DROPS Melody
DROPS Melody
71% Alpakka, 25% Ull, 4% Polyamide
frá 1364.00 kr /50g
Þú færð garn sem þarf í að gera þetta mynstur frá 8184.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Blue Melody

Prjónuð síð peysa úr DROPS Melody. Stykkið er prjónað ofan frá og niður með laskalínu, köðlum og kúlum. Stærð S - XXXL.

DROPS 205-13
DROPS Design: Mynstur ml-044
Garnflokkur D eða A + A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS MELODY frá Garnstudio (tilheyrir garnflokki D)
300-300-350-350-400-450 g litur 07, dökk gallabuxnablár

PRJÓNFESTA:
14 lykkjur á breidd og 16 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 6.
DROPS HRINGPRJÓNAR NR 6: lengd 40 cm og 80 cm fyrir sléttprjón/mynstur.
DROPS SOKKAPRJÓNAR NR 5.
DROPS HRINGPRJÓNAR NR 5: lengd 40 cm og 80 cm fyrir stroff.
DROPS KAÐLAPRJÓNN – fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Melody
DROPS Melody
71% Alpakka, 25% Ull, 4% Polyamide
frá 1364.00 kr /50g
Þú færð garn sem þarf í að gera þetta mynstur frá 8184.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

LASKALÍNA:
Aukið út um 1 lykkju hvoru megin við 2 lykkju sléttprjón í hverri skiptingu á milli fram- og bakstykkis og erma (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn svo ekki myndist gat.

MYNSTUR:
Sjá mynsturteikningu A.1 til A.3. Veldu mynsturteikningu fyrir þína stærð.
ATH: Í mynsturteikningu A.1a og A.3a er aukið út í mynstri eins og mynsturteikning sýnir. Þær lykkjur sem hafa verið auknar út fyrir laskalínu er teiknaðar inn í mynsturteikningu (sjálf útaukningin fyrir laskalínu er ekki teiknuð inn).

ÚRTAKA/ÚTAUKNING (jafnt yfir):
Til þess að reikna út hvernig fækka/fjölga eigi jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 11 lykkjur), deilið þessum lykkjufjölda með fjölda úrtöku/útaukninga sem á að gera (t.d. 2) = 5,5.
Í þessu dæmi er lykkjum fækkað með því að prjóna til skiptis 4. og 5. hverja lykkju og 5. og 6. hverja lykkju saman.
Ef auka á út þá er slegið 1 sinni uppá prjóninn við 5. og 6. hverja lykkju. Í næstu umferð er uppslátturinn prjónaður snúinn svo ekki myndist gat.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Kraginn og berustykkið er prjónað í hring á hringprjón, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjón, ofan frá og niður. Ermar eru prjónaðar íhring á stuttan hringprjón/sokkaprjóna, ofan frá og niður.

KRAGI:
Fitjið upp 100-105-110-115-120-125 lykkjur á stuttan hringprjón 5 með Melody. Prjónið 1 umferð slétt, prjónið síðan stroff hringinn (= 3 lykkjur slétt, 2 lykkjur brugðið). Þegar kraginn mælist 8 cm, fækkið allar 3 lykkjur slétt til 2 lykkjur slétt með því að prjóna 2 lykkjur slétt saman í byrjun á hverri sléttri einingu = 80-84-88-92-96-100 lykkjur. Haldið áfram með stroff (= 2 lykkjur slétt, 2 lykkjur brugðið) þar til kraginn mælist 25 cm.

BERUSTYKKI:
Setjið nú 4 prjónamerki í stykkið eins og útskýrt er að neðan. Prjónamerkin merkja laskalykkjur og eru notuð þegar auka á út fyrir laskalínu. ATH: Prjónamerkin eru sett án þess að prjóna. Setjið 1 prjónamerki í byrjun á umferð (= í skiptinguna á milli bakstykkis og hægri ermi þegar flíkin er mátuð), teljið 8-10-10-12-12-14 lykkjur (= ermi), setjið 1 prjónamerki, teljið 32-32-34-34-36-36 lykkjur (= framstykki), setjið 1 prjónamerki, teljið 8-10-10-12-12-14 lykkjur (= ermi) og setjið 1 prjónamerki. Nú eru 32-32-34-34-36-36 lykkjur fram að fyrstu lykkju (= bakstykki). Setjið 1 prjónamerki mitt í framstykki. Berustykkið er nú mælt frá þessu prjónamerki.
Skiptið yfir á hringprjón 6 og prjónið næstu umferð þannig: Prjónið 1 lykkju slétt (= hálf laskalína), sláið 1 sinni uppá prjóninn (= útaukning), prjónið 6-8-8-10-10-12 lykkjur slétt (= ermi), sláið 1 sinni uppá prjóninn (= útaukning), prjónið 2 lykkjur sléttprjón (= laskalína), sláið 1 sinni uppá prjóninn (= útaukning), prjónið A.1a yfir næstu lykkju, byrjið á umferð merktri í þinni stærð, prjónið A.2a yfir næstu 28-28-30-30-32-32 lykkjur og prjónið A.3a yfir næstu lykkju (= framstykki), sláið 1 sinni uppá prjóninn (= útaukning), prjónið 2 lykkjur (= laskalína), sláið 1 sinni uppá prjóninn (= útaukning), prjónið 6-8-8-10-10-12 lykkjur slétt (= ermi), sláið 1 sinni uppá prjóninn (= útaukning), prjónið 2 lykkjur slétt (= laskalína), sláið 1 sinni uppá prjóninn (= útaukning), prjónið A.1a yfir næstu lykkju, byrjið í umferð merktri í þinni stærð og prjónið A.2a yfir næstu 28-28-30-30-32-32 lykkjur, prjónið A.3a yfir næstu lykkju (= bakstykki), sláið 1 sinni uppá prjóninn (= útaukning) og endið með 1 lykkju slétt (= hálf laskalína). Fyrsta útaukning fyrir LASKALÍNA – sjá útskýringu að ofan, er nú lokið.
Haldið áfram með MYNSTUR svona – sjá útskýringu að ofan. JAFNFRAMT heldur útaukning áfram fyrir laskalínu hvoru megin við hverja laskalínu í annarri hverri umferð alls 16-19-21-22-24-25 sinnum (meðtalin útaukning sem er útskýrð í fyrstu umferð) – nýjar lykkjur á framstykki og bakstykki eru prjónaðar jafnóðum inn í mynstur eins og útskýrt er í A.1a og A.3a.
Á ermum eru nýjar lykkjur prjónaðar í sléttprjóni. Þær 20-20-20-20 24-24 umferðir í A.2a eru endurteknar á hæðina til loka. ATHUGIÐ PRJÓNFESTUNA!
Þegar öll útaukning hefur verið gerð til loka eru 208-236-256-268-288-300 lykkjur í umferð.
Haldið áfram með mynstur eins og áður en án útaukninga fyrir laskalínu þar til stykkið mælist 22-24-26-28-30-32 cm frá þar sem prjónamerki var sett á framstykki, þ.e.a.s. yfir miðju 52-52-54-54-62-62 lykkjur á framstykki og bakstykki er prjónað þannig: Prjónið A.1b yfir síðustu 12-12-12-12-15-15 lykkjur í A.1a (byrjið á umferð merktri með ör í þinni stærð), haldið áfram með A.2b eins og áður yfir næstu 28-28-30-30-32-32 lykkjur og prjónið A.3b yfir fyrstu 12-12-12-12-15-15 lykkjur í A.3a (byrjið á umferð merktri með ör í þinni stærð). Þær lykkjur sem eftir eru, eru prjónaðar í sléttprjóni.
Þegar stykkið mælist 22-24-26-28-30-32 cm frá þar sem prjónamerki var sett á framstykki skiptist stykkið fyrir fram- og bakstykki og ermar, þ.e.a.s. næsta umferð er prjónuð þannig:
Prjónið fyrstu 1-1-1-2-3-5 lykkjur (= á bakstykki), setjið næstu 38-46-50-52-54-54 lykkjur á þráð fyrir ermi, fitjið upp 8-8-8-10-10-12 nýjar lykkjur á prjóninn (= í hlið undir ermi), prjónið sléttprjón og mynstur eins og áður yfir næstu 66-72-78-82-90-96 lykkjur (= framstykki), setjið næstu 38-46-50-52-54-54 lykkjur á þráð fyrir ermi, fitjið upp 8-8-8-10-10-12 nýjar lykkjur á prjóninn og prjónið sléttprjón og mynstur eins og áður yfir þær 65-71-77-80-87-91 lykkjur sem eftir eru (= á bakstykki). Fram- og bakstykki og ermar er nú prjónað hvort fyrir sig. HÉÐAN ER NÚ MÆLT!

FRAM- OG BAKSTYKKI:
= 148-160-172-184-200-216 lykkjur. Prjónið að miðju í 8-8-8-10-10-12 lykkjum sem fitjaðar voru upp undir ermi. Nú byrjar umferðin hér og fyrsta umferðin er prjónuð þannig: Prjónið 11-14-16-19-19-23 lykkjur sléttprjón, haldið áfram með mynstur A.1b, A.2a og A.3b eins og áður yfir næstu 52-52-54-54-62-62 lykkjur, prjónið 22-28-32-38-38-46 lykkjur sléttprjón (= í hlið), haldið áfram með mynstur A.1b, A.2a og A.3b eins og áður yfir næstu 52-52-54-54-62-62 lykkjur og endið með 11-14-16-19-19-23 lykkjur sléttprjón. Haldið svona áfram. Prjónið þar til fram- og bakstykki mælist ca 34 cm frá skiptingu – endið eftir heila mynstureiningu á hæðina (ef ekki hefur verið náð þessu máli, prjónið sléttar lykkjur yfir sléttar lykkjur og brugðnar lykkjur yfir brugðnar lykkjur að réttu máli).
Skiptið yfir á hringprjón 5. Prjónið 11-14-16-19-19-23 lykkjur sléttprjón og jafnið jafnframt lykkjufjöldanum út til 9-15-15-21-21-21 lykkjur – sjá ÚRTAKA/ÚTAUKNING, prjónið A.1c yfir A.1b (= 12-12-12-12-15-15 lykkjur), prjónið A.2b yfir A.2a (= 28-28-30-30-32-32 lykkjur), prjónið A.3c yfir A.3b (= 12-12-12-12-15-15 lykkjur), prjónið 22-28-32-38-38-46 lykkjur sléttprjón og jafnið jafnframt lykkjufjöldanum út til 21-27-33-39-39-45 lykkjur, prjónið A.1c yfir A.1b (= 12-12-12-12-15-15 lykkjur), prjónið A.2b yfir A.2a (= 28-28-30-30-32-32 lykkjur), prjónið A.3c yfir A.3b (= 12-12-12-12-15-15 lykkjur), prjónið 11-14-16-19-19-23 lykkjur sléttprjón og jafnið jafnframt lykkjufjöldanum út til 12-12-18-18-18-24 lykkjur.
Prjónið síðan stroff, þ.e.a.s. haldið áfram með A.1c, A.2b og A.3c eins og áður, þær lykkjur sem eftir eru, eru prjónaðar í stroffi (= 3 lykkjur slétt, 3 lykkjur brugðið) – byrjið með sléttar lykkjur (bæði í byrjun á umferð og eftir A.3c). Haldið svona áfram þar til stroffið mælist 6 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturin verði stífur, er hægt að fella af með hringprjón 6. Peysan mælist ca 66-68-70-72-74-76 cm frá öxl og niður.

ERMI:
Setjið 38-46-50-52-54-54 lykkjur af þræði í annarri hlið á stykki á stuttan hringprjón/sokkaprjóna 6 og prjónið að auki upp 1 lykkju í hverja af 8-8-8-10-10-12 lykkjum sem fitjaðar voru upp undir ermi = 46-54-58-62-64-66 lykkjur. Setjið 1 prjónamerki mitt í 8-8-8-10-10-12 lykkjur undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Prjónið sléttprjón hringinn. Þegar ermin mælist 2 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 2-1½-1½-1-1-1 cm millibili alls 8-10-11-11-11-11 sinnum = 30-34-36-40-42-44 lykkjur. Þegar ermin mælist 20-19-19-17-16-15 cm frá skiptingu, aukið út um 2-2-4-0-2-4 lykkjur jafnt yfir = 32-36-40-40-44-48 lykkjur. Skiptið yfir á sokkaprjón 5. Prjónið stroff hringinn (= 2 lykkjur slétt, 2 lykkjur brugðið) þar til ermin mælist 43-42-41-39-37-36 cm (mátið e.t.v. peysuna og prjónið að óskaðri lengd). ATH: Það er styttra mál í stærri stærðum vegna víðari hálsmáls og lengra berustykkis. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur, er hægt að fella af með hringprjón 6.
Prjónið hina ermina á sama hátt.

Mynstur

symbols = slétt lykkja
symbols = brugðin lykkja
symbols = setjið 3 lykkjur á kaðlaprjón framan við stykkið, prjónið 1 lykkju slétt, prjónið 3 lykkjur slétt af kaðlaprjóni
symbols = setjið 1 lykkju á kaðlaprjón aftan við stykkið, prjónið 3 lykkjur slétt, prjónið 1 lykkju slétt af kaðlaprjóni
symbols = setjið 4 lykkjur á kaðlaprjón framan við stykkið, prjónið 1 lykkju brugðið, prjónið 4 lykkjur slétt af kaðlaprjóni
symbols = setjið 1 lykkju á kaðlaprjón aftan við stykkið, prjónið 4 lykkjur slétt, prjónið 1 lykkju brugðið af kaðlaprjóni
symbols = setjið 4 lykkjur á kaðlaprjón aftan við stykkið, prjónið 4 lykkjur slétt, prjónið 4 lykkjur slétt af kaðlaprjóni
symbols = setjið 4 lykkjur á kaðlaprjón framan við stykkið, prjónið 4 lykkjur slétt, prjónið 4 lykkjur slétt af kaðlaprjóni
symbols = Kúla: Aukið út um 3 lykkjur með því að prjóna 1 lykkju slétt framan í og aftan í sömu lykkju þar til komnar eru 4 lykkjur, prjónið 4 umferðir sléttprjón fram og til baka yfir þessar 4 lykkjur, lyftið síðan annarri lykkjunni á hægri prjóni yfir fyrstu lykkju, lyftið þriðju lykkjunni yfir fyrstu lykkju og lyftið að lokum fjórðu lykkjunni yfir fyrstu lykkju
symbols = setjið 4 lykkjur á kaðlaprjón framan við stykkið, prjónið 1 lykkju slétt, prjónið 4 lykkjur slétt af kaðlaprjóni
symbols = setjið 1 lykkju á kaðlaprjón aftan við stykkið, prjónið 4 lykkjur slétt, prjónið 1 lykkju slétt af kaðlaprjóni
symbols = setjið 5 lykkjur á kaðlaprjón framan við stykkið, prjónið 1 lykkju brugðið, prjónið 5 lykkjur slétt af kaðlaprjóni
symbols = setjið 1 lykkju á kaðlaprjón aftan við stykkið, prjónið 5 lykkjur slétt, prjónið 1 lykkju brugðið af kaðlaprjóni
symbols = setjið 5 lykkjur á kaðlaprjón framan við stykkið, prjónið 5 lykkjur slétt, prjónið 5 lykkjur slétt af kaðlaprjóni
symbols = setjið 5 lykkjur á kaðlaprjón framan við stykkið, prjónið 5 lykkjur slétt, prjónið 5 lykkjur slétt af kaðlaprjóni
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 205-13

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (7)

country flag Charlotte Hinger wrote:

Should the sweater, Blue Melody, be blocked? I've had wonderful results with this yarn and I extended the pattern into a dress.

22.09.2022 - 23:12

DROPS Design answered:

Dear Mrs Hinger, some knitters block some other never block, so that it might be a matter of personnal habits/taste - feel free to ask your DROP Store for their own tips or advices. Happy knitting!

23.09.2022 - 07:55

country flag Martine GIDON wrote:

Bonjour, je voulais savoir si les augmentations de chaque côté des raglans comprennent aussi les demi-raglans (je suis juste après le col). Merci.

22.02.2020 - 20:04

DROPS Design answered:

Bonjour Mme Gidon, vous devez augmenter pour le raglan 8 mailles à chaque tour d'augmentations, autrement dit, répétez les augmentations de la même façon: après la 1ère m du tour, de chaque côté des 2 m des raglans et avant la dernière m du tour. Bon tricot!

24.02.2020 - 08:37

country flag Agnieszka wrote:

Czy dobrze zrozumialam? Tył i przód tego swetra są identyczne?

25.12.2019 - 08:11

DROPS Design answered:

Witaj Agnieszko! Dokładnie tak, przód i tył są identyczne. Pozdrawiamy!

30.12.2019 - 00:36

country flag Maribo wrote:

Super řešení volného roláku, vypadá krásně měkce a pohodlně

15.10.2019 - 16:22

country flag Lesley wrote:

I think it looks lovely, and will probably knit this, I love the softness of melody

17.08.2019 - 01:41

country flag Ellis wrote:

To thick yarn and to big needles. quick knit for young beginners but I want more challenge and more elegance

09.06.2019 - 19:13

country flag Dianne wrote:

It reminds me of something you can cuddle into.

09.06.2019 - 02:05