DROPS Snow
DROPS Snow
100% Ull
frá 550.00 kr /50g
Þú færð garn sem þarf í að gera þetta mynstur frá 6600.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Leaf Play

Prjónuð peysa úr DROPS Snow eða DROPS Wish. Stykkið er prjónað ofan frá og niður með laskalínu og blaðamynstri Stærð S - XXXL.

DROPS 205-5
DROPS Design: Mynstur ee-665
Garnflokkur E eða C + C
-------------------------------------------------------

STÆRÐ:
S/M - L - XL - XXL - XXXL

EFNI:
DROPS SNOW frá Garnstudio (tilheyrir garnflokki E)
600-650-700-800-850 g litur 86, kopar

Eða notið:
DROPS WISH frá Garnstudio (tilheyrir garnflokki E)
450-500-500-600-650 g litur 11, tabasco

PRJÓNFESTA:
10 lykkjur á breidd og 14 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 9.
DROPS HRINGPRJÓNAR NR 9: Lengd 60 cm og 80 cm fyrir sléttprjón.
DROPS SOKKAPRJÓNAR NR 8.
DROPS HRINGPRJÓNAR NR 8: Lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Snow
DROPS Snow
100% Ull
frá 550.00 kr /50g
Þú færð garn sem þarf í að gera þetta mynstur frá 6600.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 46 lykkjur) og deilið lykkjum með fjölda útaukninga sem á að gera (t.d. 12) = 3,8.
Í þessu dæmi er aukið út með því að slá 1 sinni uppá prjóninn á eftir ca 4. hverja lykkju. Í næstu umferð er uppslátturinn prjónaður snúinn slétt svo ekki myndist gat.

MYNSTUR:
Sjá mynsturteikningu A.1 til A.4. Veldu mynsturteikningu fyrir þína stærð.
ATH: Í mynsturteikningu A.1 og A.2 er aukið út í blaðamynstri eins og útskýrt er í mynsturteikningu, fylgdu mynsturteikningunni vel. Í viðbót eru lykkjur sem auknar hafa verið út fyrir laskalínu teiknaðar inn í mynsturteikningu (sjálf útaukningin fyrir laskalínu er teiknuð inn).

LASKALÍNA:
Aukið út fyrir laskalínu í hverri skiptingu á milli framstykkis/bakstykkis og erma þannig: Aukið út á eftir/á undan lykkju með prjónamerki með því að slá 1 sinni uppá prjóninn (= 1 lykkja fleiri hvoru megin við lykkju með prjónamerki í og alls 8 lykkjur fleiri í umferð).
Í næstu umferð er uppslátturinn að framstykki og bakstykki prjónaður snúinn brugðinn svo að ekki myndist gat. Uppslátturinn að ermum er prjónaður snúinn slétt svo ekki myndist gat. Lykkjur með prjónamerki í (= laskalínu lykkjur) eru prjónaðar slétt í hverri umferð á öllu berustykkinu.

ÚRTAKA (á við um mitt undir ermum):
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Kantur í hálsi og berustykki er prjónað í hring á hringprjón, ofan frá og niður. Berustykkið skiptist síðan í fram- og bakstykki og ermar. Fram- og bakstykki er prjónað í hring á hringprjón, ofan frá og niður. Ermar eru prjónaðar í hring á sokkaprjóna, ofan frá og niður.

KANTUR Í HÁLSMÁLI:
Fitjið upp 46-48-50-52-54 lykkjur á stuttan hringprjón 8 með Snow eða Wish. Prjónið 1 umferð slétt. Prjónið síðan stroff hringinn (= 1 lykkja slétt, 1 lykkja brugðið) í 3 cm. Prjónið 1 umferð slétt þar sem aukið er út um 12-10-8-12-12 lykkjur jafnt yfir – sjá ÚTAUKNING = 58-58-58-64-66 lykkjur. Prjónið berustykki eins og útskýrt er að neðan.

BERUSTYKKI:
Setjið nú 4 prjónamerki í stykkið eins og útskýrt er að neðan. Prjónamerkin merkja laskalínuna og eru notuð þegar auka á út fyrir laskalínu. ATH: Prjónamerkin eru sett án þess að prjóna lykkjurnar.
Setjið 1 prjónamerki í fyrstu lykkju í umferð, teljið 6-6-6-7-8 lykkjur (= hægri ermi þegar flíkin er mátuð), setjið 1 prjónamerki í næstu lykkju, teljið 21-21-21-23-23 lykkjur (= framstykki), setjið 1 prjónamerki í næstu lykkju, teljið 6-6-6-7-8 lykkjur (= vinstri ermi þegar flíkin er mátuð) og setjið 1 prjónamerki í næstu lykkju. Nú eru 21-21-21-23-23 lykkjur á eftir síðasta prjónamerki á bakstykki. Setjið 1 prjónamerki mitt í framstykki. Berustykkið er nú mælt frá þessu prjónamerki.
Skiptið yfir á hringprjón 9 og prjónið næstu umferð þannig: Prjónið lykkju með prjónamerki í slétt (= laskalínu lykkja), Aukið út fyrir LASKALÍNU eftir þessa umferð – sjá útskýringu að ofan, prjónið sléttprjón yfir lykkjurnar á ermi, aukið út fyrir laskalínu hvoru megin við næstu laskalínu lykkju, prjónið A.1 yfir fyrstu 14-14-14-15-15 lykkjurnar á framstykki, prjónið A.2 yfir 7-7-7-8-8 lykkjur á framstykki, aukið út fyrir laskalínu hvoru megin við næstu laskalínu, prjónið sléttprjón yfir lykkjur á ermi, aukið út fyrir laskalínu hvoru megin við laskalínu lykkju, prjónið A.1 yfir fyrstu 14-14-14-15-15 lykkjur á bakstykki, prjónið A.2 yfir 7-7-7-8-8 lykkjur á bakstykki og aukið út fyrir laskalínu á undan laskalínu lykkju.
Haldið áfram með MYNSTUR svona – sjá útskýringu að ofan. JAFNFRAMT heldur útaukningin áfram fyrir laskalínu hvoru megin við 4 laskalínu lykkjurnar í annarri hverri umferð alls 9-11-11-14-14 s (meðtalin útaukning sem er útskýrð í fyrstu umferð) – nýjar lykkjur á framstykki og bakstykki eru prjónaðar jafnóðum inn í mynstur eins og sýnt er í A.1 og A.2
Á ermum eru prjónaðar nýjar lykkjur í sléttprjóni. ATHUGIÐ PRJÓNFESTUNA!
Eftir allar útaukningar fyrir laskalínu eru 154-170-170-204-206 lykkjur í umferð. Haldið áfram með mynstur eins og útskýrt er í mynsturteikningu, án útaukninga fyrir laskalínu. Þegar síðasta umferð í A.1 og A.2 er eftir, mælist stykkið ca 20-23-23-26-26 cm frá þar sem prjónamerki var sett í framstykki.
Nú skiptist stykkið fyrir fram- og bakstykki og ermar, þ.e.a.s. næsta umferð er prjónuð þannig: Setjið fyrstu 26-30-30-37-38 lykkjur á þráð fyrir ermi (þ.e.a.s. 1. og 2. laskalínu lykkja + 24-28-28-35-36 lykkjur á milli þessa 2 laskalínu lykkja), fitjið upp 4-4-8-4-8 nýjar lykkjur á prjóninn (= í hlið undir ermi), prjónið síðustu umferð í A.1 og A.2 yfir 51-55-55-65-65 lykkjur á framstykki, setjið næstu 26-30-30-37-38 lykkjur á þráð fyrir ermi (þ.e.a.s. 3. og 4. laskalínu lykkju + 24-28-28-35-36 lykkjur á milli þessa 2 laskalínu lykkja), fitjið upp 4-4-8-4-8 nýjar lykkjur á prjóninn (= í hlið undir ermi) og prjónið síðustu umferð í A.1 og A.2 yfir 51-55-55-65-65 lykkjur á bakstykki. Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 110-118-126-138-146 lykkjur. Prjónið að miðju á 4-4-8-4-8 lykkjum sem fitjaðar voru upp undir ermi. Umferðin byrjar nú hér og fyrsta umferð er prjónuð þannig: Prjónið 2-2-4-2-4 lykkjur brugðið, prjónið A.3 yfir næstu 29-33-33-37-37 lykkjur, prjónið A.4 yfir næstu 22-22-22-28-28 lykkjur, prjónið 4-4-8-4-8 lykkjur brugðið (= í hlið), prjónið A.3 yfir næstu 29-33-33-37-37 lykkjur, prjónið A.4 yfir næstu 22-22-22-28-28 lykkjur og endið með 2-2-4-2-4 lykkjur brugðið.
Haldið svona áfram með mynstur.
Þegar A.3 og A.4 hefur verið prjónað til loka á hæðina, prjónið brugðið yfir allar lykkjur. Prjónið þar til stykkið mælist 30-30-32-30-32 cm frá skiptingu (nú eru eftir ca 3 cm að loka máli, mátið e.t.v. peysuna og prjónið að óskaðri lengd).
Prjónið 1 umferð slétt yfir allar lykkjur. Skiptið yfir á hringprjón 8. Prjónið stroff hringinn (= 1 lykkja slétt, 1 lykkja brugðið) í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 57-60-62-64-66 cm frá öxl og niður.

ERMI:
Setjið 26-30-30-37-38 lykkjur af þræði í annarri hlið á stykki á sokkaprjóna 9 og prjónið að auki upp 1 lykkju í hverja af 4-4-8-4-8 lykkjum sem fitjaðar voru upp undir ermi = 30-34-38-41-46 lykkjur. Setjið 1 prjónamerki mitt í 4-4-8-4-8 lykkjur undir ermi og látið prjónamerkið fylgja með í stykkinu. Það á að nota það aðeins síðar þegar lykkjum er fækkað mitt undir ermi.
Prjónið sléttprjón hringinn – ATHUGIÐ PRJÓNFESTUNA! (það má ekki prjóna ermina of fasta). Þegar ermin mælist 4-4-3-3-3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 8-4-3-2-1½ cm millibili alls 2-3-4-5-7 sinnum = 26-28-30-31-32 lykkjur.
Þegar ermin mælist 16-16-16-15-15 cm frá skiptingu, aukið út um 4 lykkjur jafnt yfir í öllum stærðum = 30-32-34-35-36 lykkjur. Endurtakið útaukningu þegar ermin mælist 18-18-18-17-17 cm frá skiptingu = 34-36-38-39-40 lykkjur. Prjónið áfram þar til ermin mælist 37-35-35-33-33 cm frá skiptingu (nú eru eftir ca 5 cm að loka máli, mátið e.t.v. peysuna og prjónið að óskaðri lengd). ATH: Styttra mál í stærri stærðum vegna víðari hálsmáls og lengra berustykkis.
Prjónið 1 umferð slétt þar sem fækkað er um 0-0-0-1-0 lykkjur = 34-36-38-38-40 lykkjur. Skiptið yfir á sokkaprjóna 8. Prjónið stroff hringinn (= 1 lykkja slétt, 1 lykkja brugðið) í 5 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 42-40-40-38-38 cm frá skiptingu.
Prjónið hina ermina á sama hátt.

Mynstur

symbols = slétt
symbols = brugðið
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt (það eiga að myndast göt)
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn brugðið (það eiga ekki að myndast göt)
symbols = 2 lykkjur slétt saman
symbols = lyftið 1 lykkju af prjóni eins og prjóna eigi hana slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi hana slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = 2 lykkjur brugðið saman
diagram
diagram
diagram
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 205-5

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (16)

country flag Jamilah wrote:

Hallo, Wie sind denn dann die 154 Maschen auf Vorderteil, Rückteil, linker und rechter Ärmel aufgeteilt. Ich benutze eine andere Wolle und muss daher umrechnen. Ich bin mir nicht sicher wie oft und wie viel ich Raglanmaschen stricken muss um weiterhin die selben Maße zu behalten. Herzlichen Dank 😊

26.10.2023 - 05:43

DROPS Design answered:

Liebe Jamilah, es wird insgesamt 8 Maschen x 9 Mal (= 72 M) für den Raglan zugenommen aber in A.1 und A.2 werden Sie auch zusätzlichen Maschen zunehmen btw 5 M in beiden A.1 und 7 Maschen in beiden A.2; So haben Sie: 58 M + 72 + 5+7 + 5+7=154 Maschen. Viel Spaß beim stricken!

26.10.2023 - 07:20

country flag Jamilah wrote:

Hallo Wie kommt man auf 154 Maschen. Ich habe 58Maschen. Durch Raglan erste Runde sind es dann 66 Maschen. Wenn ich dies 9x wiederhole (9*8 =72) sind es nur 130 Maschen. Dankeschön 😊

25.10.2023 - 14:51

DROPS Design answered:

Liebe Jamilah, bei den Diagramme werden Sie nicht immer 1 Masche sondern manchmal 2 Maschen zunehmen (siehe 3., 5. 7...; Reihe in A.1 und A.2), so es werden nicht immer jeweils 8 Maschen zugenommen. Vie Spaß beim stricken!

25.10.2023 - 15:25

country flag Elisa wrote:

Buongiorno, vorrei sapere se esiste lo schema in italiano. Grazie

16.04.2020 - 14:10

DROPS Design answered:

Buongiorno Elisa. A questo link trova il testo in italiano. Buon lavoro!

16.04.2020 - 14:20

country flag Anna wrote:

Hello. Is it possible to replace the leaf pattern with simple stocking stitch on the back? Should the numbers of stitches be the same?

29.01.2020 - 09:28

DROPS Design answered:

Dear Anna, it's up to you to work lace pattern or stocking stitch/reversed stocking stitch on back piece - just remember to keep same tension as in pattern to get same measurement as in chart. Happy knitting!

29.01.2020 - 13:49

country flag Silke wrote:

Wie wird der Maschenmarkierer platziert? IN der Masche oder wie üblich zwischen den Maschen auf der Nadel?

19.01.2020 - 06:36

DROPS Design answered:

Liebe Silke, die Markierer bei der Passe werden in den Maschen platziert. Viel Spaß beim stricken!

20.01.2020 - 10:25

country flag Anette wrote:

Leaf Play by : Jeg er begyndt på denne model. str.s/m der skal være 58 m . men der skal sætte mærker i 6-21-6-21-6= 54. så hvad med de sidste masker. Hvad mønster ?

19.08.2019 - 11:16

DROPS Design answered:

Hej Anette. Du måste även räkna de maskor som du sätter merke i : 1+6+1+21+1+6+1+21=58 m. Lycka till!

19.08.2019 - 11:42

country flag Lesley Hooser wrote:

I think this would be nice in melody, soft and fluffy

17.08.2019 - 01:16

country flag Rosy wrote:

Jolis motifs sur le devant, très chaud sans doute

29.07.2019 - 08:49

country flag Raymonde wrote:

Automnal et tout-aller.

14.07.2019 - 00:17

country flag Samantha wrote:

Molto bello! Lo vorrei indossare

27.06.2019 - 23:59