri umferð, aukið út bæði frá réttu og frá röngu. Aukið út með því að slá 1 sinni uppá prjóninn hvoru megin við hvert A.2 (= 8 lykkjur fleiri). Uppslátturinn er prjónaður snúinn í næstu umferð. Nýjar lykkjur eru prjónaðar brugðið frá réttu og slétt frá röngu.

ÚTAUKNING-2 (á við um hliðar á fram- og bakstykki):
Öll útaukning er gerð í umferð með Alpaca frá réttu.
Prjónið þar til 1 lykkja er eftir á undan A.3. 1 uppsláttur, 1 lykkja brugðið, A.3, 1 lykkja brugðið, 1 uppsláttur (= alls 4 lykkjur fleiri). Uppslátturinn er prjónaður snúinn í næstu umferð, það eiga ekki að myndast göt! Nýjar lykkjur eru prjónaðar brugðið frá réttu og slétt frá röngu.

ÚRTAKA (á við um ermar):
Fækkið um 1 lykkju hvoru megin við A.4 þannig: Prjónið þar til 3 lykkjur eru eftir á undan A.4, 2 lykkjur slétt saman, 1 lykkja slétt, A.4, 1 lykkja slétt, lyftið 1 lykkju eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

HNAPPAGAT:
Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 5 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkjurnar eins og áður.
Fellið af fyrir fyrsta hnappagatinu þegar stroff í hálsmáli mælist ca 1½-2 cm. Fellið síðan af fyrir 6-6-6-7-7-7 næstu hnappagötum með ca 8½-9-9-8-8½-8½ cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Kantur í hálsmáli og berustykki er prjónað fram og til baka á hringprjón frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjón, ofan frá og niður. Ermar eru prjónaðar í hring á sokkaprjóna, ofan frá og niður.

KANTUR Í HÁLSMÁLI:
Fitjið upp 118-133-139-145-151-157 lykkjur (meðtaldar 8 kantlykkjur að framan í hvorri hlið við miðju að framan) á hringprjón 2,5 með Alpaca. Prjónið 1 umferð brugðið (= ranga).
Næsta umferð er prjónuð frá réttu þannig:
Vinstra framstykki: Prjónið 1 lykkju GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* yfir 6 lykkjur, 1 lykkja slétt (= kantur að framan), * 2 lykkjur brugðið, 1 lykkja slétt *, prjónið frá *-* yfir 9-12-12-15-15-18 lykkjur, 2 lykkjur brugðið.
Laskalína: Prjónið * 1 lykkja slétt, 1 lykkja brugðið *, prjónið frá *-* yfir 10 lykkjur, 1 lykkja slétt.
Ermi: Prjónið * 2 lykkjur brugðið, 1 lykkja slétt *, prjónið *-* yfir 6-6-9-6-9-6 lykkjur, 2 lykkjur brugðið.
Laskalína: Prjónið * 1 lykkja slétt, 1 lykkja brugðið *, prjónið *-* yfir 10 lykkjur, 1 lykkja slétt.
Bakstykki: Prjónið * 2 lykkjur brugðið, 1 lykkja slétt *, prjónið *-* yfir 18-27-27-33-33-39 lykkjur, 2 lykkjur brugðið.
Laskalína: Prjónið * 1 lykkja slétt, 1 lykkja brugðið *, prjónið *-* yfir 10 lykkjur, 1 slétt lykkja.
Ermi: Prjónið * 2 lykkjur brugðið, 1 lykkja slétt *, prjónið *-* yfir 6-6-9-6-9-6 lykkjur, 2 lykkjur brugðið.
Laskalína: Prjónið * 1 lykkja slétt, 1 lykkja brugðið *, prjónið *-* yfir 10 lykkjur, 1 lykkja slétt.
Hægra framstykki: Prjónið 2 lykkjur brugðið, * 1 lykkja slétt, 2 lykkjur brugðið *, prjónið *-* yfir 9-12-12-15-15-18 lykkjur, * 1 lykkja slétt, 1 lykkja brugðið *, prjónið *-* yfir 6 lykkjur, 1 lykkja slétt og 1 lykkja garðaprjón.
Fellið af fyrir HNAPPAGAT – sjá útskýringu að ofan!
Haldið svona áfram í 3 cm. Skiptið yfir á hringprjón 3.
Setjið 1 prjónamerki eftir kant að framan í byrjun á umferð mitt að framan, berustykkið er nú mælt frá þessu prjónamerki!

BERUSTYKKI:
Í næstu umferð frá réttu er prjónað og aukið út jafnt yfir þannig:
Vinstra framstykki: Prjónið 1 lykkju garðaprjón, A.1 (= 7 lykkjur = kantur að framan), 11-14-14-17-17-20 lykkjur brugðið og aukið út 1-1-2-2-3-3 lykkjur.
Ermi: Prjónið A.2 (= 11 lykkjur = laskalína), 8-8-11-8-11-8 lykkjur brugðið og aukið út 2 lykkjur, A.2 yfir 11 lykkjur (= laskalína).
Bakstykki: Prjónið 20-29-29-35-35-41 lykkjur brugðið og aukið út 2-2-4-4-6-6 lykkjur.
Ermi: Prjónið A.2 yfir 11 lykkjur (= laskalína), 8-8-11-8-11-8 lykkjur brugðið og aukið út 2 lykkjur, A.2 yfir 11 lykkjur (= laskalína).
Hægra framstykki: Prjónið 11-14-14-17-17-20 lykkjur brugðið og aukið út 1-1-2-2-3-3 lykkjur, A.1 yfir 7 lykkjur og 1 lykkja garðaprjón.
= 126-141-151-157-167-173 lykkjur.
Prjónið 1 umferð frá röngu með sléttum lykkjum yfir sléttar lykkjur, brugðnar lykkjur yfir brugðnar lykkjur og garðaprjón yfir garðaprjón.
Prjónið nú stykkið áfram í RENDUR – sjá útskýringu að ofan.
ATHUGIÐ PRJÓNFESTUNA!
Í 3. umferð í A.2 byrjar útaukning fyrir laskalínu þannig:
Aukið út 1 lykkju hvoru megin við A.2 í annarri hverri umferð alls 26-28-32-36-40-44 sinnum – sjá ÚTAUKNING-1 = 334-365-407-445-487-525 lykkjur.
Þegar A.1 og A.2 hefur verið prjónað 1 sinni á hæðina, endurtakið A.1a og A.2a á hæðina.
Þegar stykkið mælist 19-21-22-24-26-28 cm frá prjónamerki, stillið af að næsta umferð sé prjónuð með Delight frá röngu, nú skiptist stykkið fyrir fram- og bakstykki og ermar þannig:
Prjónið 1 lykkju garðaprjón, A.1a eins og áður, 45-50-55-61-68-76 lykkjur slétt, setjið næstu 69-75-85-93-99-103 lykkjur á þráð fyrir ermi og fitjið upp 7 lykkjur undir ermi, 90-99-111-121-137-151 lykkjur slétt, setjið næstu 69-75-85-93-99-103 lykkjur á þráð fyrir ermi og fitjið upp 7 lykkjur undir ermi, 45-50-55-61-68-76 lykkjur, A.1a eins og áður og endið með 1 lykkju garðaprjón.

FRAM- OG BAKSTYKKI:
= 210-229-251-273-303-333 lykkjur. Haldið áfram með rendur, lykkjur brugðið frá réttu, sléttar lykkjur frá röngu og klukkuprjón þannig:
Næsta umferð er prjónuð frá réttu með Alpaca þannig:
Prjónið 1 lykkju garðaprjón, A.1a eins og áður, 48-53-58-64-71-79 lykkjur brugðið, A.3 (= 1 lykkja = mitt undir ermi), 96-105-117-127-143-157 lykkjur brugðið, A.3 yfir næstu lykkju (= mitt undir ermi), 48-53-58-64-71-79 lykkjur brugðið, A.1a eins og áður og 1 lykkja garðaprjón.
Þegar A.3 hefur verið prjónað 1 sinni á hæðina, endurtakið A.3a á hæðina.
Þegar stykkið mælist 5 cm frá skiptingu, aukið út um 1 lykkju hvoru megin við hvert A.3 – sjá ÚTAUKNING-2.
Aukið svona út með 3 cm millibili alls 7 sinnum = 238-257-279-301-331-361 lykkjur.
Þegar stykkið mælist 30-30-31-31-31-31 cm frá skiptingu, stillið af að næsta umferð sé prjónuð með Delight frá röngu, aukið út jafnt yfir þannig:
Prjónið 1 lykkju garðaprjón, A.1a eins og áður, 55-60-65-71-78-86 lykkjur slétt og aukið út 1-2-0-0-2-0 lykkjur, A.3a eins og áður, 110-119-131-141-157-171 lykkjur slétt og aukið út 0-0-0-2-1-2 lykkjur, A.3a eins og áður, 55-60-65-71-78-86 lykkjur slétt og aukið út 1-2-0-0-2-0 lykkjur, A.1a eins og áður og endið með 1 lykkju garðarpjón = 240-261-279-303-336-363 lykkjur.
Skiptið yfir á hringprjón 2,5. Prjónið nú stykkið til loka með Alpaca þannig:
Prjónið 1 lykkja garðaprjón, * 1 lykkja slétt, 1 lykkja brugðið *, prjónið *-* yfir 6 lykkjur, 1 lykkja slétt, * 2 lykkjur brugðið, 1 lykkja slétt *, prjónið *-* þar til 10 lykkjur eru eftir, 2 lykkjur brugðið, * 1 lykkja slétt, 1 lykkja brugðið *, prjónið *-* yfir 6 lykkjur, 1 lykkja slétt og endið með 1 lykkju garðaprjón.
Þ.e.a.s. A.3a er síðan prjónað í sléttprjóni.
Prjónið svona þar til stroffið mælist 4 cm. Fellið af með sléttum lykkjum frá réttu – sjá AFFELLING.

ERMI:
Setjið 69-75-85-93-99-103 lykkjur af þræði í annarri hlið á stykki á sokkaprjón 3 og prjónið að auki upp 1 lykkju í hverja af 7 lykkjum sem fitjaðar voru upp undir ermi = 76-82-92-100-106-110 lykkjur.
Snúið stykkinu, þannig að nú er prjónað með sléttum lykkjum frá röngu hringinn.
Prjónið A.4 yfir miðju lykkjuna mitt undir ermi, þær lykkjur sem eftir eru, eru prjónaðar slétt frá röngu í röndum.
Þegar A.4 hefur verið prjónað 1 sinni á hæðina, endurtakið A.4a á hæðina.
Þegar stykkið mælist 3 cm, fækkið um 1 lykkju hvoru megin við A.4a – sjá ÚRTAKA!
Fækkið lykkjum svona með 2½-2½-1½-1½-1-1 cm millibili alls 12-13-17-20-22-23 sinnum = 52-56-58-60-62-64 lykkjur. Þegar stykkið mælist 38-37-36-35-33-32 cm frá skiptingu skiptið yfir á sokkaprjón 2,5. Prjónið 1 umferð slétt og aukið út 2-1-2-0-1-2 = 54-57-60-60-63-66 lykkjur.
Prjónið nú stykkið til loka meðAlpaca. Prjónið stroff hringinn (= 2 lykkjur slétt, 1 lykkja brugðið) , stillið af að klukkuprjónslykkjan mitt undir ermi sé prjónuð brugðið (prjónið nú áfram frá röngu). Fellið af með brugðnum lykkjum frá röngu þegar stroffið mælist 4 cm. Prjónið hina ermina á sama hátt.

FRÁGANGUR:
Saumið tölur í vinstra framstykki.

Mynstur

symbols = slétt lykkja frá réttu
symbols = sláið 1 sinni uppá hægri prjón, lyftið 1 lykkju eins og prjóna eigi brugðið
symbols = uppslátturinn og lykkjan er prjónað slétt saman
symbols = uppslátturinn og lykkjan er prjónað brugðið saman
symbols = brugðin lykkja frá röngu
symbols = brugðin lykkja frá réttu, slétt lykkja frá röngu
symbols = þessi umferð er prjónuð með Alpaca frá réttu
symbols = þessi umferð er prjónuð með Delight frá réttu
symbols = þessi umferð er prjónuð með Alpaca frá röngu
symbols = þessi umferð er prjónuð með Delight frá röngu
symbols = þessi umferð er prjónuð með Alpaca
symbols = þessi umferð er prjónuð með Delight
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 210-24

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (9)

country flag Pierangels wrote:

Scusate la domanda, è da poco che utilizzo i ferri circolari... Per fare le maniche consigliate l'utilizzo di ferri a doppia punta. Ci sarebbero problemi se utilizzassi i ferri circolari? Grazie

26.01.2023 - 15:36

DROPS Design answered:

Buonasera Pierangela, per le maniche può utilizzare i minicircolari o i circolari con cavo da 80 cm e la tecnica del magic loop. Buon lavoro!

28.01.2023 - 23:05

country flag Francoise Riviere wrote:

Bonjour, au debut de l'empiecement avant les rayures, on fait des augmentations puis au rand suivant sur l'envers tricoter les mailles comme elles se presentent. Et pour les jetés on doit les tricoter torses envers ou endroit ? Merci

09.09.2021 - 15:35

DROPS Design answered:

Bonjour Mme Rivière, au rang suivant, vous tricotez les mailles comme elles se présentent, les jetés vont se tricoter torse à l'endroit, car vous avez augmenté dans les sections jersey envers (= tricotées à l'endroit sur l'envers). Bon tricot!

09.09.2021 - 17:19

country flag Riviere Francoise wrote:

Bonjour, ma taille à la poitrine fait 46 cm, hors la mesure M est 44 et L 49. Quelle solution ai-je pour l'adapter. Pour la longeur et le tour bassin c'est plutot la taille entre S qui me correspond. J'ai tres souvent ce probleme pour tous les modeles. Merci de me conseiller

07.09.2021 - 08:52

DROPS Design answered:

Bonjour Mme Rivière, mesurez un vêtement similaire que vous aimez et dont vous aimez la taille pour pouvoir trouver la taille idéale, autrement dit, si vous le voulez plus ajusté, choisissez la taille plus serrée (M ici par ex) ou bien choisissez la taille L pour un vêtement légèrement plus ample. Retrouvez ici d'autres infos sur les schémas. Votre magasin saura vous aider de façon plus personnalisée - même par mail ou téléphone, n'hésitez pas à lui demander conseil. Bon tricot!

07.09.2021 - 09:10

country flag Ulrike Cichy wrote:

Hallo, ich bin diese Jacke gerade am stricken in XL ! Ich habe zwischen Blende und Raglanlinie jeweils 61 Ma , Ärmel 93, Rücken, 121 Was mache ich bei der Abteilung von Rumpf und Ärmel mit den Raglanlinien ?? LG Ulrike

05.03.2021 - 21:00

DROPS Design answered:

Liebe Frau Cichy, bei einer Rückreihe in Delight sollen Sie die Maschen so für Rumpfteil/Ärmel verteilen: 1 M kraus rechts, A.1a wie zuvor stricken, die nächste 61 M stricken (= Vorderteil), die nächsten 93 M stilllegen (= Ärmel), 7 Maschen unter den Arm anschlagen, die nächsten 121 M stricken (=Rückenteil), die nächsten 93 M stilllegen (=Ärmel), 7 Maschen unter den Arm anschlagen und die letzten Maschen wie zuvor stricken (= 61 M, A.1a und 1 M krausrechts). Diese Lektion zeigt ab Bild 9, wie man die Arbeit (Topdown stricken) verteilt. Viel Spaß beim stricken!

08.03.2021 - 07:22

country flag Heike Mitteregger wrote:

Liebes Drops-Team! Mir gefällt diese Stricktechnik (in einem Stück, ohne Naht) und die farblich absetzten Ränder und Raglanzunahmen. Kann ich diese Anleitung (in entsprechend großer Größe) auch für eine Herrenjacke nehmen? Oder unterscheidet sich ein Damenschnitt sehr von einem Herrenschnitt? Danke für eure tollen Anleitungen. Hab dadurch nach 40 Jahren wieder mit dem Stricken anfangen können!! Schöne Grüße aus Bayern, Heike

31.07.2020 - 09:31

DROPS Design answered:

Liebe Heike, hier finden Sie einige Tipps um eine Anleitung in eine Herregröße umzurechnen. Gerne wird Ihnen Ihr DROPS auch telefonisch oder per Mail weiterhelfen. Viel Spaß beim stricken!

31.07.2020 - 11:18

country flag Jenny wrote:

Jättesnygg och roligt med ränder på både längden och höjden. 😊 Men det står överst i beskrivningen att alla varv stickas räta, sen när man läser längre ner verkar det som att den stickas i slätstickning, men med den släta sidan in. Vilket är det?

12.07.2020 - 17:32

country flag Bente wrote:

Kan jeg strikke denne i dobbel Baby Merino?

12.06.2020 - 17:12

DROPS Design answered:

Hei Bente. Nei, ikke med dobbelt tråd. Men du kan strikke den med 1 tråd Baby Merino. Du vil ikke få den farge sjateringen Delight gir, men strikker du med 2 forskjellige farger i Baby Merino, vil du få en 2-stripete jakke som helt sikkert blir like flott. God Fornøyelse!

15.06.2020 - 10:45

country flag Anne- Christine wrote:

Bonjour, Pour les rayures, est-ce du jersey envers ? Je ne comprends pas très bien. Merci.

12.03.2020 - 15:45

DROPS Design answered:

Bonjour Anne-Christine, tout à fait, mais on va tricoter 2 rangs sur l'endroit (1 de chaque couleur) puis 2 rangs sur l'envers (1 de chaque couleur), autrement dit 1 rang env sur l'end en Alpaca, 1 rang env sur l'end en Delight, 1 rang end sur l'env en Alpaca, 1 rang end sur l'env en Deligth (pour les manches, ça sera tout simplement 1 tour de chaque car elles se tricotent en rond). Bon tricot!

13.03.2020 - 08:02

country flag Julie wrote:

Love the detail at the sleeves

22.02.2020 - 15:17